مسلسل سعاده كاذبه
الحلقه 8ايمان ؛؛ باهي نا رانه عليك انشوف في اخبارك
رجاء ؛؛ اخباري هي هي من عندكم انتو
ايمان؛؛ عندنا تو عيت خالي عيسي بس
رجاء ؛؛ وين ايه
ايمان ؛؛ ايه روحت نفسيتها مدمره خشت اقعدت في الحمام اقريب ساعه واطلعت الو الو رجاء معيرجاء ؛؛ ……..
رجاء وهي تحكي حست بيد رجل جت علي كتفها اليسار وطاح الفون من يدها من الخوف وتمت تبرم في وجها بشويه بشويه وجت عينها في عينهسراج ؛؛ مع من تحكي في عقاب الليل وكنك خفتي لدرجه هذه
ورجاء قاعده علي وضع الصدمه وساكته لان خافت ايكون واحد من خوتيسراج ؛؛ قعد ايبحت في رجاء وحاجبه مرفوع
كنك ساكته مع من كنتي تحكي وليش خايفه شن في
ونزل سراج و خذا الفون وشاف الشاشه ولقي ملخص المكالمه زاد شكه بالمكالمه و جا يبي ايخش علي المكالمات
كرت رجاء الفون من يده
رجاء ؛؛ ليش تمسك في فوني هذه حاجه خاصه ومانحبش حد ايجي شورها
سراج ؛؛ استغرب ردت فعل رجاء
انا اسف لاني تدخلت بس حسيتك خايفه واجد وخوفك هذا خوفني وخلني انشك فيك
رجاء ؛؛ بحتت في سراج من فوق للوطه ولاقته لابس لابسه مش دكتور وجاي لعمله جاي ولابس توته حلو
به انت شن تبي جاي هكي
سراج ؛؛ والله عندي مريضه شغلتني ونرجا فيها تمرض اخر بيش اترن عليا ومارنتش وقالت خلني نمشي انشوفها بدال هي في المستشفي وانقوللها كنك ما مرضتي بيش اترني عليا
رجاء ؛؛ ابتسمت لسراج وبرمت وجها وقعمزت علي الكرسي وجا سراج وقعمز جنبها
ليش جيت هنا
سراج ؛؛ نا ماقتلك عندي مريضه
رجاء ؛؛ اها به عديت شفتها
سراج ؛؛ قاعد امقعمز احذها
وشافته رجاء بنظره اللي علي الجنب
سراج ؛؛ باهي ممكن سؤال
رجاء ؛؛ اها جايني تو عاد بيش تفتحلي ملف تحقيق تو
ورن فون رجاء اخر
رجاء ؛؛ حطت يدها على فمها امتعت اسسسسسس
رجاء ؛؛ الو ها ايمان
ايمان ؛؛ تي وينك كنك مااتردي
رجاء ؛؛ اها امغير تغطيه بس
ايمان ؛؛ به ردي بالك من نفسك
رجاء ؛؛ باهي وانتو اتحسو فيا اني قاعده في خطر
ايمان ؛؛ باهي سكري وانتي ديمه جالطه
رجاء ؛؛ يلا سلام ووطي حسك راه يسمعك خالد سلام
وسكرت رجاء وبحتت في سراج ولقاته ايبحت فيها ومبتسم لان عرف ان رجاء كانت اتكلم في بنت مش في شاب
رجاء ؛؛ دوم ان شاءالله الضحكه
سراج ؛؛ هههه به ممكن سؤال
رجاء ؛؛ تفضل
سراج ؛؛ ليش خفتي لدرجه هذه
رجاء ؛؛ نحسابك حد من خوتي
سراج ؛؛ وليش اتخافي من خوتك هكي ليش فونك سري يعني
رجاء ؛؛ للاسف اها فوني سري وماحد يعرفه
سراج ؛؛ استغرب صراحة رجاء
ليش باهي
رجاء ؛؛ هلي مش مقتنعين ان البنت يكون عندها فون وكل حد وتفكيره وهلي هكي تفكيرهم
سراج ؛؛ به ليش انتي درتي من وراهم
رجاء ؛؛ لان الممنوع مرغوب
ونحن حاليا في عصر الفونات شوف هه ابسط مثال اختي تبي تطمن عليا رنت عليا
لكن كان ماعندهش فون راه اقعدت مشغوله عليا
سراج ؛؛ قصدك حتي اختك فونها سري
رجاء ؛ اكيده انتو الرجاله تفرضو في فروض مرفوضه ونحن البنات انديرو انديرو اللي في روسن سوء انتو تبو او لا
سراج ؛؛ وووو كنك ناقمه علي الرجاله
رجاء ؛؛ لانكم انتو اتحبو السيطره علي النساء بصفه عامه سوء اختك او زوجتك او بنتك اتحبو اتسيطرو سيطره
لا واخر مجرد انكم اديرو علاقه تبدو في السيطره
سراج ؛؛ كلمتك هذه نفهم منها انك دايره علاقه.
