حمامة السلام

الجزء الثاني عشر
هدوء الليل….ونسمة الهوا اللطيفة…..و صوت وردة الجزائرية
ما في احلى واروق من هيك جو وقعدة…..بس اوقات بترجعك لكتير ذكريات قديمة

فاتح اللاب توب وصافن بالشاشة وباله بالذكريات ووقت وصلو خبر طلاق نعمة
اللي تأخر سنين ما عرف يزعل عليها…والا يفرح انه بيوم ممكن تصير اله

صحي ع صوت تلفونو برن وانتبه انه رفيق عمره
فادي: شكلك عارف اني سرحان
– ومتل العادة طلعتك من دوامة الذكريات
فادي: هيك شي على كل حال شكلو قعدتي هون مطولة واحتمال توصل للاستقرار
– الامور متطورة الخبر معناه صح
فادي: اااخ يا سامر تصدق اول مرة بحمد الله ما الي اخوة مش عارف كيف هاين عليهم هاد الشي ورغم اني محامي بس ما بقدر استلمها لاني قريب الها ومتحير ومش عارف شو اعمل
سامر: اتركها عليّ
فادي: رح تعملها وتنزل
سامر: لا تنسى خالتي ام جابر ساعدتني بدون ما تعرف مين انا وخلتني اصحى ع حالي واسس شغلي رغم انه ولا بعمري شفتها او شافتني
فادي: طول عمرها متل الحمامة بتحاول تخلي الكل عايش بوئام وسلام بس للاسف اولادها ما بستاهلو

ما قدر يكمل حكيو لما سمع صراخ ابو نغم طالع وصوت بناته ومرتو اللي طلعت تركض وتطلب من حدا يساعدها

فادي: سامر برجع بحكي معك
رمى التلفون ونزل ركض ووقف على الدرج وقت شافها لاول مرة وام جابر ساندتها وقاعدة عم تبكي ووجهها مشوه من الضرب
كان بدو يقرب ويحاول يساعدها بس سعيد كان اسرع طلعو لبيته وسكر الباب وحاول يهديه

فادي: هاد مجنون كل هالسنين ولسى بتعامل معهم بالضرب
سعيد: اهدى يا فادي
فادي: كيف اهدى وانا شايف كيف وجهها تشوه ولك هاد شو بعمل بباقي بناته ليش لهلا ما حدا فيكم شكى لحماية الاسرة عنه ….بعد سعيد بدي انزل شوفها واطمن عليها

دفشو سعيد لجوا ومنعو نهائي يطلع من البيت وحكى الشي اللي بكل مرة بيطعنو
سعيد: بصفتك مين بدك تدخل حبيبها اللي ما قدر يوفي بوعدو الها ويكون معها …. والا اللي تركها يوم عرسها وشافها من بعيد بتنزف ….لترجع بعد شهر واحد لبيت اهلها …..اصحى ع حالك واوعك تتحرك من هون لانو وقتها انت رح تكون السبب بتشويه سمعتها اكتر بتدخلك ولا تنسى انك عزابي

رجع قعد محلو بهدوء عكس النار اللي جواتو وكل اللي بفكر فيه ….شو اللي صار وجبر ابو نغم يمد ايدو ع وردتو

معقول الظلم هاد معقول لسة في ناس بتعامل الانثى بالشكل المقرف

انتبه لتلفونو بيضوي وكانت رسالة من سامر بخبره فيها عن حجزه للرجعة وانه يبعتله عنوان البيت

ترك التلفون عالطاولة ودخل الغرفة وسكر الباب…..وسعيد ع قعدتو صافن كيف بيتحرك متل الالة اللي ما فيها روح
ترك البيت وطلع ولاقى ام جابر عالدرج اللي كانت عارفة وحاسة انه رح يشوفها بيوم ورح يحن

سعيد: رح ينجن يا خالتي
ام جابر: الله يسامحك ما كان لازم تنقلو الخبر
سعيد: ما توقعت يحبها هالسنين كلها ويرجع بس يعرف انها حرة كانت زلقة لسان
ام جابر: متل اخباري اللي كنت توصله يا فساد
سعيد: هلا هيك انا فساد الله يسامحك بس شو القصة وليش هيك ابو نغم تصرف النا شهر ما سمعنا صوت وفجاة بتحول
ام جابر: بس تصحى نعمة بفهم الاهم من هاد برضاي عليك لا تتركو وقلبو موجوع خليك مع صاحبك لوقت اقدر زبط امورهم هالاثنين
سعيد: انتي بتؤمري رح خبر سميرة وسعاد وارجع اقعد معو
ام جابر: مرضي من يومك رح فوت افهم من هالمسكينة شو صار وصالحها مع اخوها
________________________________________

ببيت ابو نغم كان قاعد بالغرفة ومسكر ع حاله الباب ولاول مرة من سنين ببكي…..
الجبل الصامد نهز وقت تزكر حكي اخته وفهمها لطلبه انه ببيعها ليخلص من همها شو وجعه هالحكي وشو جرحو الكلام اللي بعيد وبزيد راسه

لوصلت انه كسر المراي وما خلا شي بمحلو و بناته ومرته بيطلبو منه يفتح الباب وهو خايف يرجع يإذي بناته من جديد

ابو نغم: مو بايدي والله العظيم مو بايدي هي قطعة مني بس ما بقدر اسمع الحكي وما خاف عليكي…..
ياااا رب ارحمني وييسرلي امري …..ياااا رب خليها تسامحني انا ما كان قصدي اجرحها او دايقها ولو بكلمة

مسح دمعة وقعت من عينه وقام وفتح الباب وطلع وبناته مصدومين من منظره
نغم: بابا
ام نغم: وحد الله يا رجال مش هيك بتنحل
زهور: بابا احكي شي
اطلع فيهم نظرة انكسار وكمل طريقه لبرة البيت

والبنات محاوطين امهم بخوف وقلق من المصير المجول المجهول لعمتهم وردة فعل ابوهم

يتبع

error: