مسلسل سعاده كاذبه 

مسلسل سعاده كاذبه
الحلقه 9رن فون خالد
خالد ؛؛ مصر مصر مصر 
وكلنا جيناه نجارو و التمينا عليه
خالد؛ ؛ تي حولو غادي عطوني نفس بيش انرد بس
خالي ؛؛ رد ابسرعه يا خالد
خالد؛ ؛ الو ايوه
علي ؛؛ خير ياخالد
خالد ؛؛ ها شن صار عندكم يا علي وكنه صوتك هكي احكي ابسرعه كنكعلي ؛؛ خواتك حذاك
خالد ؛؛ اها احذي هيا احكي كنك شن صار في العمليه
علي ؛؛ وهو يبكي خالد امي نجحت عمليتها وطلعوها وهي تو قاعده راقده من البنج
خالد ؛؛ وووووووووووالحمدالله الحمدالله
نحن ؛؛ ماما شن صار انجحت عمليتها
خالد
خالد ؛؛ اها نجحت الحمدالله
وخالد بدون ماايحس ابروحه صكر علي علي وقعد ايضبط فيا ويبكي

خالتي فاطمه؛؛ لووووووووووووووووووووووووووووووووووليا لووووووووووووووووووووووووووووووووووليا
وكلنا قعدن نبكو من الفرح حتي خالي عيسي قعد يبكي ويضبط فينا وايقول الحمدالله
نزل عادل يجري من فوق
ها شن صار
اميره ؛؛ماما انجحت عمليتها

وفرح عادل والجيران تمو يسمعو في الزاغريط تمو ايخشو علينا
خالي ؛؛ نا تو ماشي انجيب في شكولاطه وعصير

ومشي خالي وجابلنا عصير وشكولاطه
وبدينا انوزعو فيها

وجا وليد ولد خالتي وهو ايبيب

خالد ؛؛ هههههههه تي من اللي جاي ايبيب
وطلع يجري ايشوف فيه من لقه عيت خالتي سالمه وخشن يجارن ودمعتهن علي خدهن وايزغرطن
لووووووووووووووووووووووووووووووووووليا لووووووووووووووووووووووووووووووووووليا
الحمدالله علي السلامه الحمدالله علي السلامه

ونا اول ما قبلت خالتي اضبطتها وقعدت نبكي

خالتي ؛؛ الحمدالله علي سلامتها عرفتها اختي مش ح اتسيبكن اوحدكن هذا كله من طيبتكن انتن ربي رحمكن وجابلكن امكن اخر الحمدلله ياربي الحمدالله

والحوش قعد امعبي واحد خاش وتاني طالع

وخالد و وليد قاعدين في المربوعه ويستقبلو في الناس
خالد؛؛ نقاني يا وليد جيعان نبي انشوف العشاء شن صار فيه
وليد ؛؛ باهي اللي رحمتنا وجعت
خالد ؛؛ علي اساس انت اتحشم
وخش خالد
خالد؛ ؛ اميره اميره
اميره ؛؛ نعم
خالد ؛؛ شن صار في العشاء راه نا و وليد قاعدين علي لحم بطننا

اميره ؛؛ نبو انحطو تو انتو من معاكم
خالد ؛؛ ﻻﻻ ماحد راه كل مره واحد خاش وسامطه انتعشو في المربوع قدام اللي طالع واللي خاش
اميره؛؛ باهي وخالي
خالد ؛؛ روح خالي وعادل ركب لشقته
اميره ؛؛ اها تو نعيمه خذتله عشه وركبت
خالد؛ ؛ باهي حطينا نحن جو في المطبخ وتو انخشو انتعشو
اميره ؛؛ باهي خلاص

وخشت اميره وحطينا العشاء وحطت اميره سفره للوليد وخالد في المطبخ طبعا لما امل اعرفت ان خالد ح ايتعشا في المطبخ افرحت

واميره وامل دارن اجمل سفره ومشت اميره وكلمت خالد

وخش خالد ووليد للمطبخ من الباب الخلفي

خالد؛ ؛ نقاني جيعان بكل
امل ؛؛ اهو تعال تعشاء
وقعمزو خالد ووليد ايتعشو واميره وامل يبرمن عليهم

رجاء ؛؛ اميره امل هيا تعالنا تعشان
اميره وامل ؛؛ انحرجن ومعش اعرفن ما ايقولن لان خالد ووليد تمو ايبحتو فيهن

