مسلسل سعاده كاذبه 

مسلسل سعاده كاذبه
الحلقه 7ونا ورجاء مقعمزين علي الكرسي
جانا الدكتوردكتور سراج ؛؛ السلام عليكم
نحن ؛؛ والدموع في اعيونا وعليك السلام
د.سراج ،؛ شن لعند امتي وانتن تبكن هكي نا عندي خبر ونبيكن اتكون قويات واتحملن اي عواقبرجاء ؛؛ صبت ابسرعه وجت قدامه وكانت منهاره
شن يا دكتور وراس دكتور مااتقول خسرنا ماما وراس دكتورانهارت نين طاحت علي ركبيها واقعدت تبكي وراس دكتور قول انها اكويسه والله راني تعبانه ساد مافيا

نزل عليها الدكتور
الدكتور ؛؛ رجاء خلاص عليش البكاء تو انا جاي ونبي انقولك ان امك تقدر تطلع وتمشي للمصر وادير عمليه لان اوراقها كلهن دزيتهن

نا ؛؛ دكتور قصدك ماما تبي اتسافر خلاص

دكتور ؛؛ مسك في يد رجاء وصبها

قولن الحمدالله وضعها اسقم وتقدر اتسافر تو

رجاء ؛؛ به انت علي اي عواقب تحكي عليهن
دكتور ؛؛ تعالنا تعالنا معي للغرفه

ومش الدكتور و

مشينا وراه لعند الغرف وقعمز علي كرسي المكتب
د.سراج ؛؛ رجاء وابله…….من
نا ؛؛ ايه
سراج ؛؛ مع الابتسامه
و ايه انا قالتلكم ان هي تستحق العمليه خلاص ضروري اديرها ونا سالت خوكن خالد تقريبا وقالي امكانيتنا نقدرو نمشو بها للمصر

وان ترسالت مع دكتور غادي وقبل الحاله بس القعده غادي ح تاخذ الوقت اشويه وراه عملية القلب مش ساهله ومش اي دكتور ايدرها بس انا قتلكم تاخذو احتياطتكم

انا ورجاء قعدن نبكو وصبا سراج وعطانا ميه
نا ؛؛ دكتور انت امتي اتقولها لهلي
سراج ؛؛ لما انشوف حد من خوتك وتو نحكيله
نا ؛؛ به دكتور شكرا وبارك الله فيك
سراج ؛؛ ولو هذا واجبي انا وان شاءالله ربي يشفيها واتردلكن طيبه

نا صبيت وانحق في الدنيا سوده بدون ماانحس صبيت وطلعت وقعدت نبكي

وصبت ورائي رجاء

سراج :؛ رجاء
رجاء ؛؛ برمت وجها
نعم دكتور
سراج ؛؛ رجاء نبيك اتكوني قويه وصبري خواتك

رجاء ؛؛ نا بروحي نبي من ايصبرني النار اللي فيها نحن ماحد ضايقها بابا ماعشنا معه ولا افرحن به وماما حياتها معنا مشكوك فيها كل يوم انتوقعو ان نخسروها بالله عليك مش هذه حياه صعبه وواجد علينا راه في نهايه بكل بنات واصغار

سراج ؛؛ كان يسمع في رجاء ووجعته لان كانت تحكي وخانقتها العبره وادموعها في اعيونها

سراج ؛؛ رجاء هذا رقمي ونبيك اترني عليا ونا ح نقعد صديق لكي ودكتور امك ونا ح انكلمك وح نقعد معك خطوه بخطوه علي صحة امك

رجاء ؛؛ انحرجت ومعش اعرفت ماادير
سراج ؛؛ حس ان رجاء ارتبكت
رجاء انا نبي نكون صديق لكي حتي ان نبي نطمن عليك

رجاء ؛؛ انت عندك عادي تعطي رقمك لاي اهل مريض
سراج ؛؛ ان ايهمني المريض وايهمني ايكون عنده رقمي بيش اي حاجه اتصير ايكلمني

بس لما قالتلك خوذي لان الحق نا نبي انتعرف عليك اكتر لان انتي نعتبر فيك المريضه امتعي

وغمزلها
*_^

رجاء ؛؛ ابتسمت بدون مااتحس علي روحها لان الغمزه كانت حلوه وجذابه وقربت منه وخذت منه الورقه

