مسلسل سعاده كاذبه
الحلقه 20تاني يوم اوعيت علي صوت حاجه طاحت انكسرت وخش عليا مراد واعيون ملينات غضب ونارمراد ؛؛ ايه صبي يا ايه انتي شكلك وحده حقيره واغلطت لما خذيتك صبي تحسابيني راقد علي اوذاني كيف تحقيش فيا راجل ولا شنونا ؛؛ انصدمت وصبيت وتميت انبحت في مراد
مراد ؛؛ ليش ما تحكي من اولها ليش ان عندك ماضي اسود وما تبنيش انجي شورك علي اساس متحشمه يعني شن مش راضيه عليا ليش اتوافقي ولا جيتني تبي تمسحي ماضيك انتي واختك عليا
وخذا الوناسه وكسرها ونا قعده علي السرير وانوخر في روحي ونبكي متفاجاه بشكل مراد كيف قاعد متوحش
نا ماعمري واحد غفلني تبي اتجي انتي يا فرخه واديري فيا هكي
وجا شوري ومسكني من عند شعري
نا ؛؛ اهااااااااا شعري شعري
مراد ؛؛ نا اللي راجلك مش متقرب منك وامس كيف شفتها الشوفه اللي في رقبتك والناس الاخر عادي صاح اتقرب منك وتعرف تفاصيل جسمك يا حقيره دايره روحك شريفه
نا ؛ اهاااا يا مراد كنك و الله ماني دايره حاجه
مراد ؛؛ تحلفيش يا حقيره صكري فمك صوتك هذا نبيش نسمعه
صار نا مش عاجبك صار وتبكي وما تبنيش
ليش ما كلمتني وقالتيها ليا به انقول انك خايفه من خوتك وماتبيش اتقولي لا
ليش ما قالتيها ليا ما قعدنا اوحدنا ليش ليش
ولا تبيني بيش نسترك يا حقيره نستر اعمالك الحقيره
وعزقني علي السرير بقوه وصبا وقعد ايخبط وخذ كرسي امتع الزينه ورفع فوق
ونا لما شفته رفعه خشيت في زواية الدار وخشيت في روحي
نا :؛ نا قعدت نبكي وانعيط
ﻻﻻﻻﻻ وراس مراد ﻻﻻﻻ
مراد ؛؛ بحت فيا وخذه ونزله لوطه
وطلع بره وقعد ايدخن
ونا صبيت وقعمزت علي السرير وتميت نبكي اقريب ساعه
وبعدها فكرة وقالت لزم هو يعرف وهو راجلي ولازم يعرف
فكرة وجتني جراه وطلعت وشفته امقعمز وايدخن
مراد ؛ابرمي وجك وخشي بدون ما تحكي ولا كلمه
نا ؛؛ مراد انت اسمعني قبل واعرف وبعدها احكم ونا مستعده بعدها انصبي انوتي روحي ونطلع من شقتك و وجي هذا ما اتشوفش لو معش تبيني
مراد ؛؛ بصوت عالي بكل
ايييييه خشي لدار يا فرخه راه انصبيلك
ونا لما شفت وجه وكيف حكي خشيت نجري لدار وقعدت نبكي وصبيت وطلعت شنطتي وحطيت فيها دبشي
ومشيت وخشيت لحمام وتوضيت وصليت الصبح والظهر
ولابست توته وقعدت امقعمزه وقعدت نبكي و اول مره انخاف خفت من ان نخسر مراد نبكي وخايفه نخسره وليش خايفه مش عارفه بس فيا حاجه جو اتقولي خليك معه في حاجه شدتني شور صح هو راجلي علي ورق بس ومافيش اي شيء بيتنا بس خايفه خايفه و اول مره انخاف
وخش عليا مراد
مراد ؛؛ بحت في الشنطه شن هذه
نا ؛؛ شنطتي فيها دبشي
مراد ؛؛ وعليش
نا ؛؛ اعيوني ملينات ادموع
مش انت معش تبيني
مراد ؛؛ علي اساس انتي تبيني يعني ما رفضتني
نا ؛؛ مراد نا رفضتك من قبل ما نعرفك انا كنت رافضه فكرة ناخذ راجل مطلق وعنده اعيال نا مش رافضتك انت شخصيا
مراد ؛؛ خلاص يعني معش تبي صح
نا ؛؛ مراد انت اسمعني وعطيني فرصه واحكي بعدها و انت قولي من قالك الكلام هذا
