مسلسل سعاده كاذبه
الحلقه 24
اذكرتها وحسيت روحي امرايفه عليها و خاطري اتكون هنا جنبي بحكم انها متزوجه واختي الكبيره تنصحني واتقولي شن اندير مع مراد اللي بديت انحبه وانتعلق به وانحس فيه راجل بمعني كلمه ايغار عليا ولما نبكي نلقي حضنه مكان دفي ومفتوحلي في اي وقت صح هو عصبي بس حنون حنوننننن شفت الحن في اعيونه ايخاف عليا ويبني قريبه منه كحبيبه مش كزوجه وخلاصونا نبكي
شميت بنه نعرفها وووووواجد وغاليه عليا وديمه انحب انشمها غمضت اعيوني وتمنيت البنه تقرب مني اخر
وقربت مني اخر ونا برمت وجي وجت عيني في عين حبيبي اللي نعرفه من وين
برغم نعرفه ليا كم يوم بس انحس روحي نعرفه من سنين طويلة وانحس بالامان بقربه صح ما صار شيء بيني وبينه بس حبيته والله حبيته
حبيته لما بكيت القيته قدامي واضبطته وهو استقبلني بحضنه دافي وحنون
حبيته لما جا وحكي مع خويا و داري شان وكان
حبيته لما مرضت ماخلش حد ايجني او يلمسني غيره
حبيته لما غار عليا ونزل خماري
حبيته لما خذاني بحلال وحطني في شقته واماني علي روحه وعلي اعياله وحط فيا ثقه
حبيته لما يوم اللي عرف ان عندي ماضي حاني وقعد يخبط وايعيط من النار اللي راكبه فيه
حبيته لما حاول يمكرني ابتسملي
حبيته لما مرضت جاني ورقدني علي صدره
حبيته لما ناديتله جاني يجري وحمني
حبيته لما عرف طبعي واستقبله بكل روح حنونه
حبيته لما خلني انحبه غصب عني وانفكر فيه طول الوقت
حبيته واقسم بذات الله حبيتوبحتت فيه وابتسمت
مراد ؛؛ كنك قعده هنا وليش طالعه لابسه هكي
نا ؛؛ كنت انصلي في الفجر وشفت المنظر عجبني جيت وقعمزت هنا
قرب مني مراد وقعمز جنبي وقعدت انبحت فيه
مراد ؛؛ امرفع حاجبه
بس مش خطا تطلعي بتوته هكي علي الشط
نا ؛؛ فيش حد ولما شفتك راقد مابيتش نزعجك جيت وقعمزت
مراد ؛؛ شن تو جايك مزاج ابتسامات
نا ؛؛ لاني تو كنت انفكر وانت جيت
و كل ما انفكر اتجي انت قدامي حسيت وكأنك اتحس ييا
مراد ؛؛ بحت فيا واستغرب كلامي
اوووووو شن كلام جديد هذا
وقرب مني
عارفه ايه انتي مرات اتخوفي فيا منك انقول هذه كتومه واجد وغامضه و وراها سر كبير
وبكايه وخوافه ومش ح تفتحلي قلبها مع انك حنونه وطيبه
و اول مره انشوفك شفت البرائه فيكي و فيك حاجه شدتني شورك بدرجة قالت لعمتي نبي نقرا الفاتحه ابسرعه ونبيه
نا ؛؛ هيييييييييي
قصدك انت شايفني قبل الفاتحه
مراد ؛؛ شايفك اصور عند عمتي فاطمه
نا ؛؛ هيييييي وهذا عليش تبيش اتشوفني قبل الفاتحه وهذه اكتر حركه قهرتني منك
مراد ؛؛ من طبيعي نبي انشوفك قبل الفاتحه ها تبيني نقراء فاتحتي علي وحده مانعرفهش مرات تطلعي حوله ولاسوده
نا ؛؛ باهي تو اتشوف عمتي وانا ياما درت بيش انشوفك بس هي سكرتها في وجي
به مراد شن الصوراللي شفتهن
وطلع مراد الفون من جيبه وافتحه ليا وحطلي على الصور
ومده ليا
نا ؛؛ هييييي عندك في فونك اخر
مراد ؛؛ نقلتهن عندي وحذفتهن عندها
نا ؛؛ ليش تنقل فيهن معقوله هذه صوره اتوريها لك هذه لابسه مش تمام
مراد ؛؛ انتي مراتي وعادي انشوفك لابسه هكي
وبعدها خفت حد تاني ايشوف الصور وقالت لعمتي معش اتصورك
نا ؛؛ نا ماكنتش انصور في اي فون اساس الا فون خالتي فاطمه بس لان هي اتصور فينا بالغصب
وخذني مراد وقربني شوره وحول مسكتي وانطلق شعري
وحول شعري علي الجنب وجا علي الشوفه اللي في ارقبتي وباسها ونا التفت شوره وجت عيني في عينه
حسيت بقلبي ايدق ابسرعه ورعشه في جسمي
ولافني شوره اكتر واضبطني وحطني بين كرعيه وقعمزني
ونا منحرجه وامنزله راسي
بس كان خاطري ايخلني في حضنه اخر
رفع راسي وخلي عيني اتجي في عينه
وقرب من وذني وهمسلي همسه عاشق
مراد ؛؛ ايه انتي تبيني
نا ؛؛ انحرجت منه
مراد ؛ ردي تبيني انتي تبيني كزوجك
وقعدت ساكته
وهو باسني علي خدي
وشافني ولقني مبتسمه ومنحرجه
مراد ؛؛ تعالي انخشو لبحر جو
نا ؛؛ نحكي بصوت واطي وحنون
نعرفش انعوم
مراد ؛؛ خليكي ماسكه فيا كيف امبدري
نا ؛؛ ﻻﻻ نبيش
وصبني مراد وصب وحول التيشرت امتعه
وخش للبحر وقعد ماسك في يدي ونا وخرت
نا ؛؛ ﻻﻻ مراد نبيش خايفه
رد مراد ولاف شوري واضبطني
مراد ؛؛ خايفه ونا معاك هيا تعالي
وخش لبحر وخششني معه
ونا اول ما خشينا قعدت ماسكه في يده بقوه
وهو نزل لوطه ونزلني معه تحت البحر
نا خفت قربت منه ابسرعه ومسكت فيه من عند ارقبته وهو مسكني من عند وسطي
مراد ؛ ههه خوافه
نا ؛؛ طلعني نعرفش انعوم بكل انا
مراد ؛؛ ويه تو الجو هادي وسمح هيا عومي وخوذي راحتك
نا ؛؛ لاحظت كلمة ويه كيف طالعه اتجنن منه
واضبطته اخر وماتمنيتش انحول من بين ايديه كان حضنه دافي وحنون
وماسكه فيه وحاطه راسي علي كتفه
وهو نزل وجه شوري وحول جمتي من علي وجي وباسني بوسه طويله وحنونه وقعد ماسك في بقوه وكان يقدر ايخششني جو في قلبه
ويه انتي حلوه وحرمتني منك مش حرام عليك هكي
تحرمي فيا منك ومن حضنك هذا
والله نا خايف نطلعو تو من البحر تنقلبي واتردي ايه البكايه ومعش تحكي معي
نا ؛؛ حبيبي
انصدمت وحطيت يدي علي فمي وسكتت
مراد ؛؛ شن حبيبي قوليها ليش تبيش اتقوليها نا مش حبيبك ولا شنو
نا ؛؛ ساااااااااااكته وانحبت فيه بكل نظره حب
مراد ؛؛ ردي انا مش حبيبك ولا شنو
وهزني من بين ايده
ردي كنك ساكته
نا ؛؛ خايفه نحكي تضحك عليا
مراد ؛؛ شن احكي ومستحيل نضحك عليك
نا ؛؛ مراد الحق انا حبيتك وامس غرت لما حكيتلي علي طليقتك ولما برمت وجي كان خاطري اتجيني انت بس انت سيبتني و ولعت دخانك وانجرحت منك لما درت هكي
مراد ؛؛ انتي اللي سالتني عليها ونا حبيت نحكيلك وما نبيش حد يحكيلك غيري واتحسي روحك غريبه عليا
نا ؛؛ مراد في ناس بدو ايجو للبحر شوف
مراد ؛؛ اووووووو تي مش وقتهم هذوم
نا ؛؛ هيا نطلعو خلاص
مراد ؛؛ هيا
ولما رفعني مراد شاف جسمي وشاف التوته كيف تمت لاصقه فيا
مراد ؛؛ ﻻﻻﻻﻻ منظرك فضيحه انتي دبشك لاصق فيكي
نا ؛؛ ما منك انت
مراد ؛؛ خليكي هنا اشويه تحت الميه مافيش داعي حد ايشوفك
نا ؛؛ وين تمشي
مراد ؛؛ اشويه بس انجيب التيشرت امتعي تلابسيه يسترك اشويه
نا ؛؛ به
وعدي مراد ابسرعه وجاب التيشرت امتعه وقرب مني وحطه علي اكتوفي ولافني شوره كان مايبيش حد ايشوفني وجينا علي الشط وخذين الفون
مراد ؛؛ اصبري ويه
نا ؛؛ نعم
وحول التيشرت من علي اكتوفي ولابسه ليا ابسرعة برق ما يبيش حد ايشوفني
مراد ؛؛ هذه اخر مره اتجي هنا بالابسه هذه هنا
نا ؛؛ امبدري كان فاضي وانت اللي خششتني للبحر
مراد؛؛ هههه به سماح
ومشينا وهو كان حاط يده علي اكتوفي ولافني شوره زكان يلقي ايخششني فيه جوه
وكأنه ما يبيش حد ايشوفني غيره ويمشي ابسرعه
مراد ؛؛ ويه نزلي راسك وحركي روحك ابسرعه
نا ؛؛ والله نمشي بسرعه
وصلنا للشاليه وخشينا ابسرعه
مراد ؛؛ خشي لحمام تو انجيبلك دبشك في الحمام
نا ؛؛ به
وخشيت الحمام واقريب انطير من الفرحه لاني كنت في حضنه وعيشني اجمل شعور لما لحيته جت علي خدي وارقبتي وقالتله حبيبي بدون ما انحس بروحي
ودق عليا الباب
نا ؛؛ نعم
ويحكي بصوت واطي بكل
مراد ؛؛ ايه راه فيش الا جينز عندك وابلوزه
نا ؛؛ نعم ما نسمعش فيك
مراد تمه يحكي بصوت واطي بكل
ونا معش سمعته اطريت نفتح الباب وانطلعله راسي
مراد ؛؛ هههه فيش الا جينز هذا تبي تلابسي وابلوزه هذه
نا ؛؛ به هات ساهله تو نطلع وانشوف بروحي
وخذيت دبشي وادوشت ابسرعه ولابست دبشي
وطلعت والقيته قاعد قدام الحمام
مراد ؛؛ واخيرا
نا ؛؛ هههه اسفه طولت
مراد ؛؛ عدي عدي ابسرعه لدار
وهو خش لحمام
ونا خشيت للدار وقعدت انبحت في دبشنا وماالقيتش ما نلابس
وقعمزت وقعدت انفكر وخش عليا مراد بديشنبر امتعه
مراد ؛؛ كنك امقعمزه
نا ؛؛ ماعندي ما نلابس اهو انت دبشك ومديتله دبشه وبرمت وجي شور الساس وهو لابس شورت عند الركبه و كناتيره وجا وقعمز جنبي
مراد ؛؛ اكيده مش ح تقدري ترقدي بالجينز هذا
نا ؛؛ اها بعدك تعبانه نبي نرقد
وبحت مراد في الشنطه وطلع سوريته
مراد ؛؛ كان هذا الابسي هذه عد الله لابسه روب اقصير
نا ؛؛ ههههه ﻻﻻ شكرا
مراد ؛؛ كيف ماتبيش تلابسي حاجتي
نا ؛؛ بحتت فيه وحسيته ان يبني نلابسه
به هيا اطلع بيش انغير دبشي وعدي انشر دبش اللي في حمام امتاعي بيش ينشف
مراد ؛؛ به
وطلع مراد ونا غيرت دبشي بسرعه وخشيت في الفراش تحت الفوطه
وهو نشر الدبش وجا خش عليا وخش تحت الفوطه معي
ومسك يدي وكرني شوره
ونا قربت منه اخر وخشيت في حضنه
وباسني مراد علي راسي وخلني في حضنه ورفع الفوطه فجاه
نا ؛؛ ﻻﻻ مراد
مراد ؛؛ نبي انشوف كيف دبشي جاي عليك
نا ؛؛ به غطيني خلاص
وقرب مني وجا فوقي
نا ؛؛ مراد الصبح طلع علينا ونحن مازالنا مارقدنا
مراد ؛؛ يعني انتي ما تبنيش
نا ؛؛ بحتت فيه وساكته لاني كنت نبيه بس متحشمه منه
وفهم عليا
مراد ؛؛ نجك ليا
ونزل عليا وبدا ايبوس فيا علي ارقبتي
نا ؛؛ حسيت بروحي نبيه وماخاطريش ايحول من عليا
وفتح ابطم السوريه و كل ما ليا اندوخ في حضنه
مراد ؛؛ مش حرام عليك تحرمني منك هكي ها حبيبي تبيني تو
نا ؛؛ هزيت راسي معناها اها
مراد ؛؛ باهي عطيني بوسه هنا
وكان ايشير علي خده
قعدت مبتسمه وانبحت فيه
مراد ؛؛ هيا يا مكاره
ورفعت راسي وقربت من خده وجيت نبي انبوسه وهو بلادني وخلها اتجي في ……………..
ودخت منه وماعاد حسيت بحاجه
وعيت علي صوت الباب ايدق
والقيت روحي راقده في
حضنه ومتغطيه بالفوطه
نا ؛؛ نحكي بصوت واطي وحنون
حبيبي صبي شوف الباب
مراد ؛؛ وعي وشافني اقريبه منه
ابتسملي
صباح النور يا اجمل ملاك
نا ؛؛ صباح الخير
لمار ؛؛ تحكي من وراء الباب بصوت واطي
بابا هيا تعال غداء هيا
مراد ؛؛ اوووو غداء املاه ساعه كم
وشاف لفون
اوووووو ساعه 3
نا ؛؛ هييييي 3 معقوله
مراد ؛؛ تي كنك انتي راه رقدنا في الصبح
لمار ؛؛ بابا نسمع فيك تحكي رد عليا
مراد ؛؛ باهي يا بابا تو انجي عدي انتي تغدي
هدي ؛؛ لمار تعالي خلاص عقبنلها بابا وايه
نا ؛؛ مراد كيف انصبي نبي دبش
مراد ؛؛ باهي تو نصرف نا خليكي هنا ما تطلعيش وسكري علي روحك تو اتجي لمار واتشوفك
نا ؛؛ حاضر حبيبي
وجا قرب مني
مراد ؛؛ شن قالتي ما سمعتكش
نا ؛؛ شيء
مراد ؛؛ مش طالع وخليكي هكي بمنظرك هذا نين اتقوليها
نا ؛؛مراد يا شيني خلاص هيا صبي
مراد ؛؛ نجك ليا وربي ما يحرمني منك
كان خاطر عليا البحر ايخليكي رومانسية هكي راه جبتك فيه من اول يوم
نا ؛؛ ههههه باهي صبي هيا
وصبا مراد وخش لحمام وادوش وطلعلي ولابس وطلع عدا جابلي دبش
ونا صبيت لفيت روحي بفوطه وخشيت بسرعه برق
لحمام وادوشت ولابست دبشي وطلعت
صليت الصبح والظهر وخش عليا مراد
مراد ؛؛ ايه تعالي تغدي
نا ؛؛ هيا اني جيت
وصبيت وطلعت معه والقيتهم كلهم امقعمزين بره وجاين حتي عيت عمهم
نا ؛؛ صباح الخير
طارق ؛؛ تي اي صباح الخير
عمتي ؛؛ قولي تمسو علي الخير
نا ؛؛ انحرجت وتخزرطت
وجيت وسلمت عليهم
عم مراد ؛؛ ماشاءالله هذه مرات مراد
عمي ؛؛ اها هذه مراته
عم مراد ؛؛ ما شاءالله اصغيره
عمتي ؛؛ ماحد اصغير توا
وبحتت في مراد وهو ايبحت فيا
مراد ؛؛ اليوم لعند الصبح و نا انعوم احسن جو العوامه في الصبح
حاتم ؛؛ اووووووو اسالني عليها نا
غاده ؛؛ اها شفتكم في الصبح
وبحتنا نا ومراد في بعضنا وانحرجنا
مراد ؛؛ ايه عدي جيبلي الغداء وتعالي علي الشط انتغدو
نا ؛؛ به حاضر تو انجي
وعدا مراد وخذا معه لمار وحمادي
ومشيت نا للمطبخ ولقيت هدي اتوتيلنا في الغداء
هدي ؛؛اووووو شكلكم ليلتكم صباحي يا عروسه
نا ؛؛ اها مراد طول وهو ايعوم في الصبح
هدي ؛؛:اكيده قعدتي معه
نا ؛؛ اها
وحطت هدي الغداء ونا حطيت عصير وشكولاطات وميه
ومشيت شور الشط والقيت بنات عم مراد ومعهم هاجر يدحنسنا علي مراد وطارق
وجيتهم وحطيت الغداء علي الطوله
هاجر ؛؛ عصريه هذه
نا ؛؛ عصريه علي فطور علي غداء كلها مع بعضها
طارق ؛؛ عجنو عجنو
مراد ؛؛ باهي عطونا طريق بيش ناكلو هيا
هاجر ؛؛ هيا يابنات تعالنا انقعمزو غادي
ومشن البنات وهاجر وتمين انبحتو فيهن وشفنا وحده من بنات عمه اموخره وتمشي بشويه وتمشي مع طارق
مراد ؛؛ بنات تو معش ايتحشمن بكل
نا ؛؛ هههههه خليها اتعيش حياتها بالك ايكون من نصيبها
مراد ؛؛ المشكله طارق عنده فوق من 100 رقم بنت واتخاف منه
لمار ؛؛ اعميمه عطني عصير
نا ؛؛ تعالي حبيبتي خوذي نا حاسبتكم وخوذي شكولاطه
لمار ؛؛ شكرا اعميمه بابا انخش بعدها للبحر
مراد؛ ؛ تنسودي بعدها اصبري خلي الشمس اطيح اشويه
وكملنا الغداء وقعدت انبحت في مراد
مراد ؛؛ صحه
نا ؛؛ سلمك
هات حمادي نمسكه اشويه
ومدلي مراد حمادي وهو صبا وشال السفره
وجت الهام وقعمزت جنبي هي وحاتم
الهام ؛؛ شن جو ايه
نا ؛ تمام الحمدالله
وجا مراد وقعمز وبدا ايدخن
حاتم ؛؛ عيت عمك جوا من الصبح عليك ازعاج نا مستغرب انت ما وعيت
مراد ؛؛ تي رقدت في هالصبح من التعب ما سمعت حاجه
حاتم ؛؛ عمك ايعيط علي قطعة الارض اخر
مراد ؛؛ عليك قصه اخر مازال ماملش
حاتم ؛؛ نقانه معه الحق راه عمك مستحق ماتاخذش علي باتي حالته اكويسه
مراد ؛؛ والمشكله عيت عمك الاخرين مايبوش ايتنازلو
حاتم ؛؛ والله خولطه نا قالت لباتي انت مانك مستحقلهم فوت الموضوع ماتخسرش خوتك
مراد ؛؛ هكي صح
حاتم ؛؛ شن صار في حوشك
مراد ؛ قاعد المأجر عطني مقدما قبل الفرح
حاتم؛ ؛ تو انت مش متضايق من الشقه
مراد ؛؛ باتك هو اللي يبي هكي ما يبنيش نطلع
الهام ؛؛ عليك حوش حوشك كبير ووسع ما ايتعوضش
مراد ؛؛ درته كاستثمارا قاعد لما يكبرو عويلي يلقوه
الهام ؛ ان شاءالله يتربو في عزك وان شاء الله اتزيد عليهم
خطرها يا مراد مرات خويا شالت يوم اللي اعرفت قالت تو اتجيك وتبي تعطيك هديه بس نا قالتلها واخذ اجازه الايام اللي فاتن
مراد ؛؛ باهي مبروك عليها وانا انقول كنك معش اترني عليا
الهام ؛؛ منها 24 ساعه اترن عليا واتقولي قوليله قوليله
مراد ؛؛ نذكرها يوم اللي خشت عليا خشت وهي تبكي وقالت انت اخر امل عندي وكان هذا نبي نطلع ونزرع وخلاص
الهام ؛؛ حتي هن 5 اسنين يا مراد واجد
مراد ؛؛ انا ديمه انقول كثرو الاستغفار وخليك مواضبه مع دكتور واحد مش كل مره اتلبزي عند دكتور تاني
واللي يقهرن فيا اللي جيني وياخذن مني دواء ويطلعن وايعدن للطب عرب وتاخذ منها اعشاب
تقعد اتلبز مش اكويس هكي استهلاك للصحه هذا
وراه حتي العلاج يبي وقت و راحه نفسيه
الهام ؛ هذا كلام الصبايا عدي لفلانه وعدي لفلان ايركبن علي الوحده
حاتم ؛؛ ايام مرات خوها اتعالج فجرت حتي راسي نا
نا قالت ل الهام ليش تحكيلها علي مراد
مراد ؛؛ نا مرات انسكر فوني من كثر الرن الصبايا
