مسلسل سعاده كاذبه 

مسلسل سعاده كاذبه
الحلقه 14وجت العشيه وحوشنا امعبي رجاله في المربوعه وبعدها سمعنا صوت العرب جو

خالتي فاطمه ؛؛ ايه ايه تعالي تعالي اهم العرب جو تعالي بيش اتشوفي مراد
نا صبيت ونمشي شور الروشن دقه دقه انحس في المسافه بعيده بكل ومعش تبي تكمل نمشي وانحس في قلبي لوطه في الارض نمشي وقلبي ايدق اقريب يطلع من مكان طق طقطقطق دوف دلي دوف دلي دوف دلي دوف دلي دوف دلي دوف
وجيت وصبيت علي روشن ونا انبحت
خالتي ؛ اهو يا ايه اهو
وانا انشوف وانركز
خالتي ؛؛ تي هو امصبي عند الباب
رجاء ؛؛ قصدك الطويل اللي لابس سوريه بيضه
خالتي فاطمه؛ اها
نا ؛؛ انحبت وقلبي ايدق اقريب يطلع من مكان طق طقطقطق دوف دلي دوف دلي دوف دلي دوف دلي دوف دلي دوفرجاء ؛؛ ايجننننننننن والله اصبرتي ونلتي يا ايهنا قعدت انبحت وفرحان مش متوقعة هكي بكل هذا ايجننن وشخصية حلوه فعلا وماتقوليش ان مواليد 77 بكل شكله ايهبل طويل وقمحي وارقيق وحليته حلوه وشعره واجد واسود وامشيه لوراه

بس شكله جدي لان خش وهو واثق من نفسه

خالتي ؛؛ ها ايه شن قالتي
ونا ؛؛ ……… سارحه فيه
خالتي فاطمه؛؛ ايه اوووو ايه كنك وين رايحه
نا ؛؛ هه شن كنك
خالتي فاطمه ؛؛ هههههه شكله اعجبك
نا انحرجت وخشيت لدار

اميره ؛؛ تي شن تسالي فيها انتي تي هذا ايهبل الحق

نا خشيت وتميت انتخايل فيه قدامي وتميت انتخايل انه هو راجلي وهو اللي ح انعيش معه تي اساس هو ايهبل واسمح حتي مني حي عليا تو ايقولو عليا شينه قدامه

وخشن عليا البنات

ايه كنك قاعده هيا تعالي

اميره ؛؛ اكيده اعجبك صح
نا ؛؛ بحتت في اميره وابتسمت اساس هو سمح بس ياخوفي من هالسماح شن امخبيه

ايمان ؛؛ اكيده تو ايجيك خالي وايقولك اطلعي سلمي عليه
نا؛؛ مش ح نطلع عليه ح نحرق دمه كيف ماحرق دمي واساس هو مش امدورني قال للخالتي حاط فيك الثقه خليه انوريه الثقه شن شكلها

ماما ؛؛ بنات تعالنا هيا الرجاله يبو القهوه

وطلعنا ابسرعه وبدينا انديرو في القهوه

وايخش علينا خالي
خالي ؛؛ ايه عندك اي حاجه نشرطها عليهم
نا ؛؛ تحشمت ونزلت راسي
ماما ؛؛ ﻻﻻ نحن نبو امغير حوش اوحدها بس
خالي ؛؛ ﻻ من الناحيه هذه اطمني عنده حوش وشقه
ماما؛ ؛ باهي الحمدالله
وطلع خالي ونحن تمينا نسموع فيهم ونا قلبي خلاص اقريب ايطيح معش عرفت نفرح ان فاتحتي ح تنقرا علي واحد حلو ومحترم او ان فاتحتي ح تنقرا علي واحد كبير وبعياله ولا نعرفه ولا يعرفني

ونا امقعمزه في الصاله مع البنات ايخش علينا علي

علي ؛؛ امي مبروك قرينا الفاتحه وهذا المهر

ماما ؛؛ لووووووووووووووووووووووووووووووووووليا لووووووووووووووووووووووووووووووووووليا

نا حسيت كيف الحاجه اللي خشت في قلبي وتميت نبكي جتني ماما تجري وتمت تضبط فيا وتبكي

اميره؛؛ تضبط وتبكي مبروك ياخيتي مبروك
نا ؛؛ من الموقف حسيت حاجه تعسر في قلبي عسر ومش قادره انتحمل

علي ؛؛ تي كيف انتو غالي عليكم النكد ولا شنو هيا بلا ابكاء ومبروك يا ايه

نا ؛ متحشم بكل والدموع في اعيوني
الله يبارك فيك

وخش عادل بالقاتو امتع العرب وتم ايوزع

خالتي سالمه ؛؛ ماشاءالله قاتو سمح وطازج
خالتي فاطمه؛ حتي هو مراد يا حنه مش واحد عادي غاليه عليه الحاجه السمحه
ايه شن تبي اتخشي اتشوفيه وتحكي معه

نا ؛ ﻻﻻﻻ نبيش خلاص شفته من عند الروشن وفاتحتي انقريت واللي صار صار سةء عجبني ولاه ما عجبني

خالتي فاطمه؛؛ بس راه قالت لخالك بيش ايخششك عليه
نا؛ ؛ ﻻﻻ مانبيش انخش

رجاء ؛؛ ايه ايه تعالي تعالي شوفي العرب وهم طالعين

نا ؛؛ هيا هيا
ومشيت نجري شور روشن وتميت انبحت في الناس وما شفتش مراد استغربت ومشيت قعمزت

خالتي فاطمه ؛ ايه راه الفرح اقريب يالله شهر واسبوع بس راه
نا ؛؛ هه شن قصدك تو وقتي الفرح
خالتي فاطمه؛؛ اها ماقالتها لكي ان فرحه مع خوه وفرح خوه تو

ماما ؛؛ ان شاءالله خير تو نبدو نجرو علي السوق
خالتي ؛ ﻻ مش ح تمشن واجد لان هو امكمل الشقه لان هو يبي يقعد فوق هله وحوشه اجره لشركة

خالتي سالمه ؛؛ شن الشقه واسعه
خالتي فاطمه؛؛ اها واسعه وحلوه تو اتشوفنها

وايخش علينا خالي
خالي ؛؛ ايه هيا اتجي اتسلمي علي مراد قاعد في المربوعه
نا ؛؛ خفت وقلبي وقف

ﻻﻻﻻ نبيش يا خالي

خالتي فاطمه؛؛ صبي يا ايه سلمي عليه وشوفيه وخليه ايشوفك
نا ؛؛ تعقدت بكل
نبيش نا خلاص الفاتحه وانقريت شن يبي ايشوفني بيش كان ما عجبتش ايطلقني يعني

خالي ؛؛ برم وجه شور المربوعه وشاف مراد متعقد وامطبس راسه ﻻن سمع كلامي

نا ؛؛ وبعدها هو قراء فاتحتي بدون ماايخنلي انشوفه معناتها خليه ماعنده عليش ايشوفني

ماما ؛؛ بصوت عالي
ايه صبي تو خشي علي الراجل كنك انتي
نا ؛ قعدت نبكي ومنهاره ﻻﻻﻻ نبيش نبيش انشوفه خلاص

وصبا مراد وقال لخالي

مراد ؛؛ خليها براحتتها يا عمي خلاص

ونا سمعت كلمة عرفته سمعني وخفت بكل

خالي ؛؛ ﻻ يا مراد خليك هي بس متحشمه بس خليك خش جو في المربوعه وتو اتجيك

مراد ؛؛ انحرج وخش وكان راقيله بكل

ونا فنص فيا خالي وقالي تو اتخشي عليه قدامي عليش اتنزلي في كلمتي انا قالت خشي معناها خشي

نا ؛ باهي باهي يا خالي تو انخش

ونا كتت لابسه سروال ضابط وعليه ابلوزه واعيوني ملينات ادموع

وبدون مانبرم علي روحي صبيت ونا نبي انخش

اميره ؛؛ ايه ايه تعالي ابرمي علي روحك وامسحي دموعك هذين تو ايشوفك الراجل وايتعقد

نا ؛؛ خليه ايتعقد

وفنص فيا خالي وقالي خشي تو
ونا نمشي بشويه بشويه وراسي لوطه ومتحشمه ومنحرجه وادموعي في اعيوني

خالي سكر الباب اللي بين ممر الصاله والمربوعه وهو طلع لجنان وقالي خشي هيا
قعدت انبحت في خالي وهو طلع وسكر الباب وراه
ونا برمت وجي والقيته هو امقعمز ومتعقد وايهز في اكراعه ومازال ما فطنش ان نا جيت

نا دقيت علي الباب دق بسيط علي اساس راني جيت
وهو رفع اعيونه وشافني وما بش ايصبي
نا استغربت ومشيت شوره بشويه بشويه
نا ؛؛ السلام عليكم
مراد ؛؛ قعد ايبحت فيا وعليك السلام

نا الحق خفت منه وعجبني اكتر ومديت يدي

وحسيت قلبي اقريب يطلع من مكان
طق طقطقطق دوف دلي دوف دلي دوف دلي دوف دلي دوف

مراد ؛؛ مد يده
وهو امرفع حاجبه بالكي تبيش اتسلمي عليا

نا ؛؛ تحشمت
وتخزرطت ومدبت يدي وسلمت عليه وطول سحبت يدي

وما عدلتش ومشيت قعمزت علي الكرسي اللي احذه بدون ماانحس بروحي

اتخش علينا خالتي فاطمه وماما

خالتي ؛؛ ها مراد شفتها شن عجباتك
مراد ؛؛ فنص في عمتي

خير يا عمتي كيف املاه قاعده هنا

خالتي ؛؛ اها اهي عمتك عيشه ام ايه
وهو صب وسلم علي ماما

ماما؛؛ خير يا مراد كيف حالك
مراد ؛؛ الحمدالله
ماما ؛؛ مبروك غليك ان شاءالله
مراد ؛؛ يبارك فيك

وماما وخالتي مشن وقعمزن علي الصالون وتمن ايبحتن فينا

نا ؛ من تخزريط قعد راسي لوطه وهو ايهز في اكراعه وخالتي فاطمه عرفاته متعقد

وانغزت ماما

ماما ؛؛ به ان شاءالله مبارك عليكم
واطلعن ماما وخالتي بسرعه ونا جيت نبي انصبي معهن بحت فيا مراد رديت وقعمزت

مراد؛ ؛ تبي تطلعي اطلعي ماحد ماسكك
نا ؛؛ بحتت فيه واستغربت وقعدت ساكته

مراد ؛؛؛ به تبي حاجه عندك حاجه تبي اتقوليها
نا ؛؛ ساكته ومتخزرطه
مراد ؛؛ عدي خشي جو عدي
نا ؛؛ استغربت كلمة كلمة وصبيت وسمعته حتي هو صب وطلع
ونا مشيت نجري انشوف فيه من عند الروشن وكان متعقد بكل وطلع بسرعه

نا ؛؛ ههههههههههههه
ايمان ؛؛ كنك تضحكي
نا ؛؛ مراد سمع كلامي كله وتعقد بكل
ايمان ؛؛ وانتي فرحانه علشان راجلك من اول شافك تعقد منك
نا ؛؛ ﻻ مش هكي بس كان داير في وجه حركه اتجننن بكل وعجبتني وقالت هذا متعقد وهكي شكله ماله كان يضحك شن ايدير بس اتصدقي حسيته عصبي بكل ﻻن اول ماخشيت عليه القيته ايهز في اكراعه

ايمان؛؛ حي عليك بعدط هزت الكراع وعاره راه
نا ؛؛ ربك يستر ان شاءالله والله زيزه مش متريحتلها بكل
ايمان؛؛ توكلي علي الله وعيش وضعك شوفي حتي نا راه انقريت فاتحتي علي واحد مانعرفه بكل نعرفه بس امغير استاذ وخلاص ولما حكيت معه الحق حبيته وحتي اعيوبه اقعدن عندي نا ميزات

نا ؛؛ بس يا ايمان مراد عيوبه اكتر من ميزاته
ايمان:؛؛ ربي يجبر بخاطرك

وطلعن وقعدن انهدرزو وروحو الناس

وخالتي فاطمه خذت مني خاتمه بيش اتجيب في حجمه الدبله
خالتي فاطمه؛؛ عيشه راه يبو ايجو في هاليومين
ماما ؛؛ قصدك ناس واجده يبو ايجو
خالتي فاطمه ؛؛ ﻻﻻ امبدري كلمتني مرات خويا اللي هي ام مراد وقالت راه ماحد جاي معنا امغير هي ووكنتها وبناتها جيات بيش ايشوفو ايه وايجبولها الدبله وفلوس الفرح

ماما ؛؛ اها يعني حتي نحن ماعندن عليش انكلمو خلاص معناها
خالتي فاطمه؛؛ ﻻ بلا شهدره خلاص يالله اطقو اتوتو اروحكم لفرح
ماما؛ ؛ به ان شاءالله
نا ؛؛ امتي بزبط يبو ايجو
خالتي فاطمه ؛؛ عليكم انتو بس راه نبيك ياايه تلابسي قفطان واتحني ايوه وديري ميك حلو كيف اللي درتيه ل ايمان عاد خلي عمتك اتشوفك عروس مش عاديه

نا ؛؛ كيف انحني وفرحي اقريب

خالتي فاطمه؛؛ الحنه ماتقعدش اكتر من اسبوعين وانتي فرحك مازلل عليه شهر واسبوع

ماما ؛؛ به معناها بكره تو اتحني وانتي قولي للناس ايجو بعد بعد بكره بيش اطير الحنه

خالتي فاطمه؛ احسن خلاص تو وتو اروحكم بس
ماما؛ ؛ ﻻ الحمد الله وتين ساهله جت علي دورت موالح ساهلات لان فيش ناس واجده

خالتي فاطمه؛ خلاص اهو رن فوني اكيده خالكن بره

وطلعت خالتي وكل واحد فينا خشت لسريرها
نا قعدت طول الليل وانا انفكر في مراد وفي شكله وازعمه انا ح انتريح معه او لا ولاه انحبه

وجتني اميره تبكي وحالتها حاله
نا ؛؛ اميره كنك

اميره ؛؛ تو قعدت نحكي نا ورجاء وقعدن انهدرزو وتخيلان الحوش بلاك كيف ح ايكون معقوله يا ايه جا الوقت اللي ح انتفارقو فيه

نا ؛؛ هييييييي كنك انتي نحن مش ح انتفارقو نحن خوات ولاه انتي تو اتصعبي فيها عليا

اميره ؛؛ مهم يكون ح تقعدي اتباتي بره في حوش راجلك ح يقعد هو اهم شيء عندك

نا ؛؛ خنقتني العبره علي الاخيره
مستحيل الراجل ايجي في مقام الام ولاه الاخ ولاه الاخت ولاه ….. الاب
راه كل واحد ومعزته هه شوفي انتي مش اتحبين نحن واتحبي وليد واتمني اتعيشي معه

واتخش علينا ايمان
ايمان؛؛ بس مازال خاطرن قي القعده هنا يا ويه نحن مازالن نبو انعيشو حياتنا

نا ؛ بحتت في ماما والقيتها راقده وخفت توعي وتسمعنا

اميره ايمان تعالنا جو في الدار احسن ما ماما توعي
وخشينا لدار وادموعنا في اعيونا
والقينا رجاء امقعمزه وامتنكده

رجاء ؛؛ كنكن تبكن شن في
اميره ؛؛ علي الموضوع اللي تو اللي كان نحكو فيه
رجاء ؛؛ اها كلا انتن نكديات مشيتن ونكدتن عليها المسكينه تي انا ماصدقت امس اقنعتها

نا ؛؛ عارفات يا بنات امس رجاء قالتلي كلام كبير وواعر وحقني صح هو صعب بس هذا واقعنا نحن

رجاء ؛؛ ايمان ايه والله انتن مفروض تحمدن ربكن علي انكن تو انخطبتن تي والله نحكي مع سراج وخايفه ايسيبني خايفه يعرف قصة نجاح كيف مايحكو الناس وايسيبني

اميره ؛؛ بس يارجاء انتي غالطه لانك شوفي روحك من امتي تحكي معه وماقالتيش الحقيقه مفروض حكيتي الموضوع من اول ماقالك نبيك

نا ؛؛ بنات انتن ليش اتكبرن في الموضوع راه نجاح مااغلطتش مش كان هيثم سيبني وياما قال علينا معناتها هو الصح راه غلط

ايمان ؛؛ نا حكيت الموضوع ل احمد والقيته سمعها من جارنا بس الحمدالله قايل اللي صار صح مش الاشاعه اللي طلعوها

