مسلسل سعاده كاذبه
مسلسل سعاده كاذبه
الحلقه 27
وخش خالد لداره وماما اقعدت في دارها
واميره ورجاء وايمان فرحنات لان في حد جا ودار حد لعادل ونعيمه
ونا في الشقه نبكي ايخش عليا مراد
ونا لما شفت منظره جيته نجري
نا ؛؛ مراد حبيبي وين كنت
مراد ؛؛ ساكت وما بش ايرد عليا وخش للحمام وحط راسه تحت الشيشمه وولعها
نا ؛؛ حبيبي رد عليا كنك قولي شن صار ووين كنت
مراد ؛؛ رفع راسه من تحت الشيشمه
ونا خذيت المنشف وحطيته له علي راسه
نا ؛؛ رد حبيبي علشان خاطري
وخشيت فيه وقعدت امضبطته
مراد ؛؛ خشي لدار
وخشينا للدار وسكرنا الدار
وجيته وخشيت بين ايديه وهو باسني علي راسي
مراد ؛؛ ايه انتي مراتي ونا ما انتحملش حد يلمسك نا بروحي راقيلي علشان مرات انشد عليك
نا ؛؛ رفعت راسي به قولي شن صار
مراد ؛؛ تريحي ما صار شيء بس حكيت معه بس وامك وخوك خالد كانو حاضرين
نا ؛ به شن قالك هو
مراد؛ ؛ ما قال شيء قعد ساكت لان عرف روحه غالط
نا ؛؛ يعني الجو سمح غادي
مراد ؛؛ سمح لكل اخر
نا ؛؛ رفعت روحي وقعدت امصبيه علي اصابع كرعيا ورفعت ارقبتي علي الاخير وطقيت في حبيبي وحبيته علي خده
وقعدت نهمسله في وذنه همسه حلوووو وراقيه وكلها حب
انحبك انحبك وانموت فيك موت والله لما نقعد بين ايديك هنا انحس روحي مالكه الدنيا كلها والله اكتر مكان انحس فيه براحه هنا عندك لما انكون معاك وامونسني بحسك
رفعني من عند وسطي ورفعني فوق وقعدت اعلي منه
مراد ؛؛ ربي ما يحرمني منك
نا طلقت شعري وخليته ايطيح علي وجه
مراد ؛؛ ههههه حوليه
نا ؛؛ مش اتحب انت هكي خلاص تحمله وتميت انحرك في راسي وشعري يمشي يمين ويسار علي وجه مراد
وشالني شور السرير وهو مضبطني
مراد ؛؛ شعرك هذا انحبه لما ايكون علي كتفك ولا لما ايكون مطلوق وايكون واصل لنهاية ظهرك ولما ايكون علي وجك وانحوله لكي بيدي وانوبسك
نا ؛؛ مديت اشوربي
يعني ماتحبش ايكون عليك عليا نا بس
مراد ؛؛ هههه يا شينه فيك جو وانتي دايره روحك زعاله
نا ؛ نا شينه يا حبيبي
مراد ؛ ههههههه شينتي نا بس
نا ؛؛ هههه نجك ليا
مراد ؛؛ ويه كنك لابسه التوته الشينه هذه
نا ؛ هييي توتي هذه شينه
مراد ؛؛ اها حمو بكل كيف متحلتيها
نا ؛؛ تو انغيرها باهي
مراد ؛؛ اها حوليها حمو اليوم
نا ؛؛ به ومشيت شور الدولاب وحولت التشيرت وطلعت بدي
ونا جيت نبي نلابسه
جاني مراد بسرعه وكره من يدي
نا ؛؛ حبيبي هات نبي نلابسه
مراد ؛؛ فيش لابس خليكي هكي احسن
نا ؛؛هههههه تو نلابس واحد تاني
مراد ؛؛ تلابسي نهارك صكري الباب بالمفتاح وولعي المنظومه
نا ؛؛ هه عليش
مراد؛؛ علي العيال بيش ما يوعوش
نا ؛ اها به
وولعت المنظومه وخليتها واطيه وجيت شور الدولاب انطلع في تيشرت تاني وجاني مراد واضبطني من لاوره
مراد ؛؛ انتي من جدك تبي تلابسي تي تعالي نبيك وكرني شوره السرير وحطني علي السرير و. ……………
♥_♥
وبعد ساعتين سمعت صوت حمادي يبكي
نطيت ابسرعه
ونا نلابس ابسرعه ومراد راقد طلعت والقيت حمادي امصبي علي سريره ويبكي
نا ؛؛ تعال حبيبي تعال ومسكته وشلته ووعت لمار ومشت شور دارنا
نا؛؛ لمار لمار ما اتخششي علي باتك تعالي هنا
لمار ؛؛ ﻻﻻ نبي بابا نا
نا ؛؛ لمار تعالي هنا بابا راقد
