حمامة السلام

الجزء السابع عشر

بعد ما عرف فادي شو هو مخطط سامر ارتاح اشوي بس ضل باله انو كيف راح تتحمل خالته رجال يراقب كل تصرفاتها …… خصوصي انو المراقب على وصول

واخيرآ وصل المراقب و دخل على بيت ام جابر يلي اندهش من ديكور البيت …. حس براحة داخل هالبيت و حس بالذنب (لقدام راح تعرفو ليه )
ام جابر : اول شي شو اسمك
المراقب : اسمي موسى
ام جابر : اسمعني مليح يا ابني انا بحب اعيش براحتي كرمال هيك انا راح اعتبرك ضيف عنا غير هيك من هلأ روح اعمل تقريرك
موسى: مثل ما بدك انا بهمني تكوني على طبيعتك
ام جابر : لعاد.اتفقنا

العصر كل من هو مشغول بحياته ….ناس عايشة بتفكر بمصاريف الاولاد…. وناس بتفكر شو تطبخ بكرة ….أما في ناس عم يسترجع ذكريات عمرها ما راحت من باله
نعمة: بابا ناوي ينزوجني لقريب النا
فادي: اسمعت بالخبر وانتي شو رإيك
نعمة : انت عارف اديه بحبك بس انا ما بقدر اوقف بوجه بابا
فادي: المشكلة انا ما فيني اتقدم الك وانا لسى بتدرس
نعمة : ………
فادي : انا بحبك و ما بقدر اتخيل حياتي من دونك
نعمة : ولا انا

رجع لواقعه وهو عم يلوم حاله انو ما كان قد هالحب كان لازم ما سافر…
انا لازم صلح كل شي لازم رجع نعمة الي بس لهلآ غريبة اني ما شفتها معقول ما بتعرف اني اجيت أو ما بدها اتشوفني…… طيب مين يلي بتكون عند الشباك انا لازم اشوفها ما الي الا سامر …. وينه هاد

طلع فادي لحتى يشوف سامر لقاه قاعد عم يسمع اغاني و بغني
وبحبك والله بحبك والله والله والله بحبك قد العيون السود بحبك….وانت عارف منته عارف قد ايه كثيرة و جميلة العيون السود في بلدنا يا حبيبي
فادي : الله الله شو يا حبيبي جاي اتحل مشكلة انت و لا اتحب
سامر : بسم الله عليك مالك … يا رجل ما عم بتروح من بالي
فادي : يلي يخليك تحكي معاها
سامر : كيف
فادي : اسمع علي انت راح تستفيد و انا كمان
سامر : وانت كمان مش لله حابب تخدمني
فادي: شو قررت
سامر : ماشي عم اسمعك
فادي : بس بكون ابو نغم بالشغل انزل لعندهم على البيت واحكي مع نغم
سامر : شاطر والله بحجة شو
فادي : انت ناسي انك المحامي لقضية خالتي يعني محتاج معلومات و أدلة
سامر: اممممم بهاي معك حق عجبتني الفكرة بس شو المقابل
فادي: بدي اتوصل خبر مع نغم لنعمة انو فادي هون وراح يصلح كل شي ويعمل يلي كان لازم ينعمل من زمان
سامر : ماشي تكرم
فادي: يلا بسرعة قوم خمس دقائق و بروح على شغله
سامر: لك الدنيا بعد العصر
فادي: هاد الدوام الثاني