الهام ؛؛ ايه انتي ان شاءالله ح تنقهري من مكالمات مراد في صبايا يحكن هن بروحهن مش ايقولن لراجلهن احكي انت
حاتم ؛؛ الهام تعالي انشوفو امي اتنادي شكلها رتاج تبكي
الهام ؛؛ ييييييي عليك بخت
وصبت الهام ابسرعه و روراها حاتم وراهم لمار
ونا التفت وشافت طارق يحكي مع بنت عمه وكان متقرب منها واجد وخفت مراد ايشوفه وادير قصه
وصبا مراد وجا قرب مني وقعمز علي الكرسي اللي جنبي
مراد ؛؛ حمادي رقد
نا ؛ اها امبدري في يدي رقد
مراد ؛؛ نجيه
تعالي هنا رقدي علي الفوطه هذه خليه في الشمس
نا ؛؛ قويه الشمس
مراد ؛؛ ﻻﻻ اهو انحطلها تحت الشمسيه حطيه هنا
ونزلت نا من الكرسي وحطيته
ومراد مال الشمسيه وخلها امغطيه علينا
وقعمز مراد علي الرمله
ونا صبيت نبي انقعمز علي الكرسي
كرني وخلني انقعمز جنبه علي الرمله
مراد ؛؛ شن تبي في الكرسي خليك علي الرمله
ومسك يدي وقعد ايبحت فيها
نا ؛؛ كلا نحن اللي ايشوفنا ماايقولش هذوم متزوجين بكل
مراد ؛؛ عليش
نا ؛؛ ﻻ نا ولا انت لابسين دبله
مراد ؛؛ ههههههه تو نشريك دبله ما تخافيش
ونا مش لابس دبله لانك انتي ما جبتليش
نا ؛؛ هههههه ماكنتش عارفه مقاس يدك وخفت انجيبلك تكسفني
مراد ؛؛ هههههههه نجك ليا بس تعالي هنا قربي مني عليش متباعده راه رايفت عليك
نا ؛؛ مراد الناس اتبحت فينا
مراد ؛؛ تي نا فرحان لانك جنبي ومااندور في حد
نا ؛؛ مراد ليش تعطي في فونك للصبايا
مراد ؛؛ ويه الدكتور ضروري يقعد متواصل مع المريض حتي في ابسط مرضه بيش هو يتريحلك وانت تفهم مرضه اكويس واتعيش معه خطوه بخطوه
واهي لمار جايه تجري
لمار ؛؛ بابا تبي قهوه قاللولك
مراد ؛؛ عدي جيبلي
لمار ؛؛ به
وعدت لمار تجري
وبحت فيا مراد وباسني بوسه مخطوفه
نا ؛؛ مراد عيب كنك انت
مراد ؛ نا ماصدقت حصلتك انتي كنتي حرمتني منك
نا ؛؛ نا ما كنتش حرمتك نا كنت خايفه منك لاني مانعرفكش بس انت خليتني اندوب بين ايديك و اكتر حاجه شدتني شورك هو انك حنون
مراد ؛؛ ايه راه اليوم امروح
نا ؛؛ عليش
مراد ؛؛ بكره عندي في العشيه عياده ونبي انروح انتريح ونرقد علي سرير احسن
نا ؛؛ به ابراحتك
مراد ؛؛ ونبي ننفرد بيك
نا ؛؛ نزلت راسي وابتسمت
مراد ؛؛ ووووو القوم كله جاي ولا شنو
نا ؛؛ برمت وجي وبحتت والقيت عيت عمي ومعهم عيت عمهم
كلهم جاين شور الشط وفي ايديهم حفظات
صبيت نا من جنب مراد
وهم جو وقعمزو
عمتي ؛؛ قالنا نشربو قهوتنا هنا علي البحر احسن
نا ؛؛ اها احسن
غاده ؛؛ بعدك بنت القهوه اتفوح من بعيد
هدي ؛؛ حتي هي قهوتي
لمار ؛؛ بابا نبي انخش للبحر نا خلاص
مراد ؛؛ خشي وان شاء الله تنحرقي نا ما دخلنيش بيك
نا ؛؛ هههههه حرام عليك
