رواية اخت ولاد العصابة
الحلقة : 8 …
من رواية : اخت ولاد العصابة …
____________________✡✡✡✡✡
سيف : دهش من الجري ووقف يلهث بتعب من الجري …
شمس : حصلت في الحاشية معدش عرفت وين تهرب …
سيف : شاف انها حصلت قعدت
يضحك بأنتصار ..
شمس : قامت حاجب وقربت منه بخبث
????
سيف : ???
شمس : زادت قربت اكثر من الاول
سيف : حاول يحول القناع من علي وجها …
___________________✡✡✡✡✡
طارق : اني شن قتلك ياحسين
حسين : افهم عليا اني حاليا مش رح ندير اية لقطة تودينا في داهية وانت اكثر انسان عارف لي قاعدين نديروا فية مش شيء بسيط ..
طارق : اية عارف ياصاحبي بس ولله خلاص الصبر نفذ وانت اكثر واحد عارف الكلام هذا …
حسين : عارف ولله عارف لكن مزال شوية اذلة بسيطة بس نبي القضية توديه في داهية فاهم عليا ..
طارق : فاهم عليك زين لكن بالله عليك عجل
متعطلش اكثر من شهر ..
حسين : ان شاءالله رح نحاول
طارق :
خلاص معنها نخليك ترقد ياغالي ومش تنسي
سلملي علي الوالدة …
حسين : ان شاءالله يوصل امتي بتنورنا ..
طارق : الفترة هادي صعب الحق لكن رح ندير يوم ونجي باذن الله ….
حسين : تنور في اية وقت ..
طارق : تغير صوته …
كيف حال العيلة
حسين : علي نفس الحالة
طارق : مافيش تحسن
حسين : لاسف لا
طارق : بحزن ..
نستاذنك اني توا
وسكر الخط وقعد يفكر بعمق …
???
___________________✡✡✡✡✡✡
سيف : يحاول يحول القناع
شمس : بخبث قربت من وجها ببتسامة عبيطة
وضرباته بصاعق
سيف : عيونه خشوا في بعض ويجي طفففف
طايح ??
شمس : عكرشت وجها بطريقة مزعجة
ابسسي يلا خوي تعيش وتاكل غيرها كراته
لي اقرب دار وحدفاته علي السرير وغطاته وطلعت …
فتحت الاغاني بتاعها علي فونها
وقعدت تتمشي بخبث واية حد يجي قدام وجها
تضربه بصاعق …
وتمشي وترقص وتعيط بستهبال
????
ومش مقصرة مع حد الاخت …
طلعت من باب الرئيسي …
وركبت مع طارق وترقص براسها وتستهبل
وطارق يضحك عليها ..
طارق : شن صار خديتي حقك
شمس : تقدر تقول حاجة من هكي
طارق : شن درتي احكيلي
شمس : تبتسم بعباطة
#####
طارق : ههههههههه مجنونه ولله
بس حرام عليك سيف شن ذنبة
شمس : خفت يكشفني وانت عارف ان هذا كله سر بيني وبينك ومانبوا حد يعرف بأني نعرف ندافع علي نفسي واني متمكنه وقعدت تبتسم بستهبال
طارق : هههههههههههههههه وربي مشيت
فيها ياسيف
شمس : قعدت ترمش في عيونها
نهون عليك تقول في حقي هكي ..
طارق : شفشف شعرها اكيد ماتهوني
بس وتي روحك غدوا رح نوصلك
شمس : بحزن ..
عيونها تعبوا دموع رح تنسوني صح
طارق : شن الكلام هذا شموستي في حد ينسي روحه ..
شمس : قعدت تهز في راسها بمعني لا
طارق : خلاص يامجنونه …
بنقولك تعالي اقربي
شمس : قربت
طارق : #####
شمس : جد بجد تحكي ..