انا ؛؛ الحمد الله وربك يستر من مراد ازعمه عارفها
اميره ؛؛ اكيده خالتي فاطمه حكتله
نا ؛؛ ان شاءالله
وقعدنا انهدرزو وانفكرو في الفرح اللي اقريب وشن نبو انديرو فيه
اميره ؛؛ من بكره عدي ياحته احجزي في الصاله
نا ؛؛ اها تو بكره ماما اتقوله لعادل

رجاء ؛؛ انا اللي قهرتني ان عادل هو اللي حاكم في كل حاجه ومايبيش حد ايدير الحاجه غيره ليش ماني عارفه ﻻ وهذا كله اناني وذوقه هو اللي ح يمشي

نا ؛؛ والله نا بروحي خايفه من عادل بس ان شاءالله ماما يقعدن عندها امكانيات للفرح مع ان نا نبيه
بسيط ومانبيش طلبات واجده سامطه في حق ماما ومع ان والله ماخاطري نمشي لسوق بكل ونشري مش متخايله ان نا عروسه ونبي انوتي ادبشي دبش عرائس يعني والله متحشمه حتي اللي نبي نمشي معه كيف اتجيني صحة وجه ونشري دبش عرائس قدامهم

اميره ؛؛ الدوه هذه كلها مش مهمه المهم انك اتريحي مع راجلك واتهني

نا ؛؛ ان شاءالله بعدك اليوم تريحت شيئ ما وفي نفس الوقت خفت لان شكله مراد واعر عارفه ختي ماما ماحكتش شيء معه
ايمان؛؛ قصدك ماما ماحكتله شيء مااطلبت منه شيء
نا ؛؛ ﻻﻻﻻ ساكته
ايمان ؛؛ حي نا لما خشت علينا ومافي حاجه ماحكته ل احمد نين تحشمت نا
نا ؛؛؛ههههههه مش قالتلك ان مراد شخصية قويه ولما اتشوفيه ضروري اديري بينك وبين احدود يعني يفرض عليك انك اتعامليه رسمي

رجاء ؛؛ وووو هذا كله عرفتيه في اول يوم
نا ؛؛ هههههه اها لان حتي خالد سمعته يحكي فيها لماما امبدري قال شكله محترم واكويس وشخصية قويه ولما اتصبي قدامه يفرض عليك احترامه

ايمان ؛؛ احمد ايرن هيا يا حناتي وجهكن
نا ؛؛ هههه حاضر
وطلعت نا وعديت في دار ماما ورقدت واميره معهن لانها مازالت متعاركه مع وليد ورجاء حتي هي بدت تحكي مع سراج

وجاء الصبح ووعيت القيت ماما اتكلم في خالتي فاطمه من فون ايمان ومقعمزات ايمان واميره جنبها

قعمزت وتميت نرحا في ماما
صكرت ماما
نا ؛؛ كنها خالتي
ماما؛ ؛ قالت خلو الفرح مشترك وماعندكم عليش تحجزو في الصاله وقالت جيبولي افلوس وتو نعطيها لهم علي اساس افلوس الفرقه وقالت ان حتي الحلوه حاجزين فيه قالت هاتو افلوس وتريحو

نا ؛؛ اها هو صح ديرنا مع خوه
ماما ؛ بس خالتك قالت العروس التانيه مابتش اديره معهم قالت نا ناسي واجده وبعدين حتي ايسهلو علي اروحهم الفرح لان راه فرح العويل متعب

نا ؛؛ كيف النظام يبو ايدرو

ماما ؛؛ قالت يوم الثلاثاء السياق في الصبح صلفتك وفي العشيه انتي وتاني يوم رمي صالفتك وانتي عندك الراحه واليوم اللي بعده زغتكن انتي اتجي في صاله ايحنوك وايخش هو ياخذك وهي ايجبوها من هلها
نا؛؛ ماشاءالله برمجو الفرح
ايمان ؛؛ بس الفرح فيه جو هكي يوم اسياق وتاني يوم راح وانوتو لبكره

اميره ؛؛ اها حلوه بكل واحسن حاجه ان نحن ماعندنش اي مسؤليه للفرح هم دايرن كل حاجه يعني ياايه انتي دوبك دوب دبشك بس

