مسلسل سعاده كاذبه

الحلقه 22

وطلعت رجاء وردت علي الفون 
رجاء ؛؛ ها وينك
سراج ؛ هيا اتجي علي قصاد الباب
رجاء؛ ؛ حاضر
سراج ؛؛ هيا تعالي افتحي الباب

ومشت رجاء وافتحت الباب ولقت قدامها سراج وكان شايل صندوق كبير وكيس

رجاء ؛؛ هيييييي سراج شن هذا

سراج ؛؛ دف الباب بكراعه وخش لجنان وحط الصندوق علي يد رجاء

كل سنه وانتي طيبه يااحلي انسانه في اعويناتي يااعويناتي
رجاء ؛؛ هييييي نجك ليا سراج قصدك انت مذكر عيد ميلادي

سراج ؛؛ وكان مااذكرت عيد ميلادك نذكر عيد ميلاد من انتي تو اقرب ناس ليا

وحط يده علي خد رجاء وحول شعرها
انحبك والله انحبك وعارف روحي نا شايب علي الحركات هذين بس حسيتها شينه لو ايجي عيد ميلادك وانتي معي ومااندريلكش

رجاء ؛؛ خنقتها العبره وادموعها في اعيونها

نا بدونك شيء يا حبيبي

سراج ؛؛ شن هذين ادموع ولا انتخايل خلاص هيا خشي قبل ماايطلع علينا خالد
رجاء؛؛ انحبك يا سراج

قرب سراج منها وحبها علي راسها والله انا انحبك اكتر من اي شيء في حياتي واللي في كيس مهم اتصير نبيهش اتحول من ارقبتك

رجاء ؛؛ حاضر من اعيوني
ومسك يدها وباسها وطلع ولما وصل عند الباب غمزلها وطلع

ورجاء كانت في وضع الصدمه وخشت للحوش بشويه بشويه وخشت للصاله وقابلتها ايمان

ايمان ؛؛ هييييييييييييييي شن هذا
رجاء ؛؛ عيد ميلادي
ايمان ؛؛ سراج جابها لكي باهي خشي للدار
وخشت رجاء للدار وخشت عليها ايمان و اميره يجارن

اميره ؛؛ اووووو هيا افتحي الصندوق خلينا انشوفو
رجاء ؛؛ باهي
وحطت رجاء الصندوق علي الطاوله اللي في الدار وافتحاته

اميره ؛؛ اوووووو تورته اتجننننننننننننننننننن

ايمان ؛؛ شكلها حاجه بكل
رجاء ؛ افرحت واعيونها ادمعن لان شافت كلمة انحبك علي التورته

اميره ؛؛ شكله رومانسي سراج هذا
ايمان ؛؛ تي انتن فكرن ايش انديرو بالتورته هذه والله ايشوفها خالد يعرفها طول

اميره ؛؛ ورينا اللي في الكيس
وافتحت رجاء الكيس وطلعتها ولاقتها سلسه ذهب اتجننننن حلوه وراقيه وبسيطه

رجاء؛ ؛ اتجنن صاح يا بنات
ايمان ؛؛ مش امغير اتجنن اتهبل بكل

صبت رجاء وحطتها علي ارقبتها
رجاء ؛؛ اميره سكريها ليا

وسكرتها اميره السلسه

اميره ؛ راقيه بكل شكله كان عابي علي العيد الميلاد

ايمان ؛ هذا شكله ايحبك موت ومااتفطريش فيه يا رجاء

رجاء ؛؛ والله انحبه انتن بروحكن اتقولن ان نا تغيرت من لما شفته وتعرفت عليه والله غير فيا حاجات واجده حتي اليوم اللي ما ايكلمنيش فيه انحس روحي ناقصتني حاجه

اميره ؛ والله ياارجيوه عرفتي اتحبي واتصوني

رجاء ؛؛ هيا خوذن التورته وحطنها في الثلاجه بكره تو ناكلوها

ايمان ؛ هيييييي وخالد كان شافها شن انقولو

اميره ؛؛ انقولو ايه جابتها معها

رجاء ؛ الحمدالله ان ايه قاعده خطرها هي مازالت راقده

اميره ؛؛ اها راقده بس يابنات انحس في ايه اتحب مراد موت لان امبدري قالتلي هو حنون بكل وحكتلي عليه وكأنه اتحبه شفتن امبدري برغم مرضها صبت واهتمت به واجد

رجاء ؛؛ تبي الحق هو شكله ايحبها اكتر لان امبدري لما شافها صبت واضبطت خالد حسيت كيف اللي غار وماحولش عينه من عليها شفتن حتي لما مرضت جابها طول بيش اتريح ربي ايكمل عليها سبحان الله زمان كانت رافضته

اميره ؛؛ الحمدالله اطمنا عليها
ماما خايفه عليها لان هي درويشه و ماتفهمش في جو المتزوجات وحشومه واجد

رجاء ؛؛ هيا بنات نبي نحكي مع سراج
اميره ؛ تصبحن علي الخير تو نا اللي طلعها التورته تريحن

رجاء ؛ انعنك مااتغيبي يااميره وان شاء الله حتي انتي ربي يفتحها في وجك

اميره ؛؛ ان شاءالله

وطلعت اميره وبدت تحكي مع وليد
وايمان حكت مع احمد ورجاء مع سراج

سراج ؛؛ كيف شفتي التورته انسيتني نا
رجاء ؛؛ هههه والله ماذقتها حتي الذوق
سراج ؛ انحبك ياشفشه كنك امبدري امشفشه

رجاء ؛؛ ههههههههههه اصل نا تفاجت لما قالتلي اطلعي والله طلعت بدون حتي ماانشوف روحي علي المرايه

سراج ؛؛ هابا هذه علاقه وادير هكي املاه كان نزوجو شن اديري تقعدي امخمجه

رجاء ؛؛ ازي عليك يا سراج نا امخمجه يعني

سراج ؛؛ انتي خموجي نا بس نجك ليا والله طالعه اتهبلي والتوته طالعه اتجنن عليك وضابطه واجد عليك واجد وشفت جسمك

رحاء ؛؛ سراج بلا صياعه راه خيرلك اساس نا مش عارفه طالعه عليك هكي نحسابك نيتك بيضه اطلعت سوده
سراج ؛؛ تي والله كان سوده راه لعند تو قاعد معاك يا شينه اصلا مش عارف كيف مسكت روحي وماجيتش شورك
رجاء ؛؛ ههههه تقدرش اديرلي شيء
سراج ؛؛ وكان نبي اندير حاجه انديرها وانتي ساكته
رجاء ؛؛ ههههه ﻻﻻ تقدرش
سراج ،؛ رجاء امك ماتبيش تمرض
رجاء ؛؛ ههههه بعيد السوء كنك تفاول عليها انت
سراج ؛؛ لاني نبي انشوفك نبي انهدرز معاك

رجاء ؛؛ بس مش علي احساب صحة امك بس راه ماما عندها موعد اقريب انت ديرلها مراجعه
سراج ؛؛ اها به تعالي معها انتي
رجاء ؛؛ ان شاءالله

وقعدو ايهدرزو طول الليل

ونا اوعيت تاني يوم علي بنت حليب والشاهي وهرجة ماما في المطبخ

حسيت في حاجه ناقصه بس لما شميت بنت ماما تريحت لاني كنت امرايفه عليها موت

وصبيت وخشيت عليها في المطبخ

نا ؛؛ صباح النور
ماما؛ ؛ صباح النور تعالي تعالي افطري درتلك حليب وشاهي مش اتحبيهن

نا ؛؛ بعدك امرايفه عليهن موت من تحت ايديك
ماما ؛؛ نجك ليا هيا تعالي
وجيت وقعمزت علي الكرسي
ماما ؛؛ في تورته في الثلاجه مش عارفة شن قصتها
نا ؛؛ تورته من جابها
ماما ؛؛ مش عارفه شكلها جايه في الليل التورته هذه وشكلها وراها قصه
نا ؛؛ ليش
ماما ؛؛ يستر الله تطلع ل اميره مكتوب عليها انحبك او مرات يقعد خالد جايبها ل امل
نا ؛ مش عارفه

وفطرت وصبيت وجاني فضول انشوفها وصبيت شفتها ولما شفتها شفت حرف R
هيييييييييي شكلها ل رجاء طيح سعد العار
ومشيت نجري للدار

نا ؛؛ رجاء رجاء في تورته شورك
رجاء؛؛ ووووو مااسرع ماشوفتها وصبت رجاء ونطت ومنفجعه
وانتي شن عرفك انها شوري
نا ؛؛ عليها حرفك يا همي
رجاء ؛ هييييييييي طيح سعدنا مافطنتش
نا ؛؛ من وينلك

رجاء ؛؛ ونا عندي غيره من سراج من من يعني
نا ؛؛ شن عرفني صبي ديري حل راه خالد ايشوفها
رجاء ؛ تو انقول انك انتي جبتيها ليا امس
نا ؛؛ هييييييي ماما سالتني عليها وقالتها مش عارفه شن قصتها

رجاء ؛ هبله ديمه هبله وماعندك عقل ماقدرتيش تستري شويه شيء طول بعتني

نا ؛؛ والله ونا شن عرفني بيك نوح اتحقي فيا
رجاء ؛؛ باهي صبي خليني انصبي

وصبيت وصبت رجاء وخشت لحمام وبعدها اطلعت صورت التورته في الاول وبعدها لابزتها وماخلتش الحرف والكلمه واضحات

ووعت اميره وايمان
ايمان ؛؛ صبااااااااااااااااااااااااحو
نحن ؛؛ صباح الخير
ايمان ؛؛ تو رنت عليا دعاء وقالت جينكم في العشيه يبو ايسلمو علي ايه

ماما ؛؛ مرحبتين بيهم والله فونك هو اللي فيه الفايده خير من الاخرات
خطرها شن قصة التورته
بحتن في بعضنا وتخزرطتنا

رجاء ؛ جيبتها ايه امس
ماما ؛؛ وكني سالتك عليها يا ايه قالتي مش عارفه

نا ؛ تخزرطت وبحتت في رجاء والقيتها اتفنص

اصلا مراد هو اللي نزل الحلواني ومافطنتش لما شرها
ماما ؛؛ اها ومراد يبي ايجيب تورته فيه انحبك
بلا اطروح والله نلقي حاجه مره تانيه والله انكسركن هذا شكله موعد اللي جت التورته

رجاء ؛؛ تمت تبي اتغير في الموضزع
ماما امتي موعدك مع الدكتور

ماما ؛؛ مش عارفه بزبط امتي
وفتحت اعيونها زين وتمت اتفنص في رجاء
رجاء من وينلك اللي في رقبتك
طيح سعدك شورك انتي التورته
تعالي هنا يافرخه

رجاء ؛ تي كنك يا ماما هذه اكسور من فرح ايه شريتها هذا وين شفتيها

ماما ؛ اها باهي هيا صبن ضمنا الحوش ودرين الغداء

وصبينا نا والبنات لمينا الحوش ودرنا الغداء وتغدينا ولمينا المطبخ وقعدت نا واميره انهدرزو
اميره ؛؛ ويه تعالي نبرم عليك فتله وحواجب
نا ؛ الله ايربحك والله نبي نبرم عليهن نا بس مرضت
اميره ؛؛ ماعليك شوري
وبدت اميره فيا وبعدها صبيت وغسلت جسمي ولابست سروال ضابط وعليه بدي كحلي

اميره ؛؛ تعالي انديرلك الميك اب ثقيل اشويه
نا ؛؛ هههه كنك ادلعي فيا اليوم
اميره ؛؛ امرايفه عليك تعالي وخليني انديرلك

وبدت فيا ميك اب وبعدها بنص ساعه سمعنا الحوش ايرن جو عيت خالي عيسي وخالتي سالمه

وخشو وسلمنا عليهم
خالتي سالمه ؛؛ شن اخبار يا ايه
نا ؛؛ تمام الحمدالله اكويسه
خالتي فاطمه ؛؛ كنك شن مرضك يا حنه فجاء هكي
نا ؛؛ حرارتي ارتفعت من هذاك اليوم في الليل واوعيت تاني يوم متكسره وماانشوفش في شيء

خالتي فاطمه ؛؛ روحي اليوم ماتقعديش هنا في الحوش
راه راجلك اوحده اليوم من الصبح بدري عدو اعربك للبحر ومراد بس قاعد في الحوش

نا ؛ صاح ماحد قالها ليا
خالتي فاطمه ؛؛ كيف من هذاك اليوم عمتك والبنات ايعيطن علي البحر

نا ؛ اها عارفه تو اكيده ح ايجني اليوم
ماما ؛؛ ﻻ ياحنه روحي مع راجلك ماعندك عليش قاعده هنا صحتك واكويسه تو روحي عيب اتخلي راجلك وحده

نا ؛؛ تعقدت بس وجعني مراد قاعد اوحده يعني ماتغداش اليوم
وقعدنا انهدرزو وامل تحرق لان خالد كان مش فاضي ومابش ايحي للحوش
وبعدها طلعنا التورته وقسينها وحطينها

دعاء ؛؛ التورته حاجه صح اتهبل
رجاء ؛؛ حتي هو ……..
نا واميره وايمان وامل ؛؛ بحتنا فيها هههههههه

ماما ؛؛ احكي كملي حتي هو من
رجاء ؛؛ تي كنكم انتو حتي هو مراد
خالتي فاطمه ؛؛ ههههههههههههه عارفته ولد خويا وذويق
وصبت ايمان ودارت بيتزا مع الشاهي وحطتها

و ايرن الجرس وتطلع ايمان تفتح وتلقه مراد
ايمان ؛؛ اهلا مراد خش خش
مراد ؛؛ ﻻ وين قولي ل ايه هيا
ايمان ؛؛ باهي خش هدرز
مراد ؛؛ ﻻ والله هيا نرجا فيها

وخشت ايمان علينا

ايمان ؛؛ ويه هذا مراد قالك هيا
ماما ؛؛ بدري يا بتي خليكي اتعشي
نا ؛؛ والله ماني عارفه انه جايني تو نطلع وانشوفه

خالتي فاطمه ؛؛ ﻻ ياحنه صبي وتي روحك واطلعي علي الراجل عيب قعدتك هنا مازالتو عرسان

نا ؛؛ باهي وصبيت ولابست عبايتي والخمار
ماما ؛؛ ويه خوذي قرعت راجلك من التورته والبيتزا
اميره ؛؛ تو انحطلك انا
وخشت اميره للمطبخ وحطتلي وعطتعا ليا
نا ؛ شكرا

ماما ؛؛ مره تانيه تعالي هدرزي عشيه ومعش اتسيبي راجلك اوحده في الشقه في الليل
نا ؛؛ ان شاءالله

وطلعت والقيت مراد قاعد في السياره يرجا فيا ولما شافني جاني وخذ من الشنطه والتبسي

مراد ؛؛ شن الاخبار
نا ؛ تمام الحمدالله
وركبت في السياره وفيا حاجه فرحانه اول مره انحس بفرحه مع مراد هكي حسيت روحي رايفت عليه وعلي بنته

مراد ؛؛ ها شن صحتك اليوم تمام
نا ؛؛ الحمدالله امس درتلي اميره اختي مصاتجو ورقدت وتريحت
مراد ؛؛ اها
ووصلنا للحوش وخشينا نا ومراد للشقه
واول ما خشيت رفعت الخمار طول وحولت العبايه

وخشيت للدار ومراد جا وري وقعمز علي السرير وتمه ايبحت فيا

نا ؛؛ مراد كنك
مراد ؛ اول مره انشوفك دايره ميك اب هكي قوي
نا ؛ قصدك شين
مراد ؛؛ ﻻ حلو
نا ؛؛ عيت عمي امتي مشو للبحر
مراد ؛؛ اليوم في الصبح عدو تو نمشلهم بالكي بكره امغير اليوم كان عندي عياده

نا ؛؛ كنت في العياده انت
مراد ؛ اها اليوم كان عندي زحمه واجد علشان كنت واخذ اجازه
وجيت وقعمزت جنبه

مراد ممكن نسالك
مراد ؛؛ من عند قعميزتك هنا احذي عارفتك تبي تسالي
نا ؛ خلاص نبيش نسال

