فيروز

الفصل السادس والعشرين
مازن حس بحته من جواه موجوعه ولقي نفسه بيرن ع فيروز
حمزه سمع تليفونها بيرن قرب من الاوضه بتاعتها عشان يسمعها
فيروز كانت محتاجه تتكلم مع حد لقت مازن بيرن مسحت دموعها..
فيروز بتحاول تتماسك ميزو ايه يعم لحقت اوحشك
مازن حس بحاجه فصوتها..  اه يختي وحشتيني قولت اطمن انتي كويسه صوتك مش تمام
فيروز دموعها نزلت ي حبيبي انا كويسه والله زي الفل بس انت عارف مكان جديد عليا وكدا وخايفه شويه
مازن متخفيش ي روز حمزه بيحبك تمام وبضحك ولو خوفتي احضنيه مش عيب
فيروز ضحكت بس بوجع بس ي جزمه عيب قال احضنه قال
مازن بخبث يبت بقا الحضن عيب وال هيحصل كمان شويه مش عيب
فيروز ماززن اتلللم
مازن ضحك حاضر هتلم وبعدين حمزه فين وسيبك تتكلمي عادي كدا
فيروز اه عادي هو ف الحمام
مازن طب اقفل انا بقاا ربنا يقويكي
فيروز هو انا رايحه حرب يبني
مازن اكتر يختي
فيروز روح ي مازن ربنا يهديك ي حبيبي ولما توصل ابقا طمني عليك هاا
مازن ماشي ي حبيبتي خودي بالك من نفسك وانا موجود لو فيه حاجه زعلتك
فيروز ربنا مايحرمني منك وقفلوا
حمزه كان واقف وسامع كل دا وكان سامع عيطها بس كان مستغرب
بعد ساعتيين
فيروز قامت مفزوعه وصوتت
حمزه سامعها طلع جري عليها ايه ماللك
فيروز كانت بتنهد كانها فحرب وكانت بترتعش جامد وكان بين عليها الخوف
حمزه قعد فريحها وشربها ميه
فيروز عيطت ومسكت فيه جامد وحضنته مروان متسبنيش ي مروان انا خايفه
حمزه عرف انها كانت بتحلم ومفكراه مروان شدها لحضنوا جامد انا هنا متخفيش
فيروز نامت ع كتفه
حمزه عدلها وكان هيقوم
فيروز  مسكت فيه حمزه خليكك معايا متسبنيش
حمزه استغرب عرفتي منين
فيروز بنوم من ريحتك بعرفك من ريحتك خليك معايا اانا خايفه
حمزه كان متوتر من يمشي ولا يستني بس سمع لقلبه ونام فريحها واخدها فحضنوا وناموا
تاني يوم الصبح فيروز فتحت عينيها لقت نفسها نايمه ع صدر حمزه وهو اخدها فحضنوا جامد كان لسها عقلها بيستوعب حمزه فتح عينه
الاتنين بصوا لبعض وبعدين قاموا فجاه
لما سمعوا صوت الجرس
حمزه الساعه كام
فيروز 2 الضهر هقوم اشوف مين
حمزه هتقومي كدا
فيروز بصت لنفسها كانت لابسه منامه كات وشها احمر
حمزه دي اكيد ماما هقوم اشوفها وانتي غيري هدومك دي
فيروز حااضر
حمزه قاام قال عاوزه تقوم تفتح كدا قال مش كيفيه ماسك نفسي بالعافيه ربنا يخدك ي مروه انتي وياسين فيوم واحد فتح الباب لقي هاجر شايله عشق ومامته ماسكه صنيه
هاجر صبحيه مباركه ي عريس
حمزه اخد الصنيه من فريدا اي دا ي ماما
فريدا دا الفطار ي حبيبي
حمزه حطها ع السفره وتعبه نفسك ليه بس
فريدا وانا اتعب لاعز منك ي حبيبي
فيروز لبست بيجامه وخرجت لقتهم سلمت عليهم وشالت عشق حبيبت ماما وحشتيني
عشق ضحكتلها بطفوليه فيروز حضنتها اكتر وقعدت تضحك
فريدا هاتي عشق يلا عشان ننزل
فيروز لا انتوا هتفطروا معانا
هاجر لا انتوا هتفطروا لوحدكم انا جبتلك عشق تشوفيها عشان عارفه انها وحشتكم
فيروز براحتكم بس عشق هتفضل معانا
فريدا لا هاتيها
حمزه سيبيها ي ماما هيا اصلا بتقضي النهار كله نوم
فريدا بقلة حيله براحتكم ونزلوا
فيروز قعدت عشق ع بطنها وقعدت تلعب ويضحكوا مع بعض
حمزه فضل واقف ومكتف ايدوا
فيروز بصتله ايه.
