حمامة السلام

الجزء الخامس عشر
وتعلقت نظرة عينيك بشعاب قلبي ….تحييه بعد ان كان رفات
وابتسامتك المخفية روت ظمأه لعشق ظن انه في طي النسيان …..

كان سرحان بالباب وهو بتزكر كل تفصيلة بوجه نغم وكانه اول مرة بشوف بنت بعيد عن الاحلام….صحي من خيالاته على صوت زلمة
ابو نغم: شو بتعمل هون
سامر: انا اسف عمي كنت بدور على بيت فادي ونسيت هو باي i
ابو نغم (بشك): بيت فادي ليه اول مرة بتجي لهون
سامر: انا من غير بلد ازا خايف ومو متاكد فيك ترن تحاكيه هاد ازا رد
ابو نغم: ايوا بيتو لفادي بالطابق الاخير ومن بعد اذنك يعني وقفتك قدام بيتي مو حلوة لانه في ستات بالبيت
دخل ابو نغم وسكر الباب ورا باحمى ما عنده خلت قوة الضربة سامر ينقز
سامر: هاد اللي كان ناقص نتبهدل ويفكرونا منتسلى بالدق على البيوت الله يعين بناته كيف متحملين جلافته خليني اطلع قبل ما جد اكل قتلة

كبس ع كبسة المصعد….ومن حظه كان بدو تصليح فاضطر يطلع الطوابق ( انه ام جابر من ورا الصغار فاصلة الكهربا عنه لانو ابن سعيد واولاد ابو احمد متل الشياطين ما بخلو شي ع حالو)
ما وصل الطابق الاول الا هو رجليه برجو من التعب ومو قادر ياخذ نفسه
والله لو بعرف رح يصير هيك ما جيت شو هالعذاب هاد يا ربي لسة ضايل كمان طابقين

ما وصل الطابق الاخير الا قعد عالدرج وما قدر يكمل مشي من التعب….ارتاح شوي وبعدها دق الباب اول مرة….وتاني مرة بس ما في لا حس ولا خبر

طلعت على الصوت ام جابر وبس شافته استغربت انه بدق على بيت اختها
ام جابر: خير ابني في شي
سامر: حسبي الله فيك يا فادي قال جاي اعمله مفاجأة شكلها رح تطلع على جنابي
ام جابر: يا ابني بحكي معك
سامر: انا رفيق فادي واسمي سامر وجاركم بالطابق الاول حكالي هاد بيته بس شكلو كمان جاركم مو مميز او مضيع او انا مخربط بالعمارة
اجا بدو ينزل بس مسكتو ام جابر وهي بتضحك
ام جابر: تعا تعا احمد الله انك قدرت تطلع لهون بدون ما يصيرلك شي من ابو نغم مجنون يلي بدق باب بيته…
بعدين لا مو مخربط بس فادي طلع يجيب اغراض لالي لانو جاي عباله منسف بالسمن البلدي
سامر: حقه يتوحم الاخ متل اللي كان محروم وجاي يقضي شهوة قال نازل يزبط امور الشغل
ام جابر: هههههه يتشهون شو ما بدو….وانت يا خالتي بدل الوقفة هاي بلا ما حدا يفكر فيك تفكير غلط تعال اقعد معي ومع عمك ابو جابر لوقت يرجع

بس سمع اسم ابو جابر ابتسم واطلع ع هاي الست الجبارة الواقفة قدامه
سامر: له يا خالتي معقول ما عرفتي صوتي
ام جابر: لا والله ما عرفتك اترك اغراضك هون المكان امان ولا تخاف من شي وادخل لحتى اعرف مين انت

