مسلسل سعاده كاذبه
الحلقه 18و اوعيت تاني يوم علي صوت بكاء صبيت نجري وخشيت نجري القيت ماما تبكي ومعها البنات يبكن
نا ؛؛ ماما كنك
خالتي؛؛ عيشه ليش تو اتنكدي علي ابنيتك حرام عليك خلاص فرحي ابنيتك اليوم زفتها وادعيلها ربي ايوفقه خطا البكاء هذا ياعيشه
ماما؛ ؛ اصلا اللي امزعلني ان هي ح تزوج وتمشي وبدون بوها ايزفها
خالتي فاطمه؛؛ خلاص ياعيشه علشان خاطرها
ونا جيت لماما وتميت نضبط فيها
نا ؛؛؛ماما خلاص والله اتصعبي فيها عليا خلاص اساس نا نبيش نزوج انتو اللي زريتوني مش قالتي نفرحلك لما تزوجي وكان تبيني انتريح وافقي اهو وافقت يا ماما علي خاطرك انتياميره ؛؛ خلاص يا ويه خشي خلاص
نا ؛؛ اصلا نا نبيش نبيش وانتو اللي وصلتوني لوضع هذا نا عندي نقعد هنا ولا انعديله نبيش نا خلاص معش نبيهماما ؛؛ ﻻ ياابنيتي وماتقوليش هكي نا فرحانه لكي بس زعلانا علشان بوك اللي كان خاطره هو اللي ايزفك
اميره ؛؛ تمت تمسك وصبتني
ويه هيا تعالي ديري حمام سمح ايريحك وايهدي اعصابك هيا تعالي راه انتي يوم عروس وليلة ليلتك ياعروس
نا مشيت معها وساكته خشيت لحمام درت حمام اقريب ساعه ونا امسكره علي روحي ماكنتش ندوش لا كنت نبكي خايفه علي ماما خايفه ايصيرلها حاجه من بعدي
درت حمام وطلعت القيت قدامي ايمان اعيونها ملينات ادموع وساكته
طول جيتها واضبطتها
ايمان ؛؛ ويه نا مش مصدقه انك ح تطلعي من الحوش واني ح نقعد بلاك
نا ؛؛ ولا نا يا ايمان مش امصدق بس خلاص الله غالب هذه سنه الحياه كانا ح نفترقو ازي علي الدنيا
ونبكي وامغمضه اعيوني حسيت باحد جا وشد يدي فتحت اعيوني والقيته خالد اضبطته طول
خالد؛ ؛ سامحني يا ويه كان في يوم زعلتك
نا ؛؛ نا اللي سامحني ياخالد
خالد ؛؛ مبروك وان شاء الله ربي ايهينك يا احسن اخت
وجتني رجاء كانت تبكي بس تمت اتكابر وما تبيش اتنكد عليا
رجاء ؛؛ ديمه تبكي انتي ديمه امنكده علي روحك خلاص اليوم فرحك يا هبله خلاص ح تزوجي واتكوني عروسك وتلابسي فيلو مش زمان ديمه اتقولي خاطري نلابس فيلو اهو تبي تلابسيه اليوم ومين قدك يا عسل انتي و الله كان نا نزوج وما انزل دمعه علي خاطر خالد السامط وحق ربي نقعد انزغرت في وجه وانقوله نبي نفتك منك ونركب لعادل فوق وانولع اغنيه علي باب شقته وانقوله واخيرا اتزوجت وماحدش عنده حاجه عندي وح ناخذ راحتي
خالد؛ ؛ هههههههههههه ديما جالطه يافرخه
امل ؛؛ الليله لليلتك يا ويه لووووووووووووووووووووووووو
هيا ياحنه عدي ازوجي وفكيني منك
نا ؛؛ نجكم ليا
خالد ؛؛ هيا عدي وتي روحك بيش انشيلك انا لكوافير
نا ؛؛ حاضر هيا
وخشيت وصليت الصبح ودعيت لربي يوفقني في حياتي الجديده وطلعت وفطرت وخشيت لدا
والقيت اميره اموتيتلي دبشي في شنطه
اميره ؛؛ ويه هذه شنطه في دبشك مرات اليوم اتباتو بره شقتك فيها منشف وفوطه وبجامه و وروبين وهديه لل مراد
نا ؛؛ قصدك نعطيها له اليوم في الليل