طارق : اية اكيد شن رايك راضيه
شمس : تبتسم بشر
طبعا راضيه كل الرضي
طارق : ههههههه
عارفك اني
شمس : تتاوب بنعاس
هيا نبي نرقد
طارق : وصلنا انزلي
شمس : اوك نزلت وتسلقت لي دارها
خشت لتواليت وغسلة وجها ولبست منامتها
وحدفت روحها علي السرير حست بالباب يفتح
غمضت عيونها كأنها راقده ..
امجد : خش للغرفه وقعمز جنبها علي السرير
وقعد يلعب بشعر شمس …
احني اسفين ياغالية صديقني كلنا نحبوك وانتي قطعة منا وصعب علينا انك تمشي وتخلينا بس هذا الشيء لمصلحتك ممكن كنا انانين معاك بس ولله خفنا انك اضيعي منا كنتي طفله جميله بمعني
الكلمة …
قعد يبتسم ..
تصدقي كنا نتعاركوا من يشدك ويهتم بيك الاول انتي الامان بتاع العيلة عشنا في عالم اجرامي عبارة عن قتل وعصابات انتي الشي الوحيد النقي في حياتنا ..
وحط البومات الصور واشرطة فيديوهات وباس راسها رح نستاحشوك وطلع …
شمس : فتحت عيونها وقعدت تمسح في دموعها
واني رح نستاحشكم هلبا …
وقعدت تبكي لانها رح تفارقهم …
_______________________✡✡✡✡
الساعة 4 …
سيف : ناض وراسه مصدع
يسمع في صوت عالي ….
الحراس : بسرعه
سيف : طلع ونصدم بالمنظر لي قدامه
الرئيس في حالة مزرية متعذب بقسوة …
والدم في كل مكان …
طلع يجري مع الرئيس ومشي معاه
شاف مهند طالع …
سيف : بستغراب
_ وانت كيف طلعت ..
مهند : هيا ولله هيا دارت في بوي زي مادارت فيا السفاحة هادي هيا نفسها …
في المشفي ..
الدكتور جاهم يجري ..
مهند : شن صار يادكتور
الدكتور : محتاجين دم بأسرع وقت
مهند : اني نفس الفصيلة
ومشي للحجرة بتاع السحب ..
سيف : يحك في راسه بتفكير …
في شيء غلط في الموضوع كيف ضربت الرئيس ومهند واني لا كان بأمكانها تعذبني حتي اني ..
قطع تفكيره طارق …
طارق : شن صار ياسيف
???
سيف : تصدق خشت بعضها
طارق : علاش شن صار
سيف : ##$#$
طارق : كاتم ضحكته
سيف : يحك في راسه باهي علاش اني ماعذبتنيش
مع اني جريت جرتها تصدق بنت اللذينا مدربة صح
طارق : اهااا اية
مش عارف …
سيف : بحزن ..
كيف حال شمس ??
طارق :شمس تحبنا وقلبها كبير ورح ترجع صدقني
سيف : نحس فيها نجرحت هلبا تصدق مش قادر نحط عيني في عيونها …
طارق : هكي رح تزعل اكثر صدقني الافضل
تخليك معها لانها غدوا رح تمشي لي حوش
اهلها
سيف : شاف لي تحت ..
يعني خلاص كل شيء انتهي
طارق : بالعكس هادي البداية ..
سيف : شاف لي طارق بمعني مش فاهم عليك
طارق : ابتسم وبعدها ناض ..
عصير ولا نسكافي ..
سيف : نسكافي ..
وفات الليل مافيش اخبار الا ان حالة
جلال مستقره ….
______________________✡✡✡✡
اليوم التالي …
ناضت شمس بنشاط خشت لي غرفة اياد ..
وقعدت تنقز علي سريره بستهبال ..
