مسلسل سعاده كاذبه 

مسلسل سعاده كاذبه

الحلقه 29

وصبيت نا وغسلت ايديا وولعت الغاز وحطيت طنجرة المحشي علي الغاز

الهام ؛؛ دايره مكرونه امبوخه بالتقليه معه
نا ؛؛ اهااااا انحبها حاجة التقليه

وفجاء سمعنا حس طارق عالي وايهزب فيه حاتم

هاجر ؛؛ حي عليا
نا ؛؛ انصدمت وبحتت في هاجر والقيتها امصبيه وتندب
هدي ؛؛ اسسس هاجر

طارق ؛؛ نا قالت ما تعطوش الموافقه الناس هذوم ما اناسبهمش وفاتحتها مش ح تنقرا ما ناقص عليا هذا

وصبت هاجر تبي اتخش اطيح علينا وادوخ
هدي ؛؛ ووووو عليا هاجر هاجر
الهام ؛؛ حي علينا امبدري وهي تشكي من راسها

نا انصدمت وقعدت ساكته وانبحت
الهام ؛؛ ايه اطلعي كلمي مراد بسرعه
نا ؛؛ به
وطلعت نجري وخشيت عليهم في المربوعه وكلهم منصدمين من خشتي فجاء
مراد ؛؛ كنك شن في
نا؛؛ هاجر طاحت داخت

مراد ؛؛ شن
وطلع مراد وراه حاتم ومنتصر وعمي وعمتي معش اقدرت اتصبي تمت اتعيط في مكانها
عمتي ؛؛ ايه تعالي صبني حي عليا ابنيتي
نا ؛؛ هيا عمتي
ومسكت يدها وصبيتها ومشت قدامي ونا نمشي وراها

وطلعت والقيت مراد شايل هاجر وحطها علي صالون الصاله

مراد ؛؛ برم وجه لوراه ولاقني امصبيه
جيبي ميه ابسرعه
نا ؛؛ هيا هيا تو انجيبها نا
ومشيت وجبت الميه وجبتها لمراد

مراد؛؛؛خذت دواءها اليوم

الهام ؛؛ من حيتي في الصبح وهي تشكي من راسها
عمي ؛؛ هذا انت يا طارق ديمه امعلي صوتك في كل مكان وماترعيش في الناس بكل

طارق ؛؛ تو انا اللي غالط غالط علشان رافض عيله منتهيه كيف هذه
حاتم ؛؛ طارق خلاص اسكت في ناس اكبار امعاك
طارق ؛ اقعدو فيها
وكلع وخبط الباب
والحقه حاتم
حاتم ؛؛ طارق شن قصدك بكلمة اقعدو فيها شن مش عاجبك الحوش ولاه شنو
طارق ؛؛ انتو ما تاخذوش في راي وتاخذو في القرارت وكأني فرخ اصغير
حاتم ؛؛ به ها ليش انت رافض احكي ليش
طارق ؛؛ اعيال عمه مش تمام يا حاتم امتعين حاشيش كنك انت
حاتم ؛؛ وبه نحن اللي يخطب مش منهم وتا الشاب نعرف خوه اكويس يا طارق راه حوش فيه الزين وفيه الشين يعني مش كان ولد عمه مش تمام يعني حتي هو مش تمام
طارق ؛؛ به ليش تو وافقتو ليش مش من زمان
حاتم ؛؛ لان كنا كيف مجرد ما سمعنا اسمهم ورافضنا نين عرفن ان مش هم
طارق ؛؛ طلع وهو ساكت وما قالش ولا كلمه

وهاجر اول ما فتحت اعيونها شافتني جنبها طول اضبطتني وتمت تبكي

نا ؛؛ هاجر خلاص حبيبتي
وجتنا هدي وتمت تضبط فيها

مراد؛ ؛ خشنها للدار و خلنها اتريح
وخوذي دواءك يا هاجر
هاجر؛ ؛ هزت راسها ونزلت راسها لوطه
وشالنها للدار وجت ورانا غاده والهام

عمتي ؛؛ مراد شن حالتها تو
مراد ؛؛ مشكلة الشقيقه متعلقه علي النفسيه واجد خلوها اتريح تو
عمتي ؛؛ هابا علي بختها
عمي ؛؛ هيا للجامع

واطلعو هم للجامع وخشت علينا عمتي واعيونها ملينلت ادموع

وحت طول وتمت تضبط فب هاجر وتبكي

الهام ؛؛ عمتي خلاص عليش اتنكدي علي روحك
عمتي ؛؛ نا خايفه علي هاجر اللي اطيح من طولها هكي بدون سبق انذار
الهام ؛؛ الله غالب يا عمتي خلاص تو خلوها اتريح وهيا يا صبايا انكملو الغداء
وصبينا نحن ومشينا للمطبخ ولمبنا الحوسه ودرنا السلاطه ووتينا السفر
وقعمزنا وتمينا نرجو في الراجاله

وبعدها بوقت هم جو

كلهم قعمزو في الجنان ما عاد منتصر خش علي هاجر جو

منتصر ؛؛ هاجر احكي بصدق انتي تحكي معه صح
هاحر ؛؛خافت وتمت تبكي
منتصر ؛؛ احكي كنك ساكته احكي
ولاه سكوتك معناتها اها تحكي يعني امواطيه خشمنا لوطه وتحكي مع الشباب يا حقيره
وسمعنا حاجه انكسرت
غاده ؛؛ عمتي عمتي منتصر خش علي هاجر

عمتي ؛ حي عليا منتصر هبل تو ايكسرها ليا

الهام ؛؛ تو انخش عليه نا
وهشت الهام عليه
منتصر ؛؛ الهام لو سمحتي اطلعي بره نبي نحكي معها

الهام ؛؛ به يا منتصر احكي معها بهدوء راهي مريضه المسكينه

منتصر ؛؛ مريضه معانا نحن بس صاح الا علي تشليط الفون مش مريضه صح لو سمحتي يا اطلعي بره
الهام ؛ ما نيش طالعه الا معي هاجر
منتصر ؛؛ تو تحكي تو اطلعي فونك

وعلي خشت مراد علينا في الصاله
مراد ؛؛ كنكن شن في

ونا انصدمت لما شفت مراد خش تو يسمعهم
مراد؛ ؛ منتصر سمع صوت منتصر في الدار

هاجر ؛؛ والله ما حكيت معه الا ما حا خطبني والله ما نكذب

منتصر ؛؛ تي ليش تحكي اساس كيف نحن مش ملينا اعيونك ولاه شنو تي كنك انتي راه عندك رجاله في الحوش وتغفلي قينا وتحكي معه

مراد ؛؛ كيف يا هاحر انتي تحكي معه صاح
منتصر ؛؛ هه سمعت يا مراد اهي تحكي بالعين قويه
لكن تو انكسرها هنا تو بعدها تو تعرف بعدها
وين فونك طلعيه هاتيه
هاجر ؛؛ في الدولاب قاعد
وخذه منتصر
مراد ؛؛ هات هنا فونها
منتصر ؛؛ ﻻﻻ نبيه نا
مراد ؛؛ منتصر جيب الفون هنا
منتصر مد الفون للمراد
وجا يبي يضرب هاجر امسكه مراد

مراد ؛؛ ضرب لا يا منتصر
منتصر ؛؛ هذه تبي قتل مش ضرب

هدي ؛؛ ايه خشي بالكي لما ايشوفك يسكت الهام ما دورها بكل
نا ؛؛ به
في الحظه هذه تخيلت روحي ونا تحت كرعين عادل وهو يضرب قيا ونرجا في اي حد ايجي ايدافع عليا ولو حتي نعيمه

وخشيت عليهم والقيت هاجر خاشه تحت الطاوله
والهام امصبيه بينهم
ناوطول خشيت ومسكت يدي هاجر وطلعتها
من تحت
منتصر لما شافني سكت ومعش حكي

مراد ؛؛ اطلع متتصر خلاص
وطلع منتصر وهو ساكت واطلعت وراه الهام
ونا قعدت ماسكه في يد هاجر واشبطتها وتميت انسكت فيها

مراد ؛؛ عاجبك الوضع هذا اتخلي في خوك ايمد في يده عليك
هاجر ؛؛ والله يا مراد ما اغلطت والله ماعمري نزلت روسكم والله حطتكم فوق راسي

مراد ؛؛ كنتي اتجيني واتصارحيلي مش اتخلينا هكي هه شوفي بسبب سكوتك هو اللي وصلك اللي انتي فيه تو لو زمان حكيتي راه سالنا علي الراجل اكويس وراه وافقنا

هاجر؛ ؛ نا المهم عندي ارضاكم وكان انتو مش موافقين نا ما نبيش

نا ؛ بحتت فيها وانصدمت
مراد ؛؛ وجعته كلمة هاجر وحسها واعره وطلع بدون ما يحكي

هاجر ؛؛ حي عليا يا ويه فوني عند مراد خذاه وفيه رسال ومكالمات
نا ؛؛ قصدك فونك عنده طيح سعدك
هاجر ؛؛ منتصر قبل يبي ياخذه بس مراد خذه منه

نا ؛؛؛معقوله تعطي فونك وفيه عرم رسال تو هكي يقتلوك تو انعدي انشوفه وينه
هاجر ؛؛ ماني عارفه روحي هبله
نا ؛؛ خلاص حبيبتي تو انعدي انشوفه ونسرقه لكي
هاحر ؛؛ انعنك ما اتغيبي

وطلعت نا من الدار والقيت عمتي امقعمزه في الصاله
نا؛ ؛ عمتي وين مراد
عمتي ؛؛ ركب للشقه
نا ؛ به

وركبت وراه في الشقه والقيته امقعمز وايدخن حاط الفونات قدامه علي الطاوله

نا ؛ حبيبي تو مش وقت دخان غداء تو
مراد ؛؛ ما نبيش غداء
نا ؛ ليش ما تبيش هكي انت اتكبر في الموضوع اخر انزل علي خاطر عمي وعمتي المرضه حرام شن ذنبهم هم وخليك يا مراد امصبي نع خواتك راه ايحبنك وكون انت سدن لهن وتقرب منهن شوف نحن عندنا خالد بالدنيا ليش لان متقرب منا وديمه اينزل في اعيونه علي حاجه و2 وما ايزعلش فيهن وديمه امصبي معانا راه البنت حساسه من مواضيع هذين
وانت عارف اختك مريضه

مراد ؛؛ بحت فيا وكرني شوره وباسني علي راسي

كل ما لكي تكبري في عيني اخر نجك وربي ما يحرمني منك
نا ؛؛ ولا يحرمني
هيا حبيبي صبي
مراد ؛؛ هيا
وصبا مراد وجا يبي ينزل وبرم وجه
هيا كنك امصبيه
نا ؛ اهاا
اها نبي انغير ابلوزه فيها ميه واجده
مراد ؛؛ به غيري وهيا انزلي اكيده يرجو فينا
نا ؛ حاضر حبيبي هيا
ونزل مراد ونا طول خذيت فون هاجر وجيت نبي نفتحه القيت رمز خذيته ودسيته ونزلت طول وانسيت انغير ابلوزتي

واول ما خشيت القيتهو امقعمزين ايتغدو

الهام ؛؛ هيا ويه تعالي
نا ؛؛ هيا تو انجي
وغمزتلها معناها اس
وخشيت علي هاجر في الدار والقيتها تبكي وحالتها حاله
نا ؛ هاجر فونك فيه رمز خوذيه وخشي لحمام واحدفي رسالك والمكالمات وراكي تحدفي رقمه لان ح يعرف اني جبته لكي
هاجر ؛؛ انعنك مااتغيبي نجك
نا ؛؛ هيا خشي لحمام احسن اضمن
هاجر ؛؛ نجك وانتي من وينلك الافكار هذين
نا ؛؛ واللي ايعيش مع رجاء ضروري تقعد عنده خبره في مواضيع هذين هاجر؛؛ هههههههه نحك وشكرا
وطلعت من الدار وخشت لحمام ونا مشيت شور الصاله وقعمزت ناكل

