رواية اخت ولاد العصابة
الحلقة : 2 …
من رواية :
اخت ولاد العصابة …
________________???
عند شمس …
كملت طريقها وقعدتت تتمشي واخيرا قررت تتصل بي صديقتها نور ..
نور : بصوت ناعس
الووو
شمس : الناس تقول صباح الخير
صباح العسل مش الووو …
نور : شن تبي من الاخير
بلاش نفخ …
شمس : نووور حبي نوضي وراسك كسدت
نور : تبصري اكيد
اسمعي اليوم عطلة ونبي نرقد علي راحتي
وننتقم من ام ام النوم ..
شمس : والمعني من كلامك يعني
نور : درقي وجهك واضحه يعني
نبييييي نرقدددد
شمس : فصلت
– تصدقي حتي اني عرفت من نكلم
اصلا ..
وسكرت الخط في وجه نور
????
نور :
طار النوم من عيونها اكيد صاير معها شيء
اني متاكدة …
عاودة تتصل بي شمس
شمس : شافت الاتصال وطنشاته
روحت للحوش ركبت الفوق حدفت روحها علي السرير وقعدت تفكر شن دير شن دير ..
ناضت تنقزززز بفرحه وششررر …
خدت اليد بتاع البلاستيشن
وحطت فيها لزقة المياه عبتها لصقة وحطتها في مكانها وكأنه لم يكن وقعدت تبتسم برضي علي الانجاز ..
ههههه ورينا كيف رح تلعب اليوم يابطل ..
ونزلت تحت تغني الاخت جوهااا عسللل
خدت دارت كافيه ☕
وقعمزت تفتح في روايتها المفضله ..
رواية : السارقة …
وقعدت تضحك علي تصرفات مريم
ومستمتعه بكل حرف ..
???
سمعت الباب كانه ينفتح ..
ناضت بسرعه البرق و فتحت الباب
تحسابه حد من خوتها ..
شمس : تبتسم زي الهبلة
???
مهند : شافها نجمر في مكانه
وتحولت معالم جهااا للغضب
انتيييي شن ديري اهنيييي
شمس : نست ان خوتها ناهين عليها تفتح الباب لاي حد لانهم خايفين عليها من رئيس العصابة
ااا
مهند : شد يدها بعصبية
انتي شن ديري اهنيييي
شمس : مدت راسها من الباب تتاكد خوتها موجودين او لا مالقت حد اطمنت وبتسمت …
ولله انت شكلة اليوم امك داعيه عليك
دعوة ومانزلت من السماء ..
مهند : جربي اديري اية لقطة وتوا تشوفي شن يصير فيك المرة الاولي فوتتها بس المرة هادي وقرب منها صح اني ماعمري مديت يدي علي بنت
لكن انتي رح تتربي علي يدي ورح ارجع الصاع صاعين ..
والايام بينا قام حاجب بغرور ..
شمس : نسحرت بجماله …
لكن ربطت يدها بملل من كلامه وتجهلاته ..
اني الشغاله وتحرك في رجلها بتوثر
_ شششششن تبي مثلا
مهند : دفهاا وخش للحوش
واني صاحب الحوش
ياشغاااله
شمس : متحملاته بسيف يستفز فيها ..
وخايفة تتصرف تصرفات غلط خوتها
يزعلوا منها او دير مصيبة ….
مهند : مقعمز رجل علي رجل
ويتفحص فيها بعيونه ..
???
شمس : رقتلها وبزيادة
قعدت تشوفله بأغراء
مهند : دايب
????
شمس : ناضت
خدت الكافيه بتاعها بدلع وعلي اساس تمشي بشوي بشوي وقربت منه علي اساس بتطبع بوسه وبتعطيه الكافيه في نفس الوقت بس هيا بالعناد كباته علي سرواله ..
وغمزتله بخبث وشدتها منع خارج الحوش
وسكرت عليه الباب
مهند : كان هكي
???
فجاءة قعد يعيط محروق مسحوووق
???
شمس : شدتها جري
وتضحك من قلبها …
بدت تمشي عادي وتتكلم زي المريضة
ولله يستاهل الكلب شوية فيه
حست يد شدتها بالقوي تلفتت بخوف
__________________????
طارق : بعصيبة
كيف ياحيوان تخلي يمشي للحوش
وبروحه ..
اياد :
مقدرتش نمنعه ولا ناسي ان الحوش ملكهم
وحني شن نكونوا ..
سيف : بتوثر ..