وفعلآ عمل سامر مثل ما حكاله فادي و نزل على بيت ابو نغم بس ما كانت نغم يلي فتحت كانت زهور
سامر: مرحبا
زهور: اهلين
سامر: ممكن اشوف الآنسة نغم
زهور : انسة و نغم و شو بدك فيها
سامر: بخصوص خالتي ام جابر
زهور : اي يلا
نغم : اتفضل … هاد انت
سامر: مر مر مرحبا
نغم : اهلين شو مالها خالتي ام جابر
سامر : شوفي اول شي انا شب مو طايش وكلامي انا مسؤول عنه
نغم : ما عم افهم عليك
سامر : اول شي في رسالة لعمتك نعمة
نغم : من مين
سامر : من فادي
نغم : مين فادي
سامر: ابن اختها لخالتي ام جابر
نغم : شو هي
سامر: احكيلها انو فادي رجع و راح يصلح كل شي
نغم : يصلح شو
سامر: هي بتخبرك
نغم : ثاني شي
سامر: انتي بتأمني بالحب من أول نظرة
نغم : ما بعرف شو هو الحب بالاول
سامر: راح تعرفبه معي بوعدك
نغم : نعم
(انوقف هون لثواني يعني معقول كل هاد يصير وما يكون في اشويت إثارة …. هلأ ابو نغم راح على الشغل بس كان ناسي المفاتيح بالبيت ورجع لحتى ياخذهم بشو راح يصير )
نغم : نعم ما افهمت عليك ……بابا
ابو نغم : شو عم بصير هون وانت شو واقف بتعمل هون انت اهلك ما ربوك
سامر: يا عمي بس افهم علي
نزل على صوتهم فادي وام جابر وموسى لحقهم كرمال يشوف ام جابر كيف راح تتصرف
سامر: يا فادي تعال احكي كلمة
نغم بس شافت فادي و ركزت بعيونه اتأكدت انو هو صاحب العيون يلي اعجبتهم فيهم بس اعرفت انو كان يوقف كرمال عمتها
نزلت ام جابر لاتحل المشكلة
ام جابر: وحد الله يا ابو نغم
ابو نغم : لك جاي من الشبابيك على بيوت العالم
ام جابر: لك يا ابو نغم بلكي هو جاي من الباب انت راح اتسكره بوجهه ما بعرفك هيك انا
ابو نغم فهم على ام جابر وهدا حاله اشوي

طلعت نعمة وام نغم عصوت ابو نغم اللي طالع
وقفت مكانها وهي بتطلع ع الشخص اللي واقف جمب اخوها….اولها ما صدقت عيونها …حركت راسها وغمضت عيونها ….كل فكرها انه حلم وبس تفتح عيونها رح يروح….
بس شافته بيتطلع عليها والنظرة القديمة اللي كانت تهيم فيها هي اللي مسيطرة عليها
انفصلو عن العالم وكانهم بعالم لحالهم……رغم صراخ ام جابر وابو نغم اللي ماسك سامر هم كانو بعالم تاني عالم مليان حب وعتب …شوق ووله
كان نفسه يقرب منها يضمها يقلها انت الي وانا كلي ملكك وبالجهة التانية كانت نغم عم تطلع عليهم وع لمعة عيونهم
فهمت وقتها شو يعني حب…..وانه النظرات اللي كانت تشوفها كانت لعمتها مو الها…. لاول مرة بتشوف الخجل كاسي وجه عمتها وكانها رجعت طفلة صغيرة….

دخلت نعمة لجوا وهي تركض والدمع بعيونها
ونغم ركزت ب سامر وهو بيبرر لابوها ..وابتسمت معقول اتحس بنفس مشاعر الحب….طلعت من صفنتها ع حكي ام جابر
ام جابر: حقك علي ابو نغم كل شي راح يتصلح و يكون مثل ما بدك
ابو نغم : بتموني انتي خالتي

ام جابر : اطلع من اله قدامي حسابكم عسير
موسى واقف عم يتفرج على حكمة ام جابر و حس للحظة انو غلط يلي راح يتصرفه بس هو مجبور

أما نعمة يلي دخلت على غرفتها وهي عم تبكي ….. دخلت لعندها نغم
نغم: عمتي
نعمة: اتركيني لحالي
نغم : تكرمي بس الك رسالة بالاول
نعمة: الي انا
نغم : من فادي
نعمة(بلهفة):فادي
نغم : قال هو رجع لحتى يصلح كل شي
نعمة : هو هيك حكالك
نغم : لأ سامر
نعمة : شو قصته سامر
نغم : معجب
نعمة : هاد يلي كنتي تسألي عن الحب كرماله
نغم : اه لأ قصدي اي هو

مشاعر جديدة انبنت و مشاعر قديمة شو لسى ضايل احداث