وجيت نبي انصبي مسك مراد يدي وكرني شوره

مراد ؛؛ تعالي احكي شن في
نا ؛؛ هو سؤال سامط اشويه بس خاطري نعرف
مراد ؛؛ قعد مبتسم وامرفع حاجبه وكأنه عارف سؤالي

نا ؛؛ امنزله راسي لوطه
مراد انت عندك نساء واجد صح
مراد ؛؛ ها من طبيعي عندي نساء لان هذا تخصصي
نا ؛؛ به انت تكشف عليهن يعني….
مراد ؛؛ هههههه عارفك ح تسالي السؤال هذا
ﻻ نا مانكشفش الممرضه هي اللي تكشف بس في موضويع نطر نا اللي نكشف عاد هذا تخصصي

نا ؛ اها
به كم مراه اتجيك في اليوم
مراد ؛؛ علي حسب
وقرب مني

شن انتي تبنيش نقعد مع النساء ولاه شنو
تحشمت منه وغيرت الموضوع

نا ؛ مراد تبي انديرلك عشاء ولا نعطيك شاهي وبيتزا
مراد ؛؛ ﻻﻻ ديري شاهي وبيتزا احسن
نا ؛؛ حاضر

وصبيت وعديت لمبطخ وولعت علي الشاهي والقيت حاجات يبن غسل لان عرفته جايب اوكال من مطعم بس داير قهوه وشاهي

كملت الغسل وحطيت البيتزا في الكوشه وسخنتها ونا جايه شوره سمعته يحكي علي الفون

مراد ؛؛ باهي خلاص عطيني 10 دقايق وانكون عندك
ونا خشيت عليه
نا ؛؛ تاكل في الصاله
مراد ؛؛ باهي هيا تو انجي
غير دبش ولابس سروال توته وتيشرت

وطلع عليا في الصاله وشرب شاهي وخذا طرف بيتزا

مراد ؛؛ نا طالع اشويه وانجي مش ح انطول
نا ؛؛ وين ماشي
مراد ؛؛ عند جماعه تو انجي
نا ؛؛ به تو اندير عشاء بدال ماجيت
مراد ؛؛ ﻻﻻ تريحي تو انجيب من مطعم شن تحبي تاكلي
نا ؛؛ اي حاجه بس نبيش حاجه لحم انحبش
مراد ؛؛ باهي خلاص تريحي هنا
نا ؛؛ تمام
وطلع مراد ونا صبيت وكملت حوستي في الشقه وخشيت لحمام ودرت دوش ولابست روب احمر
وطلعت وبرمت علي شعري ودرت ميك اب ومشيت وقعمزت علي ام بي سيوبحتت في الساعه القيتها 9 و ربع

وضي طفي

نا ؛؛ ﻻﻻﻻﻻ حي عليا

تعقدت ودوبني مشيت وقعمزت علي الكنبه وفتحت الروشن اشويه بيش ايخشلي اشوية ضيء وقعدت امقعمزه ونسمع صوت

القطوس بره خفت وتميت نبكي وخايفه ونرجا في مراد ايجي

وخفت ايحي مراد وايشوفني فاتحه روشن اديرلي مشكله رديته اشويه خليته دوبه مفتوح وقعدت علي الكنبه ونبكي لاني انخاف واجد من الضلام

وقعدت امقعمزه فوق من ساعتين وبعدها سمعت صوت سياره خاشه
صبيت ابسرعه وقعدت نرعش وبعدها سمعت صوت كرعيه يجري علي الدروج

وانفتح باب الشقه ونا عديت نجري وخش مراد ونا جيته نجري واضبطته وتميت نبكي

مراد ؛؛ اسف والله
من امتي رايح الضيء
نا ؛؛ نبكي ومنهاره ونحكي بصوت واطي ومخنوق وبيبي

امبدري بعد طلعتك بنص ساعه
مراد ؛؛ خلاص والله انا انشغلت لما قربت وشفته طافي
وقعد مضبطني وايهدي فيا
نا ؛؛ خفت بكل
مراد ؛؛ ايه خلاص ابكاء ياخوافه
وباسني علي راسي خلاص يا ايه
وخششني للصاله وقعمزني وحط الاكياس علي الطاوله

مراد ؛؛ كنك مش امولعه ولا حاجه
نا ؛؛ نحكي بصوت واطي و بيبي
لما طفي جيت وقعمزت هنا وفتحت الروشن اشويه بيش ايخشلي ضيء

مراد ؛؛ باهي ليش مارنيتي عليا
نا ؛؛ بيش انرن عليك
مراد ؛؛ اووو تو انجيبلك فون بيش مره تانيه اترني عليا
نا ؛؛ باهي ومن الخوف قعدت علي صدر مراد وهو امقعمز علي الكنبه

مراد ؛؛ ويه تعالي انتعشو فيش شماعي هنا
نا ؛؛ في امتعات زينه بس
مراد ؛؛ تو انصبي انوعهن
ونا حولت من حضن مراد
وصبا مراد ونا صبيت وراه

مراد ؛؛ برم شوري
هههه خوافه هيا تعالي
ومسك يدي ونا مسكت فيه بقوه ومشي شور الدار وطلع شماعي وحطهن علي طاولة الصاله وولعهن ونا قعمزت وهو عد جاب سفره وجا وقعمز جنبي وفتح الاكياس وكان جايب سندويشات وبطاطه وشكولاطات وغازي وعصير

مراد ؛؛ اهو جبتلك شورمه باهي هكي والله حرت شن انجيبلك وفي بانيه اخر

نا ؛؛ ﻻﻻ انحب الشورمه احلي
ومدلي مراد السندويش وعطني عصير
نا ؛؛ ﻻﻻ نبي غازي
مراد ؛؛ ﻻﻻ فيش غازي مش اكويس بذات وانتي مريضه
نا ؛؛ وكلينا وشال مراد السفره ومشينا لحمام وغسلنا ايدين وخذين الشمعه ومشينا للدار
مراد ؛؛ حمو بكل رطوبه اليوم
نا ؛؛ اها بكل
وفتح الروشن اشويه وحول التيشرت وقعد علي كناتيره وقعمز علي السرير واتكا علي لوحة السرير وبدا ايدخن

ومد يده وكرني شوره ولفني شوره ورقدني علي صدره

نا ؛؛ مراد طفيه الدخان بنته شينه
مراد؛؛ بحت فيا مع الجنب ورد بحت في الدخان وقعد ايدخن بقوه وايطلع في الدخان من فمه اكتر

نا ؛ غمتلي منه وصبيت ومديت يدي ليده نبي ناخذ الدخان وحول يده طول مراد وما خلنيش انطق ليده
وطحت علي صدره وجت عيني في عينه
وتحشمت منه وجيت نبي انحول مراد مسك فيا بقوه وما باش ايخلني انحول

نا تحشمت ونزلت راسي لوطه وتمه مراد ايدخن وينفخ في وجي
نا ؛؛ مراد نحبش راه حوله ليش تنفخ في وجي
مراد ؛؛ حول الدخان وطفه وحطه في الطفايه اللي جنبه ونزل عليا
ها هكي تمام

نا ؛؛ هكي احسن
وقرب مني وباسني علي خدي
نا ؛؛ حسيت روحي دخت لان مراد اول مره يقرب مني هكي وايبوسني

و ولع الضيء ونا نطيت
نا ؛ لووووووووووووووووووووووووووووووووووليا
مراد ؛؛ هههههه اس عيب يسمعو فينا الناس
نا ؛؛ حسيت طول واجد
مراد ؛؛ اشويه خليني انصبي نبرم علي حوش هلي
نا ؛؛ ليش
مراد ؛؛ مرات يقعد الضيء جاي قوي ايثر في شيء حاجه
نا ؛؛ به ننزل معاك
مراد ؛؛ بحت فيا وفي لابستي
تنزلي هكي معي كنك انتي
نا ؛ بحتت في روحي ولاقيت روحي شبه …….

هييييييي والله ما فنطت لروحي وبعدين الضيء طافي

مراد ؛؛ هههه خليكي هنا تو انجي
وطلع مراد ونا قعدت في السرير وانفكر في مراد كيف كان قارب مني ونا متريحه حسيته وكأنه فارس احلامي لما اضيقت جيته نجري نبكي وهو استقبلني بحضنه الدافي الحنون

معقوله انكون انحبه هكي بسرعه هذه

وخش مراد ولقني علي السرير
مراد ؛؛ ليش امولعه المكيف
نا ؛؛ حمو
مراد ؛؛ تو انتي مازالتي مريضه ولا انتي تبي تمرضي كيف مرضت امس اخر

نا ؛؛ باهي تو انتغط بالبطنيه
مراد ؛؛ به صبي طلعي حاجتك
وصبيت انا وحطيت كرسي امتع الزينه عند الدولاب وصبيت عليه بطروف اصابعي

وتميت انكر في الكيس امتع البطنيه وماطقيتش

مراد ؛؛ تي ليش ما حكيتيلي كنك انتي
نا؛ ؛ اهو اقريب انطقها
وجاني مراد ونزلني لوطه وجابها هو

مراد ؛؛ معش تركبي فوقه كنك
نا ؛؛ به حاضر

وفتحتها وهو طلع وجاب لاب توب امتعه وقعمز علي السرير وتمه هو امكسد عليه ونا انبحت فيه

مراد ؛؛ عندي خاص صبايا واجد
نا ؛؛ شن صبايا شن قصتهن
مراد ؛؛ هههههههه انبصر معاك انشوف فيك
نا ؛؛ مراد ممكن سؤال
مراد ؛؛ شن اليوم اسئله واجده ولا شنو
نا ؛؛ مراد نا مانعرفش حاجه عليك وانت تعرف كل حاجه عليا

مراد ؛ ها اسالي

نا ؛؛ مراتك الاوله شن تخصصها
مراد ؛؛ بحت فيا ومنصدم
نا ؛ اتصنعت ابتسامه

احكي عادي نا نبي نعرف

مراد ؛؛ وشن خطره السؤال هذا
نا ؛؛ لان سامعه ان انتو علاقه من زمان وحبكم حب حلو
مراد ؛؛ كانت تقرا معي في نفس التخصص وهذا عليش نعرفها

نا ؛ اها به كيف صار تعرفكم علي بعضكم
مراد ؛؛ ايه نبيش نذكر نا

نا ؛؛ مراد شن يعني انت ناسيها هي كانت مراتك وام عويلك ومالكم شيء متفارقين وانا عارفتك مطلق يعني عندك ماضي ونا وافقت عليك وعارفه ماضيك مستحيل يتنساء لان في حاجه امقربتكم واجد
مراد ؛؛ استغرب كلامي وحول لاب توب

هي كنت قريبت جارتنا وتعرفت عليها لان كانت انشوف فيها اتجيهم وكانت شدتني شورها واجد وعرفتها وين تقرا ونمشيلها في مدرستها ولما خشت للجامعه خشينا للتخصص واحد وتعرفنا علي بعضنا واجد وتمينا نقرو مع بعضنا وتعلقت بها وهي كذلك ولما تخرجت طول ازوجتها وعشنا حياتنا وبعدها صارن مشاكل وهي تمت تطلب في الطلاق واجد وهذا اللي صار

وهو يحكي كان سارح وايفكر وكان كلامه طالع من قلبه وحسيته موجوع وخنفتني العبره

نا ؛؛ حلوه قصة حبكم بس نهايتها شينه اشويه
مراد ؛ اهو نصيب

نا ؛؛ تصبح علي خير
وبرمت وجي وعطيته ظهرب ورقدت بس كانت حاجه خنقتني في صدري
وسمعت مراد ولع الدخان وكمله ورقد ونا برمت وجي وقعدت انحبت فيه طول الليل انشوف فيه كيف شكله حلو ولحيته زايدته حلوه
وجعتني يوم اللي ازوجت ازوجت واحد ايحب انسانه تانيه ومش ناسيه ولما سالتها عليها

حكلي عليها وكأنه مازال ايحبه موت ونا كاني صديقته لا مرات ولا شيء

بكيت نين دخت
ووعيت تاني يوم علي صوت مراد وهو يحكي علي فون في الصاله

مراد ؛؛ الو ايوه تسمعي فيا
ها شن صار عندك

………………

يتبع