سند ام جابر ونزل معها للطابق التاني وهو بفكر كيف ممكن يعاود يطلع هالطابقين
فات وسلم على ابو جابر وحكالهم عنه شوي
وام جابر تزكرت وقت فادي طلب منه مبلغ ليساعد صاحبه اللي وقع بمشكلة
وقد ما مدحها حست بخجل منه وكان ابو جابر مبسوط بالخير اللي بتعملو مرتو بدون ما تتردد…..
مرق ساعة والتانية وفادي مو مبين وسامر بلش يغفى وهو قاعد
ام جابر: يا عليي تعبان قوم يا خالتي ارتاح… وازا مستحي هلا بعطيك المفتاح وادخل عالبيت ريح حالك و وقت الغدا بطلع بصحيك
سامر: يا ريت انتي عارفة 12 ساعة بالطيارة كانت هلاك
ابو جابر: انا عارف ليش بتروحو بتتغربو…ام جابر قومي هاتي المفتاح وانا بطلع معو
سامر: ولا تغلب حالك يا عمي بطلع لحالي

اعطتو ام جابر المفتاح وطلع مرة تانية بس يا حرام ما كان عارف شو بستناه فوق
___________________________________
كانو سميرة وسعاد قاعدين وحدة بتنضف الشبابيك والتانية بتنقي العدس وقت سمعو صوت الدق اول مرة واستغربو لانهم شافو فادي طالع قبل بساعة من البيت
سميرة: سعاد سامعة صوت الدق والا انا بهلوس
سعاد: لا يختي انت اساسآ ما بتسمعي
سميرة: هلا انا طرشة
سعاد: ما حكيت هيك لحظة… حقك علي والله في صوت دق جاي من فوق معقول في حدا داخل عالبيت
سميرة: يمكن خالتي ام جابر
سعاد: مستحيل هلا وانا بنضف شفتها قاعدة مع ابو جابر ييي ولك ليكون حرامي
سميرة: معقول…اسمعي اسمعي في صوت هالدرج بتعرفي هاتي هالمقشة والحقيني

طلعو سعاد وسميرة وهم ماسكين المقشة وكريك العجين وهجمو على سامر ونزلو فيه ضرب وين الجنب اللي بوجعك ما خلو مكان الا ضربو فيه
سامر: شو في يا جماعة اخ
سميرة: جاي تسرق الشب المسكين وبتحاول تكسر الباب وبتحكي شو فيه….خد هاي وهاي

يا حرام يا سامر شو صار فيك…. كان سعيد وفادي داخلين عالعمارة وسمعو الصوت طلعو ركاض وشافو سميرة و سعاد هاجمين على سامر……
فادي ضل واقف ومصدوم وسعيد ركض يبعد نسوانه عنه

طلعت ام جابر عالصوت وشافتهم كيف هاجمين عليه
واخيرآ بين على فادي انو هاد صاحبه وصار يصرخ
فادي: وقفو ولكم هاد صاحبي
بس ما لحق كان ماكل ضربة ع انفه بالكريك ووقع عالارض

فتح فادي الباب وهو بضحك وسامر نفسه يموته كان حاطت الثلج على عينه وماسك بالايد التانية انفه اللي بنزف دم
وسعاد وسميرة قاعدين مو عارفين شو يعملو وسعيد وفادي بطلعو بام جابر خايفين يضحكو وتبهدلهم

لوقت ما دخلت زهور وصارت تضحك عالمنظر ومو قادرة تمسك حالها الكل ضحك
سامر: اللي بعملك مفاجأة بندم الحق مو عليهم علي يلي جيت بدون موعد
سعاد: حقك علينا والله بس سمعنا الصوت خفنا
سعيد: هيك وخفتو و الله تزكرت المقلاية صح من كم شهر بس حسيتها اليوم
ام جابر: اللي بنكش عش الدبور بلتسع من ابرو
سميرة: الله يسامحك يا خالتي هلا احنا دبابير
فادي: لا نحلات الله يسامحكم كيف رح يطلع هلا عالمحكمة بالمنظر هاد

قام سامر من محلو وطلع بالمراي ع وجهو وكان ع شفا حفرة يعيط ع وضعه وحاله بس لما لف وجهه ولاقاهم بضحكو ابتسم

الجزء الجاي هو الجزء المهم بحياة ام جابر يلي خلفت و ربت و تعبت لتشوف اجيال مستقبلها عم ينهشو بلحمها

يتبع