حمزه ايههه
فيروز في ايهه
حمزه ممكن تديني بنتي ااقعد معاها وتحضري الفطار عشان جعان
فيروز حاضر ي حمزه
حمزه فضل يلعب مع عشق وبعدين فطروا
فيروز اعملك قهوة
حمزه تمام بس انا ال هجزها عشان عشق بتعيط زمانها جعانه
فيروز بهدوء حاضر
عدي اليوم بهدوء قاتل فيروز كانت واخدا عشق وقاعدا ف الاوضه
وحمزه قاعد برا
فيروز اخيرا خرجت راحت المطبخ
حمزه قام وراها ممكن اعرف حابسه نفسك ليه
فيروز بصتله بهدوء مش حابه اكون حمل تقيل عليك بص انا وعشق هنبقا ف الاوضهطول ماانت موجود عشان تقعد براحتك
حمزه حس بنغزه فقلبوا..  ومين قالك انكم لما تبقوا قاعدين جمبي مش هكون مرتاح
فيروز كانت لسه هتتكلم حمزه اخدها من ايديها وقعدها ف الصاله وقعد فريحها
حمزه كدا نقدر نتكلم هاا كنتي عوزه تقولي ايه
فيروز كانت مستغربه من ال عمله بس معلقتش .. نتكلم بصراحه انت خد غصبك ع الجواز مني
حمزه كان متوقع منها السؤال دا وبهدوء والحاجات دي فيها غصب..
فيروز اه ساعات بتبقي غصب لما تلاقي كل ال حواليك بيضغطوا عليك وانا عارفه ان عمو حسين من زمان بيضغط عليك بص ي حمزه زي مااقولتلك انا مش هزعجك تمام
حمزه بصلها بالم ليه مثلا متفكريش اني عوز وقت متتجنبيش اديني فرصه
فيروز بصتله لسه بتحبها
حمزه اتوجع يمكن مش عارف أديني  فرصه ونبدا من جديد
فيروز بهدوء تمام ي حمزه اانا مش هغصب عليك
حمزه مااشي بس احنا صحاب صح.
فيروز بوجع حتى لوومكملناش مع بعض هنفضل صحاب ي حمزه عن اذنك وقامت واقفت
حمزه مسك ايديها فرجليها اتكعبلت ووقعت
ع رجله وبحركه لا ارديه مسكت ف رقبته
كان وشها قريب من وشه جامد
كانوا بيتنفسوا بسرعه جدا
حمزه كان لسه هيقرب منها ويبوسها جرس الباب رن الاتنين اتخضوا وقاموا وقفوا
فيررروزز بكسوف انا هفتح البابحمزه شدها من ايديها تفتحي كدا
فيروز كانت لابسه بيجامه بس كانت علي قد جسمها بظبط … اه عادي
حمزه لا مش عادي غيري هدومك بصي البسي اسدال
فيروز بااستغراب حاضر
حمزه فتح الباب لقي خالد
خالد العريس
حمزه سلم عليه حبيبي اتفضل
فيروز طلعت من الاوضه لقيتوا خالد جرت عليه وحضنته خالد وحشتني
خالد كان حاسس ان فيه حاجه غلط وحب يطمن عليها ضمهاا ليه اكتر وانتي كمان وحشتيني ي كلبوبه
حمزه كان واقف هيولع
بعد مااقعدوا
فيروز ساره وهاجر ومروان فين
خالد بصي هو انتوا عرسان ومينفعش حد يجي بس حبيت اطمن عليكي
فيروز كانت محتاجه جدا…  ربنا يخليك ليا ي بابتي
حمزه ايه رايكم نتجمع بليل ونسهر ع السطح
خالد لا خليكم بكرا نلحق نظبط الحاجه حتي نعمل حفلة شويي
فيروز والله فكرا حلوه
عشق كانت بتعيط
فيروز هقوم احضرلها الرضعه
حمزه وانا هشوفها اهوو
فيروز دخلت المطبخ وخالد دخل وراها
خالد بخبث الا قوليلي ي بطه انتي لابسه اسدال ليه هاا
فيروز ببرائه عادي كنت لابسه بيجامه وحمزه قلي البسي اسدال مش عارفه ليه
خالد حس بقلق…  فيروز هسالك سوال بس متعمليش نفسك مكسوفه هاا عشان عارف كل حاجه عنك تمااام هاا
فيروز ضحكت اسال ي خويا.