لمار ؛؛ ﻻﻻ عادي ديمه انخش عليه
و ما عدلتش عليا ومشت وحطت يدها علي الباب وهيا تبي تفتحه جيتها نا ابسرعه وكريت يدها وحولتها
نا ؛؛ نا نحكي معاك اسمعي كلامي ليش العناد
لمار؛ ؛ تمت تبكي
انتي شريره تبنيش انخش علي بابا
نا ؛؛بابا راقد هيا خشي لدارك تو
لمار ؛؛ مانبيش نبي انخش عليه يعني انخش عليه
نا ؛؛ لمار ما اتخشيش حولي من هنا عدي لصاله تفرجي
لمار ؛؛ ازي انتي حقيره وشريره ومسخه و واخذه بابا منا
نا ؛؛ بدون مانحس بروحي جيتها ومديت يدي عليها
وعلي فتحت باب مراد
مراد ؛؛ شافني وقعد ايبحت فيا
نا ؛؛ بحتت فيه وخفت منه
جاته لمار تجري و اضبطته
لمار ؛ بابا ضربتني كف يا بابا
مراد ؛؛ خلاص يا بابا خشي لدارك خلاص بلا ابكاء
لمار ؛؛ ﻻﻻ نبي نقعد معاك في الدار
مراد ؛؛ باهي تعالي وخش مراد وخشش معه لمار وبدون مايحكي معي ولا كلمه
وجيته نا وحطيت حمادي معهم علي السرير وخشيت لحمام واودشت ولابست الديشنبر امتعي
وطلعت والقيتهم قاعدين في الصاله خشيت وقعمزت علي الكرسي الزينه وندهن في جسمي وايخش عليا مراد وايسكر علينا
نا بحتت فيه القيته راقيله بكل ونا خفت منه
مراد ،؛ ليش اتمدي في يدك عليها
نا ؛؛ اصلا هي تمت اتعاند فيا ونا انقوله ماتخشيش عليك وهي تبي اتخش ونا نبيهش اتخش واتشوفك
مراد ؛؛ باهي بس مش لدرجه اتمدي يدك
نا ؛؛ مراد نا ما مديتش يدي علي فاضي هي اغلطت عاندتني في الاول وفي تاني تمت اتقولي انتي حقيره يعني اغلطت فيا
مراد ؛؛ ايه يدك معش اتمديها ومره تانيه تعالي واحكيلي انا ونا تو نصرف
نا ؛؛ به حاضر اسفه
مراد ؛؛ ايه لو مديتي يدك هكي هي ح تكرهك
نا ؛؛ والله يا مراد هي اغلطت عاندتني وقالتلي كلام هذا عليش مديت يدي ونا عارفه روحي غالطه واسفه والله اسفه واو تبي ح نطلع وانتاسفلها اصلا نا مديت يدي ووجعتني بعدها
مراد ؛؛ لا خلاص
وخشت لمار فجاء علينا
مراد ؛ بحت فيها و فنص
لمار كنك فتحتي الباب هكي بقوه بدون ما ادقي
لمار ؛؛ بابا نبيك نا
مراد ؛؛ معش تفتحي الباب هكي بلا دق نا شن قالت
لمار ؛ اسفه يا بابا
مراد ؛؛ به ها كنك عليش دقيتي
لمار ؛ بابا نبي نمشي لماما
مراد ؛؛ مش اليوم بكره
لمار ؛ ﻻﻻ يا بابا نا نبيها اليوم
مراد ؛؛ لمار نا قالت كلمه وحده بكره معناها بكره خلاص انهني الموضوع وسكري الباب
وطلعت لمار واخبطت الباب بقوي
وهو طلع وراها
مراد ؛؛ بصوت عالي
لمار ليش اتخبطي الباب
لمار ؛ تمت تبكي
بابا انت ما تبيش اتشيلني لماما
نا سمعتها تبكي طلعت ابسرعه
وجيتها واضبطتها
مراد ؛؛ ايه خولي سيبها
نا ؛؛ خلاص حبيبي هي اخر مره ح اديره
لمار ؛؛ تمت تبكي وخايفه
وخش مراد للحمام
ونا لابست دبشي وطلعت ودرت كاكو بحليب و قهوه وبسكويت وطلعت للصاله وقعمزت وبديت انوكل في حمادي في البسكويت بالكاكو
نا ؛؛ لمار هيا قربي كولي
لمار ؛؛ بحتت فيا وهي تبكي ﻻﻻ نبيش
نا ؛؛ هيا لمار تو يبرد واجد الكاكو هيا تعالي
وطلع مراد من الحمام
وخش للدار ولابس توته وجانا
نا ؛ اهي قهوتك
مراد ؛؛ شكرا
نا ؛؛ مراد كيف تبيش تمشي لعياده
مراد ؛ ﻻﻻ اليوم ما عنديش لان عندي مستشفي في الليل
نا ؛ قصدك انت بايت بره اليوم
مراد ؛؛ اها في المستشفي