ياجماعه ولله خايف علي شمس نتصل بيها ماتردش
امجد : اني رح نمشي للحوش علي اساس اني رح ندير دوش ونطلع للمهمه …
اياد : لا خليكم اني رح نمشي مانبي حد يشك
بوجود شمس
امجد : صح كلامك لان بعدين رح تصير كارثة
طارق : اياد برا بسرعه وحني رح
ناخدو مكانك غير دير بالك علي شمس
اياد : ماشي
وطلع …
الكل متوثر وخايف علي شمس
لان خلف شمس سر كبير مافي حد يعرفه الا الشباب
شن السر هذا ??
_________________ ????
عند شمس حست بيد شدتها …
تلفتت بخوف …
شمس : تلفتت للخلف وشافت نور
حطت يدها علي قلبها براحه ..
نور : خيرك تمشي وتضحكي زي الغبية واني نجري وراك زي المهبولة
شمس : خلعتيني يابقرة قلبي قريب طاح
في سروالي ..
نور : سمله يختي عليك
شمس : مش مني ياحظي اصلا اليوم بروحه
بحماس
_ تعالي نحكيلك شن صار معاي …
نور : بنفس الحماس
يلا احكي هيا حمستيني
شمس : بدت تحكي شن صار
وووووو
نور : ههههههههههه
تصدقي وجعني الشباني هلبا ياشريرة
بس الكلب هدكة يستاهل مايجي بردتي علي قلبي
..
????
شمس : نعجبك ياروحي عليا ..
قعدت تمشي علي الرصيف بعباطة
نور : هني روحك يابنت
لاتجي سيارة وطيرك
شمس : لي يسمع يصدق
غير تعالي جربي شعور وربي يجنن
نور : هههه شن رايك
تخليها علي السور احلي
شمس : شافت السور عالي شوي تحمست
ولله حق كلامك هيا
نور : تسلقت السور بصعوبة
اخخخخ يدي نجرحت
شمس : ركبت حتي هيا لكن بسهولة
?? شافت يد نور اوووو
اكيد وجعك الجرح عميق ياقلبي وقعدت تنفخ عليها
نور : ضربت شمس علي راسها شن ديري
بزبط عليك ختشه
شمس : ترمش في عيونها اكيد الاحه توجع فيك
نور : نانانا مبردك نوضي هيا خلي نلعبوا
المنظر تحفففهههه
???
شمس : شوفي الناس كيف تشوف
نور : شافت المنظر تفجرت ضحك
هههههه حسسوني كأني انتحارية
شمس : اية ولله وقعدت تمشي وتجي ومشي وتجي شافت سيارة اياد من بعيد من الخوف
وو جت طففففف علي وجها طايحه
نور : حطت يدها علي فمها بصدمة
لاااياربي مستحيل
????
شمس : ناضت ونفضت روحها بخوف
سليمه سليمه
وقعدت حايسة في روحها
نور : خوفتيني ياكلبة نحسابك تكسرتي
خيرك تشقلبتي ..
شمس : انزلي يازفته خوي اياد شفته من بعيد
نور : قولي ولله
??
شمس : ولله غير انزلي وراسك
نور : دار روحها بطله جاية بتنقز وتجي طايحه
حتي هيا وقعدت تعيط
شمس : حيييي علمها
وربي تشقليبة فضيييعه يابنت منين جت الموهبه الفتاكة
نور : تعيط يااااكلبة الحقيني يدييييي
شمس : بخلعه
خير دعوتها يدك
نور : تبكي شكلها تكسرت
يابهيمة ساعديني
شمس : طنشت نور وتشوف في اياد جااي
من بعيد وشكله متغير
ينهاااري الما يقتلني
نور : وااااك يدي الحقوووني
شمس : سكر فمك فضحتيني
الله يفضحك
نور : تبكي بصوت العالي
وشمس خايفة من اياد
________________????
مهند : رجع للحوش بخيبة امل
كان يدور عليها ??? ..
خدي شن يبي من المكتب وطلع
من الحوش بكبره …
يتحلف فيها ومضايق من روحه كيف نسحر فيها
وفي جمالها الخادع …
الرئيس (جلال) : شن جبت الملفات
مهند : اية جبتهم وتأكدت ان الميتم عشرة علي عشرة
جلال : خلاص الفترة هادي اهتموا بيهم وبعد شهرين قسموهم علي حسب الخطة ..