رجاء ؛؛ ﻻﻻ مش دايره علاقه والحمدالله
سراج ؛؛ باهي في حاجه نشربها عطشان
رجاء ؛؛ اهو في شنطتي شكرا
سراج ؛؛ باهي بلا بخل ومديلي حاجه نشربها
رجاء ؛؛ هههههه خوذ تفضل
وشرب سراج العصير
رجاء ؛؛ صحه
سراج ؛؛ سلمك
رجاء ؛؛ امالاه القعده امطوله هنا
سراج ؛؛ ههههههههه كيف اتوزعي فيا
رجاء ؛؛ ﻻ مش هكي بس استغربت جيتك وقعدتك هنا وبتوته
سراج ؛؛ انا جيت للمستشفي ونبي نطلع من بالي ان نا دكتور وجاي لعملي لان الحق نبي انتريح اشويه
رجاء ؛؛ اها ممكن سؤال
سراج ؛؛ هههههه كيف تو تبي تفتحي ملف تحقيق انتي
رحاء ؛؛ طنشت علي سراج
خلاص معش نبي نسال
سراج ؛؛ هههههههه انبصر وانتي شكلك مااتصدقي
تفضلي شن هو سؤالك
رجاء ؛؛ انت متزوج
سراج ؛؛ ﻻﻻ مش متزوج
رجاء ؛؛ غريبه دكتور ومازالت مازوجت
سراج ؛؛ لاني مالقيتش اللي انتريحله وانسكنها في حوشي وهي صاينتني واتحبني
رحاء ؛؛ باهي ان شاءالله ربي يكتبلك اقريب
سراج ؛؛ هو من ناحية في وحده تو بدت اتنبش علي قلبي في بس مازالت ماتعرفت عليها واجد
رجاء ؛؛ اها مواليد كم انت
سراج ؛؛ مواليد 79
رجاء ؛ العمر كله ان شاءالله
سراج ؛؛ وانتي 92 صح
رجاء ؛؛ اها صح
سراج ؛؛ عارفه يارجاء انا اكتر وحده جاني فضولا انتعرف عليها هي انتي لانك يو م خشت امك
لمستشفي شفتك لما كنتي تبكي والكلام الواعر اللي قلتيه ولما شفت اختك لاخر ايه استغربت كيف شكلها اصغيره وشايله هم اختك هي صح لابسه خمار بس صوتها وشكلها ايبين انها اصغير ومره خشيت عليكن في الغرفه وكانت شايله الخمار شفت قديش انها حلو واصغيره ولابسه خمار ومش متزوجه ولا مخطوبه استغربت ولما تميت انشوف لاحظت ان في وحده تانيه مره مره اتجي وحتي لابسه خمار وحسب ما فهمت انها اختكن استغرب عائلتكم وفي نفس الوقت خشيتو في خاطري بدرجة القيت روحي مهتم بامك وبيك انتي اكتر
ومعها غمزه ^_*
رحاء ؛ يعني انت قعدتك تو معي قعدت فضولا وشفقه
سراج ؛؛ ﻻ ماتقوليش شفقه انا قالت اني تريحتلكم وتريحتلك انتي بذات وحسيت روحي نبي انتعرف عليكم اكتر
رجاء ؛ اها به ممكن انصبي عن اذنك
وصبت رجاء ومسك سراج يدها
سراج ؛ رجاء قعمزي هنا ماتحريكش
رحاء ؛؛ انصدمت من مسكة يد سراج وحولت يدها
نعم شن تبي
سراج ؛؛ رجاء ماتزعليش مني علشان كنت معاك صريح انا قالت انتو لافتو انتباهي واني بذات والله اللي صارلي اعجاب مش شفقه كيف ماانتي فهمتي خلاص قعمزي يا رجاء
رجاء ؛ قعمزت وهي ساكته
سراج ؛؛ اشويه وانجيك
