مسلسل سعاده كاذبه 

مسلسل سعاده كاذبه
الحلقه 11وعند المغرب

ودق الباباميره ؛؛ تو نطلع انا اقعدن انتنوصبت اميره ؛؛ ولقت مراه وخششتها في دار الضيوفونا والبنات متفاجات من اللي جينا تو وشن يبي

وجتنا اميره تجري

اميره ؛ماما مراه غريبه تبيك
ماما ؛؛ الطف من الغريبه هذه

وسقمت روحها وخشت عليها

ماما ؛؛ مرحبتين اهلا اهلا
المراه ؛؛ اهلابيك كيف حالك
ماما ؛؛ اكويسه الحمدالله
المراه ؛؛ سامحيني جيت طبيت عليكم هكي بلا اذن لا شيء
ماما ؛؛ ﻻ عادي الحوش حوشك تفضلي
المراه ؛؛ نا اسمي تهاني وجيتك عن طريق اوليدي استاذ في المدرسه اللي تقراء فيها بناتك

ماما ؛؛ تفضلي ان شاءالله خير
تهاني ؛؛ ﻻ خير ان شاءالله
نا جايه نطلب في ايد بنتك ايمان للولدي احمد هو استاذها وهو اللي دازني شورها وقالي اتفقي معهم وهو اجل الموضوع لعند تو بيش مايبهش تنشغل علي اقرايتها في الامتحانات

ماما ؛؛ اها قصدك ايمان عارفه

تهاني ؛؛ والله هو قالي عجبتني كطالبه عندي بس
ماما ؛؛ والله شن انقولك نا ايمان عندي اصغر بنت عندي يعني مانقدرش نعطيك اي اجابه نين نسالها ونسال خواتها انتي اكيده عارفه بوها ميت الله يرحمه

تهاني ؛؛ اها الله يرحمه الحق نا سالت عليكم قبل ماانجي عند جيرانكم والحق شكركم ونا عرفتك عن طريق سلفت اختي تعرفك معرفه شخصيه وقالتلي خوذي منها وانتي امغمضه وعرفت انك كنتي في مصر اديري في العمليه والحمدالله علي سلامتك

ماما ؛؛ الله ايسلمك

وخشيت نا وكنت شايله سفرة قهوه ومعمول

تهاني؛؛ ماشاءالله تبارك الله
هذه من
ماما ؛؛ هذه ايه ابنيتي الثالثه
تهاني ؛؛ عطيتها
ماما ؛؛ ﻻ الحق بس حاليا في عرب جينها ومازالن ماردينا

نا ؛ بحتت في ماما وانصدمت
عليك كبوه دقتها عليا

تهاني ؛؛ باهي علي البركه ان شاءالله وينها ايمان خلونا انشوفها
ماما ؛؛ ايه عدي قولي ل اختك اتجي وكلمي باقي خواتك و مرات خوك خليهن ايجن ايسلمن
نا ؛؛ به حاضر

وخشيت
واول ماخشيت القيتهن كلهن ملتمات في الصاله ويرجنا في اي خبر مني بيش انا انقول من اللي جو

اميره ؛ ها من هذه
نا ؛؛ بحتت في ايمان
هذه وحده شكلها جايه تخطب في ايمان لان ماما قالت كلمي ايمان وغمزتلي وقالت وكلمي باقي خواتك ومرات خوك بيش ايسلمن

رجاء؛؛ وحده تخطب اوووووووو من يا ايمان
ايمان ؛؛ والله ماني عارفه
نا ؛؛ باهي هيا ابسرعه خشي غيري دبشك وانتن هيا اطلعن سلمن عليها

وايمان اقعدت واقفه في مكانها وخايفه معش اعرفت من اللي جايه تخطب فيها وهي ترجا في استاذ احمد

ايمان ؛؛ ﻻﻻﻻ مانيش طالعه نا
نا ؛؛ هيييييي سمحه هذه المراه جايه علي خاطرك
ايمان ؛؛ نا نبيش نزوج كنكن انتن
رجاء ؛؛ ريتي هالمعيشه السمحه اللي عيشتها نين اتقولي نبيش نزوج

وضربت اميره رجاء بيش تسكت علي خاطر مروه

اميره ؛؛ مروه انتي لابستك سمحه خشي سلمي عليها
مروه ؛؛ افهمت الموضوع ومشت لدار وبخت عطرها وشافت روحها وخشت علي ماما والمراه

ونا ورجاء واميره خذين ايمان لدار
اميره ؛؛ ايمان هي البسي ابسرعه تو ولما اتروح المراه ساهله ناقشي وقولي مانبيش
ايمان؛؛ نبيش نطلع ﻻﻻﻻ
نا ؛؛ ايمان حبيبتي هيا اطلعي وشوفي المراه مرات ولدها يطلع ولد حلال اللي جاك من عند الباب اطلعي خلاص

ايمان ؛؛ ويه نا نبيش نطلع تو معقوله نقول للأستاذ تعال تخطب ولما ايجني يلقني مخطوبه حسابني نكذب عليه

نا ؛؛ به انتي ليش اتسابقي في الاحداث انتي تو اطلعي وكأنك طالعه علي ضيفه عاديه ولما اتروح تو نحكو

رجاء ؛؛ هيا اطلعي ياايمان اصلا انتي شن ضمنك ان الاستاذ صادق معاك وبعدين اطلعي تو بالكي اتشوفك المراه وماتعجبيهش

ايمان ؛؛ علي اساس انتي السمحه
نا ؛؛ مش وقت عركه تو هيا غيري ابسرعه
ايمان ؛؛ شن نلابس
اميره ؛؛ تعالي تعالي اهو جينز وبدي البسيهن
نا ؛؛ هيا البسي بسرعه وانتي يارجاء حتي انتي غيري دبشك
رجاء ؛؛ ﻻ ياحنه ناطالعه هكي بتوته بيش مااتبحتش فيا
نا ؛؛ ههههههههه
رجاء ؛؛ نا عندي حبي ومستحيل ناخذ غيره

وجت ماما وخشت علينا
ماما ؛؛ هيا وينكن المراه مستعجله
اميره هيا جيبي عصير وشكولاطه

اميره ؛؛ هيا هيا امي طالعه

وكملت ايمان لابستها وطلعنا نحن في الصاله وهي كانت مرتبكه بكل وخافت ومعش عرفت كيف تمشي ولما خشت عند باب الدار الضيوف ارتبكت واجد وانحرجت وصبت

ومروه كانت مع المراه في الدار وشافت ايمان مرتبكه جتها وصبتها احذها

مروه ؛؛ اهي يا عمتي ايمان اللي جايه علي خاطرها
ودفت ايمان وايمان انصدمت ومشت شور المراه
تهاني ؛؛ ماشاءالله تبارك الله ربي يحفظك
ماما ؛؛ وهذه ايمان اخر العنقود
وقعمزت ايمان وكان وجها لوطه علي الارض
تهاني؛؛ ايمان تعرفيه استاذك احمد
ايمان ؛؛ ارتكبت وخافت وانصدمت
تهاني؛ ؛ ايمان ها عرفتيه
ايمان ؛؛ تحكي والوجه لوطه ومرتبكه
اها نعرفه استاذي هو
تهاني ؛؛ اها
ماما ؛؛ اغمزت لمروه معناها طلعيه بره

وصبت مروه وقالت لايمان تعالي

وخشت ايمان ابسرعه لدار
نحن ؛؛ مروه من المراه
مروه ؛؛ هذه ام استاذ ايمان جايه تطلب فيها
رجاء ،؛ اوووووو ماشاءالله الاستاذ هذا والله طلع يبي ايمان صح

