مسلسل سعاده كاذبه 

مسلسل سعاده كاذبه
الحلقه 25ومشينا للحوش وخشش مراد السياره في الجنان ونزلت منها وركبنا طول فوق للشقه

مراد؛؛ والله الواحد ما ايحس بالراحه الا هنا في مكانه
نا ؛؛ ههه اكيده
وخشيت نا لحمام ادوشت ولابست روب وردي وطلعت والقيت
مراد قاعد علي الاب توب
قعمزت علي الكرسي امتع الزينه ودهنتي جسمي بمرطب ودرت قلم اخضر وروج هادي وردي وجيت قعمزت جنب مراد
نا ؛؛ مراد شن هذا
مراد ؛؛ هذا دكتور صاحبي دازلي تقرير علي مريضه عنده حولها شوري
نا ؛؛ عليش
مراد ؛؛هو مسافر مده طويله وهي تو ضروري اتابع الدكتورنا ؛؛ اها مراد نسالك
مراد ؛؛ نعم
نا ؛؛ انت تمسك في المستشفي صاحمراد ؛؛ اها عندي يوم بس في الاسبوع
نا ؛؛ اها والعيادات
مراد ؛؛ تو قاعده مع عيادتين بس ﻻني تميت اناجر في الحوش اجار اكويس ليش تسالي انتي

نا ؛ ﻻ بس نبي نعرف لان خالتي سالمه سالتني عليك المره اللي فاتت وما عرفتش شن انقول

مراد ؛؛ اها اكيده عندها حد مريض
نا ؛؛ هي ما قالتش بس حسيتها تسال علشان دعاء بنتها
مراد ؛؛ كنها مش منتظمه
نا ؛؛ اها زمان نسمع انها مش منتظمه وديمه تمشي لدكاتره وما صار شيء
مراد ؛؛ هي دبه اشويه
نا ؛؛ اها اشويه مش واجد
مراد ؛؛ مفروض اتنقص معناتها اكيده عندها تكيس علي المبيض
نا ؛؛ هي زمان دارت روجيم وماصار شيء هي اصغيره ومااتفكرش واجد تاكل وخلاص اساس هي مش امدوره بس خالتي هي اللي ادور

مراد ؛؛ تو حاليا مفروض تنقص واتريح نفسيا ومااتفكرش فيها واجد ومفروض ادير تحاليل هرمونات

نا ؛؛ هههههههه شن نحن في درس طبي
مراد ؛؛ ههههههههه انتي اللي سالتي وحول مراد الاب توب ولاف شوري

مراد ؛؛ شن تعبانه انتي
نا ؛؛ الحمدالله اكويسه
مراد ؛؛ باهي صبي طفي الضيء تو انولع الوناسه
نا ؛؛ به
وصبيت وطفيت الضيء وجيت لسرير

مراد ؛؛ شن تبي اديري اليوم جو رسميات يعني
نا ؛ هههههه
مراد ؛؛ كان خطر عليا راه قعدنا في البحر غادي
تي تعالي هنا وكرني شوره

خطرها بكره ذكريني انجيبلك حاجه من الصيدليه
نا ؛؛ شن هو
مراد ؛؛ حاجه وخلاص تو تعرفيه بعدين
نا ؛؛ انت تفهم في الحاجات النسائيه اكتر مني نا

وجا مراد فوقي و……………..

ووعيت تاني يوم وشفت جنبي القيته جنبي راقد
فرحت واجد حسيت روحي اني نا مراه صاح وعندي راجل حلو

وصبيت وخشيت لحمام وتوضيت وصليت الصبح ولابست اتنور اقصيره بني وعليها بدي كريمي
وقعمزت علي كرسي الزينه

ولميت شعري لاوره ودرت ميك اب خفيف

وبرمت وجي شور السرير وشفت مراد كيف راقد وكان منظره ايجنن اتحسيه هادي وحنون
جيت وقعمزت جنبه وهو راقد

تميت انتخايل كيف اول ما سمعت يبي يخطبني ورافضته واول ما شفته شفته ودمعتي علي خدي وتاني مره انشوفه هو قسي عليا وصارت بيني وبينه مشكله
وكيف لما شفته في المستشفي عديت بدون ما انتردد واضبطته وهو حضني وكيف لما غار عليا وحماني وخلني انتريحله مع ان كنت قاسيه معه وجافه بس ما تنزلش عني وقعد معي ولما مرضت نساء اللي فات كله وخذني في حضنه

تميت انشوف فيه ك راجل صح وك حبيبي وك زوجي وك حبي الاول والاخير
حطيت يدي علي لحيته اللي انحبها موت ونا سارحه فيه وانشوف فيه فارس احلامي

ونزلت علي خده وبستها بوسه طويله
وهمست في وذنه

انحبك انحبك انحبك

وعيوني ملينات ادموع رفعت راسي ومشيت ودرت قهوه

وجبتها له عند الدار وهو شمها وصبا

مراد ؛ وهو ايمشي في يده علي شعره لاوره ومرفع حاجبه

صباح الخير
نا ؛ صباح الخير هيا اشرب قهوتك
مراد ؛؛ عارفه اجمل حاجه فيك اتوعي فيا علي فنجال القهوه

نا ؛؛ عارفتك اتحبها هيا ابسرعه نبي نفتح الروشن
وصبيت نا وفتحت الروشن
ومراد قعمز وبدا يشرب في قهوته

مراد ؛؛ باهي ريحي اعظامك وقعمزي ايشوفو فيك الناس

نا ؛؛ ونا امصبيه حطيت ايدي علي الجنب ورفعت حاجبي ونحكي بالاستغراب

مراد كنك انت

مراد ؛؛ بحت فيا وامرفع حاجبه
لا تعالي اضربي خيرلك

نا ؛؛ ههههه لا نبيش شكرا
مراد ؛؛ ﻻﻻ تعالي تعالي خيرلك عليش تبيش اتجي ولاه خايفه مني

نا ؛؛ ﻻﻻ شكرا هنا اريحلي
مراد؛ خوافه

نا ؛؛ مراد تحكيش هكي راه والله نزعل
مراد ؛؛ به تعالي ازعلي هنا علي السرير
نا ؛؛ مراد ما تحرقش دمي

مراد ؛؛ عدي عدي وتيلي لابستي نبي نطلع
نا ؛؛ شكرا علي المعامله السمحه هذه
ومشيت شور الدولاب ونا ماده اشوربي قدامي
وبديت انبحت في الدبش

وحسيت بحاجه جيتني من لاوره وحضتني

مراد ؛؛ خوافه ولا مش خوافه
نا ؛ ﻻﻻ مش خوافه
مراد ؛؛ به تعالي اثبتيلي
نا ؛؛ صبح مراد مش تبي تطلع
مراد ؛؛ باهي تعالي وتو انشوفو صبح ولا عشيه
و رن فون مراد

نا ؛؛ فونك فونك ايرن
مراد ؛؛ ما عندي ما نبي فيه خليني معاك تو
نا ؛؛ ههههه مرات ايكون عمي ولا عمتي يبوك ضروري
مراد ؛؛ التفت علي الكوميدنه ومشلها ومسك الفون
مراد ؛؛ هذه عمتي فاطمه
نا ؛؛ هات تو انرد عليها نا
مراد ؛؛ تقريبا هذا فوني نا
نا ؛؛ رد وما نبيش نحكي به

مراد ؛؛ الو ايوه عمتي

عمتي فاطمه ؛؛ خيرات تي وينك كنك ما اترد من الاول
مراد ؛ ما فطنتش لفون
خالتي فاطمه ؛؛ باهي كنك ما قالتلي علي البحر راه مشيت معاك نا والعويل
مراد ؛؛ يا عمتي ليش ما انتي اللي رنيتي وانتي عارفه نا نمشي من عشيه لعشيه

خالتي فاطمه ؛؛ باهي به مراد وين ايه

مراد ؛؛ شالتها لحوش هلها
ونا فنصت في مراد منصدمه

وهو اصبع يده علي فم معناها اسسسس

خالتي فاطمه ؛؛ طيح سعدك ودرتها

مراد ؛ يا عمتي البنت دلوعه واجد نا مانقدرش انكمل معاها من ابسط مرضه طاحت وارقدت وتمت تبكي ونكدت عليا انتي شفتيها حتي جهدها ما اهناك شيء اقصيره وارقيقه

خالتي فاطمه ؛؛ هبل اصليتك اتدور فيها والله ماح تعرف قيمتها نين تو اتودرها من بين ايديك يا هبل هابا علي بختها ونا انقولها اكويس وطيب وحنون وانت شيء مكر

مراد ؛؛ باهي شن قالتي اخر
واسكتت خالتي اشويه وتمت اتفكر

خالتي فاطمه ؛؛ تي امتي شالتها انا تو كنت نحكي مع امك وقالت روحو في الليل

مراد ؛ ههتهههههههههههه تي اهي قاعده قدامي

خالتي فاطمه ؛؛ خلعتني عطك ما يخلعك

مراد ؛؛ باهي يا عمتي صار اتفضلي في بنت صبيتك اكتر من ولد خوك انسيتي انتي نا حتي فرحك حاضره

خالتي فاطمه ؛؛ هي ابنيتي مش بنت صبيتي هاتها نبيها

مراد ؛؛ خوذيها اهي

ومدلي مراد الفون وهو مشي لحمام ايدوش

نا ؛؛ ايوه اخويله
خالتي فاطمه ؛ تي كنك ما تحكيش احذاه خليتيه ايرعشني

نا ؛؛ هههه هو قالي اسكتي

خالتي فاطمه ؛؛ وانتي عاد تسمعي في الكلام
ويه عمتك قاللتي والله ارقدو عند ساعه 3 شن صارت حاجه ولا شنو

نا ؛؛ هههه انا اشويه اخري و نلقها علي خط خبر عاجل في الجزيره

ايه ومراد ارقدو لعند ساعه 3

خالتي فاطمه ؛؛ هههههه حتي هي فتحيه يا حنه نا قالتلها شن اخبارهم قالتلي حالهم اكويس ايرقدو لعند ساعه 3
تو مش مهم احكي ها شن صار

نا ؛؛ اها الحمدالله
خالتي فاطمه ؛؛ باهي يا حنه طيب فيك وخليكي رومانسيه مع الراجل وتلابسي وديري ميك اب وديري عطر وهدرزي معه وقويله حبيبي عاد نا ماانعلمكش انتن يا بنات ماحد يغلبكن في الكلام هذا

نا ؛؛ به حاضر يااخويله
خالتي فاطمه ؛؛ ويه ما اتخليهش وصا و حطيه تاج علي راسك
نا ؛؛ حاضر يااخويله حاضر
خالتي فاطمه ؛؛ نجك ليا والله وقعدتي مراه يا ويه وعندك راجل

نا ؛؛ ههههه كيف انتي هازيه عليا
خالتي فاطمه ؛؛ ههههه ﻻ بس فرحانه لكي

وخش عليا مراد

نا ؛؛ به اخويله تبي حاجه تو
خالتي فاطمه ؛؛ اكيده جا مراد صبي يا حنه اضبطيه هيا سلام
نا ؛؛ ههههههه سلام

مراد ؛؛ شن اتهدرزن نا عارفه عمتي هذه
نا ؛؛ ههههههه اتوصي فيا عليك
مراد ؛؛ اها به فطرتي

نا ؛؛ ﻻ مازال شن تبي اندير

مراد ؛؛ مش اتحبي حليب وشاهي درتي

نا ؛؛ ماخاطريش فيه تو اندير توست وخلاص
وخذيت سفرة القهوه ومشيت للمطبخ

ودرت توست وصبيت عصير عنب وقعمزت ناكل
وخش عليا مراد لابس

مراد ؛؛ تبي حاجه نا طالع
نا ؛ ﻻ سلامتك امطول انت
مراد ؛؛ ﻻ مش امطول مشوار بسيط هنا
نا ؛؛ به
مراد؛؛ خطرتي عليا تو انجيبلك فون والشفره عندي هنا في الشقه تو نعطيها لكي

نا ؛؛ شفره قديمه عندك
مراد ؛ اها قديمه امخليها مدسوسه للاحتياط دايره
نا ؛؛ اها به

وجا مراد وطبس عليا وباسني علي خدي وطلع
مراد ؛؛ سلام
نا ؛؛ سلام

ومشي مراد ونا فطرت وصبيت و طلعت مفروم وعديت ولابست روب رسوم امتع حوسه

وبديت في الغداء درت شربة عدس و معكرون بشاميل

وكملت الغداء ومشيت غسلت جسمي و غيرت دبشي ولابست توته شروت عند ركبه وبدي اخيوط ودرت ميك اب وعطر

وسكرت الشقه وولعت المكيف وبخوره بيش ايحول بنت الطعام

وبعدها بوقت

سمعت كرعين مراد علي الدروج وصبيت ومشيت شور الباب وهو فتح الباب وشافني قدامه

مراد ؛؛ اووووو عليك بنه سمح اهلا يا سموحه
نا ؛؛ اهلا وينك طولت

مراد ؛؛ مواضيع كانن عندي
نا ؛؛ انحط الغداء بدال هو ساخن
مراد؛ ؛ يا ريت والله بعدك جيعان بكل

نا ؛؛ به تو انحط وقتي عدي صلي بس

مراد ؛؛ هيا

وخش مراد وغير دبشه وتوضا وصلي وجا قعمز في الصاله ونا جيت وحطيت السفره قدامه

مراد ؛؛ اوووو بشاميل
نا ؛ اتحبها
مراد ؛؛ بكل
نا ؛؛ درتها هكي مغامره مش عارفه اتحبها او لا
مراد ؛ نا عنديش شروط في الاوكال واجد

نا اهم حاجه الاوكال اللي قدامي ايكون طيب وحانط بس

نا ؛؛ صحه ان شاءالله
وتغدينا وصبينا وهو شالي السفره في المطبخ

ونا غسلتها وجيته وجبت معي شاهي اخضر بالنعناع
وحطيته قدامه وهو بدا ايدخن

مراد ؛؛ في كيس فوق السرير جيبيه
نا ؛؛ به
ومشيت وجبت الكيس
مراد ؛؛ افتحيه ليش معش فتحتيه
نا ؛ قصدك شوري هو
مراد ؛؛ اها املاه لمن
ونا قعمزت جنبه وفتحت الكيس والقيت صندوق للفون وفتحته والقيت فون ايهبل

نا ؛ فوني هذا
نجك ليا انحبك والله انحبك واضبطته وبسته
مراد ؛ مبروك عليك شن شكلك كان خاطرك فيه
نا ؛؛ اها من زمان

مراد ؛؛ وليش ما قالتيها ليا من زمان راه جبته لكي من ايام الخطوبه

نا ؛؛ علشان هلي كانو رافضين ونا نبيش مشاكل واساس نا ماكانش عندي وقت انقولك نبي فون يالله طقيت انوتي لفرحي راه وتيت روحي في شهر بس

مراد ؛؛ ههههه احسنلك

وصبا مراد وعدي و جاب لاب توب امتعه

نبي انراجع اشوية معلومات عندي اليوم عياده وامبدري رنت عليا مريضه وقالتلها تعالي بعدين

نا ؛ اها به مراد ماشي ساعه كم
مراد ؛؛ ساعه 5 لساعه 8 ليش
نا ؛ به عادي اتحطني عند هلي انهدرز معهم خيرلي من قعدتي اوحدي هنا

مراد ؛؛ بحتت فيا وهو امرفع حاجبه

انتي تبي تمشي صح

نا ؛ درت روحي بيبي وهزيت راسي معناها اها

مراد ؛؛ به تو انشيلك
نا ؛ نجك به وين الشفره اللي تبي تعطيها ليا
مراد ؛؛ ههههه ما تنسي بكل شكلك
نا ؛ هههه به وينها
مراد ؛؛ في الدرج الاول تلقيها في علبه تلقيها

ومشيت نجري نا وفتحت العبله والقيت الشفره خذيتها وجبتها لمراد وهو حطها ليا وولعها
مراد؛ الله الله علي الارقام مش اي حد تعطي رقمك
نا ؛ به حاضر

اصبري هاتي انرن علي روحي وانخزن رقمي عندك وخزن رقمه
ب حبيبي

نا ؛؛ هههههه حبيبي
مراد؛ حبيبك غصبن عنك
نا ؛ بحتت بنظره كلها حب
اكيده
مراد ؛؛ قربني منه وباسني علي خدي وقعد امركز علي الاب توب

و نا قعمزت جنبه وقعدت انعود روحي علي فون لاني نعرفش نشتغل فيهن بحكم ما عمريش درت فون

وكل اشويه انقول لمراد شن هذه وهذه كيف تندار وحي عليا نﻻ شن درت طلعتلي كتيبه واجد شوف شوف يا مراد

مراد غمتله بكل مني

مراد ؛؛ بصوت عالي

ااااايه ااااااااايه خشي جوا معش خلتني انركز وانتي ساكنه

نا ؛؛ به به

وخشيت نجري وقعدت انكسد ومره انخبط من هنا وانخبط من هنا نين اذن العصر وصبيت توضيت وصليت العصر

ونا بديت انغير في دبشي ونا امقعمزه علي الكرسي وانمكيج خش هو عليا

مراد ؛؛ يعني ضامنه مشيتك
نا ؛؛ مش انت قالت باهي
مراد ؛؛ بس انتي امبدري فجرتلي راسي وتعقدت منك ونا بمئه راي مرات نقعد رافض تو

نا ؛ بحتت فيه ومديت اشوربي قدامي

به ابراحتك

مراد ؛؛ ياعيني تعقدتي تو
نا ؛ انت اللي قللت فيش مشي

مراد ؛؛ هههه هيا وتي روحك ابسرعه لاني مستعجل ومعش اتعقديها ليا ونا نشتغل

نا ؛؛ به حاضر
وجاني مراد وطبس عليا وباسني علي راسي وغير دبشه وطلعنا

مراد ؛؛ طالعه هكي بلا عبايه و لا خمار
نا ؛ تو نلابسهن
مراد ؛؛ ﻻﻻ اطلعي هكي خلاص هيا بس الخمار نا نبيه لما اتكوني امثقله في الميك اب

نا؛؛ به
وطلعنا وتكه مراد علي محل وجابلي عصائر وعبلة بسكويت

ومشينا لهلي
ونزل مراد ايدق ولما انفتح الباب وكان الليعلي الباب موده بنت عادل

موده ؛؛ عمو مراد
مراد ؛؛ اهلا هلك قاعدين
موده ؛ اها قاعدين كلنا

مراد ؛؛ التف شوري ونا في السياره وشيرلي وخلني ننزل ونا خشيت للحوش وهو عدا

ونا خشيت عليهم في الدار القيتهن امقعمزات يشربن في القهوه وصبن البنات ايسلمن عليا

وجت عيني في عين عادل
عادل ؛؛ ماشاءالله
نا ؛؛ خيرات عادل
عادل؛ عليك لابسه سمحه طالعه بها هكي
نا ؛؛ خفت وبحتت في ماما

ماما ؛؛ عادل هي جايه مع راجلها

عادل ؛؛ راجلها ايطلعه هكي عادي يعني وهي اساس مش متعوده تطلع هكي ايش معني تو لما ازوجت تمت تطلع هكي

علي ؛؛ عادل البنت ازوجت وعندها راجل ايتحكم فيها نحن خلاص

عادل ؛؛ ديمه انت امصبي معهن بقلب

ونا قعدت امصبيه عند الباب
وانبحت فيهم وهم امقعمزين
وصب عادل ولما جا احذي دفني من علي الباب وطلع هو
ونا قبل طحت و انسدنت علي الساس

علي ؛ لا حول ولا قوة الا بالله
خشي يا ايه خشي

خشيت وسلمت علي الباقي وقعمزت
وصبا علي وطلع

ماما ؛؛ مااتعدليش عليه يا ويه شن اخبارك انتي تو

نعيمه ؛؛ كيف يا عمتي ما اتعدليش عليه كيف هو مش خوها الكبير ولا شنو

رجاء ؛؛ هو خوها نحن ما قالنا شيء بس هي تو ازوجت واطلعت من شوره خلاص هي تو مرات راجل وراجلها هو اللي ركبها جنبه بمنظرها هذا

نعيمه ؛؛ رايت هالراجل المتسقم راه مطلق وجايبها خدامه له ولاعياله وينسي بها مراته بس

نا ؛؛ سمعت كلمتها وانصدمت وخنقتني العبره
نا ؛؛ احترمي نفسك يا نعيمه
نعيمه ؛؛ ﻻ مش محترمه شن تبي اديري يعني
نا ؛؛ نعيمه نبيش نغلط فيك
نعيمه ؛؛ ياعيني يا مكسورة الخاطر شن تبي اديري ياعيني يا خدامة الراجل واعياله

رجاء ؛؛ ﻻﻻﻻﻻ انتي هكي كترتي واجد
وصبت رجاء فوقها وبدت فيها

وصبينا نحن ابسرعه وتمبنا نمسكو في رجاء
اميره ؛؛ نعيمه عيب خلاص الجوه هذه ايه شن دارتلك نين اتقولي هكي

نعيمه ؛؛ يا عيني رايت هالسنيوره اللي ادافعن عليها
تي عدن شوف بختكن وحده هاربه ولاخره متزوجه مطلق حتي قسمياتكن علي قصاد نيتكن السوده

نا ؛ نعيمه لو سمحتي اطلعي بره وما نبيش انشوف وجك هنا ولو نحن مش عاجبينك ليش تزوجي خونا تبي ولا ما تبيش نحن عمات اعيالك احترمينا نحن ما غلطنش فيك

نعيمه ؛؛ ياعيني والله طلعلك السان يا فرخه ايه والله ها مراد دارلك شان وكان ولا شنو

تي هو كان ما ايحبك ما ايخليكش تطلعي هكي والناس اتبحت فيك مفروض ايغير عليك بس بيش تعرفي ان واخذك بيش تخدميه واتنسيه مراته بس

نا ؛؛ حسيت كلامها وكأن موس خش للقلبي قعدت نرعش ونسمع فيها

ايمان؛ ؛ ﻻﻻﻻﻻﻻ اغلطتي واجد وبدت فيها ايمان
اميره ؛؛ دفت نعيمه وطلعتها من الحوش وما خلتش رجاء وايمان ايطقن فيها

خلاص خلاص كذا خشن اطرطشن عليش لما تلتمن الا علي المشاكل خلاص خشي يا فرخه رجاء راه انجيك

رجاء ؛؛ تي وحق ربي كان نطلعلها بس انكسرها تكسير هالكلبه ما ناقص علينا الا هي

اميره ؛؛ رجااااااااااااااااااء اسكتي
ايمان شديها عليش اتشجعي فيها

ايمان ؛ تي نا ابروحي كان نطلعلها ياما اندير فيها

ونا قعدت نبكي ومروه اتسكت فيا

مروه ؛ خلاص يا ويه مااتعدليش عليها

ماما ؛؛ حي علي بختي نا ما عندي حظ لا في اعيال اعقال ولا في كنه اكويسه ولا في بنات ساكتات

رجاء ؛ تو جا الغلط منا
منا علشان ما انخلوش حد يغلط فينا

ماما؛ ؛ انتي اللي كبرتيها كنتي اتخليها بينها وبين ايه راه ما غلطتش فيها

رجاء ؛؛ نا اللي غالطه يعني باهي اصلا انتو تعودتو علي الواحد يقعد يطلق في اللسانه عليكم وانتو ساكتين وراضين وكان تلاقو اتقوله بارك الله فيك

ماما ؛؛ نا اللي يبي يعشي عندي في الحوش هذا يسكر فمه وايحط اللسانه جو كنتن تسكتن واتخلنها تنبح اوحدها مش اتردن عليها وانتي يا كلبه ايمان علمتك رجاء يا طيحة السعد ما تبي تزوجي ولا تبي تقعدي هكي طالقه اللسانك عند اعربك

رجاء ؛؛ سبحان الله ديمه فسس الحوش فيا نا مهما اندير

ماما ؛ انتي كان تسكتي بس اختك جايه تبي اتهدرز نكدتنا عليها تو

رجاء ؛؛ تعالي تعالي يا ايمان مهما انديرو نحن الغلطانات خليهم هم هكي

وخشنا رجاء وايمان في الدار ونا قعدت مع ماما ومروه واميره في دار المعيشه وتمينا انهدرزو

ماما ؛؛ ان شاءالله يارب يزوجن كلهن وانتريح عليهن ونفتك من هالمشاكل والله تعبت راه

اهو ايه لما ازوجت والله تريحت عليها لما شفت عندها راجل يشقي بها ايشيل فيها ايجيب فيها

مروه ؛؛ ان شاءالله ربي ايهنيهن وسعي بالك انتي ياعمتي راه والله هن معهن الحق الكلام ما ينسكتش عليه

ماما ؛؛ بس يا مروه نا كم مره قالتها كان هي مراه تعبانه ومريضه نحن ما نقعدوش كيفه و انزابوها علي الشينه

اهو احسن حل دارته اميره طلعتها بره وفكت خواتها منها

مروه ؛؛ به ويه هدرزينا شن اخبارك والله باقيه حلوه
نا ؛؛ تسلمي حبيبتي
اميره ؛؛ وين يا حنه صار ماشيه للبحر امس
نا ؛؛ ههه اها مشيت اول امس وبتنا وروحت امس علشان مراد عنده عياده
اشويه بس انخش انكام البنات امرايفه عليهن
وخشيت وكملتهن
رجاء ؛؛ مانش طالعين خليها امي ديمه امصبيه مع العويل
نا ؛؛ ارجيوه ماما اتسكت فيك بيش ما تبيش حد ايطق قيك
رجاء ؛؛ ههه به اتسكتهم هم
نا ؛؛ ارجيوه ماما الله غالب عليها هي تعالنا علشان خاطري وهدرزنا بيش نحكيلكن شن صار في البحر

وجن رجاء وايمان وهن كيف البنات الطيبات وقعمزن وما قالنا ولا كلمه

اميره ؛؛ هدرزن مع ايه خيرلكن
نا ؛؛ خطرتن عليا
ومسكت شنطتي وطلعت منها فوني

رجاء؛ ؛ اووووو درتي فون
نا ؛: اها داره ليا مراد اليوم في الصبح جابه ليا
رجاء؛ ؛ كذا شكله ايجنن
نا ؛؛ اه خوذيه من امبدري ونا قاعده عليه نبي نفهمه بالغصب اليوم من كتر ما نسال في مراد عليه نين تعقد مني

ماما ؛؛ ههههه به شن اخبار مراد معاك
نا ؛؛ الحمدالله اكويس
ماما ؛؛ متريحه معه
نا ؛؛ الحمدالله
ماما ؛؛ والعويل قاعدين عندك
نا ؛؛ ﻻ ماشين مع عيت عمي للبحر ايهبلو اعياله تو مره تانيه انجيبهم بيش اتشوفوهن بذات حمادي الصغير ايجنن وهادي مش كيف لمار بكل

ماما ؛؛ شيفتها لمار نا زمان اتهبل فيها جمال حلو
نا ؛؛ اهﻻ الحق البنت اتهبل واتحسي شعرها اشقر اشويه واعيونها عسليات

ماما ؛؛ طالعه لامه امه ماشاءالله عليها الحق
نا ؛؛ ماما انتي شايفتها
ماما ؛؛ اها شيفتها زمان عند خالتلك فاطمه
نا ؛؛ سمحه واجد يا ماما
ماما ؛؛ الحق …….

واسكتت فجاء لان افطنت لروحه انها تحكي علي طليقت راجلي ونا غرت وتميت نسال فيها

ماما ؛؛ ما نذكرهش واجد من زمان شيفتها
نا ؛؛ بحتت في ماما وعرفتها انها ادس عليا واسكتت مراعاة للشعوري بس

اميره ؛؛ تي مهما اتجي من جمال مستحيل تقعد كيفك يا عسل اتهبلي انتي

نا ؛؛؛بحتت في اميره وابتسمت ابتسامه صفره

وغيرن موضوع وقعدن انهدرزو

ونا طول القعده عقلي في طليقت مراد وتميت انتخايل في لمار بشكل اكبر

وفجاء سمعنا صوت عالي …………….

يتبع