نا ؛؛ زعلت ومديت اشوربي قدامي
مراد ؛؛ هيا لمار تعالي اسمعي كلام اعميمه واشربي كاكو
لمار ؛؛ نبيش يا بابا
مراد ؛؛ وهو متعقد
لمااار
لمار ؛؛ نبي ننزل لوطه ل امي
ومشت
مراد ؛؛لمار تعالي هنا فيش اطلعو
لمار ؛؛ بابا نبي امي نا
نا ؛؛ مراد ما تعقدهش خلاص خليها تنزل
مراد ؛؛ بحت فيا وما حبش ايكسر كلمتي قدامها
المره هذه ح انمشيها لكي علشان اعميمه ايه بس
لمار ؛؛ برمت وجها وعدت
نا ؛؛ حبيبي اكيده جيعان انت صاح انحط الغداء
مراد ؛؛ شن دايره الغداء
نا ؛؛ طاجين بطاطه
مراد ؛؛ به سخني
ومشيت وسخنت الغداء و تغدينا ونا في المطبخ
حسيت مراد ايدور علي حاجه
طلعت عليه
نا ؛؛ فيش ادور
مراد ؛؛ امس جبت معي حاجه بس مش عارف وين حطيتهن
نا ؛؛ حاجه زي شنو
مراد ؛؛ مش شورك انتي تو اندور انا
ومشيت انا وقعمزت علي السرير وطلعت الصندوق اللي فيهن دبلتين امتعي وامتع مراد وقعدت مسكته وانوري فيه له بطريقه غير مباشره
خش عليا مراد وشافني
مراد ؛؛ ايه من وينلك هذين
نا ؛؛ القيتهن علي الطاوله في الصبح
مراد ؛؛ ونا اندور فيهن
نا ؛؛ انت ما قالتش انك ادورن في هذين كان هذا راه طلعتهن
وجا مراد احذي وخذهن مني
نا ؛؛؛مراد ليش تصفط فيهن هكي
مراد ؛؛ امس انتي عقدتيها ليا
نا ؛؛ هذه تاني دبله تشريها ليا
مراد ؛؛ انتي شكلك مش راضيه عليهن بكل معش اقعدت عندك دبله مني بكل
نا ؛؛ هههه لا والله
وخش علينا حمادي يزحف
مراد؛ ؛ نبي ننزل انهدرز مع هلي اشويه
نا ؛؛ تو ننزل معاك
مراد ؛؛ باهي هيا
وصبيت وغيرت دبشي ولابست قفطان طويل امتع طلعه عشيه حلو وراقي وكمه لعند المرفق ودرت ميك اب خفيف ولميت شعري ولابست سلسه امتعتي وجبت اسوره وخليت مراد ايﻻبسها ليا
مراد ؛؛ ايه هذا حد ذهبك انتي
نا ؛ انحرجت وهزيت راسي
مراد ؛؛ وليش ما قالتيها ليا
نا ؛؛ اصلا السلسه و الاسوره شريتهن من افلوس المهر يعني منك انت كلهن
مراد ؛ اها به هيا
نا ؛؛ هيا وخذيت حمادي ونزلنا والقينا اعميمه قاعده في دار المعيشه ومعها البنات
مراد ؛؛ السلام عليكم
هن ؛؛ وعليك السلام
عمتي ؛؛ وينك يا مراد مختفي
مراد ؛؛ والله يا امي اعمال
نا ؛؛ شن اخبارك يا عمتي
وجيتها وسلمت عليها و حبيت فوق راسها
وسلمت علي البنات
وقعمزت
هدي ؛؛ وين علي القفاطين يا صقع
نا ؛؛ تفضليه
هدي ؛؛ كان ايجي عليا ما انخليه لكي
هاجر ؛؛ هههههه معناتها احمدي ربك يا ايه
نا ؛؛ مش اخساره فيها
عمتي ؛؛ كنها لمار نازله تبكي من امزعلها
ونا انصدمت وبحتت في مراد
مراد ؛؛ نا معاركها
عمتي ؛؛ وكنك معها انت
مراد ؛؛ نحكي معها وهي اتعاند وتبي تمشي لامها
عمتي ؛؛ وكنك مااتشيلها
مراد ؛؛ بكره تو انشيلهم لان اليوم نا عندي عمل في المستشفي وما نبيش ايه تقعد وحدها في الشقه
عمتي ؛؛ وشن يبي ايصيرلها
مراد ؛؛ اهو عاد
عمتي ؛؛ خطرها يا مراد فرح جيرانا عيت افلان
مراد ؛؛ اها كنهم
عمتي ؛؛ راه الناس عازمينا كلنا للفرح والحق جارتي هذه ماعمرها قصرت معي ديمه اتكر في بناتها وكناينها واتجني وانت عارفها يا مراد
مراد ؛؛ وبه المعني
عمتي ؛؛ ايه ح تمشي معنا للفرح ايوه
مراد؛؛ ييييييي تبي تبدا عاد في سريب مشي وجي من تو مازال فكينا يا امي خليها في الشقه