مراد ؛؛ عارفه انتي تفكريش اني ح انسامحك وامشي ارقدي وعيشي حياتك بس فكرة انك اتعيشي حياتك كمراه متزوجه وتطلعي واتخشي هذا ﻻ والعويل اليوم ح نركبهم وتقعدي هنا كيف الخدامه بيش اتعلمي كيف اتقدري ان اللي قدامك راجل راااااااااجل راجل فهمتي كلمة راجل تحسابيه حاجه ساهله اتجيني رساله طويله عريضه في ماضيك الاسود
واللي قهرتني ان الرقم مقفل ومعش حصلته
نا ؛؛ قعدت نبكي ومنهاره
انت قصدك حد دزلك رساله
مراد ؛؛ اها شفتي واصل حتي لرقمي بيش ايطلع ماضيك نا رقمي ساهل ينجاب بسرعه بس اللي تقهر فيا مراتي مراتي ماتخليش فيا انجي شورها بسبب شخص تاني
نا ؛؛ نبكي ونحكي وخنقتني العبره وشفت والقيت مصحف علي الدكومدينه اللي جنبي
خذيته ومسكته ونا نبكي جيتها واقربت منه وقعمزت علي اركبي عند كرعيه وهو امقعمز علي الكرسي
والله ما علشان انسان تاني والله متحشمه منك يا مراد والله انتحشم انت شفت دبشي وانتحشم حتي نقعد قدامك بلابسه اقصيره صاح انت راجلي بس نا مازالت ما خذيت عليها فكرة ان انا متزوجه وعندي راجل
مراد ؛؛ حس في حاجه جو ان نا صادقه لان كنت نبكي بعبرتي
مراد ؛؛ باهي ها احكي عليش ساكته احكي ليش ما تحكي مت اولها ليش اتخلي الناس الاخره تدخل في حياتنا
نا ؛؛ والله ماني دايره حاجه يا مراد والله ماعمري غلطت وحق ربي والله ما نكذب راني نا مسلمه وانخاف من ربي ومانحلفش بالكذب
مراد ؛؛ باهي تو قولي شن قصة اختك وانتي ليش فصختي خطبتك
نا ؛؛ حاضر والله تو نحكيلك امغير اهد اشويه
مسح مراد وجه وقعد ايهز في اكراعه وامرفع حاجبه وايبحت فيا
نا ؛؛ نبكي وامنزله راسي
نا عندي اختي اسمها نجاح كبيره وهي تو متزوجه في حالها قاعده
هي كانت مخطوبه كانت فاتحتها مقريه وكانت اتحبه واجد وكانت دايره علاقه معه ومره هي في الجامعه شافها ولد عمي امصبيه وتحكي معه وهو كان يبها بس هي رفضاته ولما شافهم مع بعضهم انقهر و جا ودار عركه مع راجلها ومشي وكلم خوتي وتمه ايقول القيتها نازله من سيارته وخاش لجامعه ومسكتهم في وضع مش تمام في جامعه وجو خوتي وتمو يبو يضربوها في جامعه
و راجلها رفض انها اتروح لحوشنا لان كان اتروح
ح يضربوها وايكسروها تكسير وهربها مع صاحبها وهو قعد مع خوتي وصارت عركه كبيره وتمو يبوها وهو ايقول والله مانكم لمسين شعره من شعرها ولو تلموسها تقعد علي جثتي وخوتي واعيال عمي ايتحزوزو عليه وضربوه ضربه شينه وجو امتاعين الامن ومسكو خوتي واعيال عمي وصبو مع راجل اختي لان كان صادق وما يكذبش
وهو خش للمستشفي و نجاح اقعدت عند هل صاحبه ومابش حد ايقول علي مكانها ولما طلع خذها وعدو اسكنو في طرابلس ومعش اقعدت اي حاجه تواصل بينا وبينها ومانعرفو شيء الا انها تسكن في طرابلس وبس
واللي حرش عليها يقعد خو هيثم خطيبي ولما صارت المشكله هيثم قال معش اتشرفني ناخذها من قبل حتي ما نحكي معه ولا كلمه والله وعيت علي دينيتي والقيته هو خطيبي ولما كبرت اشويه سيبني وخوتي قالو معش في اقرايه في جامعه لعند ثانويه وخلاص
وعادل خويا قعد اكتر واحد امقيدنا لان زمان كان رافض خطيب اختي نجاح بس علي وخالد موافقين عليه ولما صارت المشكله تم ايقوللهم انتو السبب قي الفضيحه هذه لو سمعتو كلامي راه رافضنه وانتو انسو ان هذين خواتكم ونا اللي نتحكم فيهن