اياد : فوتيني مش راقد امس
شمس : اياااادوووو نوووض يازفت
اياد : ناض بعصبيه وعيونه شبه مغمضات
انتي متفهميش
شمس : نزلت من السرير بزعل
وجاية بتطلع حست بشخص يحضن فيها
اياد : بصوت مخلوع
شموستي طمنيني كيف حالك اليوم
شمس : عيونها معبيات دموع
كويسة بس انت عيطت عليا
اياد : اسف حبيبتي بس كنت راقد
ومش حاس بيك …
شمس : باهي سامحتك بس اني جعانه
اياد : كل شيء الا جوع شموسه
هيا تعالي وين خاطرك تفطري
شمس : بتفكير ودلع
_ نبي نفطر في الحوش
اياد : واحلي فطور لي احلي شموس
وقعد يضحك ويضحك في شمس
شمس : هههه اني نشوف باقي الشباب ونجي
اياد : بفرحه ..
ماشي تمام ..
ونزل عمكم اياد بسعادة لا توصف …
شمس : خشت لي دار امجد شافاته وعطيها بالظهر وشاد الفون ويتكلم …
ربعت علي السرير وتسمع فيه كيف يتغزل
????
امجد : ماشي حبيبتي ديري بالك علي روحك
وخليك مع الماما ماشي …
اني في اقرب فرصه رح نجيك تمام
ماشي هي مع السلامة …
سكر الخط وقعد يتنهد من القلب
شمس : تقيم في حاجبها وقعدت تصفق ماشاء الله
امتياز
امجد : نخلع وحط يده علي قلبه
من وين طلعتي ياجنية وقعد يبتسم لي شوفتها
شمس : جت تجري ورمت روحها في حضن امجد
وقعدت تبكي ..
امجد : يبوس في راسها خلاص حبيبتي
صدقيني مش رح نسيبوك هيا فتره وتعدي بس
شمس : ببكي
بس اني رح نستاحشكم هلبا ..
امجد : وحتي احني ولله
خلاص حبيبتي امسحي دموعك لانهم غالين
شمس : مسحت دموعها بطفولية ..
امممم باهي اني نبي نفطر وانت معااي
امجد : ماشي هيا تعاالي هي
شمس : نزلت تحت امتي بجي سيف
سيف : خش ببتسامة ومرح
شكله في ناس تسأل عليا صح
شمس : حضناته وينك استحشتك
سيف : اني اسف كان عندي شغل
وحضنها كيف داير الحلو اليوم
شمس : بدلع بخير بس وين شوكلاتي
سيف : طلع الشكولا من جيبة
مانسيتش للعلم ههههه
شمس : بدلع كنت نحسابك نسيت
سيف : قعد يقول في نكت بايخه ويتبرد
في بارده الله اكبر عليها ..
خش طارق بعد سيف ….
وحضن شمس وصبح عليها ..
امجد واياد يشوفوا لي بعض بفرحه
ان شمس نست كل شيء …
سيف : قعمز علي السفرة معاهم
تصدقوا كان نحكيلكم شن صار رح تنصدموا
طارق : طول شاف لي شمس ..
شمس : عارفه الموضوع
تبتسم بشر ..
امجد : شن صار
اياد : عقد حواجبه
سيف : يحكي بحماس وشماته في الرئيس
بس ماحكي شن صار فيه ??
شمس : علي اساس واخد دور البطل الشجاع
وهوا كان زي الفلوس ? رايح يرعش مع بعضه
طارق : سمعها تفجر ضحك
شمس : تبتسم علي طارق
الكل يشوفله بستغراب ..
طارق طنشهم ولا كأنه كان يضحك …
شمس : امتي رح نمشي وشافت تحت لي اهلي
طارق : بعد العصر ..
شمس : ماشي
الشباب حالة صمت
????
✡✡✡✡✡✡✡✡✡✡
شن بصير تابعوني …
شن بدير في جلال
???
وكيف رح يكون تعاملها مع عائلتها
وهل رح تحب خواتها …
جلال شن بصير فيه
????
✡✡✡✡✡✡✡✡✡✡
الكاتبة : ÉMåñ Ålbåshå
✡✡✡✡✡✡✡.
نبيييي تفااااااااعللللللللللل