رواية اخت ولاد العصابة
الحلقة : 10 …
من رواية : اخت ولاد العصابة ….
________________???
فات الوقت …
شمس : تبكي من القلب ..
سيف : حبيبتي شموس خلاص مافي داعي للبكي
هذا كله ..
شمس : من بين دموعها مش بيدي
بنستاحشكم هلبا ..
طارق : خلاص ياشموسه شن وعدتك اني
شمس : مش رح نسامحكم لو ماتجونيش
وتنسوني …
اياد : وعد ياقلبي معاك علي الدوام
وديما رح نكلموك فون وفيديو …
شمس : حضنتهم ونزلت ووراها الشباب
تلفتت للخلف …
الكل يبتسمولها برغم انهم منهارين اكثر منها
مش حاطين حساب ليوم زي هكي ??
شمس : خبطت الباب …
شريفه : فتحت الباب ..
شافت شمس قعدت تشوف بصدمه
طاهر : سيب كل شيء في يده وجي يجري
شاف شمس نصدم …
جينان : جت تجري هيا وجني
نفس الصدمه …
طاهر : قعد يشوف لي شمس
وشريفه شبه كبير بينهم ..
شمس : احم وشبكت يدها في بعض
بأمكاني نرجع لو مش مرغوب فيا ..
شريفة : حضنت شمس وقعدت تبكي
ونفس الشي طاهر حضنهم بحب ..
جني : شمسسسي
وجت تجري وتحضن
جينان : قعدت تمشي للخلف ..
لا مش ممكن تكون اختي ..
شمس : شافت لي جنان وقعدت تشوفلها بشر
جينان : ركبت تجري الفوق ..
وحطت يدها علي قلبها لالا هادي مش اختي ياربي شن درت في عمري اني …
___________________???
عند الشباب …
اياد : خش للحوش بملل
طارق : اني ماشي مشوار وجاي
سيف : يشوف بحزن
امجد : اني بنرقد وركب الفوق وخاطره مكسور
???
كل حد فيهم حاسس بفراغ …
_____
طارق في المشفى …
حنين : نايمه في سبات ومش حاسه بشي ليها سنتين وهيا علي نفس الوضع …
طارق : حبيبتي ارجوك اصحي متت انتظار
طولتي عليا ياعمري حسي بيا ..
حنين : حركت اصباعها
طارق : مش منتبه لحركتها ..
تصدقي عندنا ولد يشبهك مزيج بيني وبينك بريئ هلبا لو تشوفي رح تحبي …
وصدقي مش عارف كيف ندير من غيرك حتي شمس مشت وخلتني ماعندي حد غيرك انتي وولدنا وخوتي ..
حنين : حركت صبعها مره تانية ..
طارق : اخخخخ خوتي حتي هما اكيد لما يعرفوا الحقيقة رح يبعدوا وكل حد رح يمشي في طريقة …
عرفت اهالي خوتي من يكونوا وطلع جلال اكبر كذاب ومستغل تصدقي ان جلال يسرق في اطفال العائلات الغنية ويربي فيهم و
مزال ماكمل باقي كلامه شاف يدها تتحرك سكت وقعد يركز تحركت مره تانية مشي يجري للممرضات ويعيط عليهم بفرحه ..
جو الممرضات يجرووو …
وفعلا ناضت زوجته من الغيبوبة مع انه الدكاترة قالوا مستحيل تعيش بعد لي صار ???
بس هوا كان عنده كل الثقة انها رح تعيش واصر علي الكل انها تعيش تحت الأجهزة ..
طارق سعيد علي الاخير اتصل بي حسين بسعادة لاتوصف …
حسين يكون اخ حنين بس شن قصته مع طارق اكيد في سر فيما بينهم …
_____________________???
اياد : اني حاسس طارق وراه سر
امجد : قصدك في سر مش حاسس
اياد : ان شاءالله خير
سيف : نقولكم علي خبر ولا نفوته
اياد : قول ..