وصبيت قهوه لمراد ومديتها له
عمتي ؛؛ اهي كيكه مديله
نا ؛؛ به حاضر
مراد ؛؛ وين منتصر
غاده ؛؛ اهو جاي سيبت ايغير في دبش
وقعدنا انهدرزو ولاحظت ان عمتي اتبحت فينا واجد
وبعدها جن بنات عم مراد ومعهن طارق
طارق ؛؛ هيا اتخشو للبحر
حاتم ؛؛ هيا
الهام ؛؛ راه حتي نا نبي انخش امغير خلونا انكملو قهوتنا بس
طارق ؛؛ هيا ابسرعه وانتن ديمه اوكال
نحن ؛؛ هههههههههههه
عمتي ؛؛ الستر يا طارق كنك مع الصبايا
طارق ؛؛ ههههههه فلاسن خوتي وهن ماهن امعقبات حاجه
حاتم ؛؛ ههههههه من الناحيه هذه نقانه الهام ما امخلي عليا حاجه امخلتني علي الحديده
الهام ؛؛ اها يا باتي ضروري انخليك علي الحديده بيش ما اتفكرش اتبحت في غيري وتزوج
نحن ؛ ههههههههههه
عمتي ؛؛ وحياتك بعد الرجاله ينو الزواج يزوجو وان شاء الله ماعندهم حاجه ايديرو ايدبرو
الهام ؛ والله يا عمتي نا اندير اللي عليا والباقي علي ربي
حاتم ؛؛ باهي يا الهام اطلعت سياستك قويه
الهام ؛ هههههههه املاه كيف امخليتك معي لعند نهار اليوم
طارق ؛؛ علي الناحيه هذه نا مش متزوج نقعد هكي خيرلي
عمتي ؛؛ هههه تحكي تو اهو شوف مراد كيف كنا نقنعو فيه علي الزواجه هذا علي ايه وهو ما يبيش
واهو تو امكبد فيها امس لما عيطتله جاها يجري وهزبك علي خاطرها
نا ؛؛ انصدمت وانبحت في مراد
مراد؛ ؛ ووووو ياامي عليك كبوه تو بكتيها ليا
عمتي ؛؛ هذا الواقع تو ما نشوفو فيك بكل طالع من الشقه اهو اليوم ما وعيت الا ساعه 3
مرات عم مراد ؛؛ يا خيتي من حقه ايكبد البنيه حلوه واصغيره واتخش للخاطر طول
نا ؛؛ انحرجت وبحتت في مرات عمه
تسلمي اعميمه
مرات عم مراد ؛؛ خيتي هذا الحق ما انجاملش انا
هدي ؛؛ حتي هي روادت عمتي فاطمه وانتي عارفتيها
مرات عم مراد ؛؛ سلمها والله رواده وان شاءالله تطلع بنت حلال واتهنيك يا مراد واتريحك
مراد ؛؛ ابتسم
ان شاءالله ياعمتي
غاده ؛؛ ونا يا عمتي شن مش عاجبتك
مرات عم مراد ؛ لا يا ابنيتي عجبتني بس نا نحكي علي ايه الحق ما شاءالله عليها ونا نعرفك من انتي اصغيره اتهبلي بس ايه جديده علينا
هدي ؛؛ جرب نار الغيره
حاتم ؛؛ الهام كملتي قهوتك ولا انصبلك فنجال التاني
الهام ؛؛ ﻻﻻ الحمد لله
وجت بنت عم مراد
بنت عمه ؛؛ مراد معليش نبيك اتشوفلي الكريمه هذه قالولي اصليه جبتها لما مشيت لمصر
مراد ؛؛ هاتي وخذها مراد وتم يقرا فيها
مراد ؛؛ اها هذا واقي شمس اكويس بس ما اكتريش منه دريه في اوقات الحاجه بس
بنت عمه ؛؛ شكرا مراد
مراد ؛؛ عفوا
هدي ؛؛ اساس اي واقي واعر علي البشره نا مانحبش واجد
غاده ؛؛ بس ضروري اديري واقي هه شوفي الايام هذين واعرات علي البشره
