زواج مرفوض

الحلقه السادسه

ودع اخوه وزوجته
ثم ذهب الى الشركه
كريم وهو متجه الى المكتب
صباح الخير
جاسي وهي تقف من مكانها صباح النور
كريم بجديه حصالني
جاسي: حاضر

كريم بعد ان جلس على الكرسي
الورق ده وصليه مكتب مصطفي بيه
جاسي وهي بتاخد الورق ماشي

فضلت واقفه
كريم وهو ينظر لها واقفه ليه يلا تقدري تتفضلي على شغلك
جاسي :انت مش حاسس انك متغير معايا
صمت لثوان
مش فاهم هو في حاجه متغيره في الشغل
جاسي لا مفيش حاجه عن اذنك
وخرجت جاسي من المكتب
جلست على مكتبها بتوتر

انا ايه اللي خليني اقوله كده انا غبيه

حمزه :ازيك ياجاسي
جاسي بخضه الحمدلله
حمزه:مالك
جاسي بزهق مفيش
حمزه :اوكي كريم جوه
جاسي:اه جوه
حمزه:طيب ماشي
وطرق الباب ودخل

حمزه:صباح الخير
كريم وهو يرفع رأسه صباح الخير
حمزه:وهو يجلس عامل ايه
كريم :كويس
حمزه :كريم انا عايز اتكلم معاك في موضوع
⬜⬜⬜⬜⬜⬜⬜⬜
بعد مرور اسبوع
العلاقه كانت عاديه بين كريم وجاسي
كريم بيحاول يتجنبها وجاسي هي كمان بتعمل انه مش فارق معاها

حمدلله على السلامه انبسطوا
قالها كريم وهو بيسلم على محمد
محمد:اه كانت ناقصك
كريم:ناقصني ايه ياعم انت كنت عايزني ابقا عزول
نور فين
محمد:نايمه
كريم:واحشاني اوي البت دي
محمد: اومال ماما فين اما رجعنا مكنتش موجوده
كريم:راحت هي وانجي النادي
محمد:ماشي
⬜⬜⬜⬜⬜⬜⬜⬜
د تاني يوم وصل الشركه
ملاقاش جاسي على مكتبها
استغرب
دخل مكتبه وبدا يشتغل

فات اكتر من 3 ساعات وهي مجتش
رن على موبيلها اكتر من مره مفيش رد
رن على عليا
كريم عليا اطلعلي

جاءت له عليا
عليا :صباح الخير
كريم:صباح النور
عليا:هي جاسي مش موجوده
كريم :كنت لسه هسالك عليها هي مكلمتكيش
عليا :لا
كريم:طيب رني عليها
عليا:ياخوفي لتكون طفشت
كريم بغضب عليا اتفضلي اتصلي بيها شوفيها هتيجي والا لا وشوفي الشغل اللي المفروض يخلص وخلصيه
عليا بخوف:حاضر وخرجت مسرعه

رنت على جاسي كتير مردتش

زفر بضيق ورمى القلم على المكتب بضيق
⚪⚪⚪⚪⚪⚪⚪⚪

كانت تجلس في شقتها تبكي
ويجلس بجانبها مجموعه من الافراد
اقتربت منها احدهما
جاسي ياحبيبتي البقاء لله بطلي عياط هي في مكان احسن منها
جاسى مردتش وبتعيط

ثريا وهي تحضنها :بطلي ياحبيبتي بقا انتي من امبارح بالليل مبطلتيش عياط

ثريا دي خالة جاسي سيده في العقد الخامس من عمرها متزوجه ولكنها لم تنجب
جاسي بدموع مش مصدقه ياخالتو انها سبتني

ثريا ياحبيبتي ربنا رحمها دي كانت تعبانه اوي ادعيلها ياحبييتي احسن
جاسي بدموع:ربنا يرحمك ياماما

في المساء
كانوا يجلسون جميعهم يتسامرون
مكنش مركز معاهم

ياترى ياجاسي مجاتش ليه والا فعلا مش هتيجي تاني
والا متجش ايه يعني زيها زي اللي قبلها
انا قسيت اوي عليها الفتره االلى فاتت
فاق من شردوه
على صوت بنت اخيه

كريم كريم

كريم بضيق ايه يانور
نور :تعالى نطلع نلعب في الجنينه شويه
كريم :لا يانور انا تعبان دلوقت ياحبيبتي
ثم اكمل
انا تعبان هطلع انام تصبحوا على خير
بعد مامشي
مصطفى:هو مالوه شارد كده
محمد بابتسامه يمكن يكون بيحب
كاريمان:كريم عاقل مش بيفكر في الكلام الفاضي ده
محمد وهو ينظر لساره بحب من قال انه كلام فاضي الحب ده اجمل حاجه في الدنيا
كاريمان بتريقه:ايوه يااخويا انت هتقولي ما انت حبييب قديم

بعد ان غادر الجميع
دخلت غرفة والدتها
جلست على السرير
انفجرت في البكاء
هتوحشني اوي ياماما

قطعها
رنين الهاتف
نظرت الى التليفون بعيون دامعه

امسكته بيديها
وبصوت باكي
الو
جاءها الرد
ايو يابنتي برن عليكي من الصبح
جاسي بصوت مرهق من كثرة البكاء
ايوه ياعليا
عليا:مال صوتك في حاجه حصلت
جاسي وهي تحاول ان تهدا ماما ماتت

عليا بصدمه:البقاء لله ياحبيبتي

جاسي:ونعم بالله

عليا:طيب ليه مكلمتنيش كنت ابقى جمبك

جاسي:مكنش في وقت وعارفه انك مشغوله
ان شاء الله هاجي الشغل بكره

عليا:طيب انت اكيد تعبانه ماتجيش او انا هكون مكانك

جاسي:لا انا هاجي عشان مفيش حاجه تتعطل
⬜⬜⬜⬜⬜⬜
في الصباح
توجهت الى الشركه
انتهت الحلقه
بقلمي شيماءحنيش