امل ؛؛ اهو نبو انحطو نا واميره هنا لان بره ماايسدش

اميره ؛؛ افرحت واغمزت للامل امتعت يا كذابه يا خطيره

وخالد؛؛ رفع راسه وبحت في امل ولقها مبتسمه
خالد ؛؛ تعالنا قعمزن معنا هنا كبيره الصونيه
امل ؛؛ انتو جواعه وكان شركناكم تاكلونا حتي نحن
وليد ؛؛ هههههههه مانش تماسيح نحن عاد هيا تعالنا قعمزن

وقعمزت اميره وامل معهم وبدن ياكلنا
وسمعو الباب ايدق

خالد؛ ؛ ييييييييييييي تو نطلع نا
تعشاء انت يا وليد
وليد ؛؛ تي كول تو تطلع
خالد؛ ؛ ﻻ الحمد لله شبعت وصب وطلع

اميره ؛؛ فنصت في امل بيش حتي هي تطلع
امل ؛؛ الحمدالله حتي نا شبعت
وطلعت

علي اساس تفهم في الجو

وليد ؛؛ وانتي شبعتي
اميره ؛؛ مشكلتي مانشبعش نا
وليد ؛؛ حي عليا بعدها اتفلسي بيا انتي لو ما شبعتي
اميره ؛؛ ههههههههههه شوف شوف الرومانسية امتعاتكم انتو يا ليبين
وليد ؛؛ ههههههههههه كنك
اميره ؛؛ انا قصدي مانشبعش من شوفتك وانت فهمتها من الوكال
وليد ؛؛ ههههههههه حلوه هذه

ومد يده من تحت الطاوله ومسك في يدها
وليد ؛؛ والله انحبك والله انحبك
اميره ؛؛ والله يا وليد انا اكتر منك انحبك وانموت فيك موت

وليد ؛؛ اميره كنك رايحه سموحه هكي والله راكي اتعبي فيا كل ما انشوفك انحبك اخر
لعند امتي ونا بحاله هذه

ونزل راسه لوطه شور يد اميره وهو ايبوس فيها
خشيت عليهم نا

نا ؛؛ هيييييييييييي كيف هنا مسلسل مكسيكي ولا شنو
وحولو وليد واميره وابسرعه وصبو

اميره؛ ؛ فجعتني نحسابك وحده تانيه
نا ؛؛ طيح سعدكم تخيلو نعيمه ولا خالتي شافتكم

وخشت رجاء

رجاء ؛؛ ههههههه كبستيهم
عيب عليكم يا وليد ويا اميره بطلنا راه ونحن نكبسو فيكم

وليد ؛؛ باهي اسكتن وانتن امكبرات الشطحه علي الفاضي والله ماصارت حاجه يا مسوسات

رجاء ؛؛ ﻻﻻﻻ ما نيش ساكته تو ح انعيط وح انديرلكم قضية شرف بيش تسرع وتاخذه واتفكن منها خلاص ملينا منها

وليد ؛؛ ههههههههههه باهي والله اتجيني علي مستريح هكي

اميره ؛؛ هييييييي وليد يا تعبان والله اتشوف هيا اطلع خلاص تو اتخش وحده واتشوفك

وليد؛ ؛ خلاص وانت اتوزعن

وطلع وليد وخذ في يده اميره واقعدو في الجنان الخلفي

اميره ؛؛ وليد كنك كرتيني معاك
وليد ؛؛ اميرتي كنك انتي مش امرايفه عليا ولا شنو
اميره ؛ امرايفه عليك علي الفون مش هنا علي الطبيعه تو ايشوفنا حد

وليد ؛؛ قرب منها وهي كانت علي الساس
اميره ؛؛ وليد كنك انت تو يفطلنا واحد
وليد ؛؛ مانيش متحرك نين اتقولي يا راجلي كيف ما اتقولي فيها علي الفون

اميره ؛؛ اضحكت ونزلت راسها
ورفع وليد راسها بيده هيا حبيبي نبي نسمعها منك
اميره ؛؛ راجلي خلاص هيا
وليد ؛؛ ﻻﻻﻻﻻ نبيهش هكي نبيها بدلع كيف مااتقولي فيها ليا في الليل علي الفون
^_*

ورن فون وليد

وليد ؛؛ ييييي هذا خالد خوك عدي خشي ابسرعه
وخشت اميره للمطبخ وتمت اتظم معنا

ووليد عدي للمربوعه ولقي خالد اوحده
خالد ،؛ كنك طولت
وليد ؛؛ من كان معاك
خالد ؛؛ جارنا
وليد ؛؛ باهي ياخالد انا نبي انروح
خالد؛؛ بدري
وليد ؛؛ ﻻﻻﻻ خلاص الجماعه امبدري وهم ايرنو وراه مش ح ناخذ هلي معي تو انرد عليهم بعدين

