مسلسل سعاده كاذبه
الحلقه 12ومن حبيبك ولاه انا مش حبيبك
ايمان ؛؛ ابتسمت له
احمد ؛؛ هيا عاد احكي اي حاجه تو شيء حد ايخش علينا
ايمان ؛؛ نعم
احمد ؛؛ هيا قولي اي شيء قولي اسمي هكي بلا استأذ
ايمان ؛؛ نعم احمد
احمد ؛؛ نجيها ياربي اللي متحشمه ايمان نبي انجيبلك فون ناايمان ؛؛ بس هلي رافضين
احمد ؛؛ بس عندي شروط وضروري مانحكي معاك
ايمان ؛؛ قولها لعادل شوفه
احمد ؛؛ باهي اول شرط اطلعو هكي ولاه هكي فكينا منه ومعش تطلعي الا بخمار تم هكيايمان ؛؛ به حاضر
احمد ؛؛ وحكي مع شباب العيله هذا ممنوع طبعا ولاه اي احتكاك بيهم
ومد يده علي شعرها
والشعر هذا نبيش حد ايشوفه الا نا بس
وهو كان متقرب منها ويد في شعرها واليد التانيه ماسكه يدها
علي خشت ماما
ماما اولا ماشفت الموقف اطلعت طول وماخلتهمش يفطنولها
احمد ؛؛ غزالي كنك منحرجه مني
ايمان ؛؛ تحكي ومرتبكه وراسها لوطه
ﻻني اول مره في حياتي نقعد اقريبه من حد هكي
احمد ؛؛ بس نا مش اي حد نا حاليا خطيبك لا واخر راجلك
ايمان ؛؛ اااااحمد نبي انخش
احمد ؛؛ باهي نا نبي نحكي معاك باي طريقه حتي بفون امك
ايمان :؛ حتي ماما عندهش فون
وقرب احمد منها اكتر وتمه ايشم في شعرها وهي منحرجه اكتر اسمعو صوت ماما اتكح من بره
احمد صبا ونط ووخر لوراه وهي كذلك صبت ابسرعه ووخرت منه
ماما ؛؛ السلام عليكم
احمد ؛؛ عليك السلام
ماما ؛؛ خير ياوليدي كيف حالك مبروك عليك ان شاءالله
احمد ؛؛ يبارك فيك
ماما ؛؛ عرفتني نا ام ايمان
احمد ؛؛ اهاا كيف حالك ياعمتي وكيف حال صحتك
ماما ؛؛ الحمد الله وصحتي اتكون اكويسه لما انشوف بناتي متريحات ونا جيتك يااحمد لاني نبي انتعرف عليك وعندي طلب
احمد ؛؛ تفضلي ياعمتي خوذي راحتك
ماما ؛؛ بحتت في ايمان وبعد في احمد
نبيك توعدني انك اتهنيه واتحطها بين اعيونك نا مانبي نطلب طالبات مش معقوله نا نبيه اتكون متهني بس وسعيدة حتي ولو تاكل معاك خبز وبصل مش مهم المهم نبيها تاخذ شهادتها وانت اتهنيها
احمد ؛؛ ان شاءالله خير ياعمتي وبالنسبه لقرايتها نا بروحي نبيها تقراء نا استاذ ومع القرايه
ماما ؛؛ ربي ايوفقكم ان شاءالله وحتي انتي ياايمان نبيك اتحطيه بين اعيونك لان هذا تو راجلك وانتي علي ذمته واي حاجه يبيها اتقوليله حاضر وصونيه و ما تطلعيش من شوره ونبيك اتوسعي بالك يوم اللي ايخش عليك راقيلك خليك معه مش ضده راه المراه بعد ماتزوج ماعنده حد الا راجلها هو سنده وظهرها واب اعيالها
ايمان ؛؛ متحشمه ومتخزرطه وراسها لوطه
حاضر ياماما
ماما ؛؛ ربي يوفقكم ان شاءالله
نستأذنكم تو
احمد ؛؛ اذنك معك
وماما صبت واغمزت ل ايمان معناها خلاص اطلعي
وطلعت ماما
وصبت ايمان
ايمان ؛؛ احمد تبي حاجه
احمد ؛؛ صبا حتي هو
ﻻﻻ شي سلامتك بس اللي قالته لكي نبيه تاخذيه بين اعيونك وجيبلي ورقه وقلم تو
ايمان ؛؛ حاضر
وطلعت علينا ايمان وكانت فرحانه بكل واقريب اطير
نحن؛؛ لووووووووووووووووووووووووو
ايمان ؛؛ ياناعليا يابنات نبي ورقه وقلم
نا ؛؛ ورقه و قلم عليش
ايمان ؛؛ تي مش وقتكن
خشت لدار ابسرعه ولقت كراسه وقلم وشافت روحها علي مرايه وسقمت شعرها وزادت وحطتهن علي الجنب اخر
وطلعت
وخشت عليه في المربوعه ولاقته قاعد يحكي علي فون
احمد ؛؛ يبارك فيك والله جت بسرعه الحق
وجاته ايمان وصبت قدامه وكانت ماسكه كراسه والقلم
احمد بحت فيها وصبلها وقعد اقريب منها ومسك يدها اللي في قلم وهو يحكي علي الفون وخذ يدها و حبها وخذ القلم
وايمان انحرجت ونزلت يدها
وهي ماسكه بيدها التانيه الكرسه وهو ماسك بيده التانيه الفون
قرب منها اخر وشيرلها بيش هي تفتح الكراسه
وافتحت ايمان الكراسه
وهو كتب رقمه وهو مازال يحكي
احمد ؛؛ باهي سلام تو انخطم عليك
وصكر الفون
وبحت في ايمان وكتب تحت رقمه
انحبك ياروحي
ايمان انحرجت وتمت اتبحت في الكراسه
وهو نزل راسه شور خدها وباسها بوسة خطف
ايمان انصدمت وابتعدت منه واطلعت بسرعه
وطلع احمد ولقي خوتي بره في الجنان
احمد ؛؛ خالي لو سمحت اشويه
خالي ؛؛ تفضل
ومشو وتبعدو من خوتي
احمد ؛؛ ايمان ماعندهش فون ونبي انجيبلها فون
خالي ؛؛ والله هذا الموضوع واعر اشويه لان خوته و بذات عادل رافض اي فون ايخش للحوش
احمد ؛؛ بس هي تو علي ذمتي يعني نبي نعرف اي حاجه عليها يعني وين تطلع و وين اتخش
خالي ؛ والله انا معاك في الموضوع هذا به انت جيبلها فون بس ماتخليهش اتوريه لخوتها لان هم صعبين اشويه وح ايتعبوها ونا ح انشوف بالمي نقدر نقنعهم
احمد ؛؛ خلاص حاضر اللي تبيه
خالي ؛؛ ان شاءالله علي البركه ياعريس
احمد ؛؛ يبارك فيك
وطلع احمد وكان فرحان
ونحن خشت علينا ايمان وكانت اقريب اطير من الفرحه وكانت شاده الكراسه في حضنها
وخش علينا عادل
عادل ؛؛ اسمعي ايمان هالمره مشت بجوها طلعتك علي الراجل بس مره تانيه انحقك طالعه عليه انكسرلك كرعيك
خالي ؛ تحشم ياعادل ونا امصبي قدامك وبعدين هو عنده شروط ويبي ايقولهن لان هي تو علي ذامته يعني خلاص اطلعت من شوركن يا عادل
عادل؛ ؛ لما تمشي غاجي في حوشه قول الكلام هذا
عيا يا نعيمه اركبي قدامي
وطلعت نعيمه وعادل واركبو فوق
خالي ؛؛ خلاص معش اتعدلو عليه
وطلع خالي وكلنا بحتنا في ايمان والقينها ماسكه الكراسه في حضنها ومازالت في حالة حب
رجاء ؛؛ اوووووووووو شكله الاستاذ رومنسي ونا مانعرف
ايمان ؛؛ تبو الحق ايهبل و حتي نا اول مره نعرفه هكي حلو وحنون
اميره ؛؛ تعالي تعالي ياحنه قولينا شن صار
ايمان بحتت في اميره وفنصت وخشت لدار
وطول نا ورجاء بحتنا في بعضنا وصبين نجارو
نا؛؛ ايمان حبيبتي احكي شن صار شكله في موضوع صار
رجاء ؛؛ هههههههههه عارفه ماما خشت عليكم وشكلكم شافتكم في وضع مش تمام واطلعت واقعدت اشويه وبعدين كحت وخشت عليكم
ايمان ؛؛ هييييييييييي تحكن جد انتي
رجاء ؛؛ هههههههههه شكلك دايره كشفه طيح سعدك من اول يوم
ايمان ؛؛ هههههههه ازي مسوسه ﻻ والله مادرن حاجه بس كان امقعمز جنبي وماسك يدي ولما سمعنا ماما صبين و ابتعدن علي بعضنا
رجاء ؛؛ طيح سعدك من اول قعمزيه جنب بعضكم مسكتو ايدين بعضكم
نا ؛؛ ههههههه ماهو رجالها ياهمي ياعيني علي اساس انتي سراج مامسكش يدك انتي بذات تستكي تي سراج زاط فيك من قبل ما تبدو في علاقه ولا انسيتي لما كنتي مريضه وادوخي من ايشيل فيك ولما تبكي من يمسكلك في يدك ياهمي السود
رجاء ؛؛ اهاااااااااااا كان انطيح اندوخ اخر تو بيش ايجني هو
ايمان؛؛ ههههههههه وحياتك ماايجيك هو ايجيك عادل ويضرلك كف وتو توعي طول
نا ؛؛ ههههههههههههههههه
ماما ؛؛ ايه ايييييييه ايمااااااااااان رجااااااااااااء تي وينكن كنكن رحتن
نا ؛؛ هيا هيا انا جينا
وطلعن والقين الحوش بدا يفضي وماحد قاعد الا خالتي سالمه وخالتي فاطمه
خالتي فاطمه ؛؛ ايه تعالي نبيك في موضوع
نا ؛ استغربت خالتي
نعم خالتي شن في
خالتي فاطمه؛؛ نبيك في الدار تعالي
نا ؛؛ به
وخشينا الدار وسكرت الباب وراه
ونا مستغربه
خالتي فاطمه ؛؛ ايه حبيبتي انتي عارفتني كيف انعزكن وغاليات عليا والله مانحسب فيكن الا بناتي
نا ؛: عارفه اخويله والله ماحسبتك الا اختي الكبيره
خالتي فاطمه؛؛ ايه نا عندي ولد خويا امطلق وعنده ابنيه ووليد وهو ايدور في بنت حلال ونا قالتلهم عليك والحق هم قالولي نحن عارفينك ماتجبيش اي وحده وهو يبي وحده تمسكله اعياله وبالها واسع وقلبها حنون واتعامل اعياله وكانها اتعامل في اعيالها مستقبلا
نا ؛؛ نا نسمع مستغربه ماكتتش نحساب ان الراجل اللي جايني من طرف خالتي فاطمه
بس ياخالتي نا مش موافقه نا مازالت اصغيره ومن طبيعي نقعد اندور في شاب صغير وايكون ليا نا بس مش امشاركتني وحده
خالتي فاطمه؛؛ ياايه هو امطلق خلاص يعني ماعندك ماايشاركك فيه وبعدين انتي عارفه اني مستحيل انجبيلك اي حد والله وكان مانعرفه معرفه شخصيا وعارفه تربيته راه بروحي قالتلك ارفضي بس والله عارفته اكويس ومحترم ومتعلم ودكتور وكبير وعارف الدنيا
نا ؛ اخويله ليش مامسك مراته باهي
خالتي ؛؛ هي خربت علي روحها بروحها راه والله اكويس انتي باهي شوفيه راه والله حتي شكله حلو وهو مواليد 77 صح كبير عليك بس والله اكويس وبعدين هو دكتور وبفلوسه وحوشه وسيارته واخر عنده شقه فوق هله اخر ودكتور كبير وشاطر وصلاي اوقات الخمسه نا نعرفه اكويس الحاجه بس هو واعر الحق بس الراجل كان ماقعد واعر ماهو راجل
نا ؛؛ ………
خالتي فاطمه:: ايه انتي مش حاطه فيا ثقه ولا شنو راه والله اكويس نا نبيك اتوافقي وكان علي امك شوفي امك كيف فرحانه علشان ايمان انخطبت راه الام تطمن واتريح لما اتشوف بناتها متزوجات ومتريحات
نا ؛؛ خالتي نا نبي نقعد مع ماما وماما تبي من يقعد معها انتي شوفي انا اكتر وحده نقعد معها
خالتي فاطمه؛؛ والله يا ايه عارفه انك طيبه ومحترمه وكان هذا ما نحكي عليك عند ولد خويا وبعدين امك انتي فكري انك اتريحيها وطمنيها عليك وان شاء الله بعد مانزوجي اقعدي اتجيها واطلعي فيها لعند امتي وانتن محبوسات هنا في الحوش به انقولو اميره طمنين عليها لان هي معروفه للوليد
ورجاء عارفينه شاطره وتعرف اتعيش في هالدنيا وانا متاكده انها تو دايره علاقه مع واحد اكويس ومتسقم وايمان والحمدالله اطمن عليها اهو اليوم انقريت فاتحتها علي واحد محترم وواكويس
انتي فهني ياايه لما تقعدن انتن متزوجات تقعدن راه اتغيرن في جو امك كل يوم عند وحده واتشوفها كيف متريحه اتريح حتي هي فكري فيها حتي هي وراه والله اكويس نا نبي نعرف ليش امسكره راسك علي واحد حتي شوف ما شفتيه وجايك عن طريقي نا يا ايه لدرجه هذه انتي مش حاطه فيا ثقه
نا ؛؛ دموعي في عيوني وخنقتني العبره وتميت انفكر في ماما وخايفه نكسف خالتي فاطمه هي اقرب وحده لنا وعارفتها وعارفه نيتها
ﻻ يااخوليه نا حاطه فيك ثقه مش لا
بس نا خايفه قي يوم ايسيبني نا ويمشي لمراته اللي هي ام عياله
خالتي ؛؛ اولا راه مافيش مراه حاطه ثقه م100% في راجل بس وانتي شطارتك تقدري اتخليه ايحبك وماايتحملش شي فيك وانتي يا ايه تنحبي
نا ؛؛ باهي هو يعرفني قصدك
خالتي ؛؛ هو يعرفك عن طريقي وحاط فيا ثقه وقالي عارفك ما اتجبيلش اي وحده لعيالي شوفي هو اللي راجل وحاط فيا ثقه واتتي يا ايه مش واثقه فيا
نا ؛؛ ﻻ يااخويله والله ماهكي به خالي يعرف
خالتي فاطمه؛؛ خالك من الناس اللي شجعني وخلني نحكي عليك ﻻن عارفه راجل اكويس ونا نبيش نحكي لخوتك نين نبيك اتوافقي من قلبك يا ايه مانبهيش بالزر
نا ؛؛ به ح نوافق بس انشوفه قبل علي اقل نطمن علي الشكل اللي نصبح فيه
خالتي فاطمه؛؛ ههههههههههه حاضر جت علي هذه ساهله
نا ؛؛ خالتي انتي حكيتليه اني كنت مخطوبه
خالتي فاطمه؛؛ حكيتله اها وهو مش معتبرك انك كنتي مخطوبه لان قال كانت اصغيره واجد علي الخطبه
نا ؛؛ اها به
خالتي فاطمه؛؛ شن رايك انكلم تو ونحكيله قدامك
نا ؛؛ ﻻﻻﻻﻻ خالتي فكيني يحسابني خفيفه
خالتي:: حاضر ياعمري هيا خلاص تعالي نطلعو وانشوفو ايمان شن تحكي علي راجلها وعقبالك ان شاءالله خطرها راه احلي واحد في راجلتكم مراد
نا :؛ مرااااد
خالتي فاطمه ؛؛ هههههه انسيت انقولك اسمه بكل اها اسمه مراد هو احلي من وليد ومن احمد
نا ؛؛ هههههههه شن تبي اديره ليا ملك الجمال قدامي
خالتي فاطمه؛؛ ههههههههه والله نحكي الحق نا
نا ؛؛ هههههه حاضر
وطلعن نا وخالتي فاطمه وتمت اتزغرت
لووووووووووووووووووووووووو
ماما وخالتي سالمه ؛؛ كيف صار اقنعتيه
خالتي فاطمه؛؛ ههههههه ماتصعبش عليا نا
نا ؛ حطيت ايديا علي الجنب
كيف انتن متفقات عليا ولاشنو
ماما ؛؛ هههههههه ﻻ بس انا لما قالتلها رافضه قالت تو نحكي معها نا
اميره ؛؛ قصدك وافقتي يا ايه
امل ؛؛ طيح سعدك كيف حتي انتي انخطبتي
نا ؛؛ ههههههههه ﻻ مازال نين انشوفه قبل
امل ؛؛ طيح سعدكن تبني نقعد عانز هنا ﻻﻻﻻ خلوني انعدي نبرملي علي خالد خيرلي
ماما وخالاتي ؛ هههههههههههه فانص البنات يابتي
ماما ؛ كان جبتيه اصحيحه عليك مش ح نلقي خيرلي من اختي ناخذ منها لوليدي
خالتي فاطمه؛؛ وحتي هي ان شاءالله تاخذ منك
خالتي سالمه ؛؛ ان شاءالله يارب
امل ؛ صبت وتمت اتمثل علي اتسقم في روحها علي اساس تدلع
خلودي خلودي تعال تعال ياحبي
نحن ؛؛ ههههههههههههههه فانص برسمي
امل ؛؛ تي وينه هو بس نبيه نبي نطلعله
رجاء ؛؛ قاعد ايررم في المطبخ
امل ؛؛ انحرجت وضحكت لان خالد اكيد يسمع فيها
تحشمت وقعمزت
وخش علينا خالد
خالد ؛؛ امي راه نبيك تمشي تخطبيلي وحده نعرفه اقريب
امل انصدمت ورفعت اعيونها وفنصت
ونحن عرفن قصد خالد وقعدنا نضحكو كان قصده راه سمعتكم
خالد؛؛ يبحت في امل
باهي ياامي راه شكلها شيطانه وخايفه انها تعدي لغيري
ماما ؛؛ ﻻ يااوليدي كان شيطنه
ماعندنا مانبو فيها دور على وحده غيرها
طبعا ماما تحكي وماسكه ضحكتها بغصب
امل ؛؛ تحشمت وصبت وخشت لدارها
ونحن قعدن نضحكو وانهدرزو
ونا وبنات خشينا لدار مع امل
اول ماخشينا لدار ايمان فتحت دولابها وطلعت فونها وطلعت منه الشفره
وماسكه الشفره بين ايديها الاثنين
ايمان ؛؛ بنات بنات بحتن بحتن
وكلنا التفتن شور ايمان
ايمان ؛ وداعا للعزوبيه والطيش
وكسرت شفرتها بنص
دعاء ؛؛ هييييييييييي طيح سعدك
ايمان؛؛ عليش طيح سعدي خلاص راجل وعندي شن نبي فيها الشفره
دعاء ؛ باهي كان تعطيها ليا راه حتي نا دورت شيء راجل علي حالي
ايمان ؛؛ علي اساس حصلت الراجل علي طريقتها
وساهله ياحنه خوذي فوني اهو بيله 2 مش اخساره فيك
نحن ؛؛ هههههههههههه
دعاء ؛؛ كنها البيله 2 ماينحكش بها
اميره ؛ ﻻ من ناحيه يحكي عليه ينحكي امغير ان شاءالله اتجيبي راجل اكويس
امل ؛؛ خطرها شن قصة الراجل اللي جايبته خالتي فاطمه
نا ؛ هذه نهايتها يا بنات ح نزوج لواحد مطلق بس نا مش ح نوافق عليه امغير امبدري تحشمت من خالتي فاطمه لان تمت اتقولي انتي مش حاطه فيا ثقه
دعاء ؛؛ بس تبي الحق الموضوع صار قدامي لما حكت لماما وامك عليه والحق هن شركنه وقالن اكويس ومعروف حتي دكتور نساء كبير بكل وشاطر وافلوس ومحترم
نا ؛؛ امطلق سمعتي امطلق ا م ط ل ق
فهمتي امطلق بعياله يعني يبني نخدم علي عويله بس
امل ؛؛ امطلق وعنده شان وراجل ومش عيب الطلاق المهم انه طلق مش متزوج وبعدين كان اشتغلتي لاعياله شن فيها ما اعياله ح يقعدو خوت عويلك ولا ناسيه انتي وبعدين هم اصغار حسب ما سمعت
رجاء ؛؛ والله تخدمي راجلك وعياله اللي هم خوت عويلك خير ماتخدمي ضنا خوتك وحتي كلمه شكرا ماتسمعيها وبعدين هذوم اصغار يا ايه وانتي حنونه وطيبه وح اتعامليهم اكويس وكان مش عارفينك راه خالتي ما حكت عليك
دعاء ؛؛ بس انا سمعت ان مراته واخذها علي قصة حب كبيره بكل حتي ان ماما مستغربه ان طلقها
اميره ؛؛اخبطت دعاء من تحت
بس قالو عليه امتعت مشاكل وتعباته واجد نين طلقها
ايمان ؛؛ يعني ياايه نا وانتي مخطوبات تو وح نزوجو وح نطلعو من الحوش واقعدت تبكي
نين بكينا كلنا معها
وخشت علينا خالتي فاطمه
خالتي فاطمه؛؛ هيييييييي كنكن تبكن
اميره ؛؛ لان ح نتفارقو ياخالتي ومعش نقعدو ملتمات كيف تو
خالتي فاطمه؛؛ انتن هبل والله ماحتي نا تزوجت هذه سنة الحياه ياهبل هه شوفنا كان ماازوحت خالكن راه ماتعرفت عليكن ولا انتن تعرفتن عليا
رجاء ؛؛ راه مقتلولات من عادل انتي اكتر وحده اتحز علينا
ايمان ؛؛ خالتي فاطمه حبيبتي ممكن طلب ياعمري
خالتي فاطمه؛؛ ها احكي شن هو اكيده واعر
ايمان ؛؛ فونك ياعمري نبيه
خالتي فاطمه؛؛ حطت يدها علي قلبها
هيييييييييييييي طيح سعدك مع من تبي تحكي انتي تو متزوجه وعلي ذمت راجل
ايمان؛ ؛ ماهز راجلي اللي نبي نحكي معه
خالتي فاطمه؛؛ به وين فونك
ايمان؛؛ تو طربقت الشفره لان هو مش عارفه ونا مانبيش انخونه والفون عطيته تو للدعاء ونا ح نعطيه لكي الفون علي السريع نحكي اشوفه كنه لان قالي كلميني من اي فون عندكم جو
خالتي فاطمه؛؛ باهي بس راه ايكلمني في عقاب الليل بعدها اتجيني ورقتي ياابله
ايمان؛؛ ههههههه ﻻ اطمني مش ح اتجي ورقتك
وعطتها خالتي الفون
خالتي فاطمه؛ ؛ هيا تعالن ديرلن عشاء راه جواع وحتي مروه تو روحت
اميره ؛؛ به هيا وكلنا طلعن وماعد امل خشت لحمام وايمان خذت الفون ورنت علي احمد
ايمان ؛؛ الو اهلا استاذ احمد معي
احمد ؛؛ ايوه تفضلي
ايمان؛؛ ازمطت ريقها
ايمان معك
احمد؛ ؛ اها اهلا فون من هذا
ايمان ؛؛ مرات خالي انت لما قالت كلميني ضروري طلبته منها
احمد؛ ؛ به تقدري اتخليه عندك اليوم لاني نبي نحكي معاك بس تو نقدرش لان عندنا ناس
ايمان ؛؛ به تو نحكيلها نا وانشوفها
احمد ؛؛ خلاص نرجا فيك تو ردي عليا
ايمان ؛؛ به حاضر
وصكرت منه ايمان واطلعت وجتنا وحكت مع خالتي وخالتي قالت باهي وافرحت وقالتها له
وامل لما اطلعت من الحمام لقت قدامها خالد و هو خاش للداره
خالد؛؛ مع الابتسامه العريضه
ههه صار تبي اطيحيه صار وخلودي حبي صار
امل ؛؛ انحرجت ونزلت راسها لوطه
وجت تبي تمشي
مسك خالد ايدها وكرها وخش لداره وكرها معه
امل خافت بكل منه واقعدت مصدومه وساكته
خالد ؛؛ حطها علي ساس وقرب منها
باهي ياشيطانه به وشن فيها لو جيتي وقالتلي اني انحبك ياخالد
امل ؛؛ خالد حول نا كنت انبصر بس انت صدقتها
خالد ؛؛ به خلاص طلعو ما في نين اتقولي تو ياخلودي ياحبي واتكون طالعه من قلبك
امل ؛؛ هييييييي تبي اتجيبلي فضيحه انت
خالد ؛؛ خلاص فيش اطلعو معناها و رايت ايدوروك ويلقوك هنا عندي
امل ؛؛ خلودي خلاص حول
خالد؛؛ باهي عطيني رقم فونك
امل ؛؛ ﻻ مانيش عاطيتك عدي دور وحده تانيه تنسي فيها حبك القديم
خالد؛؛ امل امل انا اول مره انشوفك بسماح هذه راعي شعوري كنت عم مانشوفش في شيء
امل ؛؛ بس نا انشوف فيك ومن نا اصغيره دوبني نمشي
خالد ؛؛ قرب من امل اخر نين هي السقت علي الساس
انحبك ا ن ح ب ك ياامولي انحبك
امل ؛؛ تحشمت ونزلت راسها خلودي خلاص
خالد ؛؛ شن تحشمتي مني تو وماتحشمتيش لما جيتي ورقدتي هنا علي سريري
امل ؛؛ وقتها كنت راقده ومش فاطنه لروحي
خالد ؛؛ هههه ان مش فاطنه ان شاءالله ديمه هيا
امولي عطيني رقمك هيا ليا ايام اندور فيك
امل ؛؛ ليش نعطي فيه مرات حتي نا تضحك عليا واتخليني هكي في نص المشوار
خالد ؛؛ معقوله انخليك ياحبي هكي انتي لو قعدتي معي تمام نقعد نا تمام
امل ؛؛ خالد بحت في الواضع انت ماحسيتهش انه واجد اقريب مني اكتر من لازم
خالد ؛؛ باهي تعالي هنا
ووخر وكان ماسك في يده يدا امل ووخر وهو ايكر فيها وقعمز علي السرير وقعمزها جنبها
خالد؛ ؛ ها هكي تمام ها حبيبتي بلا جو شين
امل ؛؛ خالد انت متاكد من كلمة هذه راهي مهمه بالنسبه ليا