هدي ؛؛ شن خذيتي الفون
نا ؛ اها اس خلاص تو يسمعنا
هدي ؛؛ نجك ليا

غاده انقهرت لما شفتني امصييه مع البنات وانساعد فيهن

وكملنا الغداء وصبينا ولمينا الحوسه ونحن في المطبخ نسمعو فيهم يحكو اخري

عمي ؛ نقاني نبي انوافق راه عليهم
حاتم ؛ وافق يا باتي بس اشرط الفرح تو مانبوش اي احراج بيش انتفادو المشاكل

مراد ؛؛ حتي نا انقول هكي مانبوش خطبه وسريب
حاتم ؛؛ الناس تشكرا فيه ليا وهو دزلي كم واحد
عمي ؛: حتي نا دزلي واحد كبير شيخ قبيله ونا الحق ما نقدرش انرده وهو خبطلي صدره عليه
طارق ؛؛ راه انحق بي الشارع امصبي او حتي امخطم قبل الفرح انكسرله كرعيه
منتصر ؛؛ ايوه هكي يا باتي مانبوش انشوفه
عمي ؛ باهي هو امكمل شقته وكان علي الفرح يبوه من زمان
تو انكلم الراجل ونعطيه الموافقه
عمتي ؛؛ يعني خلاص بينتنا مخطوبه تو
عمي ؛؛ علي البركه ان شاءالله

عمتي ؛؛ لووووووووووووووووووووووووووووووووووليا لووووووووووووووووووووووووووووووووووليا

ونحن في المطبخ بدون ماانحسو بروحنا فرحنا وتمينا انزغرطو وهاجر سمعت الزغاريط وافرحت وافتحت الباب وطلعت راسها

وكملنا الحوس وطلعنا وشفت مراد يبي ايصبي
خشيت طول علي هاجر
نا ؛؛ مبروك هجوري
هاحر ؛؛ وافقو صاح
نا ؛ اها مبارك ان شاءالله
وطول اضبطتني وتمت تبكي

هاجر ؛ واخيرا يا ويه وأخيرا
نا ؛؛ ووووو اخيرا مشكله الموضوع قديم بكل
هاحر ؛؛ ههههههه بكل
هي خوذي الفون وشيله فوق
نا ؛ به هاتي
ومبارك ان شاءالله

خطرها شن اسمه هو
هاحر ؛ اسامه
نا ؛؛ ماشاءالله اسمه حلو بس مراد اجمل

هاجر ؛؛ ههههه الحب يا حنه
نا ؛؛ ان شاءالله ربي ايتمم عليك

وخذيت الفون وركبت فوق ابسرعه ما نبيش مراد يفطلي ونا حطيت الفون علي الطاوله وجيت نبي نطلع فتحت الباب الشقه وما فطنتش خطبت في مراد قدامي
مراد ؛؛ كنك تجري
نا ؛ لا ما نجريش
مراد ؛؛ به ما فطنتيش ان نا قدام الباب
نا ؛؛ ﻻﻻ ما فطنتش
مراد ؛؛ لانك اديره في حاجه مش تمام ومش راضي عليها هذا ليش مرتبكه وما فطنتيش

ودفي جة الشقه وخش هو وسكر الباب
ومشي شور الصاله ومسك الفون
مراد ؛؛ كنه ساخن الفون
نا ؛؛ وشن عرفني انا
مراد ؛؛ ههه استعباط يعني تو
نا ؛؛ سكتت ومعش عرفت ما نحكي

وخرت منه وهو جا وقرب مني وشد علي يدي

مراد ؛؛ ايه نا اكره حاجه واحد ايغفلني فهمتي تو
نا ؛؛ اهااا يدي ما غفلتكش نا شن درت
مراد؛؛ لما تقعدي اتساعدي في هاجر وتكذبي عليا هذا مش غلط
مشكلتك تصرفي وكأني مانفهمش يعني واضحه اتنزلني قبلك وتكذبي عليا واتقولي نبي انغير البلوزه ومااتغيرهش ولما تنزلي طول اتخشي علي هاجر يعني واضحه كنتي اطلعي فيا بيش تاخذي للفون
نا ؛؛ اسفه حبيبي والله اسفه بس هي تمت تبكي وطلبت مني انساعدها وما حبيتش انردها والله وجعتني حرام هاجر اكويسه وتستحق كل الخير
وتميت انحول في يده وانتقرب منه

مراد ؛؛بعدها نا ما انفتشش في فون غير فوني لان اكيده فيه اسرار
نا ؛؛ به ليش اتفش في فوني نا
مراد ؛؛ انتي فونك هو فوني لان انتي هي انا ومافيش اسرار بينتنا كل شيء نحكوه لبعضنا
صاح يا ايه معش اتعوديها هذه اخر مره
نا ؛؛ اسفه حبيبي خلاص

مراد ؛؛ باهي مش عيب تغفلني
نا ؛؛ حبييبي خلاص سماح هذه اول مره واخر مره خلاص اسفه والله وجعتني هي المسكينه
مراد ؛؛ ماعنديش روح معاك انحبك انحبك وطيبتك هذه تو اتودرك
نا ؛؛ خليها اتودرني في بحر حبك نبيها
مراد ؛؛ هههه كلامك ديمه عسل
نا ؛؛ كلامي من طبيعي يطلع عسل علشلن انت امعيشني في اجمل قصة حب
مراد ؛؛ انحبك
نا ؛؛ انموت فيك
ومعش اتزر علي يدي ونبي ننزل نبي انشوف البنات
مراد ؛؛ فيش نزول اقعدي هنا قيله تو
نا ؛؛ حرام هليني انطمن هاجر اكيده علي نار

مراد ؛؛ به انتي تبي تنزلي للهاجر ونا عادي عندك نقعد علي نار

نا ؛؛ ﻻﻻ ما نرضش نا
مراد ؛؛ انحبك انحبك وكان انحصل انخششك هنا في قلبي وانسكر عليك
نا ؛؛ مديت يدي علي ابطم سورية
هيا خششني هيا هيا
مراد ؛؛ ههه باهي تعالي تو انوريك كيف

نا ؛؛ ووو مراد نزلني
مراد ؛؛ اسسسس يسمعو فينا اس
نا ؛؛ نزلني راه انعيط

وحطني علي الفراش
مراد ؛؛ مش تبيني انخششك في قلبي خلاص لهو تحملي عواقب كلمتك

نا ؛؛ هههههه انحبك انحبك

واصبحنا في خبر كان

واذن العصر صبيت نا ودرت دوش ولابست الديشنبر امتعي وطلعت والقيته امقعمز وايدخن علي السرير
نا ؛؛ حبيبي صبي بيش اتصلي العصر
مراد ؛؛ انكمل دخاني بس وديرلي بعدها قهوه

نا ؛؛ به حبيبي

وصبا مراد وخش لحمام ونا لابست وصليت ودرت قهوه وجبتها له
وهو طلع ولقني انمكيج
مراد ؛؛ نازله
نا ؛؛ اها نبي انشوف البنات شن صار فيهن
مراد ؛؛ به بس ويه ردي بالك اتقولي ان نا عرفت انك خذيتي الفون وياريت يا ايه اخر مره اتخشي لروحك للمواضيع هذين

صبيت قدامه
نا ؛؛ حاضر حبيبي
وحبيته علي خده
مراد ؛؛ هيا هيا انزلي عندي شغل
نا ؛ ههه به

ومشيت للمطبخ وخذيت انواع بسكويت وعصير ونزلت للحوش
والقيتهن ايدرن في قهوة العشيه

الهام ؛؛ حيتي قي وقتك
نا ؛؛ هههه اساس شميتها لعند فوق

الهام ؛؛ عمي تو كان ايكلم في ال اجل وقالو بكره حاين
نا ؛؛ صاح باهي مبارك ان شاءالله

عمتي ؛؛ يبارك فيك
هدي ؛؛ سبحان الله علي النصيب هو يما داره علشان هلي ايوافقو تو لما وافقو هلي قالو فاتحه والفرح طول

نا ؛؛ به الحمدالله ان هاجر متخرجه ولا اتفكر في القرايه ولا شيء ان شاءالله ربي ايتمم عليها

عمتي ؛؛ ان شاءالله يارب

الهام ؛؛ ويه عدي شوفيها بالكي تطلع معاك تمت متحشمه تطلع
نا ؛؛ تو انخشلها

وخشيت عليها والقيتها …………

نا ؛؛ هيييييي………..

يتبع