حمامة السلام
الجزء الرابع عشر
(( ما بين بحر وسماء ))
عيناك بحر ….وأنا ذاك الغريق …..عيناك السماء ….وأنا أجيد التحليق ….وما بين بحر وسماء ……أحلام ليتني من رؤاها لا أستفيق
عيناك ليل …..وأنا الهائمة في الظلام السحيق ….إلى عينيك أبحرت سفني ….منذ عام.. بل عامين ..لا أدري.. ربما منذ زمن عتيق …..دع مراكبي ترسو ….على شاطئ عينيك العقيق….لأعلن منهما مولدي …..مع كل اشراقة …سأتوسد الجمال الرقيق ….وأغفو على حلم ..بأنك لي وحدي يا أملاً
وأدعو ربي منه لا أستفيق
شو عم يصير معي ليه بضل شوف عيونه بكل مكان
معقول هذا الحب هههههه بس يا بنت شخص ما شفت منه إلا عيونه ويكون حب اكيد مو معقول بس ليه انا مبسوطة كتير
تغير كبير صار بحياة نغم صارت تغني وتسمع اغاني
صارت مثل كل صبية يلي بتحلم بالشب يلي بدو يغير حياتها و ياخذها على حصان ابيض
دايمآ شاردة وعمتحلم بصاحب العيون يلي سحروها من نظرة
نعمة: مالك نغم شو عمصير معك طول الوقت شاردة
نغم: ولا شي
نعمة: عمتخبي ع عمتك
نغم :عمتي ممكن اسألك سؤال
نعمة : اكيد يا عمري
نغم : انتي حبيت وقت تزوجتي ولا قبل
نعمة : شو هالحكي وليك فصعونة
نغم :عمتي انا مو صغيرة بدي اعرف كانو رفقاتي بالمدرسة يحكو عن الحب وانو حبو ابن الجيران وانا كنت ما افهم كلامهم كرمال الله احكيلي
نعمة: شو بدي احكيلك الحب شي كتير حلو …لما تحبي حدا من قلبك بتحسي حالك بعالم تاني….وقت تشوفيه عمضحك بيضحك قلبك معو بتحسي انو الوقت وقف وما في حدا معك بهالكون….. وما عاد بتشوفي حدا غيرو احساس لايمكن ينوصف بكلمات
نغم: عنجد عمتي هيك الحب
فاقت نعمة من احلامها وصحت ع حالها لك نغم قومي ع المطبخ هلق بجي ابوكي
نغم: اوف حاضر
المسا طلعت نغم تفوت الغسيل من ع البرندة وشافت حدا نازل من السيارة وقف بباب البناية وصار يتطلع عليها
نغم( يالله نفس العيون بس ماعمقدر شوفه من العتمة مين هالشب وليه عم يتطلع لهون)
خجلت نغم ودخلت ع البيت وصارت ترقص وتغني
ام نغم: مالك بنتي شو سر هالسعادة
نغم: ولا شي ما بتحبي كون فرحانة
ام نغم : مابتمنى شي من هالدنيا غير شوفك مبسوطة انتي وخواتك
صارت نغم تنطر كل يوم المسا لتشوف صاحب هالعيون وتعرف مين هو ….وبنت احلام كبيرة بعقلها عنه
اما نعمة بعد ماحكت مع نغم عن الحب انفتح جرح بقلبها
وحب كبير راح وراحت معه كل احلامها
تاني يوم المسا صارت نغم كل شوي تتطلع بالسرقة ع البرندة وتشوف اذا اجا الشب
وفعلا طلعت لقتو واقف وعم يتطلع ع شباك بيتهم ووقت شافها صار يطلع عليها
فادي(معقول هاي نعمة اكيد حست بوجودي وطلعت كيف بدي اعرف اذا هي)
نغم( يا ربي شو قصته هالشب ومين هو وليه عموقف كل يوم هون….طيب هون ساكن بالعمارة و لا بالحارة)
بس يا رب يكون متل ماعم فكر ويكون واقف كرمالي
عمحس متل ماقالت عمتي مبسوطة كتير وقلبي عمدق كتير عمحس بدقاتو احساس كتير حلووو……معقول عيش قصة حب متل ماكانو يحكو رفقاتي ….. ييييي بس والله بابا بموتني اذا عرف اني عم اطلع ع البرندة كرمال شوف شب …….اصحي نغم ع حالك وبكفي تحلمي
نعمة: لا هيك كتير عمتحكي مع حالك شو جنيتي
نغم :نقزتيني عمتي
نعمة :هاتي لشوف بشو عمتحلمي
نغم: يعني سمعتيني
نعمة: انتي عمتحكي بصوت عالي
نغم: عمتو الحب حرام شي
نعمة شو قصتك عمتحكي عن الحب والله لو ما بعرف انك كل اليوم بالبيت لقول حابة حدا
نغم: لا مستحيل اساسآ مين بدي حب بس اسئلة وخطرت ع بالي
نعمة: عمتي الحب مانو حرام ابدا بس يكون حب صادق وكلشي يكون بالحلال
نغم :عمتو انتي حبيتي زوجك
نعمة: ليش انا لحقت حبو ولا اتعرف عليه ما عشت معو غير شهر اخ ياعمتي انا ماشفت بحياتي غير العذاب
ويمكن بسببي ابوكي صعب كتير ومن خوفو عليكم قاسي
نغم: ليش شو عملتي عمتو
نعمة: ماعملت شي بس اترملت ع بكير ورجعت بعد شهر من زواجي وصرت هم بالنسبة لابوكي
نغم :لاتحكي هيك عمتو انتي احلا شي بهالبيت
نعمة: عمتو بس لساتك صغيرة بعدين بتعرفي كلشي
نغم :متل مابدك عمتو خلينا نرجع نحكي عن الحب
نعمة :هههههه وليك فصعونة شايفة عجبك الحكي روحي نامي تاخر الوقت
نغم:حاصر تصبحي ع خير
سندت راسها نعمة وشريط حياتها عمنعاد قدامها ودموع هربت من عيونها …..نغم غمضت عيونها وسمت الشب صاحب احلا عيون
امممممم طيب هلأ وبعدين معقول انخلي نغم اتحب فادي طيب و نعمة شو بدو يصير فيها تابعو بقية أحداث القصة وقت يجي هالضيف
________________________________________
ثاني يوم الصبح واخيرآ وصل سامر من السفر طبعآ ما خبر فادي انو اجى اليوم حب يعملها مفاجأة
وصل على العمارة بس كان ناسي اي طابق قرر يشوف الطابق الاول ورن الجرس
فتحت نغم الباب
نغم : اتفضل
سامر : ……….
نغم : مالك يا اخي
سامر: هو احنا لسى على الأرض ولا بالجنة
نغم : نعم ما افهمت قصدك
سامر: اول مره بشوف حورية على الأرض
نغم : العمى بقلبك و سكرت نغم الباب و فاتت وهي عم تبتسم من كلامها
أما يأمر يلي ضل واقف فاتح تمه مو مصدق انو في هيك جمال
احداث جديد و اسرار راح تنكشف …. حب قديم ….وحب جديد
يتبع