لان يوم اللي كنت انت يا علي شايخ عليهن اهربت البنت
وهكي قعد مسؤال علينا عادل وحرمان من مئه حاجه لا نطلعو كيف الناس ولا انخشو حتي ابسط حقوقنا ما خلنا نخذوها واللي هي الشهاده شوف نا و اميره من بعد الثانويه قعدات في الحوش ورجاء وايمان في الثانوي يقرن حتي لما طلبت اني انشوفك قبل ما تقرا فاتحتي هو رفض وانت تقريبا عندك معلومه ان هو واعر واجد فينا حتي في المستشفي لما شافني معاك ضربني ضربه شينه وانت كنت شاهد علي الموضوع هذا تقريبا
والله وحق هالمصحف اللي حاطه عليه يدي الطاهره مانكذب عليك يا مراد نا صح في بدايه رافضتك بس تو والله نبيك لاني عرفتك وعرفت عويلك وتريحتلك والله اللي صايرلي حشم لا اكثر شوف انا ماعمري قربت ما رجال ولا عمري حكيت مع راجل حتي فون ماعمري درته انت شفت حياتي كلها ماما والحوش والحوسه وخلاص وهذا عليش خالتي فاطمه رودتني لك والله يامراد ما نكذب والله
مراد بحت فيا وكان خاطره يشدني شوره ويضبطني بس الموضوع ما خلش ايتقرب مني مع ان كان هو امصدقني بس فيه حاجه اتخليه ايتقرب مني وايكون اكتر مطمن
مراد ؛؛ شن قصة الشوفه
نا ؛؛ مراد نا شوفتي معروفه في العيله كلها لان ونا اصغيره كانو ايقولي الكبيده لان الشوفه هي كبده ماما كانت متسهفه عليها وبابا هو اللي سمني الكبيده ولما توفا بابا مشا فيا الاسم بس لما تو اكبرت الحق معش ايقول فيها ليا لان حسوني كبرت وثقيله
مراد ؛؛ بحت فيا وبعدها طلع وسيبني ونا قعدت
نبكي اخر لان خايفه خايفه نفقد مراد ولما انروح لحوش هلي مطلقه عادل ح ايقطعني تقطيع وقعدت في الشقه وسمعت باب الشقه انطبق بقوه وبحتت في الساعه والقيتها ساعه 2 ونص قيله
وقعدت مقعمزه ونبكي وبعدها بساعه صبيت لميت الشقه ولميت الحاجات المتكسرات وكانت التحف وبعدها مشيت وحطيت راسي علي المخده ونبكي وانفكر في مراد واول مره انخاف عليه وانخاف اني نفقده بكيت نين دخت ورقدت
اوعيت علي ثوت اذن المغرب
نطيت نط والقيت الشقه كلها امظلمه صبيت نجري و ما للقيتش مراد قاعد وصبيت ولعت الضوايا وتوضيت وصليت المغرب وقعدت في شقه خايفه وبعد ساعه
سمعت صوت مراد ولمار علي الدروج
صبيت ابسرعه ومشيت شور الصاله وخش مراد وكان ماسك في يده فوق حمادي وجنبه لمار وكان ماسك في يده التانيه اكياس
وجتني لمار
لمار ؛؛ خير يا اعميمه
نا ؛؛ مسكتها ورفعتها فوق
خير شن الاخبار
لمار ؛؛ اكويسه امبدري جيت دقيت عليك ما فتحتيش
نا ؛؛ امتي ما سمعتكش
مراد ؛؛ خوذي هذين وعدي ديري عشاء
نا ؛؛ بحتت فيه ونزلت لمار ومشيت شوره وخذيت الاكياس وخششتهن للمطبخ وشفتهن والقيتهن لحم وخضره ومعكرونه
وحطيتهن علي الطاوله وطلعت والقيت مراد قاعد ماسك حمادي في الصاله وايلعب فيه
نا ؛؛ مراد تبي معكرونه
مراد؛ ؛ يحكي وغمتله وما بش ايرفع عينه عليا
ان شاءالله
ومشيت نا للمطبخ وحطيت اللحم علي النار وخشت عليا لمار
لمار ؛؛ اعميمه نبي شكولاطه
نا ؛؛ لمار تو تبي تعشي انتي بعد العشاء تو انوكلك
لمار ؛؛ اعميمه باهي عطيني
ومديت اشوربها قدمها
ونا لما شفت وجها وجعتني وعطيتها الشكولاطه وهي طلعت وسمعت الباب ايدق وما سمعتش مراد فتح وطلعت وشافت والقيت مراد في الحمام مشيت شور الباب وفتحته والقيته طارق
طارق ؛؛ خير يا ايه كيف حالك
نا ؛؛ تمام الحمدالله تفضل خش
طارق ؛؛ هذه كروسة و المشي امتعات حمادي امي قالت شليهن فوق يبهن مراد
نا ؛؛ اها باهي خش خش هيا
وخش طارق وخششهن ولاقي لمار تاكل في شكولاطه
طارق ؛؛ حي عليك انتي تاكلي في شكولاطه تو تطلعلك السوسه
لمار ؛؛ ﻻ يا عمو فيش سوسه
ونا مشيت شور المطبخ وصبيتله طاسه عصير وحطيت شكولاطه وشالتها له
طارق ؛؛ اووووشن جو التعب هذا شن اتحسسي فيا برني عليك ولا شنو
نا ؛؛ ﻻ الحوش حوشك انا جبتلك عصير قالت اكيده عطشان بره حمو اكيده
طارق ؛؛ مش امغير حمو بكل رطوبه تي والله انتو في نعمه جو قاعده علي المكيف والله كان مافيش حاجه اسمها مكيف راه ذيبن
نا ؛؛ هههههه رحمه من ربي
ويطلع مراد من الحمام واستغرب وجود طارق
مراد ؛؛ طارق شن الجو
طارق ؛؛ جبتلك الكروسه والمشي
وصب طارق
مراد ؛ خليك
طارق :؛ ﻻ وين قعدت امغير علشان العصير اللي جباته ايه هيا سلام
وطلع طارق ونا مشيت شور المطبخ وبديت انقرض في السلاطه
مراد ؛؛؛ ايه ايه
نا ؛؛ نعم وجيته
مراد ؛؛ خوذي حمادي غيرله
نا ؛؛ هيا حمادي هيا
وشلته وغيرلتله ومشيت حطيته علي كروسه وعديت حطيت العشاء والسلاطه وجبت السفره عنده في الصاله مراد لما شاف السفره كبيره
مراد ؛؛ نا حطيلي اوحدي
نا؛؛ انت ولمار وحمادي بس
مراد ؛؛ وانتي
نا ؛؛ ناكلش فيها تو انقعمز وانوكلهم
مراد ؛؛ ﻻﻻ صبي وكليهم فوق علي الطاوله فوق بروحكم
نا ؛ به حاضر
ومشيت بكروسه للمطبخ وعطيت للمار تبسي
نا ؛؛ عدي قولي بابا ايحط هنا لان حطيتها كلها المعكرون
لمار ؛؛ به حاضر
وطلعت لمار ومشت لمراد
لمار ؛؛ بابا حطلي هنا عشاء فيش غادي
مراد؛؛ باهي هاتي التبسي
وحط مراد لروحه في التبسي وعطاء للمار السونيه
لمار؛؛ بابا ساخنه بكل نقدرش انشيلها
مراد ؛؛ به هاتي تو انشيلها
وصب مراد وخش لمطبخ ولاقني امقعمزه علي الكرسي وحطلي السونيه وعد وقعمز ونا بديت انوكل في لمار و في حمادي وبعدها خش عليا مراد
مراد ؛؛ حطيلي شاهي علي النار
نا ؛؛ حاضر
وطلع مراد وهو امطنش عليا وماايبحتش فيا بكل
وكملت توكيل لمار وحمادي وغسلتهم وتشفتهم وغيرت للمار دبشها ومشيت للمطبخ وضميته وخليت الشاهي علي النار وحطيت بخوره
وكملت الحوسه
وحطيت الشاهي في السفره ومشيت وحطيته له علي الطاوله وهو قاعد علي الاب توب وما بش يبحت فيا
مشيت وعديت درت دوش ولابست روب وردي وكان اقصير وناعم و رفعت شعري ودرت عطر واكريم علي جسمي وجتني لمار
لمار ؛؛ اعميمه نقعد معاك
نا ؛؛ تعالي حبيبتي بس عدي جيبي حمادي قبل من قدام بابا
لمار ؛؛ به
ومشت لمار اتجيب في حمادي واتحاول اترفعه وما اقدرتش اتشيله
مراد ؛؛ خلي خوك شن تبي اتشيلي فيه
لمار ؛؛ تبيه اعميمه في الدار
مراد ؛؛ خليها اتجي اوحدها تاخذه كان تبيه
وخشت عليا لمار
نا؛ ؛ خلاص خليه تعالي خشي معي في السرير
وجتني لمار وخشت معي لمار في السرير
وبعدها بعشر دقائق جا مراد وكان شايل حمادي
وخش عليا مراد
مراد ؛ ايه
نا ؛؛ صبيت وحولت الفوطه وانسيت روحي بكل
نبحت فيا مراد من فوق للوطه
مراد ؛؛ مش تبي حمادي
نا ؛؛ اها
مراد ؛؛ خوذيه شوفيه راه نعسان
نا ؛؛ به هاته
ومشيت شوره وناسيه روحي بكل وناسيه شن لابسه
وقربت من مراد وخذيت حمادي بس حمادي قعد ماسك في مراد ومابش يطلقه
ونا قعدت ماسكه فيه
نا ؛؛ تعال يا حمادي تعال حبيبي هيا
مراد ؛؛ متقرب مني وايشم في بنتي وكان خاطره انقرب منه اكتر وهو سارح فيا
نا ؛؛ مراد شوفه كنه مابش ايجني
مراد ؛؛ علشان نا اعلي منك ونا امصبي
نا ؛؛ باهي تعال قعمز بيش ناخذه منك
وقعمز مراد علي السرير وحط حمادي علي وحده من كرعيه ونا جيت ونزلت علي ركبي وقربت من حمادي وتميت حاطه مرفقي علي اكرع مراد فوق ركبته
نا ؛؛ حمادي تعال راه نزعل وانسيبك
فيش اطلعو خلاص راه مراد مش طالع قاعد هنا وانت اقعد هنا
ونا قعده عند كرعين مراد وانحيل علي حمادي
واتجي لمار وازقبت علي مراد من فوق من عند ارقبته مراد حس زقبت لمار وقدم راسه قدام وخبط فيا خبط في كتفي من قدام
نا ؛؛ اهااا
مراد ؛؛ بحت فيا وانحرج وبرم وجه علي لمار
لمار نا شن قالت علي الزقبه هذه مش قلت معش اديرها
وبعدها نا خذيت حمادي وصبيت وقعمزت علي السرير صب مراد وهو يبي يطلع برم وجه عليا
مراد ؛؛ البس هذا معش تلابسيه قدامها
نا ؛؛ استغربت وبحتت في دبشي طول والقيت روحي لابسه روب اقصير وكان مرفوع
حي عليا يعني قاعده امبدري مع مراد بالمنظر هذا ان شاءالله
وقعدت لاهيه في لمار وحمادي ورقدو وشالتهم لسريرهم وخشيت لدار وصكرته وخشيت للسرير وجا مراد وفتح الباب
مراد ؛؛ الباب ماايصكرش خليه مفتوح
نا ؛؛ به حاضر
وطلع هو ونا قعدت حاطه راسي علي المخده وانفكر في الموضوع ونبكي وخنقتني العبره
انفكر كيف ح انكمل حياتي معه وهو مش طايقني قعدت نبكي وانلوم في روحي لاني مااخليتش ايجني من اول ليله
ورقدت ودمعتي علي خدي
وفي نص الليل سمعت صوت حمادي يبكي بس النوم ثقل عليا معش اقدرت انصبي بعدها سمعت صوت مراد ايسكت فيه وبعدها رديت في نومي اخر
وقعدت 5 ايام ونا علي وشع هذا مراد يحكيش معي وايطنش عليا وياكل وحده ونا والعوبل في المطبخ بروحنا
وبعد كم يوم وقعيت وخشيت وتوضيت وصليت الصبح ولابست اسرتش اسود من فوق بدي ربع كم رصاصي وفيه رسمه بالاسود
ودرت ميك اب خفيف وحلوه و وعت لمار ودرتلها دوش ولابستها لابسه حلوه وبعدها درت دوش لحمادي ولابسته وطلقتهم علي مراد
وشفت حمادي قاعد فوق مراد
لمار ؛؛ بابا حبيبي هيا اعميمه ادير في فطور
مراد ؛؛ حمادي حول انت تبي تعورني ولا شنو
ودرت سفره فيها حليب وجنبه وزبادي وكيكه وفنجال قهوه وحطيته علي الطاوله الصاله
شم مراد بنة القهوه قعمز وماايشوف في شيء الا في الفنجال بس
وقعمز ونا قاعده امقعمزه علي الكرسي التاني
نا ؛؛ صباح الخير
مراد؛ ؛ بحت فيا ونزل راسه صباح النور
سن تو ساعه كم
نا ؛؛ ساعه 11
مراد؛ ؛ اووو باقي انطول في النومه
نا ؛؛ نا بروحي تو وعيت ماليش واجد
وبديت انصب في الحليب للمار وعطيته حليب و كيكه
وبديت انوكل في حمادي زبادي
مراد؛؛ بيش تعطي لحمادي ميه راه ايحب يشرب الميه
نا ؛؛ به حاضر
وبصوت وطي وراقي وحنون
مراد انت زعلان مني
مراد ؛؛ التفت شوري
سكري الموضوع نبيش نسمع
نا ؛؛ يعني سمحتني
مراد ؛؛ نا شن قالت اس خلاص
نا ؛؛ سكتت وقعدت انوكل في حمادي وبعدها صبيت وخشيت للمطبخ وجبت رضاعة ميه وعطيتها لحمادي وشلت السفره وضميتها ومراد خش لحمام وتوضا وصلي الصبح
وحا يبي يطلع
نا ؛؛ مراد وين طالع
مراد ؛؛ نازل انشوف امي كنك تبي حاجه
نا ؛؛ ﻻ شيء شن تبي الغداء
مراد ؛؛ اي حاجه
لمار ؛؛ بابا نبي نطلع معاك
مراد ؛؛ هيا تو نا خذ معي حتي حمادي
نا ؛؛ به
ونزل مراد ولمار وحمادي
ونا قعدت في الشقه وبرمت عليها من هنا وهنا وجيت نبي انحط الغداء علي النار
ايجني مراد وايخش عليا في المطبخ ونا علي الحوض
مراد؛ ايه مااتسويش غداء
نا ؛؛ برمت وجي
عليش شن تبي اتغداء انت بعدها
مراد ؛ امي قالت خليها تنزل وتغدو لوطه
نا ؛؛ به حاضر
ومشيت لدار وغيرت دبشي ولابست جينز وعليه بدي رمادي فيه ورد وردي اصغير ولابست فوقه طرف مفتوح بني
و لعت استشواري درت جمتي وبرمت علي باقي علي شعري
ولفيته وخليته فوق وزدت ميك اب امتعي اخري
وبرمت وجي والقيت مراد امصبي علي الباب و ايبحت فيا
انحرجت منه
نا ؛؛ مافطنتكش بكل
مراد ؛؛ ايه راه عمتي فاطمه قاعده لوطه وهي اللي تبيك
نا ؛؛ هيييييي اخويله قاعده ونطيت وابتسمت ابتسامه عريضه من وذن لوذن
مراد ؛؛ اوووو اتحبيها لدرجه هذه
نا ؛؛ نا انموت فيها اساس انا مانعتبرش فيها مرات خالي بس نا نعتبر فيها اختي الكبيره
مراد ؛؛ باهي انزلي
وطلع مراد ونا طلعت وراه وكانت نجري علي الدروج من الفرحه
مراد ؛؛ ايه بشويه راه تنقلبي هنا عيب امي تو اتشوفك
وقفت وبحتت في مراد
نا ؛؛ نا امرايفه عليها شوف هه قلبي كيف ينبض ومسكت يده وحطيتها على قلبي
مراد؛ ؛ ههه باهي امشي بشويه
ومشيت وخشيت للصالتهم والقيت خالتي فاطمه قدامي
في لحظه القيت روحي نضبط فيها ونبكي
خالتي فاطمه ؛؛ مازالتي هبله خلاص
نا ،؛ امرايفه عليكم بكل وامرايفه علي الحوش علي ماما امرايفه علي لمتنا امرايفه علي البنات
خالتي فاطمه؛ ؛ والله مشيتلهم والقيت الحوش شين بلاك يا ايه يعيه القيتهن منطمسات وخلاص وكانك انتي اللي كنت اتحركي فيهن نين وجعني حالهن واقعدت تبكي
نا ؛ قعدت نبكي اخر ونضبط فيها بقوه نين عمتي ام مراد تمت تبكي
مراد ؛؛ شاف الموقف جا شوري وكرني شوره ولف عليا ونا قعدت نبكي في حضنه
ولاول مره مراد يضبطني ونا نقبلها منه واول ماحطني في حضنه حسيت بروحي تريحت وبامان
اسسسس خلاص ابكاء ايه بطلي عيب
كيف يا عمتي انتي جايه اتبكي فيها ولاه شنو
خالتي فاطمه ؛؛ لا والله بس هي غاليه عليا ورايفت عليها وامس امها هي اللي قالتلي عدي ابرمي عليها لان حتي رن معش رنت
وقعمزت عمتي وافرحت لما شافت
مراد لاف عليا وحاطني في حضنه
وطلعني لجنان بيش ايهدني
مراد ؛؛ نحسبكش بكايه لدرجه هذه خلاص اهو ميك اب متاعك كله ساح واقعدت حالتك حاله وطلعلي منديل
ومسحلي به وهديت
مراد ؛؛ خلاث بلا بكاء بيش انشيلك للهلك راه تبكي ماانشيلكش
نا ؛؛ به خلاص وقفت ابكاء
مراد ؛ ههههه هيا ياهبله معش تبكي
نا ؛؛ ابتسمت ابتسامه لان اول مره قعد متقربه من مراد هكي وفرحت لان هو اليوم يبتسملي من هذاك اليوم يعني بدا يرضا عليا
حاضر
وخشيت وسلمت علي عمتي لان امبدري ما سلمتش عليها
وعلي البنات وقعمزت وقعدت انهدرز مع خالتي فاطمه وبعدها هن صبنا بيش ايديرن الغداء ونا وخالتي فاطمه قعدنا انهدرزو بروحن
خالتي فاطمه ؛ ها يا ويه شن صار معاك مع مراد اكويس وها شن عندكم راه امك مشغوله عليك وقالتلي شوفيها
نا ؛؛ خالتي انتي ليش ماحكيتي لمراد علي قصة نجاح اختي راه هو سمعها خطا اللي هو دز رساله فيها موضوع نجاح وقايله عليا حاجات مش اكويسه
يما صار مسكت المصحف بيش صدقني مراد
خالتي فاطمه ؛؛ هيييييي والله نا قالت من زمان ان راه اختها متزوجه وهو مابش يسالني ونا معش حكيتله
وباهي ها شن صار عندك مع مراد
نا ؛؛ نا نرقد اوحدي و مراد اوحده مراد متعقد مني بسبب الموضوع هذا وبسبب اول ليلتني يقرب مني ونا نرفض فيه وهو قالي انتي مازال عقلك عند حبيبك هذك
خالتي فاطمه ؛؛ هيييييييي طيح سعدك معقوله انتي من جدك ترفضيه حي عليك انتي هبله ومش عارفه مصلحتك ولا شنو امك عابيه عليك وانتي قاعده هنا وماده وجك
صبي صبي وانتي مافيك فايده بكل صبي عدي ساعدي عمتك وديري كيكه وانا تو انجيك اشويه
نا ؛ به
ونا صبيت ومشيت للمطبخ وبديت والقيت هدي اتقشر في الخضراء
نا ؛ اووو امبوخ اماله
هدي ؛؛ اها شن اتحبيه
نا ؛؛ غالي عليا امس نا درته
معناتها نا تو اندير الحلوه
عمتي ؛؛ ديري بسبوسه مراد ايحبها
نا ؛؛ حاضر يا اعميمه
ونا بديت اندير في البسبوسه وخالتي فاطمه مشت وهدرزت مع مراد وحكتله علي قصة نجاح وتمت تشكرا فيا وتمت تقنع فيه اكثر عليا
مراد تعقد لان عرفني حكيت اللي صارت بيبني وبينه لخالتي وهو انحرج منها ومراد هو كتوم بكل وماايحبش يحكي
خالتي فاطمه؛؛ مراد راه والله اكويسه ومحترمه وراهي طيبه انت شوف معاملتها مع اعيالك شن اكويسه
مراد؛ ؛ الحق يا عمتي هي من ناحية العويل اكويسه بكل وغالين عليها واتعامل فيهم احسن معامله وهذا اللي مريحني اتجاها
خالتي فاطمه؛؛ وانت شن تبي اكتر من هكي احليوه واكويسه و محترمه وطيبه واتعامل في عويلك معامله اكويسه
وجتهم اعميمه ولاحظت ان خالتي فاطمه تشكر فيا وتعقدت هي
عمتي ؛ شن يا مراد انت تاخذ في النصايح من عمتك ولا شنو
خالتي فاطمه ؛؛ شن يا فتحيه مازالت مش عاجبتك ولاه شنو
عمتي ؛ ﻻ نا مازالت ماعرفتها هذه ثاني مره انشوفها ماتنزلش علينا بكل قاعده فوق وحابسه روحها وحابسه الاعيال والله مرات مانسمعش في صوتهم بكل انقول كيف هذه قتلتهم ولا شنو ونركب ونصنت ونسمع صوت لمار وبعدها انتريح وننزل هذه الواحد ماتريحلهش هذه في النهايه بكل راه مرات اب ادير مهم ادير اكيده اتغير منهم مره مره واتهزب فيهم وتضربهم
خالتي فاطمه ؛؛ هييييييي عيب عليك يا فتحيه هذه اصغيره شن عرفها للحقد وللحسد راهي والله اكويسه وبعدها مراد شافها وشاف معاملتها للعويل شن يا مراد انت تحكيش ولاه شنو
مراد ……
ونزلو عيت منتصر وجاهم في الجنان وسلمو علي عمتي وخالتي فاطمه ومراد
ونا بعدها طلعت والقيتهم امصبين سلمت عليهم وقعمزت معهم
