حمامة السلام

الجزء السادس عشر

شو صعب تشوف الم بعيون الناس و ما تكون قادر تمحيه
والأصعب كسرة خاطر هالشخص من انسان هو متعلق فيه
كيف لو كان ابن تعبت وانت تربي فيه …وكبر واول واحد كبر عليه هو امو اللي اعتنت فيه سنين …

كل الحارة كانت واقفة عم تودع ام جابر وابو جابر وهم رايحين عالمحكمة الكل كان يتمنى يكون معهم ويشهدلهم بس طلب سامر منهم يتأنو لانو لو طلبو شهود رح ياخدو ابو نغم وسعيد ليشهدو معهم…

تحركو باتجاه المحكمة وهم كل واحد عايش بتفكيره
فادي اللي خايف ع خالتو وعمو اللي ساعدوه ليكمل دراسة بعد وفاة اهلو
سامر مشاعر الوفا اللي حركته لست عظيمة ضحت بكل شي لتشوف الكل حواليها سعيد ومشاعر القهر اللي كانت جواه لناس ما بتعرف شو يعني يكون لك ام واب عايشين
وام جابر وابو جابر اللي ساندين ع بعض وبحاولو يجبرو خواطرهم بدون ما يحسو بوجع على فراقهم
وصلو المحكمة والتقت العيون الاولاد ال 3 قدامهم اهلهم
اجا هشام يقرب منهم بس جابر منعه….. اطلع على اهله بحسرة وقهر هو رافض اللي بصير بس ضغط خوانه كان كتير صعب
دخلو وقعدو بمحلاتهم وبلشت المرافعة الاولى بين الاولاد والاهل

وقف محامي الادعاء وعرف عن نفسه وعمل سامر نفس الشي…..
طلب القاضي من محامي الادعاء يبلش مرافعته
الادعاء: سيادة القاضي
بعد العديد من المحاولات من الموكلين لاقناع ذويهم بالعدول عن تنفيذ بعض القرارات الجائرة بحقهم ومحاولة السيدة ام جابر الاعتداء على ابنائها واحفادها بالضرب
قام الاولاد باللجوء الى القضاء للتحقق من الصحة العقلية للسيدة ام جابر بعد ان رفضت رفضا قطعيا اللجوء لزيارة طبيب نفسي يقيم حالتها النفسية
اما بما يخص السيد ابو جابر فقد تم ارفاق بعض الادلة التي تدل على انه غير قادر نهائيا على الاعتماد على ذاته
واصابته بمرض الزهايمر الذي جعله ينسى انه قام بتوكيل السيد جابر والسيد راشد في التحكم بالأموال المنقولة وغير المنقولة المتعلقة به…..
وكمل حكي واتهامات وفادي نفسه يقوم يخنقهم وهو بشوف ام جابر بتداري دموعها
وابو جابر بتطلع بكسرة وايده حاطها ع قلبه

سامر كان ضابط اعصابه اكتر وكان خايف انه فادي يتهور بإي شكل خصوصا انه في اكتر من طريقة يحلو فيها هالمشكلة بدون عصبية او مشاكل

بعد ما انهى محامي الادعاء المرافعة قام سامر ليبلش حق الدفاع
سامر:يمكن ما بعرف انمق الحكي متل زميلي
بس…
سيادة القاضي من سنين طويلة واحنا منتعلم ومنتربى شو يعني بر الوالدين وشو عقوقهم وعقوبة هاد العقوق….
من سنين واحنا الكل بخوفنا من دمعة الام وقهر الاب
ما بالك بتنين ربو خمسة والسادس موجود قدامك محامي !!!!
معقول سيدة الكل بحترمها وبودها تتهم بانها غير قادرة على ضبط تصرفاتها بدليل بعض الاوراق اللي ممكن تكون مشبوهة
محامي الادعاء: اعتراض محامي الدفاع بتهمنا بتزوير اوراق رسمية موثقة من وزارة الصحة
القاضي: مقبول
سامر: معي حاليا اوراق تثبت عكس اللي موجود عندك بتحليل من طبيب معتمد من وزارة الصحة والمحكمة العليا …يا ريت سيادة القاضي يتطلع على الاوراق ويكون منصف بحق شخصين تعبو وربو وكبرو وباعو كل شي بملكوه ليشوفو اولادهم من احسن الناس

رجع سامر محله وبعينه لمعة انتصار ما حدا فاهم سببها
القاضي شاف الاوراق وكان بتفحصها والكل كان متوتر

القاضي: بعد الاطلاع على الادلة المقدمة من كلا الطرفين وقبل اصدار الحكم
سوف يتم ارسال اصدار لطبيب نفسي يقوم به بتحليل الحالة النفسية الخاصة بالمدعى عليهم والتحقق من السلامة النفسية والعقلية للطرفين
كما نوصي بارسال طرف محايد يقوم بتقييم تصرفات الطرفين خلال مدة اسبوع
ترفع الجلسة الى تاريخ 8 آب وبها يتم اصدار الحكم
رفعت الجلسة

تنهد سامر براحة واتطلع بفادي اللي صفن كيف مبتسم رغم انه الحكم تاجل
طلعو من المحكمة وهاشم كان بركض وراهم
هاشم: استنو شوي
وقفو سامر وفادي بوجهو ومنعوه يقرب اكتر
فادي: شو بدك!!!
هاشم: بدي احكي مع امي
فادي: ممنوع تحكي معهم او حتى تقرب عليهم
انا اصلا مصدوم فيك كيف قدرت تمشي وراهم.. كيف هان عليك اصلا فيهم هاي البهدلة بعد هالعمر ارجع لعند اخوانك خليهم يفيدوك

مسك ايد ام جابر ودخلها السيارة وسامر دخل ابو جابر وهم بيطلعو على هاشم كيف واقف بيطلع عليهم

وصلو الحارة ولاقو الكل بستناهم وبستنو خبر
سامر: معلش يا جماعة نترك عمي ابو جابر وخالتي ام جابر يرتاحو
ابو نغم: وجوهم تعبانة
فادي: الوضع صعب يا ابو نغم ادعولهم
تركوهم وطلعو لفوق كانو سعاد وسميرة وام نغم محضرين سفرة بس ما كان حدا الو نفس ياكل
قعدو يونسو ام جابر اللي ضلت ملامحها جامدة واجو بنات ابو نغم ونعمة وبس شافتهم ابتسمت
ام جابر: تعالوا يا غاليات انتو ضمتهم وضلت قاعدة بمحلها
وابو جابر من تعبو طلب من الكل يرتاح ودخل ينام
بس اللي عملو انو صلى وكان يدعي بصلاته
وعيونو بتحكي حكاية قهر بدموع بتحرق القلب

سامر وفادي كانو قاعدين سوا وبتناقشو
فادي: نفسي افهم كيف هالقد واثق انه ما رح يرشو الزلمة
سامر: اهدى ورح تعرف ليش مبتسم بالوقت المناسب وازا رشو بملايين مش رح يقدرو نهائيا انهم يفوزو وفي اصوات بتنادي عالحق
فادي: اللي قاهرني جد اديه واثق من حالك ومن حكيك
سامر: اترك الموضوع هلا ع جنب اهل الحارة ما رح يتركوهم ورح نطلب سعيد وابو نغم للشهادة
فادي: هدول بضمنهم بس ابو احمد هاد مخوفني
سامر: لا تخاف اساسآ لغيت شهادة أبو احمد
فادي : ليه
سامر : اشوي و بتعرف بس بتعرف شي انا لهلا ما بنسى عيون بنتو لابو نغم شو بشلو
فادي: اي بنت فيهم
سامر: ما بعرف بس شو هالجمال من القليلة علقت بعمتهم بهالشكل والا العيون يا ويلي لهلا ما طلعو من بالي
فادي: لا انت جد صاير قليل ادب شكلو ناوي ارجع احكي لسعاد وسميرة يفلتو عليك

وهم بتناقرو رن جرس الباب وراح فادي ليفتح وانصدم من الشخص اللي زارهم اتطلع على سامر المبتسم
سامر: كنت عارف ما رح توقفي مع الباطل ولو كان الموضوع في ضرر عليكي

مين هاي يلي كان تكون ضد الباطل و توقف مع الحق راح نعرف اكيد

error: