مسلسل سعاده كاذبه 

مسلسل سعاده كاذبه
الحلقه 16وفي الحوش خش علينا عادل افلم ومتعقد

عادل ؛؛ الحقيره وينها
نا ؛؛ انفجعت ومعش عرفته من يقصد
عادل ؛؛ ياكلبه اللي اسمك ايييييييييهنا نطيت من مكاني ماعد عرفت ربي بيش باليني
نعم ياعادلوجاني وكأني الفريسه امتعته ومسكني من عند شعري

عادل ؛؛ يا حقيره ياكلبه ماتحشميش انتي علي وجك

نا ؛؛ ووووووووو عليا والله ماني دايره حاجه

عادل قعد ايكر فيا لعند دار نومنا
وايهزب بصوت عالي

عادل ؛؛ وتحلفي علي الكذب اخر

اميره ؛؛ وووووو عليا يا عادل سيبها حرام عليك
عادل ؛ اسكتي انتي يا كلبه
وجاني كف من دون ماانحس بروحي
نين طحت علي الارض

وجت اميره وايمان يجارن شور عادل ايحاولن يمسكنه

عادل ؛ حولن راه والله انكسركن

نا لما جاني كف ماحسيتش بروحي بكل دخت طول وهو قعد يضرب في ومستمره ونا طايحه لوطه علي الارض

عادل ؛؛ ياحقيره صار طالع بلا خمار و زايطه معه كان ما شفتك بعيني راه كذبة يا حقيره يا مش متربيه انتن اصلا مسخات وقلت الادب ماشيه في دمكن يا متاعات الكشايف ياحقيرات

تبي اديرني بقروني ياحقيره تضبطي فيه في المستشفي قدام الناس

وهو يضرب فيا ونا معش انحس لاني طايحه دايخه
وخشت مروه تجري ﻻ يا عادل ﻻ

اميره ؛؛ ووووووو البنت ماتت البنت خلاص يا عادل

ايمان ؛؛ تمت تندب ووووززووووووو عليا وووووو ياعادل حرام عليك والله ماديره حاجه والله حتي انه ما تبيه وراضيه بالغصب عليه

عادل ؛؛ معش تبيه عينك معش تبيه ادير في الفضايح معه في مكان عام واتقولي معش تبيه تاخذه غصبن عنها وخشمها في الوطا

اطلعععععععععععن بره مازالت ماشفت شيء هذه

اميره ؛؛ مروه كلمي علي بسرعه
مروه ؛؛ كلمته
ايمان ؛؛ اطلعت تجري واركبت لنعيمه

ايمان ؛؛ نعيمه و راس نعيمه تعالي ابسرعه عادل قتل ايه

نعيمه ؛ شن حي علينا حي
ونزلن يجارن

وخش علي
علي ؛ خش يجري في الدار عادل خلاص سيب البنت

عادل ؛؛ انكسرها قبل الفرخه هذه تضبط في الراجل قدام الناس وطالعه بلا خمار وين الحقيره التانيه رجاء

اميره ؛ في المستشفي رجاء
عادل ؛ مازال هذاكي احسابها بكره

وجا علي وحول عادل وطلعه وانزلن البنات عليا وتمن ايوعن فيا نا ماوعيتش

اميره ؛ ووووووووووووووووو يا علي تعالي اجري ايه ماتت

علي خش يجري

علي ؛؛ شن شن اتقولن انتن
مروه ؛؛ البنت معش وعت تعال اجري

ايمان ؛؛ حي عليا حي عليا ايه ماتت كلها منك يا حقير انت كلها منك قتلتها

عادل قعد علي وضع الصدمه وساكت
مروه ؛؛ علي هيا انشيلوها لمستشفي

علي ؛ طلعهن ابسرعه
وشالتني مروه واميره وايمان وركبني في سياره ونا مش حاسه بروحي بكل

اميره ؛؛ ووووووو عليا البنت تنزف يا علي
علي ؛ ها شن تنزف
مروه ؛؛ هيا اركبن ابسرعه
علي ؛؛ قعد ايخبط في السياره هذا كله منك يا عادل من تهورك ديمه انقولك سيب البنات معش اتجي شورهن وانت شيء امسكر راسك هه نين تو اتودرهن مش قادر اتحملها باقي هالشهر

والابسن مروه واميره وايمان عبايتهن واركبن ابسرعه

مروه ؛؛ علي كلم راجلها ايجي ايشوفها دكتور نساء هو

علي ؛؛ هه شن ﻻ ما انكلمه انقوله تعال شوف عروستك قاعده تنزف

مروه ؛؛ يا علي البنت تنزف ركز راهي بنت
وراجلها دكتور شاطر وحاجة النساء حساسه كنك انت

تو انرن علي خالتي فاطمه انخليها اتكلمه

علي قعد ايخبط ويجري بسياره
كلها من عادل من التخلف امتعه وانتن مش محترمات نفسكن

مروه ؛ الو خالتي اسمعي راه ايه ضربها عادل وهي تنزف كلمي مراد ايجي شورها

خالتي فاطمه؛؛ طيح سعده شن دار هذا بها البنت فرحها اقريب ايدير هكي فيها

هيا تو انكلمه

وصكرت وطول رنت علي مراد
خالتي ؛ مراد وين قاعد
مراد ؛؛ قاعد طالع كنك شن في
خالتي فاطمه؛؛ ايه مريضه وقاعده تنزف وتو شايلنها لمستشفي تعال شوفها مانبوش اي حد ايجي شورها

مراد ؛؛ كيف من شن تنزف ماتخلو حد ايجي شورها تو انجيها انا في سياره

خالتي فاطمه؛؛ ابسرعه
صكر مراد و رقيتله بكل
رنت خالتي فاطمه؛ بمروه
مروه قال مراد انا في طريق ما اتخلو حد ايجي شورها

مروه ؛؛ به خالتي نحن اهو خشين لشارع المستشفي اساس نا عرفته واعره ومانبيش حد ايحي شورها

علي امشي بشويه مراد قال ما تخلو حد ايجي شورها اهو جاي هو

علي ؛؛ عليك حظ اسود تو بالله عليك شن انقوله اكيده يبي يسال ويبي يعرفها من من
مروه ؛ هدي خلاص
وخشينا لمستشفي ووقف علي السياره ونزلن البنات ومروه ومشن وجابن البريله وجن يجارن
مروه ؛؛ اصبرن خلنها هنا تو كان انزلوها تو ايجوها يجارو عليها

وبعدها اسمعو صوت سياره خاشه تجري
وشاف علي السياره ولقه مراد
علي انحرج ونزل راسه لان صعب الموقف

نزل مراد من السياره يجري وجا شورهم
علي شالني وحطني علي البريله
ومراد لما شافني دايخه وطايحه انصدم
وخذني ومشي يجري بيا
واميره و وايمان مروه اقعدن يبكن

علي ابروحه قعد يبكي وخنقته العبره

ومراد حس بحاجه فيه جو وهو يجري وينادي بيش ايجو ايساعدو انشغل عليا وكان مش عارف شن سبب انشغاله هكي بدرجه هذه

والبنات من كتر الخوف عليا ما لابسنيش شيء خلني بتوته
ومراد ايشوف فيا بتوته هكي وقعد ايغطي فيا

وخشا بيا
وجاته دكتوره تجري
الدكتوره ؛؛ خليها يا دكتور مراد تو انشوفها هذا شغلي
مراد ؛؛ ﻻﻻ شكرا نبي انشوفها نا
الدكتوره ؛؛ دكتور انت ناسي هذا وقت شغلي
مراد ؛ برم علي الدكتوره وفنص فيها وحكي بصوت عالي

نا قالت تو انشوفها نا هذه مراتي ونبي انشوفها نا

الدكتوره اطلعت تجري خايفه و جن الممرضات
وقعد معي مراد يكشف عليا

وبعدها وعيت بوقت
ولما وعيت اول وجه شفته هو مراد انصدمت ومعش عرفت شن صارلي وفطنت ان مراد يحكي ومتعقد ورديت غمظت اعيوني كانت في دوخه

نا ؛؛ ماما يا ماما تعالي يا ماما
مراد ؛؛ مسك يدي
خلاص نا قاعد هنا معاك
نا ؛؛ فتحت اعيوني بشويه بشويه وشفت مراد وهو كاشف عليا انفجعت
مراد شن جابني نا هنا

مراد ؛؛ ايه خلاص تو اتحسي بحاجه
نا ؛؛ انحس في راسي و وذني اتسطر وكان في موج في وذني

مراد ؛؛ شن حتي وذنك اي وذن

نا ؛؛ هي وشيرتله

غطني مراد وجاني شور وذني وشافها
مراد ؛؛ ايه انتي في واحد جاي شورك
نا ؛؛ عليش شن في
مراد ؛؛ وذنك مخرومه في حد جا شورك انتي شكلك مضروبه

نا ؛ انصدمت لما سمعت كلامه وقعدت نبكي
مراد ؛؛ خلاص ايه اهدي انتي احكي من جا شورك بس
نا ؛؛ نبكي وساكته
مراد ؛؛ ايه احكي معي انتي اصل هذا موعدك
نا ؛؛ تحشمت منه لان كان جري معي
مراد ؛؛ احكي نا دكتورك وراجلك احكي ما تحشميش
نا ؛ اعيوني لوطه
اها موعدها في يومين هذين

مراد ؛؛ بحت في الممرضات وطلعهن
وقعدت نا وهو بس في غرفة الكشف وهو قرب مني ونا راقده

ايه انتي زعلانه من حاجه في حد جاي شورك
نا ؛؛ نا ساكته ونبكي وانحس في راسي دايخ وصوت ريح قويه قي وذني

مراد ؛ ايه انتي في حد ضربك كف وسببلك في خرم الاذن وهو اللي خلاكي ادوخي والنزيف كان بسبب امحصله ضربه علي رحمك وانتي عندك ضغط نفسي ها تحكي من اللي اضربك يا ايه من علي

نا ؛ لما سمعت اسم علي انفجعت
علي ليش نا من جابني هنا
مراد ؛ علي وخواتك
علي صاح علي

نا ؛؛ هزيت راسي معناها ﻻ

ما حد جا شور نا طايحه بس

مراد ؛؛ يعني تبيش تحكي صح
ورقاله وصب وطلع

ومش شور هلي
علي ؛؛ ها مراد شن في
مراد ؛ ايه من اللي مد يده عليها البنت قاعده مضروبه و واضح الضرب علي جسمها واللي فيه بسبب الضرب يا علي من اللي ضربها ضرب متخلفين

علي انحرج من مراد لان شينه في حقه ايقوله عروستك مضروبه

امور عائيله مراد

مراد ؛؛ علي كيف انت ناسي نا راجلها يالله باقي هالشهر واتكون عندي من اللي سمح روحه ايمد يده عليها هذا خطا يا علي وشينه في حقي هذه مراتي ومانرضش اي حد يلمسها حتي ولو اختك خلاص هي مراتي وعلي ذمتي نا

علي ؛ والله يا مراد عارف انا بس والله نا كيفك جيتي اسعفتها بس

مراد ؛؛ عندك معلومه ان هي وذنها مخرومه هي امحصله كف واعر وهذا اللي دوخها والنزيف لان هي اساس مريضه واللي ضربها قبل ضرها

علي ؛؛ رقيتله قعد ايخبط بيده وبرم وجه شور البنات
اميره ؛ به يا مراد هي واعيه تو
مراد ؛؛ واعيه نص ونص
اميره ؛؛ نقدر انخش عليها
مراد ؛؛ ﻻ خليها نا عطيها مهدي تو نبيها ترقد وبعدين انتو تو عدو جبولها دبش وخطا جيتها هكي بتوته كنكن مش حطات عليه عبايه

مروه واميره وايمان انحرجن وفي نفس الوقت عجبهن مراد لان طلع راجل معي

اميره؛ ؛ ايمان انتي روحي وجيبلها دبشها ونا ح نقعد معها
مراد ؛؛ حتي انتي روحي مافيش داعي من وجدك وخش مراد وخبط الباب

وخش عليا وتم ايبحت فيا ونا راقده وبعد ساعتين اوعيت القيت روحي راقده والقيت هو قاعد علي المكتب متاعه وايفتش في فونه

نا جيت نبي انصبي بشويه ونبي انقعمز رفع مراد عينه ولقني امقعمزه
مراد ؛؛ كنك ايه
وصب وجا شوري
نا ؛ نبي الحمام
مراد ؛؛ ايه تريحي
نا ؛؛ نبي نغسل
مراد ؛ ﻻﻻ ممنوع الغسل تو تريحي
نا ؛؛ شوف دبشي قاعد كله دم
مراد ؛؛ به غيريه بس ماتغسليش مش اكويس
نا ؛؛ جابولي دبش
مراد؛ ؛ اهو دبشك جابولك روب
وخذيت الروب وخشيت الحمام
وخشيت لحمام حسيت روحي اقريب اندوخ حولت دبشي ولابست روبي وكان اقصير تحت من الركبه وكان لونه سماءي و فيه دوار بيض نا من التعب ما فطنتش لروحي بكل

وطلع مراد وكلم ممرضه اتجي اتغير الفوطه اللي علي السرير وجت وغيرتها

ونا فتحت الباب وطلعت القيت مراد امصبي قدام الحمام

نا ؛ وين البنات ولا وحده قيهن قاعده
مراد ؛؛ ﻻﻻ نا قالت روحن وبكره الصبح ايجوك

ونا نمشي حسيت فقد توازني مسكت في مراد وشديت علي يده

شدني مراد ورفعني فوق
نا ؛؛ نزلني
مراد ؛؛ ابتسملي وحطني علي السرير

تبيش تحكيلي شن صار معاك

نا ؛؛ انبحت فيه ومان اعيوني ملينات ادموع

انضربت بسببك
مراد ؛؛ بسببي عليش شن صار
نا ؛؛ عادل لما خش امبدري في الصبح لاقاني امصبيه معاك ومتقربه يحسابني دايره معاك موعد

مراد ؛؛ استغرب
يعني اللي اضربك عادل
نا ؛؛ هزيت راسي معناها اها
مراد ؛؛ به ربك يستر ان شاءالله
نا ؛؛ امتي نطلع
مراد ؛؛ بكره ان شاءالله
وبحت فيا مراد وتمه ايشوف في جسمي وشاف حنتي في كرعيا وهو ماسك يدي

مراد ؛؛ شكلك تخصصك التعري مالقو ماايجيبو الا الروب هذا قاعده كل حاجه طالعه

نا بحتت في روحي وسقمت روحي

نا ؛؛ اسفه بس نا عنديش في جو الارواب وهذا مش امتاعي اصلا
وفتحت مساكت شعري وتميت انلف قيه اكويس ومراد ايبحت فيا كان يمل في عيونه مني وكملت لمت شعرب شربت ميه ونزلت راسي علي المخده

مراد ؛؛ ايه نسالك
نا ؛؛ نعم
مراد ؛؛ انتي غصبينك عليا
نا ؛؛ شن

ورن فون مراد
مراد ؛؛ الو ها ياامي
امه ؛؛ وينك مراد كنك طولت
مراد ؛؛ اها ياامي نا بايت بره المستشفي كلموني جتهم حالة صعبه اشويه
امه ؛؛ به خلاص سلام
مراد ؛؛ سلام
وصكر وبحت فيا ولقني راد في النوم اخر

واوعيت تاني يوم علي صوت رجاء
نا :؛ رحاء صباح الخير
رجاء ؛؛ صباح النور وين ياحنه امس راقده مع حبيب القلب

نا ؛؛ تي اي حبيب القلب
رجاء ؛؛ خشيت والقيت مراد راقد هنا علي الكرسي وامس خواتك ياما صاير فيهن قالن ياعليك كلام قاله ل علي
من قدك ياعم تو عندك راجل وايدافع عليك شفتي تو صدقتي كلامي مش قالتلك الراجل خيرلك من خوتك

نا ؛؛ وشن صار اخر

رجاء ؛؛ ماصار شيء هن رو حن ورنن عليا نا تي باهي ما شافني علي مع سراج امس نا الليل كله معه انهدرزو عند غرفة ماما

نا ،؛ هههههه طيح سعدك
وخش علينا مراد
مراد ؛؛ صباح الخير
نحن ؛؛ صباح النور
مراد ؛؛ ايه شن اخبار وذنك
نا ؛؛ انحس كيف الريح فيها
مراد ؛؛ اهو جبتلك مضاد حيوي والقطنه هذه حطيها في وذنك وماتغسليهش حاولي بقدر استطاع ان الميه مااتجيشش شورها
نا ؛؛ به حاضر
وخذيت القطنه وحطيتها في وذني ونزلت من على سرير ولابست العبايه وساعدتني رجاء
وشافني لما لابست العبايه والخمار

مراد ؛؛ مازال قصة عالحنه نا مش قالت الابسي قفزات

نا ؛؛ مراد نا جايه ومانندريش علي روحي
مراد ؛؛ امشن تو عند عمتي لان حتي هي بيو يعطوها خروج

رجاء ؛؛ حاضر
ولمت رجاء دبشي واطلعت ونا نبي نطلع وراه
بحتت في مراد بابتسامه حلوه
شكرا مراد تعبتك
مراد ؛؛ عفوا
وجا وقرب مني ونزل الخمار وشد يدي وطلعني

وجتني رجاء ومشينا نا وياه شور ماما القيت ماما تبكي وحالتها حاله ومعها سراج

نا ؛؛ ماما كنك
ماما؛؛ عطه كسره في يده ليش ايجي شورك
سراج ؛؛ الحمدالله علي سلامتك
نا ؛؛ الله ايسلمك
خلاص ماما نا اكويسه قاعده وقعدت نضبط في ماما

رجاء ؛؛ ماصارلها حاجه يا حنه اقعدت مع حبيب قلبها طول الليل وهو اللي علاجها وماخلي حد ايجي شورها
وتنهدت تنهيده طووووووووووويله

اهههههههههههه عليك رومانسيه

وبحتت في سراج وسراج مسك ضحكته

كان حتي نا ياماما نزوج دكتور بيش كان نمرض نلقه هو
سراج ؛؛ طلق ضحكته برسمي مع ماما ونا

علي خشت مراد وشاف الموقف وشافني نا امرفع الخمار ونضبط في ماما ونضحك مع سراج

مراد خش وشاف الموقف وتعقد
ونا اول ما شفته نزلت الخمار
وهو قعد امفنص
مراد ؛؛ ها ياعمتي خلاص عندك خروج
ماما ؛؛ الله ايربحك يا وليدي طمني علي ايه قبل
مراد ؛؛ اكويسه مافيه شيء بس شكلها تبي تدلع بس ونا مانحبش الدلع واجد وبحت فيا وكان امرفع حاحبه وباين عليه ان راقيله
مراد ؛؛ هيا تبو حاجه
ماما ؛ ؛ سلامتك وسامحنا تعبنك
مراد ؛؛ ﻻ عادي بس ياريت ياعمتي اتقولي لعادل معش ايكرر الموضوع مره تانيه الحؤكه هذه شينه في حقي
ماما ؛؛ حاضر يا مراد وان شاء الله خير
مراد ؛؛ ان شاءالله هيا سلام
وطلع مراد

سراج ؛؛ به عمتي ان شاءالله لاباس واهتمي بروحك وركزي في مواعيد الدواء ومعش تعبي روحك واجد

ماما ؛؛ بارك الله فيا دكتور سراج وانعنك ماتتغيب
سراج ؛؛ ولو عمتي هذا واجبي
وبرم سراج وطلع ونحن جانا خالد وروحنا معه

نا قعدت راقده 5 ايام في الفراش من التعب الارهاق اللي انحس به وماما وخالتي هن اللي شرن حاجات الحوش كله

وطلعت نا ونعيمه لسوق وشريت دبش بس نا تحشمت واجد من نعيمه وماقدرتش نشري دبش ارواب عرايس قدامها وخذيت حاجات خفيفه علي قد مانقدر

الحق بعد الموضوع اللي صار تميت انفكر في مراد واجد وعرفت ان هو حنون بس عصبي وحسيت روحي مسندوه علي راجل في الايام هذاكين عادل مايحكيش معي لان عارف روحه غالط

وقعد ايشيلي فيا نا ونعيمه لسوق نشرو وانروحو
كملت دبشي وحجزت عند كوافيره وحجزت في فيلو وقررت اني ماانكترش في حنتي بسبب ان مراد مايحبهش حسيته ماايحبهش

وجا اليوم تغليفت دبشي
جو الناس ايغلفو معي نا فرحانه بكل لان خلاص نبي نقعد عروس وليا حوش بروحي وح نقعد شايخه عليه بروحي وان اللي واخذني دكتور احليو وايخاف عليا ودارلي شان وكان عند خوتي مع ان انشوف فيه عيوب بس فكرة ان هو حلالي خلني انشوف عيوبه ميزاته وتميت انفكر فيه بستمرار

اميره ؛؛ لووووووووووووووووووووووووووووووووووليا لووووووووووووووووووووووووووووووووووليا

والحوش امعبي وامولعين الإذاعة علي اغاني وكل مره وحده ترقص ونا انشوف في ترتيب الحاجات وفرحانه لان جا ترتيبهم حلو بكل وفي الليل الناس روحت ماعاد خاللاتي بيتات

خالتي فاطمه؛؛ ويه نا تو طالعه وراه بكره مش جايه بكره تفريشت شقة سلفتك ونبي نحضرها ولما انروح تو انجيكم

نا ؛؛ به خالتي خلاص بس راكي تنسي بيش اتصور واتورريلي شن جابت

خالتي فاطمه؛؛ حاضر تو انشوف وانقولك وبعدين راه فيش اي وجه مقارنه بينك وبينها انتي يا حنه راجلك امثاث الشقه مش كيف خوه

نا ؛؛ وين هي شقتها
خالتي فاطمه؛؛ اصدار شقتك بزبط بس شقتك انتي اوسع واكبر
نا ؛؛ اها به

خالتي فاطمه ؛؛ هيا بسلامه وايه ارقدي اكويس مااتبعيش رايات البنات

نا ؛؛ هههههه حاضر خاضر

وخشيت مع ماما وخالتي سالمه في الدار والقيتهن يبكن و حالتهن حاله

نا ؛؛ هييييييي كنكن
ماما ؛؛ افتحت ايدها ليا
و نا جيتها نجري وتميت نضبط فيها

نا ؛؛ ماما خلاص عاد راه انفركش الزواج

ماما ؛؛ ﻻ ابنيتي نا نبكي من الفرحه بس وردي بالك من روحك ياايه وخلي بالك واسع لراجلك واعياله عامليهم وكأنهم عويلك راه اللي اديرها فيهم ربك ايردها عليك احسبيهم امهم ميته وربيهم انتي وحطيهم بين اعيونك ولو راجلك جا وزعلك مشيها له راه ماايعشو 2 مع بعضهم الا ما حمل ايجي علي واحد ونحن ديمه الحمل ايجي علينا وفكري اكويس قبل ماتقولي كلمتك وعمتك ماتزعليش منها راه هي متكبره واتحب اتبين ماتتعديش عليها وكان قالت كلمه مشيها ولو الجو ماعجبكش عندهم اركبي لشقتك وخليك مع راجلك واعياله احسنلك ولو سمعتي اي حاجه شور زوجتة زمان عادي مشيها وماتخربيش علي روحك وراجلك خليه بين اعيونك واللي يطلبه حاضر نين ايحبك وبيش تعقد معاشرتكم حلو راه الراجل علي ايش ما اتعوديه

نا ؛ وادموعي في اعيوني لان حسيت وراي مسوليه كبيره بكل وان شاء الله نقدر عليها

حاضر يا ماما اي حاجه اخر
ماما ؛؛ الله ايربحك دنيا واخر والله مراد ولد حلال اللي زفك سلم والله زفاف

نا ؛ انحرحت من ماما وصبيت وخشيت علي البنات القيتهن امكملات الحوس وخشات الدار

دعاء ؛؛ والله صار منك يا ايه وقعدتي عروس واتوتي في دبشك

دعاء ؛؛ بس حسيتك ياايه مش امكتره من دبشك امتع الرواب ليش

نا ؛ تحشمت ناخذ قدام نعيمه و عادل و بعدها لو يشوفني مراد جايبه معي دبش هكي ايقول هذه ما صدقت ازوجت فكيني ياخيتي كان يبني انتلابس ايجبلي هو

ايمان ؛؛ نا ياحنه اكتر حاجه نبي نشريها ههههههههه احمد قاعد ايوصي من تو
نا ؛ هههههههههه عليك المستعجل انا ياحنه نفرق عنك انا حتي حكي معه ماحكيت نين نعرف شن ذوقه وشن ايحب

واتخش علينا امل تجري وفرحانه

امل ؛؛ ووووووو عليا لو تعرفن خوكن خالد كيف رومنسي وايهبل
نا ؛ عليش شن قالك
امل ؛؛ شوفن شن جايبلي
اميره ؛؛ شن شن ونا ليا كم وليد ماعشت اللي انتي عيشته مع خالد
امل ؛؛ شوفن طاقم فضه
نا ؛؛ اوووووووو ايهبل طيح سعدك امتي عطه لكي
امل ؛؛ تو قالي تعالي لجنان الخلفي طلعت وعطني هذا
اميره ؛: به وين خوك
امل ؛؛ مش عارفه
اميره ؛؛ والله خوك هذا ح انربي
دعاء ؛؛ ههههههه كيف صار مازلتو زعلانين
اميره ؛؛ نا زعلانه وهو مش امعدل والله تو ايشوف بكره تو انتعبه

امل ؛؛ ويه تبيش تصبغي شعرك صح
نا ؛؛ نبي انديره بني بس عليش
امل ؛؛ يعني تبيش اديري ميش
نا ؛؛ ياحنه عديت لكوافيره وهي شافت شعري قالتلي حرام شعرك اتودريه في ميش قالتلي تو انديرلك لون بوني خفيف او اسود

اميره ؛؛ انا انقولك خليه اسود احسن انتي بيضه وخليه يعكس عليك احسن وبعدين اكيده صلفتك امصبغه واميشه شعرها

نا ؛؛ والله حتي انفكر انحليه علي لونه احسن

رجاء ؛؛ نا كان نزوج نصبغه وانميشه نا غالي عليا الميش الثلاجي

اميره ؛؛ غير انخطبي وبعدين ساهل

نا ؛؛ انحس في روحي خايفه وامبدري لما شفت دبسي كيف لميتوه وخلاص بعد بكره يمشي لحوش تاني حسيتها صعبه حسيتها وكان خلاص طلعت من هالحوش

اميره ؛؛ ﻻ يا بتي كنك تحكي هكي هذه سنة الحياه ياهبله عليش الجو هذا
اميره ؛؛ قولي الحمدالله يا ويه اللي حصلتي راجل اكويس وايخاف ربي وايخاف عليك والله لو شفتي لهفته وخوفه عليك يوم اللي مرضتي راه قالتي هذا ايحبني ويعرفني من زمان

نا ؛؛ قصدك كان خايف واجد عليا

اميره ؛؛ اها وكان ايحاول ايغطي قيك مايبش حد ايشوفك في الحظه هذاك عرفتك يا ويه بين ايدينا امينه
نا ؛؛؛ اتصدقن نا بروحي بديت انميله ممكن علشان هو اللي عيشني دور العروس او لان ان نا هلاص حلاله ختي يوم اللي وعيت والقيته قدامي ما حسيتش بخوف واطمنت هكي من عند ربي مع ان نا راقيلي ان لعند تو ماطلبش يحكي معي نا تو عروسته ويالله كم يوم وانجي وانبات معه ومش عارفه ولا حاجه عليه
اميره ؛؛ ماتخافيش يا ويه هصا دكتور و واعي وح يفهم عليك

نا ؛؛ تنهيده طويله وعميقه طالعه من جو صح

ان شاءالله

دعاء ؛؛ عارفات يا بنات علي من تو متعرفه
رجاء ؛؛ ها ها علي من
دعاء ؛؛ علي……………..

يتبع