خالد امبارح حصل بينك انتي وحمزه حاجه
فيروز حاجه زي ايه
خالد يبنتي زي اي اتنين متجوزين ف اول يوم ليهم
فيروز بصتله بانكسار لا محصلش حاجه
خالد كان هيتكلم حمزه دخل عليهم
حمزه فيروز عشق جعانه يلا
فيروز حاضر خلصت اهوو
خالد تمام كدا هجيب ال قولتي عليه واحضر للسهره
فيروز فهمت انه غير الموضوع تمام متنساش تفهم مروان انه عادي يعني
خالد اوكي سلام انا بقا
تاني يووم حمزه وفيروز كانوا ع السطح
فيروز هو ماله الجو هادي كدا هما فينالشباب
حمزه معرفش ..
مروان جه من وراها وحضنها ووحشتيني ي روز
فيروز اتعدلت وحضنته وانت كمان ي قلب روز بقالي يومين مشوفتكش ي مارو…
فجاه سمعوا صوت العاب ناريه
فيروز مسكت اتخبت فحضن حمزه ومسكت فيه جاامد
حمزه ماسكها مالك ي بنتي.
فيروز انا بخاف منها
حمزه شدها لحضنوا اكتر
خالد وساره وهاجر ظهروا وكان معاهم تورته وعليها صورة فيروز
مروان معلش ي حمزه بس بنتنا طفله
فيروز عينيها دمعت انتوا فااكرين.
مروان باسها من راسها منقدرش نسي عيد ميلاد اميرتنا
حمزه كان واقف مصدوم من انه ميعرفش عيد ميلاد مراتوا
خالد كل سنه وانتي طيبه يست هااانم.
فيروز وانت معايا ي قلب الهانم
خالد مااالك ي حمزه انت مكنتش تعرف ولا ايه
حمزه كان هيرد بس فيروز سبقته
فيروز مين ال قالك كدا دا اول واحد قلي كل سنه وانتي طيبه وجبلي هديه
هاجر مااشيهه معاااكم ي عمم
حمزه حس انه مقصر فحقها فعلا
كملوا سهره وقعدوا يضحككوا
من كتر الضحك فيروز نامت ع رجل حمزه.
مروان كان نفسنا نعملها عيد ميلاد كبير زي كل سنه
خالد انت مشفتش الدموع ال فعنيها اول عيد ميلاد ليها من غير عشق.
هاجر بس مبنش فيروز قوييه
خالد قويه جدا لكل ال حواليها بس من جواها طفل محطم مجروح مكسور كمان فيروز ممكن تبقي بتموت بس بتضحك وتهزر
مروان عمرها م تقلت ع حد بالعكس احنا ال بنبقي تقال عليها تحسيها امنا مش اختنا حاجه نادره يبنتي والله
ساره ربنا يسعدها يارب
حمزه كان قاعد ساكت كانه لسه بيتعرف عليها وايده بتلعب فشعرها …..
حمزه انا هنزل بقاا عشان زي ماانتوا شايفين نامت
ضحكوا
مروان اشالها بدالك
حمزه لا روح شيل مراتك محدش يشيلي مراتي ?
شالها وعدل راسها ع كتفوا كان ضممها لقلبوا جاامد
نزل الشقه ودخلها الاوضه ونايمها ع السرير كانت زي الملاك
فضل يتامل فيهاا شويه وبعدين راح اوضوا

بعد 7 شهورر
كان وضعهم عادي صحاب وبس كل واحد كان بينام ف اوضه بس بيتعذب هيا مش عارفه تعمل ايه وهو محتار بين قلبه وعقله
يتبع…..
“نسمه الشيخ”