نا ؛؛ ان شاءالله خير

حسيت ان الموضوع قرب خلاص يعني صح انا ح نزوج وح نطلع من الحوش

مشيت وخشيت للحمام توضيت وصليت ومشيت للمطبخ القيت ماما واميره ايديرن في موالح
نا ؛؛ كنكن مازال بدري
اميره ؛ ﻻ ياحنه خلاص خليني انديرو اليوم بيش في الليل اتحني انتي وبكره نحن نقعدو في حوسة الحوش
ونا نبيك تقعدي دوبك دوب روحك بكره

نا ؛؛ ههههه به هيا
وبدينا في الموالح ودرنا الموالح وفي الليل جت خالتي فاطمه وجبيتلنا حنه حنتني حنه بسيطه وحلوه

واوعيت تاني يوم درت لشعري زيت وقعدت امدفيه روحي بيش تصبغ حنتي وقعمزت قدام المرايه وبديت في وجي ودرت الحواجب
وبعدين حسيت روحي تعبت
نا ؛ رجاء رجاء
رجاء ؛؛ نعم ها
نا ؛ ارجيوه باهي تعالي ديرلي فتله لوجي كله

رجاء ؛ باهي بس ماتقوليش يدك واعره
نا ؛ ههههه به بس حتي انتي ديري بشويه ما ورانا ما شاغلنا

رجاء ؛ هيا تعالي
وبدت فيا في الفتله ودرت معها مية عركه اه وجي اه خدي بشويه كنك انتي اتقول ناقمه

رحاء ؛ ايه اسكتي راه خيرلك
نا ؛ علي الوضع هذا ح يطلعلي ورش
رحاء ؛؛ كذابه ديمه اتقولي فيها ومايطلعش

وكملتلي رجاء الفتله نا طول مشيت وغسلت وجي بميه امسقه و مية ورد

ونزلت علينا نعيمه
نعيمه ؛؛ السلام عليكم
نا ؛؛ عليك سلام اهلا
نعيمه ؛ ماشاءالله عروس عاد قاعده
وين عمتي
نا ؛؛ قاعده في داره خشي
وخشت نعيمه تمين انهدرزو

نعيمه ؛؛ عمتي اطمني نا ح ناخذها ايه ونشري دبشها كله نا نعرف المحلات اكويسات

ماما ؛؛ الله ايربحك يا نعيمه ماتخلي عادل يفرض ذوقه واجد و ماتخليش ايخش معكم المحلات بيش البنت تاخذ راحتها

نعيمه ؛ حاضر ياعمتي
باهي ياايه انتي عندك اي معلومه عليه شخصيه او ليش امطلق مراته

نا ؛ انصدمت من كلمة نعيمه سبحان الله في المراه كل ماانقول ح تقعد اكويسه اتزيد في الخبث اخر

نا ؛؛ ﻻﻻ عنديش اي معلومه
نعيمه ؛؛ معقوله رضيتي علي روحك هكي نا لما قالي عادل مطلق انفجعت ومانحسابك اتوافقي

نا ؛؛ خنقتني العبره وزمطت رايقي

اميره ؛ نصيبها وبعدين الراجل اكويس وولد خو خالتي فاطمه ومعروفين هل خالتي فاطمه شنو

نعيمه ؛؛ بس ينخاف منه المطلق هذا استغنا علي ام اعياله ماتبيش يستغن علي ايه تي والله هصا خلاص مشت فيه التطليقه يعني في اول مشكله بينتهم طول يطلقها بدون ما ايفكر

انقهرت من كلامها صبيت وخشيت لدار وقعدت نبكي

ان هه بدو ايعارو فيا علشان خذيت واحد مطلق

وقعدت كارسه في الدار
نين سمعتها مشت وطلعت عليهن ورقدت

واوعيت تاني يوم علي الحوس والقيت خواتي كلهن وعيات ودرنا غداء وتغدنيا وبعد الغداء اطلعت ماما وخالد وجاب حلويات والشكولاطه

ونا بديت في روحي درت ميك اب خفيف جدا واميره درتلي استشوار وطلقت شعري ولابست قفطان شوفوني بيج وفيه ورد وردي حلو ولطيف واقصير

وجت مروه ومرات علي ونعيمه بس نا طبعا كان راقيلي من نعيمه مابيتش نطلع عليه وقعدت في الدار

وبعد نص ساعه اتخش عليا رجاء تجري

رجاء ؛؛ ويه ويه
نا ؛؛ كنك تجري انتي
رجاء ؛؛ …………

يتبع