عمتي ؛؛ والله المراه امحشمتني يا مراد وانت عارف انها صحبتي وعلقتي بيها طويله عارف هي عزمتكم بدون كروت بس جابت كروت قالت مرات ينسو الموعد او الصاله بس وهي كان ابودها تبينا نمشو انحنو معها يوم الرمي
مراد ؛؛ ﻻﻻ ياالله انخليها تمشي للصاله
عمتي ؛؛ المهم يوم الصاله خليها تمشي
مراد ؛؛ به ساهله من هنا ليوم الصاله
عمتي ؛؛ يوم الخميس الفرح خلاص وشيلها اتحني عند الحنايه
مراد ؛؛ امي فكيني كذا كنك انتي
عمتي ؛؛ باهي به خلاص خلاص بينك وبين مراتك
وهدرزنا اشويه وصبا مراد ونا صبيت وراه وعديت معه للشقه بيش ايوتي روحه ويمشي للعمل
مراد ؛؛ ويه ردي بالك من روحك ومااتخافيش في الشقه وكان هذا ركبي معك هدي او هاجر ايهدرزن معاك
بس ابيات لا لاني نبي انروح صبح ونبي نرقد براحتي
نا ؛ ﻻﻻ تو نقعد اوحدي ونرجاك
مراد ؛؛ ابراحتك وهيا سلام
وجاني وطبس عليا يبي ايبوسني حبيته نا علي خده
نا ؛؛ انحبك يا حبيبي
مراد ؛؛ نجيها اللي ادلع فيا نجيها
نا ؛ هههههههه
ونزل مراد و نزلت معه وهو عدا ونا عديت وقعمزت مع البنات انهدرزو
ودرنا العشاء خفيف
ومشينا للدار وقعمزنا وبدينا انتعشو
عمتي ؛؛ ايه بيش اتحني زري عليه مراد بيش الناس اتشوفك ساد حنة فرحك خفيفه بكل
نا؛ ان شاءالله بس نا حسيت مراد ما ايحبهش الحنه
هدي ؛ ﻻ بالعكس ايحبها
حني ياحنه خيرلك انتي عروس كان ما حنيتي تو امتي تبي اتحني
نا ؛؛ ان شاءالله
هدي ؛؛ كان قالك باهي قوليه لنا بيش نحجزولك في حنايه
نا ؛؛ به تو انشوفه
وتعشينا وشلنا السفر ولمينا الحوسه واعميمه خشت ارقدت
وطلعنا نا والبنات للجنان وقعدن انهدرزو وحطيت حمادي في الكروسه احذي
الحق جوهن ايهبل
هدي ؛؛ اتصدقي ياايه اكتر وحده خشت في خاطري من صبايا خوتي هي انتي
نا ؛ صاح ليش
هدي ؛؛ انحس فيك طيبه وعلي طبيعتك ماحسيتكش تصنعتي بكل وحسيت حتي مراد متريح معاك وحتي الاعيال وهذا اكتر شيء امريحني انك ماسكه العويل وامريحتهم وامريحه مراد
الحق حتي الهام اتهبل وجوها ايجنن بس انتي انحس فيك اصغيرونه واتهبلي واتخشي للخاطر طول و ماسكه مسؤاليه
هاجر ؛؛ ايه ممكن سؤال
نا ؛؛ نعم
هاجر ؛؛ ما عمركش درتي علاقه انتي
نا؛؛ ﻻﻻ ماعمريش درت اساس ما عمريش درت الفون الا هذا داره ليا مراد
هاجر ؛؛ غريبه بنت مواليد 90 وما عمرهش دارت علاقه
نا ؛؛ اهو نصيب
هاجر ،؛ به كيف وافقتي علي مراد بدون حتي مااتشوفيه
نا ؛ هلي كلهم قاللولي اكويس وصليت وخليتها علي ربي والحق تريحتلها بعد ما صليت صلاة استخاره
هدي ؛ الحق مراد خويا اكويس وحنون بكل بس هو عصبي بس ايهبل حتي مراته الاول ما طلقها الا لما هي اللي اطلبت كان متحملها علي خاطر العويل بس
نا ؛؛ به ليش اطلقو هم وكيف كانت حياتهم مع بعضهم
هدي ؛؛ هي كانت تبي تشتغل ومناسبات وخلاص ومعش شقت بالحوش وحسست للمراد ان العمل احسن منه واحسن حتي من الاعيال وديمه تبي تطلع وانتي عارفه مراد راجل شرقي يعني يبي ايروح يلقي غداء جاهز يلقي الحوش نظيف ويلقي مراته تستقبله بكل روحه حلوه ومش بكملة نا تعبانه نا بطلنا نا مليت من الحياه هذه
نا ؛؛ نسمع في الكلام وخنقتني العبره
هدي؛؛ ويه نا نحكيلك علشان اتعلمي منها مش علشان اتحسسي