اميره ؛؛ لما ايجيك عطيها له او عطيه له بكره في الصبح لما توعو انتي وراجلك عاد براحتكم
نا ؛؛ به حاضر
وجتني خالتي فاطمه ؛؛ ويه نبيك اتحطي راجلك في عيونك واللي ترضيه دريها وماتسمعيش كلام حد غير راجلك واللي يبيها ديرها راه كان يرقد ليله مش راضي عليك تلعنك الملائكه ديرله اللي يبها وماتقعديش عصبيه معه هو مستحيل ايدير حاجه ايضرك راه هو طيب وحنون وانتي اكسبي حنانه شورك
نا ؛؛ حاضر
ولابست عبايتي والخمار وطلعت ومالقيتش ماما لان ماما اتهرب مني وماتبنيش انشوفها
نا ؛؛ رجاء بيش اتجيني اتلابسني بعدين
رجاء ؛؛ حاضر تو انلمو الحوش وانوتي روحي وانجيك
نا ؛؛ به
طلعت لجنان والقيت علي وعادل امصبين
جيتهم وسلمت علي علي كرني شوره واضبطني
على؛؛ مبروك ان شاءالله
نا ؛؛ يبارك فيك
وجيت لعادل ومديتله يدي بس هو ما مدش يده كرني وبقوه اضبطني
عادل ؛؛ سامحيني يا ويه سامحيني
نا ؛؛ قعدت نبكي وساكته
عادل؛؛ مبروك
نا ؛؛ يبارك فيك
خالد؛؛ هيا هيا
وطلعت وركبت مع خالد وشالني للكوافير وخشيت علي الكوافير واعيوني متورمات من كثر البكاء
الكوافيره ؛؛ ههههههههههه يا هبله انتي تبي تزوجي مش تبي تندفني عليش امنكده علي روحك تعالي
غسلت وجي بميه امسقه وعطتني فوطه فيها ثلاجه وتمت اندلك تحت اعيوني من البكاء
كوافيره ؛؛ ها فيش خاطرك انتي
نا ؛؛ اللي تبيه انتي بس نا انحب الوان الفاتحه نحبش الغامض انا
الكوافيره ؛؛ حاضر اللي تبيه
وبدت فيا للكوافيره والحوش حايس غادي وعدت خالتي فاطمه وامل وايمان لصاله
واميره وامل اقعدن في الحوش ورجاء جتني في الكوافير
ومشت ساعه وراء ساعه ونا كل مالي انزيد ننشغل اخري وانرتبك اكثر
رجاء ؛؛ اتجنني يا ويه طالعه
نا ؛ صاح والله تحكي جد
رجاء ؛؛ وحق ربي اكيده ح تطلعي احلي من سلفتك
نا ؛؛ هههههههههه علي اساس نا انفكر فيها انا انفكر في مراد بس
رجاء ؛؛ اتجننني والله هيا تعالي انديرلك مرطب لجسمك كله بيش تقعد بنتك حلوه
ودرتلي رجاء مرطب لجسمي ودرتلي لمعه خفيفه لجسمي ولابستني الفيلو
رحاء ؛؛ ان شاءالله مراد ح يقعد ساعه وهو يفتحلك في الفيلو ربطبته لكي ربطه سمحه
نا ؛؛ هههههه ﻻ يا رجاء ارخي اشويه
وجتني الكوافيره
وهي باقة الورد جت تو
نا ؛ شكرا
الكوافيره ؛؛ عفوا ومبروك عليك ان شاءالله
نا ؛؛ يبارك فيك
وجا خالد ايبيب
ودرتلي رجاء عطر ولابستني الكاب
وطلعن
وجاني خالد ابسرعه وساعدني في الركبه لان كان فيلوي امبوج واجد وذيله طويل
وركبت وانحس في حاجه غمت عليا
رحاء ؛؛ ويه اقري المعوذات وسمي بسم الله
نا ؛؛ حاضر
تميت نقرا في سري ووصلنا للصاله وخالد تمه ايبيب ونا دقات قلبي تمت تقوي اخري انحس في قلبي يدق بقوة طق طقطقطق دوف دلي دوف دلي دوف دلي دوف دلي دوف دلي دوف
ونزلت وساعدوني خالد ورجاء وخشيت ووصلت للاستقبال امتع الصاله
وجتني ماما وخالتي فاطمه وخواتي
ماما ؛؛ سمي بسم الله وخشي بشويه
نا ؛؛ انهز في راسي هز وخلاص