هدي ؛؛ لا نا اندير علي البحر بس
ايه انتي دايره
نا ؛؛ ماعمري درت واقي ديمه حاجتي طبيعي نبحش البيز واجد انحب نغسل بشرتي بمية ورد واندير قناع زبادي وقهوه وعسل ايهبل القناع هذا
هدي ؛؛ اكويس بكل الزبادي للبشره
نا ؛؛ انحبه بكل اتحسي بشرتك تنظف صح نا مااندير فيه الا في المناسبات بس
هدي ؛؛ يا خيتي انتي بشرتك اتهبل ما تستحق لبيز ساد غير البياض والخدود الورديات
نا ؛؛ انحرجت وضحكت وبحتت في مراد وهو غمزلي
وجا منتصر
وكلهم خشو للبحر
مراد ؛؛؛ هيا اتخشي معي
نا ؛؛ انت عدي عوم نا تو انقيدك
مراد ؛؛ به ابراحتك
وخش مراد وتم ايعوم
نين الدنيا ظلمت واطلعو كلهم ماعاد مراد
وهم مشو للشاليه يدوشو
ونا جاني مراد علي الشط
مراد ؛؛ هيا للدنيا ظلمت تعالي خشي معي
نا ؛؛ ﻻﻻ نبيش وبعدها ما انت تبيني انروحو
مراد ؛؛ به هيا
ومشينا نا ومراد للشاليه وخش هو ودار حمام وطلع ولاقني اموتيه روحي
مراد ؛؛ هيا
نا ؛؛ تبي تاخذ معاك حمادي ولمار
مراد ؛؛ ﻻﻻ خليهم
نا ؛؛ به
وطلعنا
عمي ؛؛ وين
مراد ؛؛ امروح عندي بكره عياده
عمي ؛؛ عشيه عيادتك صح
مراد ؛؛ اها بس نبي انتريح ونرقد
عمي ؛؛ باهي تعشو وبعدها عدو
مراد ؛ ﻻﻻ ماعندي نيه في الشويات
عمتي ؛؛ كنك يا مراد مستعجل
مراد؛؛ نبي نرقد ياامي
عمتي ؛؛ يااخسارة مانك واعي ساعه 3 قيله
عمي ؛؛ عدي عدي يا مراد مربوحه وبشويه ماتجريش
مراد ؛؛ هيا سلام
وطلعنا وركبنا في السياره
مراد ؛؛ اكيده جيعانه صح
نا ؛؛ تبي الحق جيعانه بكل
مراد ؛؛ هههههه به خلاص في مطعم هنا اوكاله سمحه تو انتكي عليه
ووصلنا للمطعم ونزل مراد
مراد ؛؛ ايه هيا انزلي
نا ؛؛ قصدك تبيني ناكل في مطعم
مراد ؛؛ اها هيا انزلي
نا ؛؛ به هيا
ونزلت من السياره وخشينا للمطعم
وطلب مراد وجبة كبده اسكندراني وبيتزا ووجبة مشكله
و2 عصير طبيعي
مراد ؛؛ كنك متحشمه
نا ؛؛ انحس في الانظار كلهن علينا
مراد ؛؛ هههههه لا عادي مشي جوك
وجا العشاء
وبدينا فيه والله لا حشم ولا شيء نزلنا في عشاء طول من الجوع
مراد ؛؛ ايه خوذي كبده
نا ؛ انحب البيتزا موت
مراد ؛؛ ههه نجك
وكملنا العشاء وجانا الشاهي وشربنا وطلعنا واول ما ركبنا في السياره مراد ولع الدخان
نا ؛ مراد انت ادخن واجد
مراد ؛؛ هههه عارف روحي علي كم مره نبي انسيبه بس ماايصيرش
تبي حاجه انتي تو هيا نبي انروح
نا ؛؛ ﻻﻻ سلامتك
ومشينا للحوش وخشش مراد السياره في الجنان ونزلت منها وركبنا طول فوق للشقه
مراد؛؛ والله الواحد ما ايحس بالراحه الا هنا في مكانه
نا ؛؛ ههه اكيده
وخشيت نا لحمام ادوشت ولابست روب وردي وطلعت والقيت مراد …………..
يتبع