نا ؛ ﻻ عارفه قصدك يا حبيبتي
هدي ؛؛ ويه راه مراد ماايتعوضش راجل اكويس بحوشه ودكتور وشكله اكويس ردي بالك من عليه ومن روحك والحق متفأله بيك لان حتي مراد يبي وحده في الشقه ديمه مراد راجل يشتغل بره واجد فالما ايجي للحوش يبي حوش هادي وراحه مش مشاكل وجو شين ومراه مش مستقره في حوشها واتبات بره اكتر ما اتبات في حوشها
مراد صح شكله شبابي بس في التفكير كيف الشياب يبي المراه المستقره ويبي فطور سمح ويبي غداء سمح ويبي عشاء وماايحبش اوكال مطاعم واجد
نا ؛ ان شاءالله ربي ايقدرني
هاجر ؛: عليك محاضره طويله عريضه عطيتها لها المسكينه نفختيلها راسها
هدي ؛؛ وانتي شن دخلك ايه اصغيره ونا ننصح فيها ومانبوش نخسروها
هاجر ؛ امغير انصخي روحك قبل ودرتي خطيبك من بين ايديك
نا ؛ كيف هدي انتي مخطوبه
هدي ؛؛ كنت كنت
هاجر ؛؛ كانت كانت وودراته من بين ايديه
نا ؛؛ ان شاءالله ربي ايعوض عليك
خطرها وين لمار
هاجر ؛؛ اييييييي لمار راقده في الدار من بدري
نا ؛؛ خلاص تو انشيلها فوق هي وحمادي
هدي ؛ انتي شيلي حمادي ونا تو انشيل لمار
نا ؛؛ به
وصبيت وشالت حمادي وهدي لحقتني بلمار وخشت وراي في الشقه
هدي ؛؛ ماشاءالله تبارك الله دايره تغيرات في الشقه
نا ؛؛ ههههه ماعندي مااندير الا حوسه ودوبي دوب روحي
هدي ؛؛ ربي ايتمم عليك وان شاء الله اتعبيها اعيال
نا ؛؛ ان شاءالله وعقبالك ان شاءالله
هدي ؛؛ يييييييييي نا موضوعي طويل وعريض
نا ؛؛ به تعالي هدرزلي عليه
هدي ؛؛ ﻻﻻ يا حنه انتي عدي تريحي ونا نبي انعدي انتريح تو امي اتوعينا من الصبح بدري
نا ؛؛ به تصبحي علي الخير
هدي ؛؛ وانتي من اهله
ونزلت هدي ونا قعدت في الشقه ولاول مره انحسها شينه بكل لان ليل ومراد مش معي حسيت روحي تعودت عليه وقعدت ساهره وعلي قصاد ساعه 3 رن فوني
نا ؛؛ نطيت نط ومسكت الفون والقيته حبيبي
الو ايوه
مراد ؛؛ شن راقده
نا ؛؛ اهو كيف بديت نرقد
مراد ؛؛ الشقه فيها جو صاح بلاي
نا ؛؛ ﻻ بالعكس شينه بكل اساس اللي امخلني في الشقه انت بس
مراد ؛؛ ههه نجك ليا باهي هيا كملي نومك
نا ؛ امتي جاي
مراد ؛؛ امتي ما انكمل عملي قصاد 8ونص او 9
نا ؛؛ به نرجا فيك
مراد ؛؛ سلام
نا ؛؛ مراد
مراد ؛؛:نعم
نا ؛؛ انحبك
مراد ؛؛ نجك ليا
وصكرنا الفون ونا طول رقدت ووعيت ساعه 8 وقعدت نرجا وجا هو ساعه 8ونص
نا ؛؛ صباح الخير
مراد ؛؛ صباح النور
نا ؛؛ تعبان صح
مراد ؛؛ بكل تعبان
نا ؛؛ ربي يعيطك الصحه
وخش مراد ادوش ولابس ورقد طول
ونا درت الغداء ووعت لمار ودرتلها حمام وانزلت وشفت حمادي القيته ما زال راقد
طفيت علي الغداء ومشيت خشيت علي مراد وقعدت انبحت فيه كيف راقد
وبدون ما انحس بروحي رقدت
ووعيت بعد ساعه علي صوت حمادي
جيته ودرتله حمام وفطرته وخليته يلعب في الصاله ونا قعدت راقده علي الكنبه وانراقب فيه
وركبت لمار وغديتهم ونا القيت مراد مازال راقد قالت خليه راقد لان اكيده ح يوع علي العصر ويمشي للعياده
ورقدو هم اخري ونا مشيت للدار ورقدت جنب مراد
وبعدها بساعه وعي مراد وشافني راقده جنبه
مراد ؛؛ قعد اينابش فيا بشعري علي وجي
نا ؛؛ حبيبي حول
مراد ؛؛ سادك نوم يا خموجي
نا ؛؛ فتحت عيني حبيبي نا هذا وين رقدت