وصبا سراج و رجاء كانت راقيلها خافت ان سراج زعل منها ولما طول ما جا مشت وشافت غرفته ولقاته ايدخن وشكله راقيله بكل
حست بجو شين ودقت عليه
سراج رفع وجه وشاف رجاء عند الباب ونزل راسه
ولما شافت رجاء ان سراج بحت فيها واستكردها ورقيتلها اكتر واطلعت
ومشت قعمزت وقعدت تبكي وجعتها لان اطلعو في ناس يشفقو علينا وقعدت تبكي ومنهاره وترعش
وسراج كان ايراقب فيها من بعيد ولما شافها تبكي راقيتله ومشلها
سراج ؛؛ رجاء عليش تبكي تو
رجاء ؛؛ ارتبكت ومسحت اعيونها ابسرعه
ﻻﻻ مانبكيش
سراج ؛؛ كنك اتكابري انتي احكي عليش تبكي ليش انا انسان معجب بيك وجيت حكيت معاك وفي النهايه اتقولي ان تشقف عليا ليش هكي
رجاء ؛ انصدمت من كلام سراج لان هي ابروحها شاده سراج شوره
سراج ؛؛ خلاص ابكاء خلاص نا ماانحبش ابكاء انا
رجاء ؛؛ اسفه ازعجتك
سراج ؛؛ حكي معها وكان صوته حنون
رجاء خلاص كنك انتي
وقعمز جنبها
وقعدو ايهدرزو طول الليل وتعرفو علي بعضهم اكتر
حكت رجاء اللي في بالها وفي قلبها كله وبدون مااتحس بروحه لقت روحها متعلقه به ومتريحتله وتحكيله
وسراج كذلك تريح لرجاء لان كانت عفويه وصاريحه ومش مزيفه وكانت حلوه سواء في دمعتها او في ضحكتها
سراج ؛؛ رجاء تو خلاص نبي انروح
رجاء ؛ باهي سلام
سراج ؛؛ شن سلام كيف انتي ماصدقتي قتلك نبي انروح
رحاء ؛؛ ههههههه ها به شن تبي مني
سراج ؛؛ تو اطلعي فونك واترني عليا مرات نا اللي نمرض وانرن عليك
رجاء ؛؛ هههههه تم باهي
وطلعت رجاء فونها وجايه تبي اتسجل رقمه هو كره منها
ورن علي روحه وسجل رقمه اعويانتي وعطها الفون
سراج ؛؛ عارفه نلقاك امغيره الاسم نهارك
رجاء ؛؛ عليش شن سجلته
سراج ؛؛ اصبري تو تعرفي
طلع فونه سراج و رن عليها وطلع عند رجاء
اعويناتي
يتصل بيك
♥_♥
رجاء ؛؛ ههههههههه اعويناتي سمحه هذه اعويناتي
سراج ؛؛ نا قالتلك نلقاك امغيره الاسم نهارك
رجاء ؛؛ علي اساس انت اعويناتي يعني
سراج ؛؛ اعويناتك واكبيدتك وتو اتشوفي تبي او لا
رجاء ؛؛ هههههههه ربك يستر
سراج ؛؛ سلام تو وبينتنا اتصال
رجاء؛؛ سلام تصبح علي خير
سراج ؛؛ سلام
وروح سراج للحوشه ورجاء قعمزت بس هالمره مابكتش اضحكت لان كانت فرحانه وكانت اقريب اطير من الفرحه لان اول مره تحكي مع انسان غريب هكي وتفتحله قلبه هي صاح عندها فونين بس ماعمره اقعدت صريحه ومتريحه لحد كيف سراج
وسراج روح وفرحان لان جا في عقله ان البنت الحلوه اللي علي طبيعتها ومش مزيفه اهي حصلها
وجاء الصبح واوعيت انا ساعه 10 القيت الحوش كله راقد