سراج ؛؛ نرجا في رنتك *_^
رجاء ؛؛ ارجني نين نمرض بيش انرن عليك
سراج ؛؛ ان شاءالله تمرضي يارب
رجاء ؛؛ باهي يادكتور تو اتشوف
سراج ؛؛ والله ما اتجي دكتور وتو اتشوف قولي سراج احسن

رجاء ؛؛ هههههههه ﻻﻻﻻ دكتور معناتها دكتور و انا المريضه امتاعك
سراج ؛؛ هههههههه خلاص نرجا فيك
رجاء ؛؛ ان شاءالله

وطلعت رجاء وكانت فرحانه والابتسامه علي وجها

رجاء ؛؛ ويه انتي اليوم روحي ونا اللي انبات مع ماما
نا ؛؛ ﻻﻻﻻ نا قاعده هنا
رجاء ؛؛ ويه انتي لعند امتي هنا خلاص شوفي وجك كيف قاعد اصفر انتي روحي وتريحي وشوفي دبش ماما انتي اكتر وحده تعرفي دبشها وبعدين راه بكره الجمعة وماعنديش مدرسه ولزم انتي اتريحي خلاص عاد

نا ؛؛ اها صاح خلاص اكيده خالد او علي بعد المغرب تو ايجي وانروح وانقوله وتو انوتو الحاجات
وقعمزنا نا ورجاء وقعدن نحكو علي ماما وعلي ايامنا زمان وعلي طفولاتنا الناقصه اهم شخص اللي هو الاب

وجا علي
علي ؛ السلام عليكم
نحن؛؛ عليك السلام خير يا علي
علي ؛؛ ها شن الاخبار تو عندكن
نا ؛ الحمدالله اليوم الدكتور قال انها ح تطلع بيش اتسافر ضروري
علي ؛؛ خلاص حتي ان نهيت امورها
نا ؛؛ علي حصلتو افلوس لان قالو العمليه غاليه
علي ؛؛ الحمدالله مستوره وينه الدكتور
رجاء ؛؛ في الغرفه هذاكي

ومشي علي للدكتور سراج وحكي معه وبعد 10 دقائق طلع علينا علي وقال هيا من اللي امروحه اليوم

نا ؛؛ نا ياعلي
علي ؛؛ رجاء ردي بالك من روحك ونا تو جايبلك سندوش في السياره تو لنزلهن لكي
رجاء؛ ؛ تم خلاص تو انجي ناخذهن منك ماعندك عليش اتعب في روحك

علي ؛؛ هيا تعالي

وطلعت نا وعلي ورجاء شور السياره علي مد لرجاء كيس في سندوشات وعصير وشوكولاطة

رجاء ؛؛ عليش هذين كلهن
علي ؛؛ هيا خوذيهن وخشي جو ابسرعه وهيا ايه اركبي
ركبت نا وعلي لسياره وروحنا

ورجاء عدت وخشت

رجاء وهيا خاشه تلاقت هيا وسراج

سراج ؛؛ رجاء كيف اليوم انتي اللي قاعده
رجاء ؛؛ اها اصلا بكره جمعه ماوريش مدرسه قالت ل ايه روحي وتريحي
سراج ؛؛ اها به ربي ايوفقك سنه كم تقري
رجاء ؛؛ 2 ثانوي
سراج ؛؛ ماشاءالله به هيا خشي جو عند غرفة امك وتطلعيش بره راه في نماذج مش تمام ايجو وخليكي جوا
رجاء ؛؛ تم خلاص شكرا
سراج ؛؛ سلام
رجاء ؛؛ سلام

طلع سراج من المستشفي

ورجاء جتها خيبت امل لان كانت تحساب هو اليوم ماسك في الليل وح اتونس به

خشت وقعمزت وطلعت السندوش وكلته وقعدت اقعمزه وطلعة فونها وتمت اتقلب فيه

وفي الحوش

نا روحت القيت الحوش امعبي واميره من الحوسه والتعب اقريب اطيح علي وجها

اميره ؛؛ خيرات ايه شن اخبارك كيف اليوم اقعدت رجاء غادي
نا ؛؛ اها هي اللي زرت عليا
وخشيت وسلمت علي الاهل كلهم وخشيت طول للدار وخذيت دبشي وخشيت لحمام عبيت الحوض ميه ساخنه وخشيت فيه وقعدت نذكر في شكل ماما وقعدت نبكي صعب لما ايجيك انسان وايقولك خوذ احتياطك ان مرات تفقد اعز ناس علي قلبك
صعبه والله صعبه

وقعدت في الحمام اقريب ساعه بدون ماانحس بها وطلعت من الحمام والقيت الناس امروحه وخالتي فاطمه وعيت خويا علي وعادل مازالو قاعدين عندنا

اميره ؛؛ كنك طولتي
نا ؛؛ ولعت ميه ساخنه وماحسيت بروحي
اميره ؛؛ عارفتك لما اتكوني مهمومه هكي اتخشي لحمام واطولي هيا تعالي راه امعقبتلك عشاء
نا ؛؛ عنديش نيه يااميره

اميره ؛؛طيح سعدك قاعد وجك شابح ورايحه ناقصه بكل هيا تعالي
خالتي فاطمه؛ ؛ ويه تعالي ياابنيتي تقوي راه امك تبيكن وماتخوفنهش عليكن هيا تعالي

ومشيت معهن للدار وشفت سرير ماما فاضي مش قاعده فيه

من دون مانحس ابروحي قعدت نبكي وجتني ايمان تجري واضبطتني واقعدت تبكي
خالتي فاطمه ؛؛ ايه كنك قبل انقول ديمه انتي القويه
نا ؛؛ والله يا خالتي القويه ينكسر وكسرته شينه بكل
خالتي فاطمه؛؛ وسعي بالك واحمدي ربك
نا ؛؛ الحمدالله علي كل حال

وقعمزت وجاني العشاء تعيشت ومش حاسه بروحي بكل كملت العشاء وصبيت وخشيت لدار صليت اللي عليا وقعمزت نقراء في القران ورقدت وخشيت في نومه

نعيمه ؛؛ خطا اتخلو رجاء اوحدها في المستشفي
خالتي فاطمه؛؛ ليش شن فيها من الخطا
نعيمه ،؛ كلنا عارفين ان رجاء طايشه وقعدته بره الحوش خطا
خالتي فاطمه؛؛ اميره ايمان خشن رقدن وفرشلنا هيا
وصبت اميره وايمان

خالتي فاطمه؛؛ نعيمه التفكير اللي انتي فيه خطا راه معقوله تحكي علي ابنيه قاعده مع امها هكي هي مش متهنيه اصل نين اتفكر في حاجه خطا وياريت يا نعيمه معش تحكي علي الموضوع هذا البنات مش ناقصهن هم اكتر من الهم اللي هن فيه

نعيمه ؛؛ باهي تصبحو علي خير
خالتي فاطمه ومروه مرات علي ؛؛ وانتي من اهله

وركبت نعيمه لشقتها

وخش علي عليهم
علي ؛؛ السلام عليكم
مروه وخالتي فاطمه ؛؛ عليك السلام
علي ؛؛ مروه هيا اليوم روحي معي بيش تبرمي علي شقتك لانها حايسه وبيش اتوتيلي حاجات وبعد بكره عندي مواضيع

خالتي فاطمه؛ ؛ صبي روحي مع راجلك يا مروه انا قاعده بايته مع البنات اطمني وتريحي

علي ؛؛ خالتي سامحينا انتعبو فيك معانا
خالتي فاطمه ؛؛ مش بيتنا الكلام هذا يا علي

علي ؛؛ وين عويلك

خالتي فاطمه؛ ؛ قاعدين عند هلي قتلهم ماني فاضيه نشق بيكم اختي مهتم بيهم

علي ؛؛ باهي بيش اتجيبهم هنا خلاص لان راه نا ومروه ح انسافرو مع امي ونا ماعنديش ثقه في حد يقعد مع البنات الا انتي ياخالتي

خالتي فاطمه؛؛ اطمن يا علي نا قاعده معهن تريح
علي ؛؛ هيا يامروه خلاص
مروه ؛ هيا هيا امغير تعال خوذ العويل قاعدين راقدين
علي ؛؛ ييييي علينا باهي هيا اطلعي