اياد : اتحفنا ..
سيف : تعرفوا من هيا البنت لي ندورا عليها ونبوا نعرفوا من هيا لي دارت في الرئيس هكي …
امجد : بنت امها بس عندي الفضول نعرف من هيا
البطلة هادي …
اياد : قول من تكون ..
سيف : شمس
اياد : خيرها شمس
امجد : شن دخل شمس في موضوع البنت
سيف : يااغبياء البنت تكون شمس اختنا
اياد : طاح من الكرسي بصدمة
شنوووو
امجد : العبها علي غيري اصبر شمس
بس كيف هكي
سيف : واني ماصدقتش بس طلع القناع شوفوا هذا لي شمس وجبدت الشنطة وهادي شنظة شمس والمدرب طارق …
امجد : ابييييي عليك يا طارق ولله توقعتها منك
من قبل يقولي شمس اقوي من الكل واني مش فاهم عليه طلع لعبها صح البطل ..
اياد : انتم من جدكم قاعدين تحكوا شمس ان شاءالله تقتل نمله خيركم انتم
سيف : اختك تقتل حتي فيل يافالح وانت خليك انت والنمل بتاعك …
اياد : اضربني كف
امجد : من عيوني
ويعطيه خليقة كففف
اياد : طاح لجيهة التانية …
اييييييي ياكلب عطيتها بسمها يلعمبوك
ياتيس
امجد : تفجر ضحك انت لي طلبت
????
سيف : صدقت ولا جلدك ياكل فيك
اياد : ههه بعد الكف هذا خلاص ولله صدقت
امجد : مفروض تشكرني
اياد : يشوف بحقد لي امجد
???
امجد : طنشهم وقعد يفكر في زوجته
وخايف عليها ….
_________________???
شمس : مقعمزة ومتحشمة وقعدت تفكر في الصدفه لي جمعتها مع العيلة هدوم وقعدت تفكر في الشاب الحلو يكون خوها …
شريفة : احكيلي علي نفسك يابنتي كيف حياتك
طاهر : اية صح يابنتي ..
شمس : اني بنت دلوعه خوتي عشت حياتي كلها مدلعه ومدللة ..
الكل يخاف عليا وعلي مشاعري عندي صديقة وحده
نقري اولي كلية رابحه سنه الاحد نبداء من جديد دراسة متفوقه في دارستي ….
هذا كل شيء …
شريفة : حلو كانت عندك ام غيري
شمس : لاسف لا متربيه بين خوتي بس شباب
كلهم …
طاهر : حضنها احني عيلتك يابنتي
شمس : سؤال مش رح تحرموني من شوفت خوتي صح ..
طاهر : شاف لي شريفة
شريفة : اا اا اية مش رح نحرموك بس انتي تعرفي هما عصابة و وحني خايفين عليك
شمس : بس مش رح تحرموني من شوفتهم صح
طاهر : مش رح نحرموك يابنتي هما لي ربوك
زي ماتحبي تمام
شريفة : ناضت بزعل ..
طاهر : امك خايفة عليك انتي مش عارفه شن صار فيها من بعدك تعذبت هلبا …
شمس : حن قلبها ..
اني فاهمه عليها بس حتي هما خوتي واهلي وربوني
طاهر : اني فاهم عليك يابنتي ويلي تبيه حاضر
وحضنها …
شمس : حست بالحنان علي غير كل مره
قعدت تبكي …
طاهر قعد يصبر فيها …
???
عند جينان ….
ياربي مش معقول تكون هياااا لاااا
خشت جني تغني وفرحانه ..
شدتها جينان ..
جني : حولي حولي مش فاضية
انتي شن تبي
جينان : اصبري شوية انتي يابنت فرحانه انها
اختك
جني : بنعطي شكولاته لي شمس ..
