مسلسل سعاده كاذبه 

مسلسل سعاده كاذبه
الحلقه 5نا ؛؛ طلعي حاجاتك ابسرعه تو ايخشو يضربوك

طلعت الفونات وتبي اتمدهن ل امل ايخش علينا خالد
امل كانت عاطيه ظهرها للخالد دست الفونات وبرمت وجهاخالد ؛؛ فيش اديرن كنكن
نا ؛ اهو قاعدين انعقلو فيها
خالد ؛؛ رجاء نا من زمان وانقولك فوتيها المريضه هذه وانتي شيء امسكره راسكرجاء ؛؛ والله يا خالد نا ما نحكي الا لما اتكون هي طاقه فينا ونا درت هكي علشان جابت سيرت نجاحخالد ؛؛ انصدم فقعد ساكت

رجاء ؛؛ انهارت مره وحده
خالد انت قول لعند امتي ونحن نقعدو متحملين غلط مش دايرنه نحن شوف وضعنا نحن عايشين في نار جهنم في المعامله الحقيره وهي متريحه متهنيه ازوجت وعندها اعيال وتخدم ونحن قاعدات امغير نسمع كلام الناس ومحبوسات هه شوف اميره وايه قاعدات طيحات ﻻ قرايه ولا خدمه ونا وايمان قعدات تحت رحمة عادل يوم امشن للمدرسه و10 لا ليش هكي اتعاملو فينا وكانكم اتعاملو في بقر ماعندش حقوق بكل
وقعدت تبكي ومنهاره وترعش نين بكتني نا معها

وخالد حزت في نفسه وكان علي بره ويسمع فيها وخش علي

علي ؛؛ خلاص رجاء بلا دوه نا معش نبي نسمع صوتكن عالي ماتبنش تحكن معها خشن لداركن وصكرن علي ارواحكن ومره تانيه لما تغلط كلمني نا وتو انجي انتفاهم مع عادل وخلاص هيا تعالنا تغدانا معش نبي نسمع كلمة

رجاء ؛ ﻻﻻ نبيش انتغداء خلاص طارت النيه
علي ؛؛ بحت فيها وهو امفنص
رجاء انا قالت اطلعي تغدي معناها اطلعي بلا دوه زايده خلاص هيا

نا ؛؛ هيا يا ارجيوه عليش اتنكدي علي روحك وعلى امك حرام قاعده مريضه

رجاء ؛؛ باهي هيا

وطلع علي ونا طلعت وكنت ماسكه يد رجاء وخليتها تغسل وجها ونطلعو انكملو الغداء
وامل وخالد كانو مازالو امصبين في الدار وكل حد يرجا في التاني يحكي

وخالد ايبحت فيها ومبتسم

امل مره مره اتبحت فيه

وطلعت دزدان خالد من جايبها وراته له
خالد ؛؛ شن يبي هذا عندك

جاها خالد ابسرعه يبي ياخذه بس هي دساته من قبل ما ايطق فيها

خالد ؛؛ امل جيبي الدزدان هنا
امل ؛؛ وهي امرفعه حجابها
ده بعدك
خالد :؛ كيف ده بعدك جببي الدزدان هنا
امل ؛؛ نبيش نعطيه هكي نين انشوفه
وجا خالد وقرب منها ومسك يدها وفصعها
امل ؛؛ اههه يا خالودي اهه حرام عليك

اميره ؛؛ امل يا امل هيا تعالي غداء

امل ؛؛ هيا هيا
خلاص خلودي حول

خالد ،؛ مافيش اطلوع نين اتمدي الدزدان نا ما انحبش حد ايفتش دزداني
امل ؛؛ به خالد خوذه دزدانك وشكرا
ومدتله الدزدان وهو حول يده واطلعو هم الاثنين

كملنا غدانا ولمينا الحوس وكانت امل زعلانه وامطنشه

رجاء ؛؛ عرافات نا نبي انخش نرقد ماحد ايجي ايوعني نا قالت هه
وخشت رجاء تحت البطنيه وتمت تبكي نين ارقدت

نا ؛؛؛ خلاص ارقدت

اميره ؛؛؛ هذه رجاء ديمه دايره روحها قويه وتطلق في اللسانه وبعدها مجرد مااتخش تحت البطنيه تبكي وترقد

دعاء ؛؛ هذا كله يدلل علي العامل النفسي امتاعه تعبان وانتو ما اتخلوش فيها اتعبر علي شعورها

اميره ؛؛ والله يا دعاء كلنا تعبنات لكن شن نبو انديرو الله غالب علينا

ورن فون اميره
طبعا علي الصامت الفون في جيبها
اميره ؛؛ اشويه وانجي

صبت اميره وخشت دار الضيوف
اميره :: الو
وليد ؛؛ خيرات حبيبي
اميره ؛؛ تي وين قاعد انت كيف تحكي معي هكي
وليد ؛؛ طلعت في الجنان سيبت خالد ايتعارك هو وخطيبته علي فون

اميره ؛؛ اها به راه يفطنك علي
وليد ؛؛؛ علي روح امبدري قال نبي نرقد اميرتي حبيبتي شن رايك تطلعي انهدرزو اشويه في الجنان
والله الجو فاضي

اميره ؛؛ هيييييييييي من جدك انت تحكي تو ايشوفنا شي واحد

وليد ؛؛ تي ماحد فاضي كل حد لاهي في روحه
اميره ؛؛ به حبيبي خلني انشوف الاجواء عندي قبل وتو انكلمك
وليد ؛؛ ما اطوليش يااميرتي نرجا فيك
اميره ؛؛ به حبيبي
وصكرت اميره وجتني ولقتني انا وامل انهدرزو علي الموضوع
اميره ؛؛ الحوش كله راقد
انا ؛؛ اها رقدات
اميره ؛؛ باهي يابنات ساعدني نا نبي نحكي مع وليد بره في الجنان اشويه وتو انجي وقالي الجو عندي فاضي وقالي ماحد قاعد امغير خالد وقالي قاعد لاهي يحكي مع خطيبته ومتعارك

امل ،؛ هييييي وين يحكي
اميره ؛؛ في المربوعه
امل ؛؛ به وين وليد خويا
اميره ؛؛ قالي طلعت بيش خالد ياخذ راحته علي الفون
امل ؛؛ به يا اميره نا عليا نمسك خوك خالد ونلهي لكي ومش ح انخليه يطلع بره بس حتي انتي امسكي وليد وراه ايخش عليا نا و خالد من المربوعه

اميره ؛؛ هييييييي طيح سعدك قصدك تبي اتشلطي مع خالد يافرخه افطني لروحك راه خالد خاطب

امل ؛ خلاص معناتها عدي دوري واحد يقعدلك مع خالد بيش انتي اتشلطي مع وليد ^_* يا هانم

اميره ؛؛ ييييييي عليا خلاص باهي هيا اطلعي هدرزي معه بس افطني راه يطلع

امل ؛؛ كان حسيته مل ويبي يطلع تو اندير رنه للوليد بس انتي ماتتقوليش ان انا اللي قاعده مع خالد

اميره ؛؛ باهي تم بس راه نبي انقوله راه فونك قاعد عند ايه وهي اللي دارت الرنه لان وليد مايبيش انوضح لكم ان نا دايره علاقه معه ونحكي معه

امل ؛؛ ياعيني ياعيني

نا ؛؛ طبعاً نسمع فيهن وفاتحه فمي كيف كل وحده تتفق وتبي اتهدرز مع خو التانيه

طيح سعدكن ازي عليكن

امل ؛؛ هههههههههه ها يا حنه مشروع الزواج قعد بين ايدينا نا واختك وتبينا انودروه من بين ايدينا

انا ؛؛ يافرخه خالد خاطب خااااااااااااااطب لعند امتي وانتي هبله

امل ؛ خلاص مليت ونا نسمع ان خاطب وكان خاطب شن فيها انا حبيته ونبيه وهو حسيته مش متفاهم معها
نا ؛؛ ومن قالها لكي
امل ؛؛ عرفتها اليوم ونا قاعده في الدار فتششت فونه القيت الرسال كلهن عرايك

نا ؛؛ طيح سعدك
اميره ، هيا راه وليد ايرن
امل ؛؛ هيا هيا
اصبري نبي ناخذ الفوني المحترم بيش كان فتشه مايلقش فيه حاجه

نا ؛؛؛ هههههه اطلعن وافطنن راه شيء واحد يزرق عليكم
اميره ؛؛ انتي خليكي هنا مرات وحده اتنوض وتطلع بره ونا كان مسكني واحد تو اندير روحي انزل في الدبش من علي الحبل

انا ؛؛ به تم

وطلعت امل هي الاوله وخشت علي خالد في المربوعه واميره ازرقت واطلعت في الجنان الخلفي في المخزن

عند امل وخالد
امل ؛؛ خالودي ممكن نطلب منك طلب
خالد؛؛ شري بصبعه علي فمه معناها اسسسيسس
امل تعقدت ودارت روحه متعقده اكتر

وجت وقربت منه
خالد ؛؛ هي خلاص مش فاضي هيا سلام
وصكر في وجه خطيبته
خالد؛؛ نعم ياامل ها
امل ؛؛ كنك راقيلك
خالد ؛؛ مش تو اتحقي فيا نحكي كيف اتخشي تحكي تبي اتسميعها صوتك يعني
امل ؛؛ ﻻﻻ مش هكي بس نا خشيت حكيت طول بدون مانتبه انك تحكي علي فون اسفه لو ازعجتك انا جيت نبي نقولك حاجه بس اسفه ودرات روحه زعلانه بكل وصبت

خالد ؛ امل امل امل
امل برمت وجها وكنت زعلانه
خالد؛ ؛ تعالي هنا
امل ؛؛ نعم
خالد ؛؛ كنك شن تبي اتقولي عليش خشيتي عليا
امل ؛؛ نبيك اتشوف فوني انحس فيه مستك
خالد ؛؛ ليش انتي عندك فون من امتي
امل ؛؛ ليا مده دايرته داره ليا بابا
خالد ؛ به هاتي انشوفه
ومد يده ومداته له امل
وهو قعمز وبدا يشتغل في الفون

امل ؛؛ خالد ممكن سؤال
خالد ؛؛ استغرب رفع راسه وهو امرفع حاجبه
نعم تفضلي وانتي شكلك فضوليه

امل ؛؛ تي كنك انت كل ماانقول كلمه واترد عليا بعشره جالط ثاريتك

خالد؛ ؛ ههههههه جالط سمحه جالط هذه ماعمره حد قالها ليا

امل ؛؛ ﻻ بس انا انقولها انا مش كيف اي حد

خالد؛ ؛ هههههه به ها شن هو سؤالك

امل ؛ انت اتحب خطيبتك واتخاف عليها

خالد؛؛ استغرب السؤال وحسه ان هو سؤال خصوصي اشويه بس حب هو يستفزها

اكيد انحبها ليش خاطبه كان ماانحبهش

امل ؛؛ انقهرت قهر وكان باين عليها

اها به ليش ديمه متعارك معها امبدري تيكتها معها وصكرت في وجها وتو صكرت في وجها اخر عارف كان انا خطيبي ايسكر في وجي مستحيل نحكي معه مره تانيه لان نا انحب اللي يحترمني واللي ايسكر في وجي مش محترمني

خالد ؛؛ اووووووووووووو وين يا شخصيه انتي
اها بس مرات اتصير مشكله والتصكيره مرات اتصغر المشكله

امل ؛؛ اها بس نا ماانحبش حد ايسكر الفون عليا
خالد ؛؛ انتي مازالتي اصغيره
امل ؛؛ حرام عليك بعد الطول هذا كله واتقول اصغيره
خالد ؛؛ تي اي طول قاعده اقصيره ياهمي واتقولي طويله
امل ؛؛ باهي ياخالد قصدك نا اقصيره صاح
خالد ؛؛ اها
امل ؛؛ به هيا صبي
خالد ؛؛ وين انصبي
امل ؛؛ هنا تعال صبي قدامي نبي انشوف طولي وطولك
خالد ؛؛ ههههههه ونا شن دخلني بيك
امل ؛ خلودي هيا حبيبي
واشهقت وحطت يدها علي فمها

خالد؛؛ ههههههههه هيا يا من ما سمعتش
امل ؛؛ خلاص خالد بلا سماطه
خالد ؛؛ شكلك متعوده اتقولي فيها
امل ؛؛ شن هي
خالد ؛؛ غمز بعينه هي حبيبي

امل ؛ يابختي ماعندي لمن انقولها لا عندي ولد خالتي حاطلي دبله في يدي ولا شيء

خالد ؛؛ هههههههههههه ليش انتي تبي دبله
امل ؛؛ اكيد نبيها بس نبيها من شخص انحبه والاهم ايحبني وماايتحمل فيا حاجه وايقدرني ويعاملني وكاني اميرتيه

خالد ؛؛ اوووووووو والله اكبرتي يا امل وقعد عندك فارس احلام

امل ؛؛ خلودي هيا صبي نبي انشوف طولي من طولك
خالد ؛؛ انتي اقصيره سوء تبي او لا
امل ؛؛ عادي اقصيره اقصيره المهم مانقعدش قزمه احذ حبيبي

ورن فون خالد وكانت خطيبته
خالد ؛؛ اسسسسسسس نبيش نسمع صوتك
وطول فتح الخط
خالد ؛؛ الو
جاته امل وقربت منه
طبعاً هو كان ماسك الفون بيده اليمين و حاطه علي وذنه اليمين وهي جاته وقربته منه وامسكت يده اليسار واقعدت اتنابش فيه وهو مستغرب وايبحت فيها وكان عقله عند امل

خالد ؛؛ حبيبتي تو انا مش فاضي
امل تعقدت واقرصت يده
خالد فنص فيها

وعند اميره و وليد
اميره ؛؛ حبيبي فكني منهن المغمرات هذين اللي تو اتجيب اخرتي
وليد ؛؛ اتجيب اخرتك ان شاءالله عندي في شقتنا

اميره ؛؛ وليد بلا سماطه زايده

وليد ؛؛ انحبك انحبك انحبك يااميرتي والله انحبك خلاص لعند امتي ونحن عايشين في الدكنوني هكي

اميره ؛؛ والله الموضوع هذا شورك انت مش شوري
وليد ؛؛ ما المشكله امي قالت مافيش خطبه ولا زجيه الا لما اتكمل شقتك واتفرشها ويقعد عندك حق الفرح في الوقت هذا انا انعدي نخطبها لك ونوعدك ماايسكر شهر الا فرحك طالع

اميره ؛؛ وانت مازالك واجد صح في الشقه

وليد ؛؛ والله يا حبيبي اللي يطلعلي انحط فيه كله عليها
اميره ؛؛ وليد حبيبي ممكن طلب
وليد ؛؛ اعيون وليد انتي امري
اميره ؛؛ عارف خاطري في حلويات شعبيات خاطري في حاجه امعسله
وليد ؛؛ به تو انجبيلك بس تعالي هنا قربي مني هنا وانتي اتقول تحكي مع خوك مش مع حبيبك

اميره ؛؛ وليد حبيبي خلي بينتنا حدود حتي لما ايشوفنا خليهم ايشوفنا في موقف محترم
وليد ؛؛ اميرتي انحبك والله انحبك تعالي هنا كنك طالقه شعرك شن تغري فيا يعني

اميره ؛؛ ﻻ نغريش فيك بس انت عارف انا انحب ديمه شعري مطلوق

سمعت الدوه اللي امبدري صارت
وليد ؛؛ اها سمعت الله غالب نعيمه هذه وحده متخلفه
اميره ؛؛ لعند امتي ونحن نقعدو انعانو فيها وانعانو في التاريخ الاسود اللي حطاته لنا نجاح

وليد ؛؛ هذا نصيبكم انتو ليش تنظرو للنجاح ان هي اللي غالطه ليش هكي والله انا اللي شفت الموقف والله ما هي غالطه بس خوتك الله ايسامحهم كبرو الموضوع علي الفاضي اللي كبر الموضوع اخره هو عمك الله ايسامحه

اميره ؛؛ الله غالب

وقعدو هم ايهدرزو ونا قعدت انتفرج علي المسلسلات وجتني ايمان

ايمان ؛؛ ويه راه عيت خالي محمد جينا تو قالوها ليا علي الفون

نا ؛؛ صاح باهي والله انتي الوحيده اللي مستفيدن من فونك كلا الاثنين الاخرات عيشات ابعدي هكي وخلاص

ايمان ؛؛ ويه انتي كنك مااديري فون ليش هكي

نا ؛؛ ايمان نا مانبيش اندير مشاكل لروحي ساد انتن عندكن و تبي الحق انا الفون اللي من وراء الاهل مش مقتنعه به

ايمان ؛؛ هههههه لما تحكي انتي يا ويه انحس فيك كبيره مش من مواليد 90 بكل تو اللي كيفك هيمات في العلاقات والفونات وجو

نا ؛؛ هههعههههههه عندي القعده احذ ماما ونهتم بها بدنيا ومافيها شن انحصل فيها الدوه علي الفون هيا تعالي خاطري اندير كيكه هيت تعالي انديروها علي السريع
ايمان ؛ هيا باهي
وصبينا نا وايمان وبدينا انديرو في الكيكه وسمعت صوت خالتي فاطمه تحكي علي الفون
وماشيه شور المربوعه
نا ؛؛ اخويله اخويله تعالي هنا
خالتي فاطمه ؛؛ تحكي علي الفون ومنفعله ومابتش تسمع كلامي وافتحت الباب الممر اللي بين الصاله والمربوعه
وخالد وامل صبو يجارو وخشو في الزاويه
خالد ؛ شكلك انتي نوايه علي فضيحه اديرها
امل ؛؛ هههه والله ماهكي
خالد ؛؛ نﻻ ماعمري تعميلت زي هكي انتي اللي ايتبعك ايتودر
وخالتي كانت هايمه في المكالمه وماافطتتش حد في المربوعه واطلعت شور الجنان ادور في التغطيه
سمعوها وليد واميره
اميره ؛؛ حي عليا حي
وليد ،؛ اس بس تو بالكي اتخش للحوش بدون ماتفطلنا
اميره اقعدت ترعش وفي حاله
وامل قاعده ترعش خافت خالتب تفطن ان اميره و وليد في الجنان
خالد ؛؛ امل هيا اطلعي ابسرعه وانتي في اليوم هذا من الصبح وانتي امعيشتني في الرعب
امل ؛؛ ههههههه باهي هات فوني نبي نطلع
خالد ؛؛ خوذيه هيا اطلعي عي بره تحكي

وطلعت امل ابسرعه ودارت رنه علي وليد
ونا طلعت شور الجنان
نا ؛؛ اخويله كنك طلعتي تعالي هنا
خالتي فاطمه؛؛ اشويه بس نحكي علي الفون وتو انجي
نا ؛؛ تعالي في الصاله هنا
خالتي فاطمه؛؛ باهي اني جايه
وطبعا كانو وليد واميره يسمعو فيا وتريحو بس مغش اعرفو كيف ايخشو للحوش وخالد قاعد لهم في المربوعه

وخشيت بعدها علي خالد
نا ؛؛ خالد تعال نبيك تفتحلي دارك لان قي فهوه مكبوبه
خالد ؛؛ يييبييييييي اتسيتها بكل هيا تعالي
وخش خالد لداره وخشيت نا وراه وانا اندور في المنشف
امل ؛ هاتي تو انعدي نمسحها انا
انا ؛؛ والله تو اتجيبي اخرتك انتي
ومديتلها المنشف وعدت لدار خالد وخالتي خشت لحمام وخشت بعدها اميره تجري شور الدار
ونا خشيت لمطبخ والقيت ايمان امكمله الكيكه ونا قعدت انهدرز معها

ايمان ؛؛ عارفه الا ستاذ اللي نحكيلك عليه
نا ؛؛ اها كنه
ايمان ؛؛ امس جا في المدرسه وقالي ……………

يتبع

اسفه لاني طولت عليكم بس والله ظروف صارن