مراد ؛؛ هههههه به خليكي
وصبا هو للحمام
ونا فكرت في كلام هدي وصبيت ونطيت نط ومشيت وولعت علي الغداء انسخن فيه
وطلع مراد وشافني واعيه
مراد؛ سيبتك راقده كنك وعيتي
نا ؛؛ قالت اكيده جيعان
مراد ؛؛ نقاني جيعان هيا حطيلي الغداء بدال ما صليت الظهر
نا ؛؛ به
ومشيت وحطيت الغداء ومراد صلي الظهر وجاني في المطبخ وبدينا تنتغدو و اذن العصر
مراد ؛؛ ويه لما اتكملي الغداء وعي العويل ووتيلهم دبشهم بيش انشيلهم لامهم
نا ؛ يبو يقعدو كم يوم
مراد ؛؛ ديمه يقعدو 3 ايام او 4
نا ؛؛ به تو انوتيلهم دبشهم
وصبا مراد وعد صلي العثر وبدا ايغير دبشه ونا مشيت ووعيت لمار ولابستها لابسه سمحه ولميتلها شعرها و غيرت لحمادي ووتيلهم الشنطه
واطلعو مع مراد
ونا خشيت لميت المطبخ وبرمت علي الشقه ودرت بخوره
وطول خشيت وطحت نوم طول
و بعد المغرب حسيت في حد ايحرك فيا بس نا من التعب ما قدرتش نوعا وانفتح اعيوني
وبعدها شميت بنت عطر مراد قويه بكل
وفتحت اعيوني والقيت مراد امقعمز جنبي ايبخ في العطر علي الفوطه
نا ؛؛ حبيبي جيت
مراد ؛؛ كنك اليوم امكملتيها نوم وخلاص
نا ؛؛ امس رقدت متاخر واليوم وعيت بدري
ورفعت يدي بيش انحول شعري
وحسيت حاجه اخبطت في وجي
ولما شفت يدي القيت دبله واسوره
نا ؛؛ هييييييي حبيبي املبسني دبله انت
مراد ؛؛ ههههه من امبدري ونا انلابس فيك وانتي ما حسيتي بيا بكل
نا ؛؛ صبيت واضبطته
انحبك انحبك
مراد ؛ ها عجبنك
نا ؛ ايهبلن يا عمري اصلا هن منك ومن طبيعي ايكونن ايهبلن
مراد ؛؛ نجك
هيا صبي صلي المغرب وخلني انهدرزو
نا ؛؛ حاضر يا عمري
وصبيت وتميت انبحت في الدبله والاسور كيف انهن ايهبلن وفرحت بيهن
ومشت حياتنا هكي كم يوم وبعد 3 ايام جو لمار وحمادي
وجا يوم الأربعاء
مراد ؛؛ هيا يا ايه ابسرعه عليك سريب هذا عليش كاره نا الحنه
نا ؛؛ هيا حبيبي هيا اساس موعد الحنيه مازل
مراد ؛؛ ابسرعه باهي عندي مشوار
نا ؛؛ هيا هيا
وخليت حمادي مع البنات ومشيت نا ولمار للحنايه
الحنيه ؛؛ هذه ابنيتك
نا ؛ ﻻﻻ هذه ربيبتي
الحنيه ؛؛ كيف مراته التانيه
نا ؛؛ ﻻﻻ مطلقها
الحنيه ؛؛ اها ربي يهنيك ان شاءالله
تعالي يا ماما بيش انديرلك حنه
وانتي تو انحنيك حنه لعند فوق بيش راجلك ماايبحتش قي غيرك
نا ؛؛ شكرا وهي تبي ورده بسيطه
الحنيه ؛؛ شوري تو انحنيه نا
نا ؛؛ ﻻﻻ ما تحنيهش واجد تو باتها ايهزب
الحنيه ؛؛ ما عليك تو انحيها حنه بسيطه
وكملنا ونا رنيت علي مراد بيش ايجي ياخذنا
طبعا انا اول مره انكترها الحنه
الحنيه اصرت اتحنني لعند فوق الركبه
وروحت وما وريتش الحنه للمراد لان مازالت ما اصبغت
مراد ؛؛ هيا با مكاره وريها ليا
نا ؛؛ ﻻﻻ حبيبي ارقد مش ح انوريها راه خليها تصبغ قبل
مراد ؛؛ مكاره تو اتشوفي ياايه وتو تندمي عليعا تو تنفعك الحنه
نا ؛؛ هههههه نجك حبيبي ممكن طلب
مراد ؛؛ نعم
نا ؛؛ حبيبي خاطري في حوت
مراد ؛؛ طايب ولاه اطيبه
نا ؛ ﻻﻻ طايب نبيه بكره لان بكره عندي فرح ونبي انوتي روحي بدري
مراد ؛؛ به كببدتي تو انجيب لكره حوت
نا ؛؛ حبيته علي خدي
نجك ليا
ورقدت هذاك اليوم ووعيت تاني يوم مراد عدا للعمله ونا قعدت نبرم علي روحي بروحي درت فتله وحواجب وزيت لشعري
وروح مراد ومعه الغداء
نا ؛؛ نجك جبت حوت
مراد ؛؛ اها اهي هيا انتغدو راه تعبان نبي نرقد
نا ؛؛ هيا يا لمار
لمار ؛؛ هيا هيا وجتنا تجري
وبديت انتغداء وانوكل في حمادي
لمار ؛ بابا هذا فيه اعظام واجد
مراد ؛؛ لمار انتي كولي هذا فيش اعظام
كله انتي شكلك خبره في الحوت
نا ؛؛ انحبه موت وشوري اوكاله
مراد ؛ صحه
نا ؛؛ حبيبي عندك عياده اليوم صح
مراد ؛ اها لما انروح تو انشيلك نا للفرح
نا؛ ساعه 8 اتجي
مراد ؛؛ اها هكي تمام وقت اطلعو
نا ؛؛ اها اوكي
وتغدينا وصبينا
مراد ؛؛ ويه ورني الحنه كنك داستيها عليا
نا ؛؛ ﻻﻻ مازالت ما غسلت تو بعدين نغسل وانوريها لك
مراد ؛: به يا مكاره
وخش مراد للدار ورقد
وجتني هدي
هدي ؛؛ ويه هاتي حمادي عنك وانتي اشقي بلمار واشقي بروحك نبوك عروس عاد
نا ؛؛ به اهو حمادي وراه تو يبي يرقد
هدي ؛؛ شن تبي تلابسي
تا ؛؛ عندي قفطان شربته علي الفرح فضي واقصير
هدي ؛؛ تو انشوفه بعدين
نا ؛؛ ان شاءالله
وخذت هدي حمادي
ونا خذيت لمار ودرتلها حمام واستشورت شعرها ودرتلها لويات من التحت وخليتها امقعمزه
ونا درت حمام وطلعت ودرت شعري استشوار ودرت حتي نا لويته بمساسيك
ودرتلها منوكير
و درت لروحي وقعدن في الصاله ووعي مراد وعدا للعياده وماخليتش ايشوفني بكل
وقعمزت علي روحي وبديت في الميك اب
طبعا درتا ميك اب تقيل ورنيت علي مراد ومردش علبا مة اول مكالمه بس لما كثرت الرن رد عليا
نا ؛ حبيبي عارفه روحي مش وقتي بس وانبي بيش اتجيبلي طاقم فضه حتي اكسور وانت جاي لان لابسه قفطان فضي وما عنديش هنا الا ذهب
مراد ؛؛ ان شاءالله
نا ؛؛ حبيبي حتي دبله اسفه والله عارفه روحي كثرت عليك
وصكر مراد في وجي
ونا عرفتها مش وقتي بس الله غالب ما عندي ما نلابس
وحطيت روموش وجتني لمار ولابستها ودرتلها روج خفيف وقلم خفيف وطلقتلها شعرها
ونا لابست القفطان ووتيت عبايتي والخمار
وجتني هدي
هدي ؛؛ اتجنني طالعه اتهبلي ربي يحفظك
نا ؛؛ صاح والله حلو
هدي؛ ؛ وحق ربي طالعه احلي من غاده اللي ماشيه للكوافيره ويما حاطه علي روحها
نا مانحسبكش شاطره هكي في اليك اب
نا ؛؛ لا شوري الجو هذا انا
هدي ؛ به ويه واتيه
نا ؛ نا اها واتيه به شن صار في حمادي وينه
هدي ؛ لابسته حمادي وقاعد لوطه نحن نبو نطلعو تو
نا ؛ انتو عدو ونا تو نرجا مراد تو ايجبني
هدي ؛؛ باهي بعد توصلي رني عليا
نا ؛؛ به
وجا مراد
مراد ؛ اووووووو كنكن قعدات علي الباب
عمتي ؛؛ هدي هدي هيا منتصر ايبيب
هدي ؛؛ هيا سلام امي اتنادي بيش تلحقينا يا ويه
نا ؛؛ باهي به
لمار؛؛ نا نبي نمشي معهم
مراد ؛ حتي انتي املبزه في وجك باهي هيا انزلي ابسرعه
ونزلت لمار
ونا خشيت شور الدار ولاحقني وهو ايبحت فيا
وقعمز علي السرير
مراد؛ ما نحسبش روحي عندي ملاك هكي
نا ؛ ههه حبيبي جبتلي طاقم
مراد ؛ اها اهو ليش ما قالتيها ليا بدري شريتلك
طاقم كامل عارفه قبل نبي نفصل عليك فصله شينه
نا ؛؛ هههههه عارفه روحي ما انهونش عليك
مراد ؛؛ والله اتوثقي في روحك يعني
نا ؛؛ به هاته الطاقم
وجيته نبي ناخذه
وهو وخر يده ورفعها ونا جيت فوقه نبي ناخذه وشعري طاح من علي جنب ومراد ايبحت فيا وفي جسمي بدقه.