خالد؛؛ به خلاص حتي نا نبي انخش انتريح

وعدي وليد وخالد من التعب خش علينا ولقانا امقعمزين في الصاله

خالتي سالمه ؛؛ وين وليد
خالد ؛؛ روح تو قال تو انرد عليكم
خالتي سالمه؛؛ باهي
وخش خالد للمطبخ وكانت فيه امل ورجاء ايديرن في الشاهي
خالد ؛؛ في شاهي
امل ؛؛ فيا اها بس مازال اشويه اخري
خالد ؛؛ به بيش اتجبولي ليا جو في الدار
رجاء ؛؛ ليش ماحد قاعد معاك
خالد؛ ؛ ﻻﻻ ماحد ولو دق الباب وطلع حد يبيني قولوه مش قاعد
رجاء ؛؛ باهي

بحت خالد في امل وسرح فيها لان كانت لابسه سروال ضابط وعليه ابلوزه اقصيره وامرفعه شعرها فوق واديره ميك اب خفيف وحلوه وغمزلها غمزه تو وووووو هبله

انحرجت امل منه وطبست راسها

وطلع خالد
وخش لداره

نا ؛؛ خالتي فاطمه وسالمه تعالن في الدار خلاص كملت التكنسيه امتعه

وخشن خالاتي لدار ومعهن اميره وايمان

ورجاء حطت الشاهي في السفره ومشت تبي اتشيله

رجاء :؛؛يييييييي انسيت خالد كذا مديلي طاسه نبي انصب شاهي لخالد

ومدتلها امل طاسه وصبت فيها
رجاء ؛؛ امل انتي شيل السفره لدار ونا تو انشيل الشاهي لخالد

امل ؛؛ ههههه ﻻﻻﻻ خليها بالعكس انتي شيلي السفره ونا تو انشيل لخالد

رجاء ؛؛ ههههههههههه يا عنجد الخبث امتاعك بعدك لنا مده شاكين في خالد

امل؛؛ عليش كنه
رجاء ؛؛ شكله معش يحكي مع خطيبته وشكلهم هكي متعاركين

امل ؛؛ ههههه باهي الحمدالله

رجاء ؛؛ طيح سعد العار شيلي شيلي تو ايصقع الشاهي

وخشت امل لدارنا قبل وبخت من عطرها ودكنت روجها اكتر وسقمت شعرها ومشت و دقت علي خالد

خالد ؛؛ كان تعبان وراقد علي السرير وحاط يده علي وجه وايدخن

خشي يارجاء

امل ؛؛ افرحت وافتحت الباب بشويه

خالد استغرب فتحت الباب كانت رقيقه ومش من عوايد رجاء وشم بنه حلوووووه ولطيفه رفع يده وشاف بجنب ولقها امل ابتساملها

صب وقعمز

خالد ؛؛ خشي يا امل تعالي

وخشت امل وردت الباب اشويه وعطاته الشاهي
خالد؛؛ شن الاخبار
امل ؛؛ تمام حال القرايه
خالد ؛؛ وشن جو القرايه
امل ؛؛ اهو قاعده مره هك ومره هك بس عندي الانجليزي الحق واعر عليا

خالد؛ ؛ اها لما ايكون عندك امتحان فيه تعالينا هنا وتو انساعدك

امل ؛؛ تم باهي

باهي شن اخبار مريم خطيبتك

خالد ؛؛ ههههه وشن خطرها عليك تو ماعمرك سالتني عليها

امل ؛؛ لان تبي الحق ما نحبهش وحسيتها مش لك حتي بشكل مش حلوه

خالد ؛؛؛ ههههههههههه وين شايفتها انتي

امل ؛؛ مره شفت صورتها عندك في الفون
خالد؛ ؛ قصدك انتي امفتش فوني

امل ؛؛ اكيده 

خالد؛ ؛ معناها حتي نا ناخذ فونك وانفتشه
امل ؛؛ طلعت الفون من جيبها ومداته له
هه خوذ وفتشه عادي مافيش حاجه انخاف عليها
خالد؛؛ مسك فونها وقعد ايفتش فيه
ولقي اصور حلوه ل امل وهي لابسه قفطان وعجباته

خالد؛ ؛ كيف اتصور روحك بشكل هذا في الفون

امل ؛؛ هيييييييي انسيت الصور هذين بكل ليش تفتح فيهن انت من نين تفتحهن

خالد ؛؛ هههههه عادي شن فيها
امل ؛؛ ﻻﻻ مش عادي لما انت اتشوفني لابسه قفطان اقصير هكي

خالد ؛؛ هههه عادي نا ولد خالتك

امل ؛؛ ولد خالتي ومرهون لغيري شن الفايده
خالد ؛؛ ههههههههه حلو كلمة المرهون هذه
امل ؛؛ اها مرهون صح ولا تو مش مرهون خلاص
خالد؛ ؛ والله شكلي هكي معش نبي نقعد مرهون
امل ؛؛ اوووووو في اخبار املاه شن في احكي احكي
خالد؛؛ وكنك فرحتي انتي اتقول ترجي فيا نفسخ خطبتي
امل ؛؛ تبي الحق نقاني نبيها لان هذاكي مش لك بكل
خالد؛؛؛صايرت مشاكل بيني وبينها

وقعدو خالد وامل ايهدرزو مع بعضهم نين جاء وليد وروح بيهم

ونحن خشينا رقدن
ورجاء اول ماخشت مسكت فونها ولاقت 18 مكالمه لم يرد عليها
من سراج طبعا

رجاء ؛؛ يييييييي حي انسيته بكل من الحوسه والزحمه

ايمان ؛؛ ليش انتي تحكي مع من
رجاء ؛؛ هذه حاجه اتخصني
ومشت رجاء لسريرها ودارت رنه لسراج وعاود عليها طول

رجاء ؛؛ الو حبيبي اسفه والله اسفه
سراج ؛؛ وكنك ماتردي وينك
رجاء ؛؛ والله كنت مشغوله وحوشنا امعبي وكنت داسه فوني

سراج ؛؛ مشغوله عليا يعني

رحاء ؛؛ حبييبي بلا زعل والله كنت مشغوله وقدرتش نحكي معاك انت عارفه فوني دكنوني

سراج ؛؛ هالمره ح نسامحك لاني عارف ليش مشغوله يااعويناتي الحمدلله على سلامة الماما

رجاء ؛؛ الله يسلمك وانت شن عرفك

سراج ؛؛ كيف انتي ناسيه ان انا دكتور امتاعها
رجاء ؛؛ اها نسيت
سراج ؛؛ رايفت علي صوتك من امس في الليل ماسمعته
رجاء ؛؛ ههه اها والله اوعيت الصبح مشيت للمدرسه ولما روحت اقليتهم يرجو في العمليه

سراج ؛؛ اها بس الدكتور شكرلي حالتها وقال انها اكويس ولما اتجي هنا ح انكمل معها انا

رجاء ؛؛ قصدك ماما ضروري ح تقعد اتعالج

سراج ؛؛ مريض القلب يا حبيبتي ضروري ايكون متابع مع دكتور القلب مش ساهل راه

رجاء ؛؛ اها به وقلبي نا حتي هو يتعب فيا
سراج ؛؛ ﻻﻻ قلبك هذا شوري نا وماحد يعرف طبه الا انا
رحاء ؛؛ ههههههه مااصل ماتعب الا لما اعرفك
سراج ؛؛ ماايهمك شيء انعالجوك حبيبي حبيبي
رجاء ؛؛ نعم
سراج ؛؛ انحبك ياعمري ياقلبي انتي
رجاء ؛؛ ونا انموت فيك

وقعدو ايهدزو طول الليل

وبعد أسبوعين جت موعد ترويحت ماما وعلي وزوجته

نا واميره وخالتي فاطمه اوعينا من الصبح ولمينا

الحوش وبدينا في الغداء طول لان كان موعد وصلهم علي الغداء

اميره ؛؛ تو انعدي انوعي ايمان ورجاء سادهن نوم نحن قالنهن غيبن علي المدرسه بيش يحوسن معنا مش بيش ايرقدن

خالتي فاطمه؛؛ حرام عليك خليهن
اميره ؛؛ ههههه مش حرام سادهن

ومشت اميره اتوعي فيهن

اميره ؛؛ رجاء ايمان خلاص سادكن نوم لعند امتي وانتن راقدات خلاص

ايمان ؛؛ وراس اميره اطلعي وسكري الباب وراك
ايمان ؛؛ ﻻ مانيش طالعه خلاص صبن سادكن نوم اليوم ماما اتروح كنكن انتن

وصبن رجاء وايمان ابسرعه لان كانن نسيات ماما امروحه

وكملنا الغداء وطفينا عليه لمينا الحوش ودرنا فاسوخ وقعمزنا نرجو فيهم

وعلي ساعه 12 سمعنا صوت بيبات

طلعنا ابسرعه للجنان
والقينا عادل امصبي
عادل ؛؛ خشن جو ليش طالعات
خالتي فاطمه؛؛ االستر كنك انت خواتك امرايفات علي امهن
عادل ؛؛ ﻻﻻ خشن لان يبو ايخششو السياره في الجنان
وخشينا بس كن امصبين عند المربوعه