وكلنا درنا هجوم علي الدار شور ايمان

اميره ؛؛ يادبله خطوبه عقبالنا كلنا

رجاء ؛؛ ههههههههه مش عيب امرجات الغوالي مش مراجات الغوالي

ايمان ؛؛ انحبه انحبه حمودي والله انحبه

نا ؛؛ ياعيوني ياعيوني نقهر بيك اللي خلوني

ايمان ؛؛ انحبه انحبه حمودي مازالت انحبه

اميره ؛؛ والله صار منك ياايمان وانخطبتي قبلنا
ايمان ؛؛ الحمدالله والله كنت خايفه
نا ؛؛ باهي اللي طلعتي علي المراه كان هذا راه راح فيها الاستاذ

ايمان ؛؛ عارفات والله ماانحسابه ان قد كلمته صح هو زمان جاني وقالي نبي انجيب هلي قتله ماما مريضه وفي مصر وقالي اول ماتجي قوليها ليا ونا تحشمت انقوله انها جت عيني عينك تعال اخطب بعدها ولما بدن الامتحانات قالي في اقرب فرصه ح اتكوني مراتي

نا ؛ ماشاءالله يا هكي الحب يا بلاش

وبحتت في رجاء واميره
مش تشليط علي الفون طول الليل علي الفاضي

رجاء ؛؛ خليك في حالك اساس نا نبيش نزوج

تو الا لما ناخذ الشهاده الثانويه ايجي يخطبني ياعنجد هو دكتور ونا جاهله

اميره ؛؛ ولاول مره نعرفك تفكري اكويس يا رجاء

رجاء ؛؛ ياحناتي هل سراج جماعة قرايه يعني شينه لو انجيهم جاهله وأنت عارفات ان من زمان مستحيل انسيب القرايه القرايه اهم حاجه هي اللي اتخلي عندك شهاده
والشهاده هي اللي اتخليك تخدمي ويقعد عندك افلوس
والفلوس هن اللي ايرفعن راسك وماايخلنكش تطلبي من حد

اميره ؛؛ ماشاءالله ماشاءالله كلام قوي وكبير

وخشت علينا ماما بنات اطلعن اشويه نبي ايمان اوحدها

وصبينا وكان خاطرنا نقعدو بيش نسعمو الكلام وتمين انبحتو في بعضنا وكل وحده ترجا في الثانيه تطلع بيش تطلع

ماما ؛؛ بنات كنكن امصييات اطلعن نبي اختكن في الموضوع

وطلعن وماما سكرت الباب ورانا

وحكت ماما مع ايمان وايمان قالتلها موافقه

ماما ؛؛ يعني نحكي لخوتك برسمي
ايمان ؛؛ اها ان شاءالله
ماما؛ ؛ باهي كان وافقن امتي الفرح
ايمان ؛؛ مش عارفه ماما
ماما ؛؛ كيف مش عارفه كيف ماتحكيش معه
ايمان ؛؛ ماما والله مانحكي معه من مبدري ونا نحلفلك والله مانحكي معه بس زمان قالي نبي انجيب هلي قالت مش قاعدين لان في وقتها كنتي في مصر

ماما ؛؛ به انتي شن تعرفي عليه اخر
ايمان؛ ؛ نعرفه ان استاذ واسمه احمد وخلاص

ماما ؛؛ باهي ان شاءالله ربي يكتبلك اللي فيه خير

وطلعت ماما وافتحت الباب ولقتن كلنا علي الباب

اميره ؛؛ لووووووووووووووووووووووووووووووووووليا لووووووووووووووووووووووووووووووووووليا
ماما ؛؛ طيح سعدك كنك
اميره ؛؛ ماصدقن وحده فينا انخطبت بيش تفتح علي الاخرات

رجاء ؛؛ هيا ياهو هيا هيا
حمودي ماريتش زيه

وجت ايمان وتمت ترقص

ايمان؛؛ هيا ياهو هيا هيا
بو عين سوده نجه ليا

ماما ؛؛ طيح سعدكن فضيات والله تو ايخش خوتكم

رحاء ؛؛ تي نحن ماصدقن حاجة فرح جتني
لووووووووووووووووووووووووووووووووووليا لووووووووووووووووووووووووووووووووووليا

وجتنا موده تجري
موده ؛؛ اعميماتي اعميماتي كنكن شن في
رحاء ؛؛ هيا موده عدي جيبي محرمه وتعالي اندربكو

موده ؛؛ هيا يا اعميماتي هيا

نا ؛؛ عدي مربوحه يازينه حتي وانتي عوزتينا
لووووووووووووووووووووووووووووووووووليا لووووووووووووووووووووووووووووووووووليا

وتنزل نعيمه من فوق

نعيمه ؛؛ كنكن كنكن شن في
ماما ؛؛ هذين البنات جيتهن اكلبتهن
نعيمه ؛؛ بحتت في مروه ولقتها لابسه وامعطره وبحتت في ايمان ولقاتها حتي هي لابسه ودايره ميك اب خفيف

نعيمه ؛؛ كيف في وحده انخطبت ولا شنو

نحن بحتنا في بعضنا واستغربن كيف عرفتها انصدمنا الحق

اميره ؛؛ ايمان جاوها عرب اليوم
نعيمه ؛؛ اها هذا عليش امكلمات مروه امسيبتني انا اللي فوق وامكلمت اللي تسكن بره كني نا ما انشرفش ولاه شنو
انتو ديمه هكي ديمه اموخريني مااتكلمو فيا بكل تعرفوتي غير في الحوسه وفي الطلبات

رجاء ؛؛ هي انتي سكري فمك ومعش اتعليه صوتك لما امي اتكون قاعده يا نقصيه

ماما ؛؛ رجاء اس ونعيمه عيب الجو هذه تو انتي فهمتي منا حاجه

نعيمه ؛؛ والله ياعمتي حتي لما سالتكن تو مابيتنش اتردن وانتي قالتي البنات جيتهن اكلبتهن نقانك صدقتي جيتهن اكلبتهن

وطلعت نعيمه

نعميه ؛؛ موده مودددددددده يافرخه تعالي
موده ؛؛ نعم ماما اني جيت
واركبت وكانت اتخبط ومانا ازعلت لان ماتبيش مشاكل ومروه روحت
والبنات خشن لدارهن ونا قعدت مع ماما في الدار

وتاتي يوم ماما كلمت خالي عيسي وعلي وعادل وخالد وحكتلهم

عادل ؛؛ البنت اللي تمشي تمشي فكون ماحد يمسك راه ماحد يمسك تو
خالي عيسي؛؛ بس ايمان انحس فيها اصغيره

عادل ؛؛ ياخالي البنات تو مش اصغار كل حاجه يفهمن فيها وبعدين البنات مايمسكنش تو

علي ؛؛ والله ياامي نا مع ايمان لو هي موافقه ونا عديت وسألت والقيته اكويس ح نوافق

خالي عيسي؛ ؛ حتي نا مع علي

عادل ؛؛ ايوه هكي احسن خلي اللي تمشي تمشي

خالد ؛؛ وانت ياعادل كنك تحكي عليهن وكأنهن قعدات علي قلبك

عادل؛؛ اها قعدات علي قلبي كل يوم ديرتلي مشكله لعند امس ديرات مشكله مع المراه امكلمت مرات علي وامسيباني مراتي

ماما ؛؛ يا عادل والله مروه جت بصدفه واهو علي يشهد وبعدين كيف انكلمهم

علي ؛؛ دوه صبايا مانحبهش نا ياامي نا تو نسال عليه وتو نعطيك الجواب في هاليومين

عادل ؛؛ بس ياامي كان وافقن راه مافيش لاشوفه ولا شيء هو استاذها واكيده مال من وجها وبعدها راه ماعنديش بنت ادير فون ايوه وهو جي هنا لا وفكوني من جو الاعياد وجاي ايسلم ما ايسلم ايوه ساد ماجانا من الفضايح

ماما ؛؛ وجعتها كلمت عادل
به ياعادل ساهله

وجتنا ماما وقالتنا ان هم موافقين
طبعا نحن كلنا فرحانه وحتي ايمان افرحت بكل

وبعد كم يوم علي عطاء الموافقه وماما خذت فون خالد ورنت علي المراه وعطتها الموافقه

تهاني ؛؛ باهي ان شاءالله مبروك علينا وعليكم
ماما ؛؛ يبارك فيك ان شاءالله
تهاني ؛؛ خلاص املاه راجي مني هاليومين مكالمه وانقولك الرجاله امتي ايجو

ماما ؛؛ مرحبتين بيكم في كل وقت

وصكرت ماما منها

وجا يوم جيت الرجاله من الصبح وعينا ضمينا المربوعه ودرنا المثروده وجا علي وجايب معه الحلويات
علي ؛؛ بيش اديرن قهوه فكوني من هالنسكفيه
اميره ؛؛ به وين الشكولاطه راه ماعندنش
علي ؛؛ يييييييي انسيتها تو نطلع وانجيبها بعدين
اميره ؛؛ باهي ساهله
علي ؛؛ وين ايمان ماشفتها من يومين
اميره ؛؛ ايمان متحشمه وكارسه في الدار
علي ؛؛ ربي يكتبلها اللي فيه الخير

وحطينا الغداء وتغدينا ولمينا المطبخ وبخرنا وولعن التكيف وخلينا الحوش امصقع

و ايمان كارسه في الدار لا وكال ولا شرب وخايفه وتبكي

جيت وخشيت عليها
نا ؛؛ ايمان كنك تبكي ياعمري عليش
ايمان ؛؛ مش عارفه بس انحس في روحي اصغيره علي الزواج

نا ؛؛ ههههههههه من ناحية اصغيره الحق اصغيره بس انتي ماينخفش عليك وقدها وبعدين مش انتي اتحبيه وعاجبك من زمان

ايمان ؛؛ اوكي عجبني بس مانحسبش ان ح يخطبني طول يعني بلاعلاقه راه في النهايه نا مش عارفه طبعه نعرفه كاستاذ وخلاص

نا ؛؛ بس انتي تعرفي اسلوبه في المدرسه يعني عندك خلفيه عليه بسيطه وهو شاب واكويس
مش نا شوفي ماجاني الا المطلق وبعياله واللي تقهر ان امك تقنع فيا عليه ليش ماني عارفه

ايمان ؛؛ تبي الحق يا ويه الزواج و طلعه من هالحوش ارحم من السكنه معهم شوفي امي مريضه و خوتك واعرين وامورين النجوم في عز الظهر وانتي قاعده قاعده في الحوش ازوجي وشوفي نصيبك

نا؛؛ بس ناااااااااا
ايمان ؛؛ ماتقوليش انك مازالتي اتحبي هيثم هيثم هذا ماضي اسود بالنسبه لكي وخلاص اطوي الصفحه

نا ؛؛ اول مره نعرف انك كبرتي ياايمان وهذا كله وخايفه من الزواج^_^

وسمعنا صوت زغريت الصبايا
لووووووووووووووووووووووووووووووووووليا لووووووووووووووووووووووووووووووووووليا لووووووووووووووووووووووووووووووووووليا
وطلعت نا والقيتها خالتي سالمه والبنات

ماما؛ ؛ سلمك زغراته ان شاءالله عقبال البنات
دعاء ؛؛ نبي انشوف الخاينه اللي انخطب قبلنا هذه وينها