عمتي ؛؛ وين ماشين يا منتصر
منتصر ؛؛ متغدينا بره في مطعم
عمتي ؛؛ شكلكم ما اتسوا بكل قي شقتكم ديمه اوكالكم من بره
غادة؛ ؛ نا عروس ياعمتي ومن حقي ندلال وناكل بره في مطاعم عليش ننحبس ونقعد انسوي من ايام فرحي ولا طلعه ولا خشه امغيره كارسه وخلاص
ساهله لما يمون عندي عويل تو نقعد بيهم في الشقه
وتحكي واتبحت فيا وكان الكلام نصه شوري
نا عرفت نيتها وانحرجت ورفعت عيني وجت عيني في عين مراد
عمتي ؛؛ باهي يا حنه عدي ادلالي وكولي اوكال بره
وطلعو عيت منتصر وصبت عمتي متعقده وخشت للحوش ولحقتها خالتي فاطمه
وقعدنا نا ومراد بروحنا
ونا قعدت راقيلي من كلام غاده وامنزله راسي مراد فهم عليا وقعد يبي ايغيرلي جوي
مراد ؛؛ ايه شن الغداء
نا ؛: رز امبوخ وامسير وسلاطه ونا درت بسبوسه
مراد ؛؛ اووو بسبوسه اكيده سمحه
نا ؛؛ انت اتحبها صاح
مراد ؛؛ بكل
وسكتنا وقعدنا في وضع الهادي اشويه وبعدها خش علينا طارق
طارق ؛؛ اوووو قاعدين هنا كنكم
مراد ؛؛ اهو جو
طارق ؛؛ هههههههه تو تنحرقو من الشمس
وبعدها جت هدي وقالت هيا تعالو غداء
مشينا وخشينا وجا عمي وتغدينا وقعدنا انهدرزو طول النهار وفي الليل روحت خالتي فاطمه
ونا ركبت حمادي فوق وجيت علي الباب القيته امسكر دقيت وجا مراد فتحلي
مراد ؛؛ اووو راقد
نا ؛؛ نحكي بصوت واطي
اها راقد
وخذ مني مراد وشاله لسريره
ونا سلحت الطرف الفوقني وقعدت بكت بس وجاني مراد
مراد ؛؛ ايه وين لمار
نا ؛؛ حتي هي راقده عدي ركبها امغير ثقيله ما قدرتش عليها
مراد ؛؛ باهي تو انجيبها
ايه كني انحسك فيك مريضه
نا ؛؛ ظهري يوجع فيا
مراد :؛ شن انتي ظهرك يوجع فيك ديمه
نا ؛؛ ﻻﻻ بس هكي شكلي تعبانه بس
مراد ؛؛ ايه ايه كنك تحكي هكي بتنبله
نا ؛؛ تعبانه ظهري بس تو انصبي عادي ديمه هكي لما نمرض يوجعني
مراد ؛؛ شن انتي مريضه …
نا :؛ اها
مراد ؛؛ شن اتحسي
نا؛؛ ﻻ شيء امغير ظهري يقعد يوجع فيا
مراد ؛؛ تو ننزل انجيب لمار وانجي
نا ؛؛ باهي
وطلع مراد ونا صبيت وحولت السروال لابست روب امتع دلع امتع ميكي مواز ومشيت رقدت علي السرير
وخش مراد وكان شايل لمار حطها في سريرها وجاني ولاقني طايح في السرير
وجاني وقرب مني
مراد ؛؛ ايه مازالتي تعبانه
نا ؛؛ اشويه
مراد ؛؛ انتي تاخذي في اي حاجه
نا ؛؛ مرات نطبخ البردوجش
مراد ؛؛ ﻻﻻ البردوجش مش اكويس واعر علي الرحم و هي نوع من انواع المنشط
نا ؛؛ بس زمان ديمه ناخذ فيه
مراد ؛؛ معش تاخذي مش اكويس واجد واجد وبعدين هو له مقدار معين تاخذيه
ونا راقده ونتالم بدون ماانحس بروحي كريت يده وخذيتها وحطيتها علي بطني
مراد حس بيا تقرب مني اخر ولفني شوره ورقدني علي صدره
مراد ؛؛ ايه
نا ؛؛ نعم حبيبي
مراد ؛؛ استغرب وقعد ايبحت فيا
وهمس بصوت واطي في وذني
ايه
نا ؛؛ مراد حبيبي نا تعبانه خلاص
مراد ؛؛ عرفني مش بوعي وقربني منه اخره
وبعدها دق الباب انفجعنا نا ومراد ونطينا نط وصب مراد يجري وعد فتح الباب
ولقه منتصر
منتصر ؛؛ مراد نبيك في موضع ضروري
مراد ؛؛ شن في فجعتني كنك
وخش منتصر لمربوعه وخش وراه مراد
مراد ؛: احكي شن في راك فجعتني
منتصر ؛؛ …………..
يتبع