خشيت لحمام توضيت وصليت الصبح ومشيت لمطبخ وولعت علي الشاهي وطلعت كيس لحم من الثلاجه
اوعت خالتلي فاطمه
خالتي فاطمه؛ ؛ صباح الخير
نا ؛؛ صباح النور كيف ماشفتش عيت علي وينهم
خالتي فاطمه؛؛ امس روحو في الليل لان علي قال الشقه حايسه وتبي ظم وقال نبيها اتوتي دبشها ودبش علي
نا ؛؛ اها تعالي خالتي افطري
وخشت وقعمزت خالتي وصبيتلها حليب وشاهي وهدرزنا اشويه
نا ؛؛ عارفه ياخالتي نا مش قادره انتحمل ان ماما ح تمشي لمصر مع حد غيري
خالتي فاطمه؛؛ الله غالب ظروفكم مايسمحش انكن تمشن
نا ؛؛ ربك يستر تو نرجا خالد يوعي وح نمشي لماما لمستشفي
خالتي فاطمه؛ به خلينا انوتو الغداء
وصبيت نا وخالتي وبدينا في الغداء
وعت اميره وبعدها ايمان
اميره ؛؛ صباح الخير
نا وخالتي فاطمه؛؛ صباح النور
اميره ؛؛ اتصدقن هذا اول يوم نرقد رقده سمحه هكي من مرضت ماما
نا ؛؛ اها القيت الحوش امرتب قالت خليهن ايرقدن
ايمان ؛؛ صبولي حليب ابسرعه ابسرعه
اميره ؛؛ هههههه ديمه لاهيتك بطنك
ايمان ؛؛ ﻻ ياحناتي عندي اقرايه نبي نقراها قبل مااتجي العشيه والحوش ايتعب
خالتي فاطمه؛؛ بنات خالد وعي
اميره ؛؛ تو انعدي انوعيه انا خلاص الظهر وقت عليه
نا ؛؛ قبل نبي نمشي بدري قبل الغداء بس لما القيته راقد قالت خليه حرام اكيده تعبان
اميره؛؛ امشي بعد الغداء تغدي وتريحب اشويه وامشي ولما اتجي رجاء تو ترقد خلاص عاد مش كلها عليك تريحي حتي انتي راه رايحه صفره وناقصه بكل
نا ؛؛ به اصلا هذا اللي ايصير لان خالد ماحتي شالني قبل الصلاه
اميره ؛؛ خطرتي عليا انعدي انوعيه
وعدت اميره وعت خالد وايمان خذت كباية حليب وخشت لدارها بيش تقراء ونا وخالتي فاطمه قعدنا انهدرزو وحاطين الغداء علي النار
ومشي خالد لصلاه وجا وجا معه خالي عيسي وحطين الغداء وتغدينا وصبينا ولمينا الحوسه
خالد ؛؛ ايه خلاص وتي روحك بدال ما سخنت السياره
نا ؛؛ باهي اني جايه
ومشيت وتيت روحي ومشيت لمستشفي والقيت رجاء اقريب اطيح علي وجها
رجاء ؛؛ تغديتو
نا ؛؛ اها تغدينا
رجاء ؛؛ به خلاص تبي حاجه
نا ؛؛ ﻻﻻ سلامتك لما اتروحي ارقدي وصبي اقري راكي هامله القرايه بكل افطني لروحك
رحاء ؛؛ باهي سلام
وروحت رجاء مع خالد ونا قعدت مع ماما
والحمدالله ماما اقعدت اكويسه بس حاطينها في العنايه علشان الاجهزه
رجاء ؛؛ خير
اميره ؛؛ اهلا اهلا
رجاء ؛؛ اميره وراس اميره وتيلي الغداء بدال ماادوشت علي السريعه
اميره ؛؛ باهي خشي لحمام وتو انسخلك
وخشت رجاء لحمام واطلعت ولقت اميره حاطه غداها وتغدت وخشت لدار ولقت ايمان تقراء
رجاء ؛؛ ايمان اطلعي اقري بره
ايمان ؛؛ والله في عينك نبي نقراء هنا ماعندي وين نقرا بره
رجاء ؛ ايمان يا ثقيله حسي بيا مش راقد الليل كله كنك انتي
ايمان ؛؛ ارقدي من ماسكك
رجاء ؛؛ والضيء اللي فوق راسي
ايمان ؛؛ حطي البطنيه علي وجك مش ح اتشوفي الضيء
رحاء ؛؛ بصوت عالي
اااااااايمان كذا اطلعي ماعندي راس لكي هيا خفي روحك
ايمان ؛؛ ازي سامطه هذه
وخذت اكتباتها واطلعت من الدار
ورجاء حطت راسها وارقدت
وايمان خشت لدار الضيوف وبدت تقراء اخر
وبعد ساعتين رن فون رجاء تحت المخده وكان علي الهزاز
رجاء من التعب ماردتش الا علي المكالمه الخامسه لانها مافطنتش الا المكالمه خامسه وافتحت الفون وحطاته تحت وذنها بدون ما اتحس بروحها ولا حتي قرت الاسم
رجاء ؛؛ بصوت حنون وراقي ودلوع وراقده
الووووووووووو
سراج ؛؛ خموجي راقده
رجاء ؛؛ بدون ماتحس بروحها
اها راقده حبيبي
سراج ؛؛ اووووو حبيبي ماحلاك وانتي راقده معناها ياريتني شايفك وانتي راقده
رجاء ؛؛ والله تعبانه تعبانه هذه ترويحتي من المستشفي
سراج ؛؛ ارجيوه ارجيوه
رجاء ؛؛ ها حبيبي نعم
سراج ؛؛ ارجيوه راه واجد عليا نسمع صوتك وهو هكي حنون ودافي واتقويلي آخر حبيبي واجد راه ارحيوه انتي فاطنه لروحك ولا شنو
رجاء ؛؛ اها سراج فاطنه شن اتحق فيا سكرانه ولاه شنو
طبعا رجاء تحكي ومش فاطنه لروحها بكل
سراج ؛؛ ههههههه ﻻ عارفك ماعندكش فيه السكير خلاص معناتها مش ح انسكر بكل
رجاء ؛؛ ليش
سراج ؛؛ ﻻنك اتهبلي وانتي راقده ياريتك راقده في المستشفي راه كان هذا شفتك
رجاء ؛؛ حبيبي خلاص صكر نبي نرقد راني تعبانه بكل
سراج ؛؛ باهي بس لما توعي رني عليا ضروري
رحاء ؛؛ تم حبيبي سلام
وصكرت رجاء وحطت الفون تحت راسها
وحكت مع سراج بدون مااتحس بروحها وسراج قعد ايفكر في رجاء اكتر وكل ماله تعجبه اكتر
ومع ساعه 7 اوعت رجاء
وطول طلعت الفون وشافته ولقت مكالمات فائته 4 ومكالمه مستلمه مدتها 5 دقائق ولقت رساله منه
مااحلي صوتك وانتي راقده كله حنون ودافي وكلاماتك اجمل واجمل والله يا رجاء راكي خاشه لخاطري بنيه بيضه
تفجاة رجاء من الرساله وقرتها واطلعت للحوش ولقته فاضي
خشت لحمام توضت وصلت عصر علي المغرب وطلعت اكتباتها حتي هي وقرت فوق من ساعتين وبعدين جا وقت العشاء وتعشو وهدرزن اشويع وبعدها كل وحده فيهن خشت لسريرها تبي ترقد رن فون رجاء
رجاء خافت اترد لان معش اعرفت روحها شن حكت معه
وبعد كم مكالمه ردت عليه
رجاء ؛؛ الو
سراج ؛ ههههه شكلك واعيه ياريتك راقده
رحاء ؛؛ ههههت عليش
سراج ؛؛ لان صوتك حلوه وانتي راقده وامبدري ماقالتيش الو هكي وخلاص
قالتي الو حبيبي وكان صوتك ايهبل
رجاء ؛؛ انصدمت
من قصدك نا
سراج؛؛ اها انتي
رجاء ؛؛ اسفه والله مافاطنه لروحي
سراج ؛؛ حسيت بيك انك مش فاطنه لان حكينا في دوه تاينه وحلوه
رجاء ؛؛ هييييييييييييي دوه تانيه شن حكيت نا اخري
سراج ؛؛ كلام واجد حكينا وكان رومانسي وحلوه بصراحه اني حبيتك وماتمنيتك اتسكري بكل
رجاء ؛؛ هيييييييي سراج تحكي جد انت شن حكينا نحن طيح سعدك
سراج ؛؛ هههههههههههه سمحه هذه طيح سعدك
رجاء ؛؛ سراج تبي حاجه خلاص نبي انسكر
سراج ؛ راه خيرلك شن اتسكري كنك تحشمتي مني
رجاء ؛؛ قولي شن حكينا قبل
سراج ؛؛ يعني انتي مسره تبي تعرفي شن حكينا يعني
رجاء ؛ اها تو احكي
سراج ؛؛ به ما حكين شيء امغير قالتي ياحبيبي نا راقده وتعبانه وخلاص ونا قالتلك انتي عارفتيني نا من قالتي اها انتي حبيبي سراج
والله ما نحسابك ح تتحبيني بسرعه هذه باهي والله الحمدالله لخصتي عليا مواضيع واجده
رحاء ؛؛ تعقدت لان حكت في الخاطرها بدون ماتحس لروحهل ولان اول مره اتحس انها قايله كلامه وبدون ماتحسبله ميه حسبه لان في قلبها صح
وسكرت الخط علي سراج
وتحشمت واقعدت اتفكر وقعد سراج ايرن عليها وهي ماتتردش وبعد كم مكالمه ردت
رجاء ؛؛ ساكته ولا كلمه
سراج ؛؛ مش عيب عليك ااتسكري في وجي وما اتردي عليا بكل ليش هكي كنك كان متحشمه في الكلام اللي صار عادي راه انتي كنتي راقده ونحسب روحي ما سمعته بكل وبعدين عادي راه اتصير في ارق العائلات
رجاء ؛؛ ساااااااكته
سراج ؛؛ تبي الحق نقاني ما نبي اندير روحي ماسمعته لان الكلام عجبني ونبيه لان والله يا رجاء حبيتك ونبيك
وحكو مع بعضهم طول الليل
وبعد كم يوم ماما عدت سافرت لمصر هي وعلي و زوجته
وحياة رجاء تغيرت من عرم فونات الي فون واحد بس وماتحكي مع حد الا مع سراج وما قالتش حد عليه
واميره مازالت هي هي مع وليد
وفي يوم كان يوم عملية ماما كان الحوش امعبي وكان كله متورتر وخايف وكلنا اعيونا علي فون خالي عيسي و خالد نرجو في فوناتهم ايرنو
نين رن فون خالد
خالد ؛؛ مصر مصر مصر
وكلنا جيناه نجارو و التمينا عليه
خالد؛ ؛ تي حولو غادي عطوني نفس بيش انرد بس
خالي ؛؛ رد ابسرعه يا خالد
خالد؛ ؛ الو ايوه
علي ؛؛ خير ياخالد
خالد ؛؛ ها شن صار عندكم يا علي وكنه صوتك هكي احكي ابسرعه كنك
علي ؛؛ خواتك حذاك
خالد ؛؛ اها احذي هيا احكي كنك شن صار في العمليه
علي ؛؛ وهو يبكي …………..
يتبع