وطلعو عيت علي وطلعن اميره وايمان يجارن شور خالتي فاطمه وهدرزن معها

اميره؛ ؛ عارفه يا خالتي نا مش متريحه ان ماما تطلع وتسافر بلان نحن يعني نحن علي كثرتن علي قلة فيدتنا

خالتي فاطمه؛؛ الله غالب انتن ماعندكنش جوازات وكان عندكم راه مشيتن معها وبعدها راه ايمان و رجاء عندهن مدرسه وانتي وايه ماسكات الحوش وشوفي طول ماهي امك قاعده هنا وانتن اللي تهتمن بها يعني جت علي ايام العمليه خلينهن ايعانن صباي خوتك عليش امك ربت خوتك وكبرتهم وزوجتهم الا ماتلقهم في وقتك كيف هذا

ايمان ؛؛ تبي الحق يا اميره انا متريحه لمروه لان هي طيبه وحنونه علي ماما ومااتحملش فيها حاجه

اميره ؛ الحمدالله انها اكويسه مروه وكان نعيمه مستحيل نطلقوها معها تقعد اتعامل فيها بحقاره وبعدها اتروح وتقعد تجمل علينا

ايمان ؛ سبحان الله في المخلوقه هذه معبيه تعبي عيوب كلها حقد وحسد وخبث

اميره ؛؛ ﻻ ومنقهره لان رجاء هي اللي بايته في المستشفي

وقعدنا ايهدرز فوق من ساعتين

ايمان ؛؛ تو انرن علي رجاء وانشوفها فيش ادير
اميره ؛؛ قصدك واخذه فونها معها
ايمان ؛؛ ههههههه انتي عارفه رجاء تقدرش تستغني علي فونتها بكل
اميره ؛ طيح سعدها

وخش خالد
خالد؛ ؛ السلام عليكم
البنان وخالتي ؛؛ عليك السلام
خالد ؛؛ راه سكرت الحوش خلاص رقدن
اميره ؛؛ تعشيت يا خالد
خالد ؛؛ اها الحمدالله
وخش خالد لداره وسكره علي روحه وكان راقيله بكل ووضحه عليه

اميره ؛؛ خالد شكله راقيله بكل له كم يوم جوه مش تمام

خالتي فاطمه؛؛ ربي يفتحه في وجه خالك عيسي قالي اكتر واحد حط الفلوس للعميلة امكن هو خالد قال حط اللي قدامه واللي وراه كله

اميره ؛؛ ربك يستر ان شاءالله
ايمان ؛؛ اكيده افلوس باقي شقته والفرح

اميره؛ ؛ اها اكيده
هيا كذا رني علي رجاء نبي انخش نرقد
ايمان ؛؛ باهي اهو رانه

ورجاء قاعده امقعمزه علي الكرسي وتبكي خانفتها العبره وكانت حاطه فونها جنبها واتفكر في حياتها كيف ح اتكون بلا امها

ورن فونها رجاء في البدايه ماعدلتش علي الفون ومابحتش فيه نهائيا رن نين فصل وعاود مره تانيه رن اخري وكان الفون محطوط علي الهزاز

رجاء ؛؛ الفتت وشافت المتصل ولقاته ايمان

الو اهلا ايمان

ايمان؛ ؛ خيرات ياحنه كنك مااتردي من تول مااحسبتك الا راقده
رجاء ؛؛ احم ازمطت رقيها لان كانت مخنوقه وماتبيش اتحسس اختها بشيء هذا

ايمان ؛؛ الو الووووووووو رجاء كنك
رجاء ؛؛ معاك معاك بس كنت انفكر والفون حاطته علي الاضاء مافطنتش المكالمه

ايمان ؛؛ باهي نا رانه عليك انشوف في اخبارك
رجاء ؛؛ اخباري هي هي من عندكم انتو
ايمان؛؛ عندنا تو عيت خالي عيسي بس
رجاء ؛؛ وين ايه
ايمان ؛؛ ايه روحت نفسيتها مدمره خشت اقعدت في الحمام اقريب ساعه واطلعت الو الو رجاء معي

رجاء ؛؛ ……..
رجاء وهي تحكي حست بيد رجل جت علي كتفها اليسار وطاح الفون من يدها من الخوف وتمت تبرم في وجها بشويه بشويه

…………………

يتبع