وبعدها شفنا سيارة خالد خاشه لجنان ومعه سياره تانيه

وشفن من عند الروشن والقينها سياره خالد وسياره وليد ومعها خالتي سالمه

وسكر عادل الباب ونحن طلعن نجارو ونبكو القين ماما نازله من السياره وكان علي ومروه ماسكينه واول ما شفتنا اقعدت تبكي وقعدن نضبطو فيها ونبكو

ماما ؛؛ خلاص خلاص انا اكويسه

ايمان ؛؛ الحمدالله علي سلامتك والله رايفنا عليك
ماما ؛؛ خلاص علشان خاطري ليش البكاء هذا كله
نا ؛؛ رايفنا عليك ياغاليه والله رايفنا وامشغلين عليكن
خالتي سالمه؛؛ حولن حولن نبي اختي ماحصلت فيها كسره بكل منكن

علي ؛؛ اميره ايه رجاء ايمان خلاص حولن خلن امكن اتخش واتريح

وخشت ماما وقعمزنا جنبها كلنا وقعدنا انهدرزو كلنا
وليد ؛؛ تبو شيء نا طالع نبي انجيب امل ودعاء من المدرسه
خالتي سالمه؛؛ ﻻ سلامتك بيش اتجيبهن هنا
وليد ؛؛ به

وطلع وليد ونحن مستمرين انهدرزو مع ماما لان الحق نحن مش امرايفن عليه وبس نحن كنا مشغولين عليها ونحن امرايفن حتي علي الهدرزه معها وهي هكي بصحتها

خالتي فاطمه؛؛ بنات هيا صبن خلونا انحطو الغداء
ونحن ماعبرنش خالتي بكل وقاعدين مع ماما ودايرن عليها دائره

نعيمه ؛؛ هههههه من شاف احبابه نسي اصحابه اهو نسانك انتي يا خالتي

خالتي فاطمه؛؛ حتي هن امهن والام مش ساهله

وخش خالي عيسي بسرعه ومعه عويله وكانو كيف امروحين من المدرسه

خش وسلم علي ماما
وبعدها جن بنات خالتي و حطين الغداء وتغدينا كلنا مع بعضنا

وامل وخالد طول الوقت وهم ايبحتو في بعضهم وخالد ايدور في سبله بيش يحكي معها

ونحن قعدنا انهدرزو لعند الليل

خالتي سالمه؛؛ فاطمه شن صار في ولد خوك القيتوله وحده

خالتي فاطمه؛؛ والله مازال واعره شويه تلقيه مراه ترضي به لان هو متزوج وعنده ابنيه و عيل وهم قال نبي وحده اتربيهم ليا في الحوش

خالتي سالمه؛؛ سبحان الله من ايقول ايتفارقو عليك قصة حب كانت بينهتم تذكري زمان كنتي تحكيلنا عليهم حتي فرحه كان رومنسي بكل

خالتي فاطمه؛؛ الله غالب هذا نصيبهم ماتفاهمش شوفي واخذين بعضهم علي قصة حب طويله وحلوه وماتفهموش بعد الزواج

خالتي سالمه؛؛ ان شاءالله تلاقوله
خالتي فاطمه؛؛ المشكله حتي ان هو واعر ويبي وحده بالها واسع وطيبه واتخاف ربها مش اي وحده اتربي اعيال رجالها

خالتي سالمه؛؛ في بنات واجد امغير بحتو هكي وهكي

ورن فون خالتي سالمه وكان وليد بيش ايروح بيهم
وروحت خالتي سالمه وفاطمه وعيت علي
وركبو عيت عادل وقعدن نحن وماما وكلنا قعدات معها في الدار وهذك الليله كلنا قعدات معها ومارقدنش بكل من الفرحه

وبعد كم يوم جا خالد وكلم اميره
خالد؛؛ اميره
اميره ؛؛ نعم
خالد ؛؛ تعالي نبيك اشويه
اميره ؛؛ اني جايه
وخش خالد لداره وجاته اميره
اميره ؛؛ نعم ياخالد
خالد ؛؛ اميره نبي انقولك موضوع ونا عارفه واعر علي امي بس نبي انقوله لكي ونبيك اتوصليها انتي لامي بطريقتك

اميره ؛؛ خير شن في
خالد ؛؛ …………………

يتبع

error: