رواية اخت ولاد العصابة
الحلقة : 1
من رواية : اخت ولاد عصابة .
_____________________
شمس : افففف اياااادووو يازفت نبي نرقد
اقلب وجهك من عليا افضلك …
اياد : ههههههه
مافيش نوم نوضي بسرعه هيا بسرعة بسرعه نوضي وتي روحك كان تبي نمشوا للملاهي ..
شمس : بخلعه وشعر منفوش وحالة مزرية …
_ جدددد ولا تبصر قول ولله ..
اياد : شد خدودها وقعد يقرص فيهم …
هياااا نوضي يالكسولة مانبصرش معاك هيا …
شمس : بفرحه ولطافة …
اوك نضت ولله ..
بجد تنكيوا يا اجمل اخ في الدنيا
_ طبعا الاخت ناسية عملتها امس شن دارت في اياد من عمايل …
اياد : ?
توا نوريك يامعفنه اني تلعبي في وجهي تقول مهرج الليلة ليلتك …
شمس : وتت روحها وسرقت تشيرت اياد
ههههخخخ وحطت من برفانها وشوية من برفان اياد ..
وطبعت بوسه علي المرايا وطلعت …
نزلت تحت وتغني وجوها ريلاكس
رايقة علي الاخير …
امجد : حبيبت خوها نايضة بكري اليوم
شمس : اية عندي مشوااار مهم
مع ايادووو ??
سيف : يخفف في دمه
اياد ولا ايادوو
تفجر ضحك هههههه
شمس : قلبت عيونها بملل
هاهاها بايخه راه
سيف : ناض بمنظر يخوف و جاها بسيكنه بلقطة البصارة تقتلك توا اني نقتلك
???
شمس : حطت يدها علي وجها وقعدت تبكي
بدلع ???
امجد : ناض بغللل ???
وشد سيف من تشيرته انت خيرك حاط راسك من راسها علي الصبح ..
سيف : بصدمة ولله نبصر عليها
بس هيا ديما تتحسس من ابسط لقة تصير
شمس : ?
ههههه ربيتك يامعفن عارفه روحي شريرة ياانا
..
علي اساس تمسح في دمعتها بدلع
امجد : بصوت حاد وعالي وعصبية مفرطة
_ تأسف منها
سيف : ساكت ..
امجد : بصوت اعلي اني قتلك تأسف منها
شمس : تشوف بلطافة وبرائة
وشابكة ايدها في بعض …
سيف : بوجه احمر ..
اني اسف ياشمس
شمس : قربت ووقفت علي راس اصابعها باست خده بصوت واطي ورقيق مدامك تأسفت اسفك مقبول وترمش في عيونها ..
سيف : قعمز علي سفرة الاكل بدون حرف زيادة
مش خوف بس عندهم الاحترام واجب ..
ثواني …
ونزل طارق من الفوق ..
طارق : قعمز علي الطاولة ….
الكل قعمز بصمت احتراما لطارق
حتي من شمس قعمزت بهدواء ..
طارق : بصوت في بحه رجولية
صباح الخير
الكل رد بردود مختلفه ..
طارق : بستغراب
وين اياد مش موجود ..
سيف : الرئيس طالبة في مهمه …
شمس : فنصت عيونها بصدمة …
شنووووو
طارق : حط طرف التوست
وقطع عليها الكلام وامتي رح يرجع …
سيف : ممكن غدوا مش معروف
لازي ماعرفت شيء من اياد ..
طارق : بتفكير وحط يده علي دقنه
اممم
شمس : تقنطت علي الاخير
الكل مطنشها ،
ناضت بزعل سفرة دايمه ان شاءالله …
خدت تجكيتها نستاذنكم اني طالعة
وطلعت بزعل بدون حتي لا تسمع رد منهم
وقعدت تتحلف في اياد …
طول الطريق وهيا تسب وتشتم
فيه بأسواء الشتائم …
حست بالكل يشوفلها بطريقة غريبة
ويضحكوا استغربت بس طنشت المزاج مش رايق ..
شاب : عفوا لو سمحتي يااختي
ممكن
شمس : قطعت عليه الكلام بصوت حاد غير قابل للنقاش …
حول من قدامي خيرلك واصله حدها
عندي يعني فوووتني …
الشاب : رقتله من اسلوبها ومعجباش الرد ..
بعصية وصوت عالي …
هييييي انتي يااخت تكلمي بأدب معاي احسنلك
شمس : قامت حاجب وتحولت معالم وجها للشر ..
_ وطي صوتك واسحب كلامك خيرلك لان مش رح تعجبك ردت فعلي ..
الشاب : بستهزاء وصوت اعلي …
ومن تكوني ياغبية باش نسحب كلامي
علي خاطرك واما ردت فعل عقابها وحدة درية
ههههههههه
شمس : تشوف لي اظافرها بطريقة استهزئية
_ درية وغبية زيادة ولله الا جبته لي روحك ياعمري عليك …
قربت منه بحقد وعطاته فرخ دماغ وقامت رجلها وعطاته تيرو علي جنابة وضربت وجها بوكس …
نزلت لي مستواه عرفت من نكون ياحلو
ونفخت علي يدها ومشت برقة ودلع ..
الشاب : متوقعش انها رح تمد يدها وجي طايح طول في العرض وقعد عيط من الوجع …
شمس : شافت للخلف وبتسمت لي منظرة كيف طايح وحالته بالويل ..
غبي ولله لعب مع الانسانة الغلط ..
جذبها طفل يضحك من قلبه وامه نفس الشي
زاد استغراب شمس حست ان في شيء غلط
فاتتهم لان ماعندهاش مزاج لحد ..
قعدت تتمشي وفكرها مش مع الناس نهائي
تفكر كيف تنتقم من اياد وعدها بالملاهي وهرب وخلاها …
وصلت لي شط البحر هذا مكانها لي ترتاح فيه
قعدت مقعمزة لي وقت …
شافت بنت تأشر عليها
وتضحك ….
شمس : الناس هبلت شكلها اليوم نازل عليهم الضحك بشكل مش طبيعي ولله شكله مشفي المجانين ملت منهم و طلقتهم
علي بابك ياكريم ???
شافت راجل كبير في العمر يشوفلها ويضحك …
شمس : قعدت تشوف بعباطة
الراجل : قرب منها ..
صباح الخير يابنتي
شمس : صباح النور
الشباني : يعيط السلامة ولله ضحكتني من قلبي
شمس : ?
خيره اهوا شن قاعد يخرط علي الصبح تقول عليا ناقصة مجنانين …
ولله شكله تبع المجانين مسكين ياناري خلي نسايره وخلاص ..
ببتسامة ولطافة
وعلاش ضحكتك من قلبك ياعم
الشباني : يعطيك السلامة شن حاطة علي ظهرك يابنتي وقعد يضحك تاني
شمس : ? لا هذا جد يخرط برسمي
شن ندعي عليهم توا اني
الشباني : انتي ماشفتيش روحك في المرايا
قبل لاتطلعي شكلك
شمس : عقدت حواجبها وتعفلقت منه عطاته كف بقوة يدها وفرخ دماغ …
تحسابة يعاكس فيها
???
_ جد واحد حقير وماتستيحش علي وجهك شوف شيبك ياشباني الخرف ياعايب وشافت بتقزز
استغفر الله رجل في الدنيا ورجل في القبر
ويتغزل في بنات الناس تفففف عليك
الشباني : فاتح فمه بصدمة ..
ومشت وخلاته …
الشباني : قعد يمسح في ريقاتها
اني شباني خرف وحط يدها علي قلبه شكلة جاته ازمة قلبية ????
ياروحي وجعه الكف
تعيش وتاكل غيرها
شمس : تليفونها يتصل …
شافت المتصل اياد …
فصلت عليه بحقد وتسب في فونها بطريقة غريبة اتصل تاني نفس الشي الاخت تسب والناس تتفرج بستغراب …
ثالته مرة ردت بغلللل ..
تتكلم بعصابية وصوت عالي …
انت ياحيوان يالغبي معقولة هكي ادير فيا ولله الما ارجعهالك …
اياد : ميت ضحك
شمس : دارت روحها تفجرت بكي
اياد : شموس حبيبتي خلاص ولله اني اسف
ومعدش نعاودها حبيبتي
شمس : انت تستفز فيا وبعدين من امتي
انت تقول كلمة وماتوفيش بيها نعرفك عند كلمتك
اني
اياد : ولله ياحبيبتي درت فيك مقلب لكن غدوا مروح وتصلت بنقولك وتي روحك لغدوا تمام
شمس : تمام
???
اياد : شموسة حبيبتي
شن لابسة
شمس : بمكر وخبث تبي تقهره
_ تجكيتك السودة ههخخ
اياد : بصدمة الما نوريك
ودار روحه فصل علي اخر تكه
?????
شمس : تغير لونها وقلبت الوان
مش لانه عيط عليها لا لانها لاعبة فيها
وكاتبة كلام مضحك وشتائم غبية وغير هكي رسومات وعليها كلام مستفز وبايخ …
طاحت في شر اعمالها ..
اياد : عرفها عرفت عملتها
تفجر ضحك ..
شمس : سكرت الخط في وجها
وقعد تشوف يمين يسار ..
خايفة يشوفها حد بتجكيتها الفاضيحي
????
سلبت التجكيته وقعد تسب في روحها
ومتعفلقة الاخت علي عملتها السودة …
في شخص يتفرج عليها وميت ضحك
ركب سيارته ومشي وخلاها …
_____________
اياد : سكر الخط وطلع لرئيس بجدية تامة
الرئيس(جلال) : بجدية
_ شن صار في المهمه يااياد
اياد : خلصنا علي رئيس الحرباوي ..
الرئيس(جلال) : ممتاز
خلاص شوف شغلك
اياد طلع وشاف سيف قدام وجها
وفي يده ملف …
اياد : شن صار فيك
سيف : ببتسامة وثقة
كالعادة ربحت الصفقة
اياد : برافوا عليك ..
اني خلي نشوف طارق شن صار فيه
سيف : نتلاقوا معناها
اياد : اوكي
عند طارق مقعمز ويفكر بعمق
في سر كبير وخافية
علي الكل ليه سنين ….
علي خشت اياد ..
اياد : سلام
طارق :بجمود
سلام …
اياد : الرئيس يبي كل التقرير علي الميتم الجديد
طارق : بتفكير …
عطيته لي سيف
اياد : ماشي ..
_______________???
عند مهند بعد وقت ناض ونفض روحة
وناض بوجع ..
الله يرفعك يابنت الكلب ولله كسرتي عظامي
اخخخخ فعلا ولله انها متحوشة حرام فيها ام الجمال الزفت ..
وووو
مهند : خش يتسلل خايف حد يشوفه وهوا بالحالة هادي مغبر وحالته حالة ??
الرئيس (جلال) : قعد يشوف لي مهند كيف يتسلل
– علي وين ياولد
مهند : بتوثر بس خفاه بسرعه ..
ا ااا كنت خاش لداري
الرئيس : بعصيبة
خيرا منظرك هكي بطريقه استهزائية
ومن لي وعطيك طريحه ..
مهند : شاف لتحت متحشم
شن بيقول راجل بطول وعرض والكل ياخاف منه ياخد طريحة ومن مني من بنت ..
_ كنت ندرب عندي شوية تمارين
ماتحطش في بالك …
اكيد تبي شيء مني
الرئيس : نبي تقرير كامل علي البنت لي مدت يدها عليك كانك ناسي خلي نفكرك انك تحت الحراسة
???
_ عبيت عليك راجل ومشي وخلاه ..
مهند : ضرب الحيط بكس بعصبية
الزفتتتت …
ويتوعد لي شمس باسواء ايام حياتها
???
____________????
شن بصير تابعوني …
شمس شن بتخطط لي اياد
وطارق شن مخبي من اسرار
منهد لي اية نقطة رح يوصل
وهل رح ينتقم من شمس
???
الكاتبة :Eman Albasha