مهند : ماشي تمام
جلال : حط يده علي كتف مهند عرفت من تكون ولا مزال …
مهند : بتفكير
لاسف مافيش اية اخبار من تكون
جلال : عندك يومين لو ماجبتش كل المعلومات
عليها رح تنسحب من منصبك …
مهند : طلع بغضب
جلال : قعمز علي كرسية بهيبة
الولد هذا ذكي زيني بزبط ويعجبني ذكائه
………..
طارق : بتوثر لاول مرة
وين امتي جيت
مهند : مش حاس علي نفسه
علاش ماقولتش لي بوي عليها ليش خفت ان يصيرلها شيء …
يمكن لانها خدامة الشباب احتراما ليهم
اية اكيد
طارق : شد كتف مهند …
وين سارح
مهند : فاق من شروده ..
سامحني كنت سرحان تبي شيء
طارق : ?
ياسبحان الله علي عمايل بوك وخبثه
انت ماطلعتش زيه ..
اية تعالي قعمز مع الشباب
مهند : ماشي. تمام
الشباب مقعمزين علي ناااار
علي خشت مهند و سلم عليهم …
طارق : قعمز ورتاح نسبيا
_ قولي بالله لقيت الملف بساهل
مهند : اية لقيته لكن عندكم خليقة شغاله
اعوذ بالله ..
طارق : بصدمة
شغااالة
مهند : بستغراب
اية شغالة الشقرة
امجد : اي اي ماهوا علي اساس اليوم عندها
اجازة هذا ليش طارق استغرب
طارق : بترقيعه
اية استغربت الحق
مهند : ههه اي اي
وقعد يحك في راسه ..
سيف : بفضول شن دارت فيك الشغالة
مسكينه الحق هادية وحساسة
مهند : فنص عيونه
عاااود شن قولت ماسمعتكش
تي هادي انسانة همجية ومتوحشة
امجد : قعد يبلع في ريقة
بخوف
_ علاش شن صار
مهند : قعد يحكي شن صار معاه
طارق : نحس فيك غالط
احني شغالتنا مسالمة
مهند : اني المسالم
وقعد يوري شن علمت عليه
ويحكي ويشكي وحالته حاله
خوتها مصدوووومين
وبقوة …
سيف : يفكر? مستحيل يحكي علي شمس
ههه يبصر هذا اختي شمس لي تخاف من ظلها
دير كل هادي العمايل السودة لاه لاه اكيد يخرط
مستحيل نصدق لن نشوف بعيني …
امجد : يحك في راسه بعباطة ومش قادر يستوعب
شيء ..
اما طارق يبتسم علي تصرفات شمس
??????????
عند شمس نزلت تحت لي نور وقعدت تخبط فيها سكري فمك يابغله الله لاتربحك
نور : تبكي وتعيط وتسب في نفس الوقت
شمس : خدت شنطت نور وطلعت
طرف شكولاته وحطتها في فم نور
نور : بدت تاكل وتبكي
????
شكله السكر هبط
???
اياد شاف شمس توجهالها بغضب
….
اياد : مخلوع …
شاف منظر نور طايحه وتبكي
شمس : تغير لونها …
قعدت تبكي وربي طاحت مش عارفة شن صارلها
نور : شافت اياد بدت تبكي بدلع
وترمش في عيونها منظرها تحفه مع وجها لي معبي تراب واشكولاته ملبزة وجها بمعني تخوف …
شمس : اياد بليز اسعف نور اكيد رح تموووت من الوجع
اياد : قعد يحك في عيونه مش مصدق لي قاعد يشوف فيه
بدون نقاش شال نور
وركبها السيارة
شمس : حطت يدها علي قلبها
شكلها عدت علي خير وركبت السيارة
اياد : شمس حبيبتي قوليلي مشيتي للحوش
شمس : تغير لونها من جديد
وقعدت ساكته وتشوف يمين يسار
اياد : بصوت حااد
شمس نكلم فيك ردي عليا
شمس : شافت للخلف
لقت نور مغمي عليها او بمعني دارت روحها مغمي عليها
قعدت تسب في نووور في سرها
_ اية كنت في الحوش
اياد : وشن صاار
شمس :
شن بصير تابعوني …
شمس كيف بتتصرف …
كيف رح تكون تصرفات خوتها معها في الجديد
وعلاش طارق مش مصدوم وبتسم
مهند كيف رح يتصرف هل رح
يخسر منصبه علي خاطرها وهوا ليه سنين يتمني يوصل للمنصب هذا …
خليكم معاي نحبكم
الكاتبة : ÉMåñ Ålbåshå