رجاء ؛؛ ههههههه جو قاعده متحشمه
امل ؛؛ هههههههه متحشمه ياعيني وخلاص
وخشن يجارن عليها
امل ؛؛ ههههههههههه لووووووووووووووووووووووووووووووووووليا لووووووووووووووووووووووووووووووووووليا مبرووووووووووووك يا عروسه

دعاء ؛؛ ياخاينه اتخون فينا وانخطبتي قبلنا ونحن قالنا نو للزواج

ايمان ؛؛ والله جت هكي والله ماني حسبتها بكل

وبعدها جو باقي العائله

وخوتي قاعدين لابسين احلي ماعندهم بذات خالد يعرض في روحه قدام امل

وامل كذالك
واذن العصر وجو العرب وعدين للدار المعيشه وتمين انبحتو في الرجاله
اميره ؛؛ رجاء ايمان وينه هو

رجاء ؛؛ مازال ماشفته
ماما ؛؛ طيح سعدكن كنكن قعدات علي الروشن
نا ؛؛ ماما تعالي بيش انشوفو خطيب ايمان
ماما ؛؛ وينه وينه

رجاء ؛؛ هو هو اللي لابس سوريه سمائي

ماما ؛؛ تي حولنا خلوني انحق

ايمان ؛ ها ماما شفتيه
خالتي فاطمه ؛؛ وينه خلاص حولي يارجاء انتي شايفته
رجاء ؛؛ هههههه به تعالي شوفيه اللي لابس سوريه سمائي وجينز ازرق

اميره ؛؛ ما شاء الله حلو
ايمان ؛؛ ههههههه ايهبل صح
خالتي فاطمه ؛؛ هههههههههه شوفنا مع من تو ايسلم ايسلم علي عديله

اميره ؛؛ انحرجت بكل
نا ؛؛ ههههههههه رجالتكن شكلهم هكي ح ايتفاهمو علي بعضهم
اههههههههه
بشويه وانتي اتخبطي يا اميره
اميره ؛؛ فنصت وشيرت شور ماما
معناها ماما قاعده اس

دعاء ؛؛ بس خويا احلي ^_^
ايمان ؛؛ عينك راجلي نا اللي احلي
رحاء ؛؛ ازي ماتحشم شن راجلك مازال ماقعد راجلك
وخشو الرجاله للمربوعه
والمربوعه تعبت

ونحن خشينا للمطبخ وحطينا القهوه علي النار
وخش علينا خالد
ماما ؛؛هه شن الاخبار
خالد ،؛ لعند تو العرب ماشاءالله وحتي الراجل شكله محترم واكويس بس شكلهم جايبن معهم مأذون

خالتي فاطمه؛؛ اها هذه حركه جديده ايدورو فيها لو اتفقو العرب يقرو الفاتحه طول

ماما ؛؛ ونا انقول ليش المراه قالت ديرولها تحاليل
خالتي فاطمه؛؛ اها ياحنه بيش ايخلصو المواضيع

ماما ؛؛ والله احسن خير من الجيه اخر والتعب اخر

خالد؛ ؛ طبعا كان امصبي وايبحت في امل اللي لابسه بدي اقصير وعليه تنوره طويله وضابطه

هيا هيا عطوني القهوه
اميره ؛؛ هيا هيا اني انحط في وجه بس
خالد ؛؛ والله ماوقته هالوجه
ماما ؛؛ ﻻﻻ ضروري امل طلعي مثرد الحلويات احذاك بره في الصاله

وخذت امل المثرد وهي طالعه من المطبخ كان خالد امصبي علي باب المطبخ ومابش ايوسعله وكان يبي يخبط فيها
وهي افهمت عليه وخطمت بدون ماتلمسه
واطلعت للصاله ولاحقها خالد
خالد؛ ؛ عقبالك
امل ؛؛ ان شاءالله وعقبالك حتي انت
خالد ؛؛ حلوه طالعه
امل ؛؛ اعيونك
اميره ؛؛ اهي القهوه ياخالد وخذها خالد القهوه وكلم وليد بيش ياخذ الحلويات