خالتي فاطمه؛ مااتعدليش انكان سلفتك دارت اي حركه ما ادوريهش
اميره ؛؛ اشربي هذه مية رقيه
وشربتها بالقصبه وصبيت علي باب الصاله
وجتني امتعت الصاله
شن تبي الاغنيه اللي اتخشي بها عمتك قالت ولعو اسماء الله الحسنى شن انتي موافقه
ماما ؛؛ اها ولعو ولعو اسماء الله الحسنى احسن
نا ؛؛ اها ولعيها
ماما ؛؛ طالعه الله اكبر عليك
اميره ؛؛ بس ليش كعبك مش عالي واجد مش قالتلك خوذي عالي
نا ،؛ نبيش عالي هذا فيلو ثقيل مانقدرش نلابس عالي
اميره ؛؛ هيا سمي بسم الله
نا ؛؛ بسم الله الرحمن الرحيم
وافتحو الباب والقيت روحي في المدفع ارتبكت وبعدها شفت الكاميره قدامي
وبدن اسماء الله الحسنى
ونا نمشي بشويه بشويه وقلبي يرقص رقص جو
نمشي وكان الارتباك واضح فيا
نمشي دقه دقه بس كان خاطري نجري ونقعمز وننهي هالموضوع المحرج
ووووووو وأخيرا وصلت المسرح تي كيف اندير هذين الدروج كيف نركب
جتني اميره ابسرعه ورفعتلي الفيلو عرفتني ارتبكت وركب وصبيت علي المسرح اشوي
وبعدها قعمزت واميره رتبتلي الفيلو وطرحاته علي الكنبه
طبعا المسرح كان فيه كنبتين
كنبه ليا نا ومراد وكنبه لسلفي وعروسة
انا قعمزت وبدت الفرق اتهيج ودايره جو خيالي
وانشوف في البنات يرقصن ونا ماسكه روحي بالغصب وحطو العشاء وتعشو ونا انشوف فيهم حسيت روحي جعت بكل
وبعدها صكرو الصاله وبدت الفرقه وخشو هل مراد علي اساس يبو ايحنوني
وخشو كان منظرهم ايجننن وراقي وكانو جايبن حنايه كبيره وحلوه واركبو وبدو ايصفقو وجت عمتي ونا صبيت وسلمت عليها وقعمزت وحطت الحنه في يدي وفوقها المفتاح
هذا وين بقيتي لنا
حطينا في ايديك الحنه
قيسه عابيلك علي الراحه
ديرلك حوش بمفتاحه
وبدو يرقصو ودارو جو ايجننن بكل
وبعدها بنص ساعه
صكرو الصاله اخر وخشت العروسه الثانيه وكانت اتجنن الحق وخشت علي اغنية طلي بالابيض
الحق نا استغربت لما سمعت الاغنيه
ولما وصلت للمسرح صبيتلها وسلمت عليها وهي كانت اطنش من حالها وقعمزت علي الكنبه نا وهلها جوها واقعدو احذها ونا بعدين جتني اميره ورجاء واقعدن جنبي وصكرو الصاله اميره حطتلي عطر ونا ارتبكت علي الاخير لان خلاص اهو مراد يبي ايخش
حطتلي اميره الطرحه وصبتني وهم خشو والعروسه حتي هي صبت نا قعدت امصبيه وانبحت من تحت لتحتت لمراد كان طالع ايجننن بكل كان احلي من خوه و شخصية حلوه مش كيف خوه خوه كان خاش والضحكه في جوه كان واضح بكل ان يطيار بس مراد كان محتفظ بابتسامه خفيفه
واركبو علي المسرح ونا قلبي ينبض بقوه وبسرعه نزلت راسي وجا مراد ورفعي الطرحه وحب فوق راسي وكان يبي ايسلم بيده بخد بس شافني منحرج مابش وقعمزنا نا وهو وجت المصوراتي وتمت اتصور فينا
مراد ؛؛ معليش يا ابله ابسرعه نا نبي نطلع ومافيش داعي للصور هكي خلاص
نا ؛؛ ساكته وامنزله راسي وكنت خايفه بكل
ومراد تعقد بكل
مراد ؛؛ نبي نطلع خلاص
عمتي :؛ اصبر صور مع خوك ومراته قبل
مراد ؛؛ به هيا وصبينا احذ بعضنا وصورنا وقعمزنا وتمين انشوفو في خوه منتصر ومراته غاده وهم ايصور في اصور رومانسيه بكل
نا منحرجه وامنزله راسي ولاحظت ان مراد ايبحت فيا وعرفني منحرجه
مراد صب وقالي هيا صبي
نا ؛؛ ساكته ولا كلمه صبيت و هو بدا يمشي قدامي ونا صبيت وتميت انعني في الفيلو الثقيل ونمشي بشويه وجيت نبي ننزل من علي الدروج حسيتهن وعرات
نا ؛؛ رفعت راسي
مراد
مراد ؛؛ اتفت
ونا شديت يده وهو فهم عليا وساعدني ورفع معي الفيلو ونزلت وقعدت ماسكه في يده بقوه وجت قدامي ايمان وامل وهن يبكن
اضبطتهن واعيوني يبكن ونا ماسكه روحي خايفه من الميك اب يخرب
مراد ؛؛ هيا ايه وشد يدي بقوه مشيت معه وراسي لوطه ونبكي وصلت للاسقبال القيت ماما امقعمزه تبكي وحالتها حاله وتبكي
جيتها واضبطتها مراد ابتعد مني وخلني نضبط ماما وجتني رجاء وحطتلي الكاب
خالتي سالمه ؛؛ اطلعي اطلعي يا ايه مع عريسك هيا
نا برمت وجي والقيت مراد متعقد وايبحت فيا وقاعد عند الباب
جيت شوره
مراد ؛؛ نزلي هذا علي وجك اخر
وجت اميره
اميره ؛ هيا نزلته اشويه بيش نقدر انشوف الطريق
اميره ؛؛ هيا مع سلامه ايه وردي بالك من روحك
ونا ؛؛ نبكي حااااااضر ردي بالك من ماما يا اميره
اميره ؛؛ اضبطتني ياهبله انتي عروس بلا ابكاء
هيا سلام
نا ؛؛ نرعش وكان صوتي باين فيه الرعشه سسلللاام
وجا مراد وقرب مني ونزلي الكاب اخر
ونا معش شفت شيء قدامي مسكت في يده من عند مرفقه
وهو طلع ولقي اصحاب كلهم قاعدين قدام الصاله مشي بيا شور السياره وركبني لوراه وهو ركب قدام وساق بيا
نا استغربت لما ركبني لوراه قعدت ساكته ونبكي علي الصامت
ووصلنا وفطنت ان هو وقف
وكان ورانا اصحابه جا واحد من اصحابه وفتحله الباب وخشش السياره للجنان
وصكرو الباب وجا خوه وكان جايب معه شنطتي
خذه منه وجاني وفتحلي الباب
مراد ؛؛ هيا انزلي
نا ؛؛ ماانشوفش في شيء وخفت اترفع الكباء من علي وجي
وطلعت اكرعي بره ونزلت
وصبيت
مراد ؛؛ هيا كنك وقفتي
نا ؛؛ بصوت واطي وصوت بيبي لاني كنت نبكي
وين نمشي
مراد ؛؛ هيا فوق لشقتنا
وجاني رفعلي الكاب وخشيت وركبت وهو كان يمشي قدامي نا لما عرفت اني ابروحي خفت واجد وتميت امرفعه فيلو ونركب
نين خشيت لشقه
نا استغربت لان جابني هنا لشقتنا معقوله عرسان من اول يوم نحن في الشقه فوق من هله
خشيت وهو صكر الباب وراي وخش قدامي بشطنه ونا وراه لدار خشينا
نا لما شفت منظر الدار خفت اكتر
مراد ؛؛ ايه خلاص ابكاء كنك انتي
نا ؛؛ ساكته ونبكي وخلاص
جا وقرب مني وحولي الكاب نا تحشمت بكل منه وخشيت في روحي
مراد ؛؛ ايه قعمزي وتريحي واهدي واللي ما تبيش انتي مش ح اندير انا لكي كنك خايفه مني انتي
نا ،؛ ساكته بكل
وهو طلع وخبط الباب بقوه
نا خفت وقعدت نبكي اخري وبعدها صبيت علي المرايه ومسحت من الميك اب الملبز اشويه وقعدت انبحت في الدار ونزلت علي شنطتي وطلعت منها روبي وبديت انحول في الفيلو حولت الاكسورات بس معش عرفت انحول الربطه اللي درتها ليا رجاء