فرحه اية فرحانه هلبااا هلبات
جنيان : هاتي الشكولاته ونهبتها
وتوا ونبي اقلبي وجهك من عليا
جني : الما نحرش فيك بابا
ومشت تبكي …
جينان : من وين طلعت ياربي مش قادره نهضمها نهائي انسانه همجية وغجرية مستحيل نعرفها علي صحباتي تحشمني بعدين …
اية صح …
وربي تخوف البنت هادي حتي نظارتها شر
_________________???
بعد وقت …
شمس : ممكن نبي نرتاح شوي
طاهر : اية تعالي نوصلك لي دارك
شمس : خدت شنكتها ومشت ..
حطت شنطتها في غرفتها وحدفت روحها علي السرير وتفكر في غدوا …
خدت الفون وتتصل بخوتها الشباب مكالمة فيديوا ….
____________________???
علاء : ضرب جبهته اليوم بنت عمي المخطوفة بترجع ياربي قداش ماانت كريم بعد السنين هادي كلها رجعتله بنته …
ياسبحان الله …
لملم الاوراق وسكر المكتب وطلع …
بيروح لحوش عمه …
______
شمس وربي مللل …
خلي نمشي نهدرز علي خواتي ونتعرف عليهم ههههي …
لبست بجامة وشدت شاعرها وقعدت تتمشي في الحوش وتتفرج علي اللوحات عرفت انهم حالتهم المادية ممتازة …
خشت لدار بدون لاتخبط ..
قعمزت علي الكرسي وجينان مش حاسه بشي
قعزت شمس علي الكرسي وتسمع في الغراميات
والحب ….
حست بالملل وناضت …
شمس : اني جيتتتتت
جينان : كانت متكية علي السرير وتكلم في الفون جت متقربعه بتوثر …
ااانتي شن نن جيبك هاااا
شمس : جابتني رجلي ??
حبيت نهدرز معاك مليت بروحي
جينان : بشجاعة مزيفة ..
تصدقي لو ماتطلعيش رح نكسر راسك ياهميجة انتي وللعلم اصحي ياحلوة اني مش اختك ولا رح نكون اختك ويلاا طلعي من غرفتي …
شمس : تقلب في عيونها …
شدت كرسي وقعمزت من جديد هاتي فونك
جينان : تحلمي ..
شمس : قربت من جينان قتلك هاتي فونك
جينان : ميته خوف بس تكابر
قتلك لا اني
شمس : براحتك حبي
وحطت يدها علي رقبتها جت جينان دايخه ..
مقدرتش نضربك لانك اختي لاسف ولله ..
خدت فونها ومشت لدارها …
قعمزت في سريرها وتبتسم بشرررر
??? ..
دارت اتصال لنفس الرقم لي كانت تكلم فيه جينان …
رد شاب ..
شمس : بدلع الووو
الشاب : الوو
???
شمس : هذا رقم نور
الشاب : لعيونك نبدا نور المهم نسمع هالصوت ..
شمس : بدلع ههههه
لاه لاه مش لي هادي الدرجه الحق …
الشاب : ولله دبت يابنت وشكلك بتهبلني عرفينا عليك بالك يجيبنا النصيب ..
شمس : ان شاءالله خير بالمناسبة اني اسمي زهور
وانت ياحلوو
الشاب : واني اسمي حكيم
????
شمس : حلو اسمك انت مرتبط
حكيم : لالا مش مرتبط بس شكلي بنرتبط ..
شمس : ههههههه
معقولة العسل هذا كله وعندكش بنت في حياتك نهائي
حكيم : ماعنديش حظ ريتي ولا هيا كانت في بنت بس خلاص انتهي كل شيء بينا …
شمس : اهااا يلا تحصل لي احسن منها
حكيم : شكلي بنحصل
????
وبدت تتعرف عليه وتجبد منه في الدوا
??
ياويلك ياحيكم ??
_____________________
شن بصير تابعوني ….
شن ردت فعل علاء …
وشمس شن بدير في علاء وحكيم
????
???
الكاتبة : ÉMåñ Ålbåshå
????