حمامة السلام
الجزء العشرين
طلع الكل من قاعة المحكمة
فادي وسامر كانو واقفين مع الباقي وقت قربت سيما عليهم
سيما: شكرا استاذ سامر انك ساعدتني لريح ضميري
وانت يا امي الحنونة اعذريني ازا بيوم قسيت عليكي بس كان ظرفي صعب………حضنتها ام جابر وكانت تهديها بس شافت دموعها
طلعت سيما برة المحكمة وكان اخوها بستناها
قررت انه الحياة ما لازم تمر وهي بين ايدين راشد وانها لازم تعيش ايامها صح….
اما بالمحكمة فبعد ما نطق القاضي الحكم
واثبات الاهلية والقاء القبض على المراقب وراشد وجابر بتهمة التآمر……..
رجع الكل عالحارة مبسوطين….ولقوها مزينة وسعيدة برجعتهم….اجتمعوا ببيت ام جابر
سميرة : ألف مبروك يا خالتي الحق يلي بالاخير ينتصر
ام نغم : اي والله الظلم عمره ما بدوم
ام جابر : ابو نغم
ابو نغم : نغم خالتي
ام جابر : عنجد شكرآ
ابو نغم : الشكر الك بوجودك بحياتنا
ام جابر : يعني خلص بمون عليك
ابو نغم : اكيد
ام جابر : انا بدي يعم الفرح الحارة وقدام اهلنا عم يتطلب منك ايد نعمة لابن اختي فادي و نغم لسامر شو رإيك
ابو نغم : والله يا خالتي مش عارف شو احكيلك
ام جابر : من اشوي كنت بموت
ابو نغم : انا وعدت حالي ما اعمل شي غصب عنهم نعمة ازا هي موافقة ما عندي مشكلة أما نغم لأ
ام جابر : ليه
ابو نغم : بدي اياها ترجع للدراسة ما بدي زوجها
نغم بس سمعت حكي ابوها ما عرفت تحس بفرحة او بغصة ….بعد كل هالسنين ابوها وافق انها ترجع تكمل دراسة
بس نظرة سامر اللي كان قاعد قبال المطبخ خلتها تتلبك
فادي ونعمة ما كانو احسن منها ..كل واحد داب بافكاره وبالامور اللي ممكن تصير الايام والسنين اللي مرقت والحب اللي كبر بينهم…..
بعد الهدوء فادي فجر قنبلة خلت قلب نعمة يوقع علارض
فادي: ابو نغم اسمحلي بكلمة مين حكالك انه انا وسامر ممكن نظلم نعمة ونغم ….يمكن ما الك وقت بتعرف سامر بس صدقني ما رح تلاقي احن منه عليها…ازا انت شايف انه احنا ما منستاهلهم فمنحكي الحمدلله نصيب وما قدرنا نكمله
ام جابر اطلعت فيه واطلعت بابو نغم اللي عز عليه كيف اخته تنرفضت قدامه وكان بدو يقوم ويطلع بس ابو جابر مسكه
ابو جابر: فادي ما حكى شي يزعلك اله سنين وهو بدو اختك ورايدها ومو راضي بغيرها….
وسامر الله يرضى عليه كان طمعان بنسبك واحنا طمعانين بهالنسب يا ابو نغم فكر منيح وردلنا خبرك وشو ما طلبت احنا كلنا حاضرين…..
انتهى اليوم وكل واحد رجع ع بيته وسامر وفادي كانو قاعدين مع ام جابر اللي ما سكتت من بعد حكي فادي
ام جابر: هاد اللي كان ناقصني يحكو عنا مو قد كلمتنا من ورا ولدنتك اللي عملتها
فادي: صبرت سنين وبصبر قدهم ع مرتين يا خالتي بس ما اشوف انسان حب ينكسر خاطرو بهالشكل
ام جابر: عشنا وشفنا فادي بحكي عن الحب ولكم انتو شو مفهمكم ….شوف التاني ساكت
سامر: خالتي بس تعبان شوي
__________________________________________
مرق اسبوعين والحال متل ما هو
سعيد كان قاعد مع ابو احمد وبتطلع ع ابو نغم اللي تعب فجاة ……
و وجه سامر كل مرة بلتقي فيها بنغم بالصدفة
والعشاق اللي كل ليلة بكابرو لحتى يقدرو يلتمو هو واللي بحبوهم سوا
سعيد: لا يا والله مهي نافعة معي
ابو احمد: شو في مالك!
سعيد: العمارة قلبت كئيبة واحد بحب بالعيون والتاني بحب من فوق الاسطوحكتير هيك….. انا رايح عالبيت ما الي خلق شوف الحزن هيك
وطبعا سعيد عمل اجتماع طارئ مع سعاد وسميرة اللي خطتو لمصيبة وهو صافن فيهم وبدعي ما توقع على روسهم
يتبع