وانفتح الباب وخش مراد
مراد ؛؛ اسف نبي بجامتي
نا ؛؛ وينها تو انطلعها لك
مراد ؛؛ لا شكرا تو انطلعه بروحي
هو خش ونا قعدت مرتبكه ونحاول نفتح الربطه
جا مراد وقرب مني وفتحلها ليا
مراد ؛؛ من اللي رابطها لكي هكي
نا ؛؛ اختي
وطلع مراد و نا حولت الفيلو ولابست روب ابيض كان هو طويل وناعم وكان من فوق اخيوط ومن عند الصدر ورد ومن لوراه كان الظهر كله باين
نا لما شفت ظهري تحشمت ولابست الطرف اللي فوقه وكان كم وطويل وبديت انحول في التسريحه اشويه اشويه
فتحت الباب وطلعت والقيت مراد امقعمز وايهز في اكراعه وايدخن ولابس بجامه
وجت عيني في عينه
مراد ؛؛ تعالي
نا ؛؛ جيته وكانت متحشمه بكل
مراد ؛؛ عدي خشي لحمام وتوضي
نا ؛؛ حاضر
ومشيت توضيت وطلعت
نا ؛؛ مراد وين القبله
مراد ؛؛ هكي وشيري
ونا مشيت وخذيت الصلايه وعبايه ومحرمه
وصليت المغرب والعشاء
مراد ؛؛ كيف ماصليتيش
نا ؛؛ ﻻﻻ كنت في كوافير وماصليتش المغرب لان كان وقت اطلعو من الكوافير
مراد ؛؛ تعالي انصلو مع بعضنا ركعتين
نا ؛؛ ركعتين شن
مراد ؛؛ كيف يا ايه انتي مش عارفه لزم انصلو عركتين بيش ربي ايوفقنا
نا ؛؛ به حاضر
وجا هو قدامي وصلينا ولما كملنا هو برم وجه ولقني نبكي
قرب مني وحط يده علي راسي ودع
وبعدها هو قرب مني اخر ونا كشيت وخشيت في روحي اخر
مراد ؛؛ ايه انا عارفك انك مغصوبه عليا ومش مقتنعه بيا ونا سمعك بوذني قالتي الكلام هذا ونا مش ح انجي شورك نين ماانتي تبيني واتريحيلي لان نا ماانحبش حاجة زر
نا ؛؛؛اطمنت لما سمعت كلامه
مراد ؛؛ قرب مني وطبس عليا جاي يبي ايبوسني علي خدي بس نا وخرت وكسفته
مراد انحرج وصب وطلع وخبط الباب ونا صبيت وقعمزت علي السرير وتميت نبكي وخايفه ونرجا في مراد ايجي يرقد جنبي وحطيت جنبي هديته وقعدت اقريب ساعه وبعدها حسيته طول ونا خفت لان كانت الشقه هاديه بكل صبيت وفتحت الباب وطلعت ونا نمشي القيته قاعد علي الكنبه وايدخن وايقلب في الفون جيت وقربت منه وحطيت هديته علي الطاوله
ولما شفته برمت وجي وعديت وخشيت لدار وتميت انفكر الحق نا رجيته بس هو ما جنيش ونعست ورقدت
وتاني يوم اوعيت علي صوت رنت فون مراد
طلعت نا والقيته راقد بحتت لساعه القيتها ساعه 11
خشيت لحمام ادوشت وتوضيت وصليت الصبح ولابست بجامه بيضه وفيها ورد وردي
كانت سروال اقصير عند الركبه و من فوق نص كم خليت شعري مبلول مطلوق درت قلم خفيف وحلو وروج وردي
وسمعت فون اخر ايرن مشيت شور المطبخ وفتحت الثلاجه والقيتها مليانه بس تحشمت ناخذ حاجه او نفطر بلا مراد ويزعل مني اخر
مشيت وقعدت في الدار ونرجا في مراد يوعي بس هو ماوعش نا كان النوم مازال في اعيوني بجون مانندري علي روحي رقدت اخر علي السرير
وجاني مراد وكان داير حمام ولابس سروال وكناتيره
مراد ؛؛ ايه ايه
نا ؛؛ تي هااااا
راقده ووخذني النوم
مراد ؛؛ عمتي تبيك علي الفون
نا ؛؛ نطيت وبحتت في روحي القيت روحي مش متغطيه وشعري مطلوق ولما شفته هو همي تحشمت
من يا مراد
مراد ؛؛ اهو فون خوذيه
نا ؛؛ خذيت الفون وحطيت علي وذني
خالتي فاطمه؛؛ خيرات يا ويه صباحيه امباركه ياعروسه
نا؛؛ انبحت في مراد ومتحشمه وهو قاعد علي الزينه وايحط في للعطر وايبحت فيا
ايبارك فيك
خالتي فاطمه؛؛ ها شن صار معاكم هدرزتو مع بعضكم ها اعجبك
نا ؛؛ نحكي ومرتبكه وخايفه من مراد يفهم
اها الحمدالله
خالتي فاطمه ؛؛؛باهي بيش تمشي لكوافير امتاعك راه قالت اتجيني ساعه 4
نا ؛؛ به حاضر خالتي دفعتو افلوس
خالتي فاطمه؛؛ اها دفعنا وراه ذهبك لوطه تلقيه عند عيت عمك قولي مراد ايجيبه لكي وطلعي فيلولك بيش انردوه
نا ؛؛ ذهب شن
ذهب اللي اجرنه لكي امتع العربي
نا ؛؛ اها اوكي تم
خالتي فاطمه؛؛ سلام
وصكرت ومديت فون لمراد
مراد ؛؛ كيف امتي دايره حمام وراقده
نا ؛ اها درت امبدري في الصبح
مراد ؛،؛ وكنك امسيبه المكيف والع
نا ؛؛ بعدك انحس في روحي امصقعه
وسمعت الباب ايدق
مراد ؛؛من اللي جاي تو
ايه ديرلي قهوه
نا ؛؛ حاضر
وطلعت نا وخشيت لمطبخ وبحتت في الساعه القيتها ساعه 1 وربع
ومراد عدي فتح الباب
مراد ؛؛ اووووو تعالي حبيبتي تعالي
لمار ؛؛ بابا امس وينك اندور فيك
مراد ؛؛ كنت عند جماعه تعالي هيا وشالها واضبطها
وين خوك وين قاعد
لمار ؛؛ لوطه مع امي
ونا طلعت وتميت انبحت فيهم
لمار ؛؛ هيييييي بابا من هذه
مراد ؛؛ برم وجه لوراه اها هذه اعميمه ايه
لمار ؛؛ اعميمه
نا ؛؛ خير لمار ومديت يدي
لمار ؛؛خير اعميمه
مراد ؛؛ جيبلي القهوه هنا في الصاله
نا ؛؛ حاضر ومشيت وجبت القهوه وحطيته له وجيت قعمزت جنب مراد ومراد شاد لمار في يده
نا ؛؛ لمار تعالي هنا قعمزي هنا
وقربت منه وهو ايبحت فيا
ولمار بحتت في مراد وبعدها جتني
قعمزتها عليا
نا ؛؛ نحكي بصوت بيبي
شن اخبار لمار
لمار ؛؛ ااكويثه (اكويسه )
نا ؛؛ نجك ليا عندك اخ انتي
لمار ؛؛ اها عندي اخ واحد بس
نا ؛؛ صاح شن اسمه
لمار ؛؛ حمادي
نا ؛؛ حمادي وينه كنه ماجا معاك
لمار ؛؛ حمادي عندش كرعين يركب ونا هاربه من امي اعميمه قالتلي بابا قاعد فوق ركبت طول
نا ؛؛ بحتت في مراد باستغراب علي كلمة امي
مراد ؛؛ امي هي امي نا
نا ؛؛ اها
مراد ؛؛ هيا لمار عدي انزلي بيش اتغدي
لمار ؛؛ ﻻﻻ نبيش نبي نقعد عندك هنا
مراد ؛؛ ﻻﻻ هي انزلي نا مش فاضي
لمار مدت شوربها قدامها وبرمت وجها شوري وخشت فيا
وبحت فيا مراد وكان يبي يمسك لمار مني بس خاف ايتقرب مني ونكسفه وقرب مني ونزل راسه وحطه تحت وجه لمار وايبحت فيها
نا لما حسيت بقرب مراد تميت نرعش لان كان عطره حلو وفايح وهو متقرب واجد مني حسيت بشعور ايهبل
وخذا لمار وطلعه ونزلت لمار تبكي
نا زعلت لان انزلت هي تبكي
وعديت لدار وقعمزت علي السرير
مراد ؛؛ ايه
نا ؛؛ نعم
مراد ؛؛ تبيش اتفطريني انتي ولا شنو
نا ؛؛ به حاضر تو انصبي
وصبيت ودرت سفرة فطور كبير وتهبل وحطيتها علي الطاوله
نا ؛؛ مراد وين تبي تفطر
مراد ؛؛ علي الطاوله فوق
نا ؛؛ به خلاص تعال حطيت اصلا
ومشيت وقعمزنا وفطرنا بس كنت نفطر اشويه اشويه لان هو ايراقب فيا وكلمنا وهو كمل ونا بجيت انلم في التباسي
مراد ؛؛ عندك مشيه للكوافير
نا ؛؛ اها ماليوم العربي نبي نلابس
مراد ؛؛ نا مش مقنتع بكل مافيش داعي
نا ؛ برمت وجي واستغربت
مراد ؛؛ هلك يبو ايجو
نا ؛؛ ﻻﻻﻻ
مراد ؛ به عليش تبي تلابسيه
نا ؛؛؛ لان خالتي قالت اتصورو وننزل علي هلك اول يوم بالعربي
مراد؛ يعني حاجه زايده خلاص فكينا منها نا عنديش نيه نطلع بكل من الحوش
نا ؛؛ حاضر به بس نبيك اتنزل فيلولي لوطه للن خالتي تبي اترده لكوافير
مراد ؛؛ باهي تو انرن علي طارق ايجي ياخذه
نا ؛؛براحتك
وبرمت وجي علي الحوض وبجيت نغسل واعيوني ملينات ادموع
وصب مراد وطلع وخش لدار وكلم خوه وركب خوه وطلع عليه وعطه الفيلو
ونا كملت الحوسه وطلعت والقيت مراد في الدار تحشمت
نا ؛؛ ممكن اتكلمني خالتي فاطمه انقوللها ماصار شيء
مراد ؛ كيف انتي عندكش فون ولا شنو
نا ؛؛ ﻻﻻ عنديش فون نا
مراد ؛؛ عندكش ولا تبيش اتجيبه معاك هنا
نا ؛؛ حسيت روحي كذابه وخنقتني العبره
والله ماعندي نا ماعمري درت فون لان خوتي قالو ممنوع
مراد ؛؛ اها به وكيف كنتي مخطوبه
نا ؛؛ نا كنت مخطوبه للولد عمي ومن نا اصغيره ولما كبر قال ما نبيهش وسيبني بدون مانحكو بكل
مراد ؛ به خوذي الفون
نا ؛؛ فونك غريب كله لمس ماعرفتش انتحكم فيه كذا رنلي علي خالتي
مراد ؛؛ هو كان راقد وجا قرب مني ومسك الفون بيدي بكل نا تحشمت منه وهو حاول يقربني شوره وتا ساكته وامنزله راسي
مراد ؛؛ يحكي بصوت واطي وحنون كان يهمس همس في وذني
ايه ايه ايه تبينا نبدوها من اوله كذب ولا شنو
نا ؛؛ انصدمت من كلمته ومعش عرفت ما نحكي
وخرت منه حاجه بسيطه
مراد ؛ هاتي الفون وخذا الفون ورن علي خالتي وعطها ليا
نا ؛؛ الو خالتي
خالتي فاطمه؛؛ خير ان شاءالله كنك
نا ؛؛ خالتي راه مش ح نمشي للكوافير
خالتي فاطمه؛؛ هيييييييي وعليش ماتبيش
نا ؛؛؛ بحتت في مراد
لان نا انحس في روحي تعبانه اشويه انحس روحي عنديش طاقه انصبي ونمشي لكوافير
خالتي فاطمه ؛؛ ﻻﻻ ويه عيب صبي انشطي اشويه وامشي وكانك تبي الراجل تو اتروحي وتلقيه
نا ؛؛ خالتي جسمي تعبان بكل انحس في تعب الايام الفاتن كلهن رد عليا
خالتي فاطمه؛ حاضر باهي ساهله
وصكرت وعطيت ل مراد الفون
ونا طلعت من الدار وقعمزت في الصاله وولعت التلفزيون حسيتها بنتها دخان صبيت علي الروشن وتميت نفتح فيه
جاني مراد ابسرعه
مراد ؛؛ ايه فيش اديري
نا ؛؛ نفتح في الروشن لان بنت دخان
مراد ؛؛ وباهي تفتحي الروشن ومنظرك هكي قعمزي لوطه
نا خقت وقعمزة لوطه علي الكنبه وهو فتح الروشن اخر
وطلع سبسي وبدا ايدخن اخر
وهو قعمز علي الكرسي ومسك الرومت وطفي التلفزيون
نا ؛؛؛بحتت فيه واستغربت
مراد ؛؛ ايه انتي اتحبي خطيبك
نا ؛؛ هه شن
مراد ؛؛ احكي وبلا كذب
نا ؛؛ ﻻ اصلا ما نعتبرش فيهى خطبه
مراد ؛؛ ايه صبي خشي لدار
نا ؛؛ استغربت طبعه وصبيت وخشيت لدار وهو سمعته طفي التليفزيون
وبعدها دق الباب وطلع هو وفتح ولقهم هله جايبن الغداء وطبعا لمار وحمادي اركبو حتي هم
نا ؛؛ سمعت هرجتهم ومابيتش نطلع خفت من مراد
مراد ؛؛ لمار تعالي هيا قعمزي هنا
لمار ؛؛ بابا نبي شكولاطه
مراد ؛؛ كم شكولاطه انتي واكله
لمار ؛؛ كليتش بكل بابا
مراد ؛؛ ﻻﻻ تعالي انغديك قبل
وقعمز مراد ولمار وحمادي وقعد ايوكل فيهم
كان حمادي هاجي وعمره 7 اشهور ولمار 4 ونص
نا ؛؛ جاني تشويق نطلع بس ما بيتش
مراد ؛؛ ايه ايه
نا ؛؛ نعم وصبيت وطلعت
والقيته ماسك اوليده ولمار امقعمزه معه
مراد ؛؛ تعالي تغدي
نا ؛ ﻻ ﻻ شكرا كيف واكله
مراد ؛؛ لمار بابا وقفي تو انوكلك نا
نا ؛؛ قعدت امصبيه وانبحت فيهم كان منظرهم ايهبل بس خفت مراد ايقولي خشي اخر
لمار ؛؛ اعميمه تعالي مامي
نا ؛؛ ابتسمتلها وقعدت امصبيه وخنقتني العبره حسيت حاجه غستني عليهم كيف امهم هانت عليهم وخلتهم هكي
مراد ؛؛ ايه جيبلي ميه
نا ؛؛ حاضر وعجيت وصبيت ميه وجبت له وهو شربها للمار
ونا شوقني منظر اوليده كان ايهبل بكل ودبدوب وابيض
طبست عليه وحبيته وهو في يده
مراد ؛؛ بحت فيا وشاف خاطري نمسكه
اسمه حمادي
نا ؛؛ محمد صح
مراد ؛؛ اها
نا ؛؛ به اشويه نمسكه عادي
مراد؛ ؛ خوذيه
ونا مسكته وكول طبست عليه وحبيته وتميت انشم في بنته انا انحب بنت الاطفال
ومراد ايوكل في لمار
لمار ؛؛ بابا معش نبي خلاص
مراد ؛؛ واكله شكولاطه صح هذا عليش ما كليتيش صح
لمار ؛؛ مدت شوربها وهزت راسها معناها اها
نا ؛؛ هههههههه اتهبل عسل
مراد ؛؛ ديمه ادير فيها قبل الوجبه تاكل الشكولاطه نين تو تطلعلها سوسه ونا تو انشيلها اخر والدكتور ايديرلها ابره
نا ؛؛ هيييي قصدك امقلعه سنها هي
مراد ؛؛ اها
وصبت لمار ومشت لحمام ونا صبيت وراها
نا ؛؛ لمار تبي حمام
لمار ؛؛ ﻻﻻ نبي نغسل ايديا بس
نا ؛؛ تو نغسلك
وغسلتها ايديها ونشفتهن لها وطول عدت تجري لمراد واضبطاته واقعدت علي صدره
لمار ؛؛ اعميمه انتي مخطوبه
نا ؛؛ هههههه ﻻﻻ ليش
لمار ؛؛ ليش لابسه دبله هذه به
نا ؛؛ نجك ليا وشن عرفك انتي
لمار ؛؛ اعميمه قالتها ليا
مراد ؛؛ بحت فيا وبحت في يدي
صح كنك حطيتها هنا قي اليمين
نا ؛؛ اها انسيت انغيرلها بكل
لمار ؛؛ تو انغيرلها لكي نا اعميمه
ومديت لها وهي سلحتها ومديتلها يدي تانيه وحطتها ليا
مراد ؛؛ كنها كبيره هكي الدبله
نا ؛؛ هكي جت عليا من اولها
لمار ؛؛ نبي حنه كيف حنتك
نا ؛؛ تبي حتني هذه تو انحنيك حاضر
مراد ؛؛ البنت فطنيه خير مني
نا ؛؛ هههه لانك انت ماتحبهش الحنه ممكن هذا عليش
لمار ؛؛ ماما ديمه اتحني لعند فوق هنا وحطت يدها فوق الركبه
و نا بحتت فيها وفي مراد حسيت حاجه جت وخنقتني ومراد عرفها وقعد ايغير في الجو
نا ؛؛ مراد نبي فونك في رقم نبي انرن عليه عادي
مراد ؛؛ رقم من
نا ؛؛ …………………….
يتبع