حمامة السلام

الجزء التاسع عشر
نرجع للمحكمة لنعرف شو سامر راح يعمل ومين هالشاهدة يلي متأكد انو حل القضية معاها……

خلص محامي الادعاء مرافعته وهو ضامن انو يكسب هالقضية وخصوصي مع تقرير المراقب يلي كان بصفهم

وقف سامر بكل ثقة وبلش مرافعته
سيدي القاضي أمامكم اسماء الشهود بتمنى ابلش المرافعة معاهم….. و راح ابلش بأبو نغم
القاضي: راح انبلش مع أول شاهد

ابو نغم : سيدي القاضي انا معروف عني بالحارة انو كل خلفتي بنات ربنا ما طعمني صبي و الشي كان يعملي عقدة نفسية و يخليلي أضل أقسى على بناتي
بتدخل محامي الادعاء : انا اعترض سيدي القاضي كلام هذا الشاهد مضيعة للوقت وما إله دخل بالقضية
القاضي :اعتراض مرفوض كمل
ابو نغم :كنت خاف على بناتي من كل شي حوالي ويلي زاد هالشي انو اختي اترملت بعد شهر من زواجها
(غص فادي بس سمع الكلام بخص نعمة وحس بالندم انو تكرها وسافر )
كمل ابو نغم كلامه كنت حارم بناتي من أبسط حقوقهم وهو التعليم وحتى الطلعة من البيت ممنوعة و ازا صدف و طلع حدا منهم لازم يكون في قتلة بعد هالمشوار ……
كانت خالتي ام جابر اتبهدلني وتوقف ضدي واتضل تحكيلي عندك بنات بسو كل رجال الدنيا….. وكثير مواقف لدرجة مره حكتلي ازا عاد ضربت بناتك راح اجيبلك الشرطة يومها بهدلتها وطلعت مكسورة من عندي ……
بس مع كل هالشي ما هان عليها اختي لما ضربتها اخذتها لعندها بيومها حكتلي كلام بعمري ما بنساه(يلي بزرع بحصد يا ابو نغم انت زرعت الاخلاق والحنية بيبناتك و صدقني بكبرتك ما حدا راح يشيلك غيرهم… انا زرعت بس للاسف الارض يلي زرعتها ما كانت صالحة للزراعة ومع هالشي ربيت و اتعبت كرمال جيب اولاد عاقين …. داري بناتك و اختك جوا رمش عيونك )
كان معاها حق بكل كلمة صرت اتذكر خوف اهل بيتي لما اتأخر بالشغل وقت بكون الجو شتى و ارجع القي عمي ابو جابر نازل يجيب اغراض لبيته ويرفض اني اروح مكانه …. مواقف كثير بحتاجو فيها يكون شي عندهم بس ما كان ولا ولد يطل عليهم ….سيدي القاضي اخر شي ممكن احكي
ه ازا في حدا لازم يتعاقب هو هدول الاولاد على عقوقهم

القاضي : استراحة عشر دقائق و بنرجع للمرافعة

طلع ابو نغم من باب القاعة وهو حاسس حاله انولد من جديد و وعد نفسه يرجع بناته للدراسة و ما يحرمهم من شي
ام جابر وأبو جابر يلي شكروه على موقفه
شربو قهوة و حضرو حالهم للشاهد الثاني
فادي : لك سامر قبل ما ندخل انا والله خايف
سامر : فوت وانت ساكت خلصنا بعد المحاكمة عنا طلبة بنات ولا ما بدك تتزوج حضرتك
فادي: لك كيف اكيد بدي

نادوا على الشاهد الثاني
بلش سعيد كلامه سيدي القاضي انا وحيد اهلي هالشي كان بخليني المميز بكل شي بس ما كنت اعرف بس اكبر هالشي راح يضرني و خصوصي وقت بدي اتزوج اتخانقو اهلي لمين لازم ارتبط بنت عمي ولا بنت خالي … انا كنت واقع بالنص مو عارف اخذ قرار أو ممنوع اخذ قرار …..
بالاخير اتفقوا انو اتزوج بنت عمي و بعد خمس سنين اتزوج بنت خالتي وهاد يلي صار ….. من بعد زواجي الثاني بخمس سنين وانا عايش بجحيم …. لأ نومه ولا أكلة ولا لبسولا اي شي غير المشاكل برا و جوا ما حدا بقدر يضلح حياتي الا خالتي ام جابر ضلت ورا نسواني اوقات اتشد عليهم و اوقات تأخذهم تحت جناحها …. سيدي القاضي انا ما بعرف احكي كثير كل يلي بدي احكيه انو يلي بتقدر انصلح بيت فيه ضراير و يصيرو يحبو بعض هاي ابدآ مو فاقده الأهلية …. هي ازا دخلت بحياتها انو رضيت تعطي لأولادها حقهم وهو مش حقهم على حياة عينها …… و شكرآ سيدي القاضي

القاضي: ضل حدا من الشهود
سامر: شاهد واحد بس

التفت الكل للباب اللي دخلت منه صبية….الكل بيطلع باستغراب وراشد صافن فيها
كانت تمشي بقوة وثبات لوصلة منصة الشهود
وجابر وراشد كان فيهم عقل وطار
قام راشد من مكانه بدو يقرب منها بس منعو جابر
راشد: شو جاي تعملي هون!!!! هلا بتنزلي وبتنقعلي عالبيت شو سمعتي….
عملت حالها ما سمعت شي وركزت مع القاضي والكاتب اللي حلفها على شهادة الحق
قام سامر من مكانه وتوجه لالها باسئلتو
سامر: مدام سيما ممكن تحكيلنا شو صلة القرابة بينك وبين السيد ابو جابر وحرمه
سيما: اهل جوزي
سامر: ممكن توضحي السبب اللي خلاكي تجي تشهدي لصالحهم
سيما: كلمة حق بدها تطلع وضميري يلي الكل كان يفكروه مات …..انا الي سنين عايشة بذل وقهر مع راشد ولا مرة حسسني انه انا شي مهم اله
بس لما وصلت لطريقة تفكيره الخبيثة وانه يمسك اوراق وسندات ليإذي هاشم ازا بوقف ضدهم
معناها اكيد ممكن يإذيني او حتى ما بستبعد يقتلني
سامر: ممكن توضحي اكتر

طالت من شنتتها 3 مغلفات وقدمتهم للقاضي
سيما: المغلف الاول فيه اوراق وسندات وكمبيالات باسم هاشم واللي كانو ماخدينها لحتى ما يوقف بوجههم
_المغلف التاني في صور بتوضح ان المراقب اللي انبعت قبض رشوة جوا بيتي لحتى يغير بالتقرير
_واخر مغلف في مجموعة تسجيلات صوت وصور عن عقود واتفاقيات بين جابر وراشد ومعظمها صفقات خسرت
واخر حكي كان بينهم وقت خسرو المحل وما ضل شي يبيعو الا بيت حماي….وبعد ما رفضت حماتي تساعدهم رفعو القضية بس…….
سكتت وما عرفت تكمل حكي كانت بتطلع بوجه حماتها اللي كانت تأشرلها ما تحكي شي عن الموضوع بس نظرة تانية لسامر خلتها تتشجع
سيما: اللي ما بيعرفو انه كل هاي الاوراق ما الها اي اهمية لانو عمي ابو جابر سد كل الديون القديمة

مع الصدمة والبلبلة اللي صارت وملامح الصدمة ع وجوهم قرر القاضي ياخدو استراحة……
يتبع