ولما اميره اسمعت ان وليد اللي تو ياخذ الحلويات مشت بسرعه وخذت الحلويات من امل وعدت وعطتهن للوليد

وليد؛ ؛ عقبالن حبيبي
اميره ؛؛ ان شاءالله حبيبي
وخذ المثرد وخش للمربوعه
ونحن قعدنا نسمعو فيهم

وبعدها عطينهم العصير وبعد نص ساعه خش علينا علي

علي ؛؛ مبروك ياايمان انقريت الفاتحه
نحن ؛؛ لووووووووووووووووووووووووووووووووووليا لووووووووووووووووووووووووووووووووووليا
ومن الفرحه قعدنا نضبطو في بعضنا ونبكو

خالتي سالمه ؛؛ الستر هي فاتحه راه مش عزاء كنكن تبكن وحولن خلوني انسلم عليها وانباركلها
وتمت خالتي ادف في ماما وهي تضبط في ايمان وتبكي
خالتي سالمه؛ ؛ عيشه عيب عليك كنك يابتي تبكي واتبكي في البنت

ماما ؛؛ بوهن كان ديمه ايقول يوم اللي ينخطبن بناتي اندير شروط النسيب الكاره بيش ماحد ياخذهن مني ويقعدن معي في الحوش

واقعدت تبكي

نين بكينا كلنا بس كانت بكيتنا مش بكيت فرحه كانت بكيت حزن وفقد اغلا ناس علينا

خالتي سالمه؛؛ قولي الله يرحمه ويسامحه تو هكي عندك عادي اتنكدي علي بنتيك في يوم فاتحتها

وخش بعدها علينا خالي وخالد بيش يباركو وخالد كان جايب قاتو من اللي جابوه العرب

ماما ؛؛ ربي ايطول في عمرك ياعيسي وان شاء الله تفرح بعيالك زي ماتفرح في ابنياتي اكيد انت وكيلها
خالي ؛؛ هذين بناتي مش بنات اختي واكيد نبي نقعد نا وكيلها من غيري

ماما ؛؛ انعني مانفقدك يا خويا
خالي ؛؛ ايمان تعالي
سلم عليها

مبروك ياابنيتي وعقبال لخواتك وهذا مهرك وراه الراجل شكله اكويس ومحترم

ايمان ؛؛ يبارك فيك

وطلع خالي ونحن حطينا المثروده و عطينهم وكولو وروحو طبعا كلهم روحو ماعاد احمد خطيب ايمان خللي هو اللي امسكه

خالي ؛؛ عادل علي خالد وليد هيا تطلعو نبي نسيبي في موضوع
هم ؛؛ به
واطعو وخالي قعد اوحده هو واحمد
خالي ؛ احمد انت تو راجلها ونبيك اتقولي ح تقعد عندك امانه وح اتخافظ عليها
احمد ؛؛ ان شاءالله ربي ايقدرني واندير اللي تسعدها واتفرحها
خالي ؛؛ به انت ماتبيش اتشوفها اكيد تبي اتباركلها

أحمد؛ ؛ والله ياريت بس هم قالو ارفضو المقابلات هذين
خالي ؛؛ لا تهناء تو انجيبها لك اتسلم عليها وبعدين اكيده في شروط وحاجات تبي اتقوله لها عاد تو مراتك وعلي ذمتك

أحمد؛ والله انت عارفه نحن ضروري انحطو شروط للمراه
خالي ؛ خلاص تو انخش انكلمها لك

وخش خالي علينا ونحن كنا حايسين وايمان كانت قعمزه واتهدرز وكانت لابسه قفطان اقصير صيفي حلو كان لونه كحلي وفيه ورد