مراد ؛؛ ويه فوتي الفرح خليكي هنا
نا ؛ مراد هيا وقت عليا
شدني مراد وباسني
مراد والله وقت عليا تو عمتي اتهزب
وصبيت من فوق
مراد ؛ تعالي تعالي انلابسك ابسرعه
ولابسني مراد
نا ؛ حبيبي هذين فضه مش اكسوار صاح
مراد ؛؛ اكيده فضه املاه انجيبلك اكسور عادي
نا ؛؛ نجك ليا
وحبيته علي خده نين الروج طبع
مراد ؛ ههههه علامتي هيا الابسي
لابست العبايه والخمار ابسرعه ونزلت ومشينا للصاله
ووصلت للصاله وخشيت وقعمزت معهم طبع ناس عرم ايسلمو علينا علي اساس نحن عرائس الشارع الجدد
الهام ؛؛ ايه كوافير من عديتي
نا ؛؛ لا ابروحي في الحوش
الهام ؛؛ تحكي جدا ايجنن الميك اب اتقول امتع عرائس تو اتغطي علي عروسة اليوم
غاده ؛؛ اكويس عادي
الهام ؛؛ ماعندك مااتقولي طالعه اتجننن بكل
عمتي ؛؛ هيا ايه غاده صبن ارقصن خلو الناس اتشوفكن هيا هيا
غاده ؛؛ نعرفش نرقص
عمتي ؛؛ هيا هيا صبن
هدي ؛ ويه تعرفي ترقصي
نا ؛ نا ما نفكرش في الرقص نا انفكر في العشاء ميته جوع
هاجر ؛؛ هيا تو انصبي معاك نا نرقص
نا ؛؛نا نعرف نرقص بس متحشمه
هدي ؛ حولي الكعب و ارقصي
نا ؛؛ غمزتلها
ﻻﻻ بالكعب احسن
هدي ؛؛ طيح سعدك ظهرك بعدها
نا ؛؛ تو اتشوفنا
وصبيت نا وغاده وهاجر واعميمه شور الفرق وتمينا نرقصو
طبعا غاده انفجعت لما شفتني نعرف نرقص بالكعب اخر وعمتي عجبتها وتمت اتشجع فيا اخري
هاجر ؛؛ تي وين يا صقع طلعتي اتجنني
نا ؛؛ ههههه
وجتني لمار تجري وتمت ترقص معي
الفرق ؛؛ يا ربي نجيها ونجي ابنيتها اللي اترقص فيها
ونا ماعدلتش بكل
غاده ؛؛ اربيبتها هذه مش بنتها
الفرقه انصدمت وتمت اتغني علي المرهون
نا ؛؛ خلاص خلونا ننزلو
عمتي ؛؛ الله ايبض وجك يا ايه سلمك رقاصه
نا ؛؛ سلمك
ونزلنا من المسرح واللي انخطم عليها اتكرني واتسلم عليا
ماشاءالله ربي يحفظك وايخيلكي لراجلك
طبعا انا انحرجت حسيت روحي من
طبعا الانظار كلهن عليا نا اكتر لان مرات مراد التانيه يبو ايقارنو بيني وبين طليقته
وقعمزن علي الطواله
هدي ؛؛ بخري روحك العيون كلهن عليك وانتي ترقصي
تي والله لو يشوفك مراد هكي ايديرك فيك الويل
نا ؛؛ ههههههه
وجانا العشاء وبدينا انتعشو وبعدها
هدي ؛؛ نبي نمشي لحمام قبل
لمار ؛؛ نمشي معاك
هدي ؛؛ هابا عليك بخت بختي تو يحسابوك ابنبتي
الهام ؛؛ ههههههه ﻻﻻ واضح مس بنتك
هدي ؛؛ هيا تطلعي با همي قدامي
ومشن هدي ولمار للحمام
جتنا وحده اتسلم
نا ما انتبهتش بكل وكنت لاهيه في العشاء
بس حسيت الوجوه تغيرت لما جت المراه هذه وكلهم سلمو عليها ومش عاجبهم الوضع وهي اتبحت فيا واقريب تاكلني بعيونها اوكال وجتني واقربت مني
المراه ؛؛ ايه مرات مراد
نا ؛؛ بالابتسامه
ان شاءالله
المراه ؛؛ مبروك عليك
لمار ؛؛ ……………..
يتبع