خالد؛؛ والله عجبتني وعجبتني جراتك وتميت كل مره انشوف فيك حلو نين تميت انفكر فيك ك حبيبتي وعمري
ايمان ؛؛ امل يا امل وينك
وصبت امل بسرعه واطلعت تجري وشافتها ايمان
ايمان ؛ طيح سعدك فيش اديري جوا
امل ؛؛ لا شيء بس كنك اتنادي
ايمان ؛؛ وليد جاكم وقال هيا
امل ؛؛ هيا اني طالعه واطلعت امل وكانت فرحانه وروحو وروحت حتي خالتي فاطمه بلا فونها لان واخذته ايمان
وكلهم روحو ونا واميره ضمينا الحوش وبخرنا ورجاء خشت تجري بيش تحكي مع سراج وكذلك ايمان
ونا قعدت في صاله وقعدت انفكر يعني معقوله نزوج واحد مطلق يعني نا كبرت ولا نا شينه ولا صيتي شين نين اللي يزوحني واحد مطلق
ولاه كان يسمع هيثم اني انزوجت واحد مطلق يحسابني قعدت في حوش واندور في اي راجل بعده
بس خالتي فاطمه قالت ان هو اكويس ومحترم وان هو دكتور كبير وشكله حلو
بس نا مازالت اصغيره نين ناخذ فضلت الصبايا معقوله هكي نا ناخذ واحد ايكون هو جايبني بس علشان انربي اعياله
وقعدت انفكر طول الليل ونبكي نين اذن الفجر ومشيت توضيت وصليت ونا انصلي دعيت لربي وصليت بعدها صلاة استخاره وقعدت انفكر ونبكي
اطلعت عليا اميره
اميره ؛؛ ويه فيش اديري هنا
نا ؛؛ كنت انصلي انتي مازالتي واعيه
اميره ؛؛ هذا وين سكرت من وليد وقالت انصلي وانخش نرقد
وقربت مني اميره ولاقتني نبكي
اميره ؛؛ ويه انتي تبكي من جدك انتي
نا ؛؛ قعدت نبكي اخر ومنهاره
اها نبكي لاني خايفه يا اميره يعني نا ناخذ واحد لا نعرفه ولا يعرفني هكي قطوس في اشكاره
اميره ؛؛ اصلا انتي اللي رافضه فكرة العلاقه وربي جابلك دكتور لعندك والحمدالله
نا ؛: الدكتور مطلق وكبير عليا
اميره ؛؛ كبير اصغير مش مهم المهم راجل وبصحة و انتي شوفيه لو القيتيه شكله كبير سيبيه وفوتيه
ساهله وكان علي مطلق عادي نصيبك هكي بس راه فيه ميزات اكتر من عيوب وفكري فيهن هن الاثنين
نا ؛؛ نجك ليا يا اميره انحس فيك ريحتني الحق
اميره ؛؛ امبدري خالتي فاطمه تحكي وقالت لو صار نصيب تو الفرح لان تو فرح خوه وهو مش داير فرح بس يبي ايجيبلك حاجتك لعندك
نا ؛؛ اخر يعني الفرح اقريب يعني مانقدرش حتي اني انتعرف عليه
اميره ؛؛ شن تبي فيها الخطبه الزواج طول احسن
هيا ياحنه خليني انصلي الفجر وانخش نرقد
ورقدنا وتاني يوم وعينا علي صوت ايمان من الفرحه مارقدتش بكل
نا ؛؛ صبح صبح كنك انتي
ايمان؛؛ نا مارقدتش بكل نين نعرف الصبح من الليل
نا ؛؛ كنك ليش شن في
ايمان ؛؛ اوعي عندي خبر حلووووووووو99وووو9وو9وو9و9
نا ؛؛ يييييييي عليا هيا احكي بلا حرق الدم علي هالصبح
ايمان ؛؛ ……………..
يتبع