خالي ؛؛ ايمان تعالي اشويه
ايمان ؛؛نعم خالي
خالي ؛؛ ايمان راجلك يبي ايسلم عليك ويبيك في موضوع
ايمان ؛؛ تفاجاة وانصدمت
خالي ؛؛ بيش اتعديله في المربوعه قاعد
ايمان ؛؛ قصدك ياخالي انخش عليه عادي هكي
خالي ؛؛ ﻻﻻ عدي استري روحك وخشي عليه
ايمان ؛؛ وخوتي ياخالي
خالي ؛؛ بدال نا قاعد ماحد يحكي

وخشت ايمان تجري ولابست جينز وعليه ابلوزه ورديه وخلت شعرها مطلوق علي الجنب و زادت عطر اخري

وخالي لما شافها اطعت لابسه خش قبلها لمربوعه وخشش ايمان معه

خالي ؛؛ خشي ياايمان كنك متحشمه

وخشت ايمان وتمشي اشويه اشويه ووجها لوطه و احمد كان منحرج من خالي وحتي هو راسه لوطه بس مره مره ايرفع في راسه ولما شافها تقربت منه صب
احمد ؛؛ خير يا ايمان كيف حالك
ايمان ؛؛ تما م الحمدالله استاذ احمد
خالي بحت في ايمان وضحك علي كلمة استاذ وعرفها منحرجه
خالي ؛؛ قعمزي ايمان وتريحي وخوذو راحتكم

وقعمزت ايمان في الطرف المصادر احمد وخالي طلع ونحن طبعا انشوفو فيهم عن طريق مراية المدخل عاكسه عليهم

احمد ؛؛ ايمان
ايمان ؛؛ امنزله راسها لوطه ومعش طلع صوتها
احمد ؛؛ قعد ايبحت فيها ومستغرب
ايمان كنك مااتردي
ايمان ؛؛ نعم استاذ
احمد ؛؛ شن استاذ هذه خلاص نحن مش بيتنا الكلام هذا انتي مراتي وحلالي وعلي ذمتي

طبعا ايمان راسها لوطه وشعرها كان علي الجنب ونازل عليها وامغطي من وجها

احمد عرفها منحرجه وصب وجا قعمز جنبها ورفع راسها وحول الشعر من علي وجها

ايمان منحرجه وساكته وكانت خايفه منه واجد ونزلت راسها اخري

أحمد؛ ؛ كلمة استاذ هذه معش نبي نسمعها انا تو راجلك
ومسك يدها ولقها ترعش
أحمد؛؛ شن انتي خايفه مني ولا شنو كنك ترعشي هكي وساكته
احكي كنك ساكته ورفع راسها مره اخر

احمد ؛؛ ها ياغزالي كنك متحشمه مني من راجلك وخذ يدها وحطه علي قلبه

ومن حبيبك ولاه انا مش حبيبك
ايمان ؛؛ ابتسمت له
احمد ؛؛ هيا عاد احكي اي حاجه تو شيء حد ايخش علينا
ايمان ؛؛ نعم
احمد ؛؛ هيا قولي اي شيء قولي اسمي هكي بلا استأذ
ايمان ؛؛ نعم احمد
احمد ؛؛ نجيها ياربي اللي متحشمه ايمان نبي انجيبلك فون نا

ايمان ؛؛ بس هلي رافضين
احمد ؛؛ بس عندي شروط وضروري مانحكي معاك
ايمان ؛؛ قولها لعادل شوفه
احمد ؛؛ باهي اول شرط اطلعو هكي ولاه هكي فكينا منه ومعش تطلعي الا بخمار تم هكي

ايمان ؛؛ به حاضر
احمد ؛؛ وحكي مع شباب العيله هذا ممنوع طبعا ولاه اي احتكاك بيهم
ومد يده علي شعرها
والشعر هذا نبيش حد ايشوفه الا نا بس

وهو كان متقرب منها ويد في شعرها واليج التانيه ماسكه يدها
علي خشت ……………..

يتبع

اسفه علي التاخير