رواية اخت ولاد العصابة

الحلقة : 15 ….

من رواية : #اخت_ولاد_العصابة …

____________________????

علي : ماشاء الله علي شمس فاتت توقعاتي الحق
متوقعتها هكي نهائي

شريفة : تبي الحق حتي اني ماتوقعتش بنتي بشكل هذا راقيه متربيه افضل تربية ودلوعه و اسلوبها حلو ..

عبد القادر : اية ولله مشاءالله …

حميدة : نسختك ياشريفه هادي طبق الاصل
ماشاء الله …

__________________????

عند الشباب …

اياد : يعني غدوا الصبح رح يتنفذ كل شيء

طارق : اية الصبح ضروري ينتهي كل شيء

سيف : اية بس نبي ذقة شباب مهند مش ساكت نهائي …

امجد : اصلا شديته يعبي في راس الرئيس علينا
خلينا حريصين العين علينا راهووو

طارق : خلاص شباب هانت خليكم واثقين فيا زمن القتل والسفك كله رح ينتهي والميتم رح يرجع للحكومة من اول وجديد مش رح يتشردوا الاطفال زي باقي المياتم ..

سيف : تبي الحق مش راضي علي ان اطفال يصبحوا شحاتين ويتعدبوا وهما صغار بس كل شيء غصبنا عنا وفوق قدرتنا …

طارق : شباب اني توا مش رح نتكلم تمام بس خلوا كل شيء لغدوا …

الشباب : تمام …

اياد : شمس ضروري تكون معنا اليوم باش نخططوا لي غدوا …

طارق : ولا يهمك توا نكلمها ويصير خير …

_____________________????

في وسط الدروج

وفاء : تي اركبي يابايخة

ود : ببرادة
_ ههخخ مافيش ركوب

اسمهان : ههههههههه وربي مرضي هي

نرجس : تخبط في رتاج بدون سبب

جينان : ???
شن صارلكم يامصايب اركبوااا

رتاج : رقتلها ضربت نرجس بكس علي بطنها
نرجس تعيط زي العبيطة ..

شمس : تتفرج عليهم …

خلاص يابنات هيااا …

صوتهم عالي ودايرين دوشه مش طبيعية …

نور الدين : بصوت عالي ..

نجيكمممم

البنات كلهم بدو يتجارو ..

شمس : استغربت فيهم ..
هه الخوف يعيش ياكبدي عرفت نقطة ضغفكم
ولله ??

خشوا لدار يلي تعيط ويلي تضحك ويلي تهدرز
بمعني متشتاتين حووووسه بمعني الكلمة …

شمس : يااااابناااااات

الكل سكت ..

شمس : خلي كل وحدة تهدرز علي موقف صاير معها وفكونا من العياط راسي استك بجد …

رتاج : باهي اني نحكي علي موقف صار معاي ..

الكل يسمع …

ولله مرة ماشية للمول قولت ناخد شوية حاجات ناقصتني طلعت اني والكلبات هدوم …

طبعا اني سرحت وقعدت نتمشي ومش حاسة بالعالم الخارجي …

ونخش في هدكة الحيط ونجي طول في العرض اني خلااااص قريب نبكي من الاحراج ….

شمس : هههههههههه وووووه بطني وربي نكته يابنت ..

رتاج : زادت حماس ..

وبالك تحسابي التبن هدوم حسوا بيا ولا عدلوا عليا لااا تخطوني وكملوا طريقهم ومش هكي بس …

شفت الماي لوف سايح ضحك علي منظري …
وتختمت عليك يارتاج …

للعلم حاقدة عليكم يازفتات …

البنات : ?????

شمس : ميته ضحك عليها منظرها نكته
بجد …

البنات : ???

نرجس : هه بايخه للعلم …

_ خلي اني نحكي موقف صاير معاي

يابنات مره ماشية للكورس واول يوم ليا فيه …

المهم شفت خليقة طرررررف يابنات حي علمه حي يقربع تقربيع يابنات وربي سرق عقلاتي وقلباتي وتتكلم بطريقة مضحكه ..

الكل كاتم ضحكه علي منظرها كيف تتكلم تقول بتفتح جبهاا …

وتحمست الاخت اكثر وبدت تتكلم وتتحرك بعباطة ..

تصدقوا يابنات مش عارفه حتي كيف خشيت معاه لغرفة المدرسين …

هوا استغرب فيا قالي شن اديري اهني …

واني رديت بكل ثقة …

_ قتله نقرا زيني زيك ..

هوا شافلي بستغراب قالي انتي تقري اهني اهني
في الغرفة هادي …

واني بكل عباطة نهز في راسي بمعني اية ..

قالي انتي متاكدة تقري اهني …

اني قتله تي منا وين بنقرا
اية اهني وباش تصدق اني كل يوم نقعمز علي المقعد هدكة ..

نجلطت جلطت عمري لما قالي هادي الحجرة خاصة بالمدرسين فقط …

و طلع هدكة كرسية الخاص بيه ….

وربي يابنات اني من هدكة اليوم معدش قبلت غااادي من كثرة الاحراج …

الكل تفجر ضحك عليها ….

شمس : وتوا دوري …

وبدت تحكي علي مغامراتها الفتاكة والكل مستمتع
بالحكي ومنسجمين علي الاخير …

______________________?????

علاء : بدل ملابسة ونزل تحت …
يحب لمة العائلة …

وفعلا نزل تحت وقعد يهدرز …

ويدور بعيونه علي شمس ..
???

___________________??????

عند جلال …

مهند : خلاص يابوي اني حاسس ان الشباب هما لي
مهربينها صدقني …

جلال : رح نعطيهم وقت المهلة لو ملقوهاش رح نخلص عليهم كلهم اصلا خلاص استفدت منهم وحان وقت التغيير …

مهند : يشوف بشر ..

اية ضروري تخلص عليهم تخاف يخلصوا عليك انت وياخدو مكانك ومكانتك …

جلال : بعصبية وغضب ..
مافي حد يقدر ياخد منصبي حتي انت بنفسك مكاني ماتخداش الا بعد موتي ..

مهند : بشر وحقد …
بعيد الشر عليك بعد عمر طويل ..

جلال : ????

مهند : مرتاح ان بوه وثق فيه ومش رح يخلص عليه حتي لو مالقوش شمس …

حطها في راس الشباب ….

_________________________?????

عند البنات …

شمس : اتصل فونها …

استاذنت وطلعت ..

الووو يالحب ..

طارق : الو حبيبتي كيف حالك ..

شمس : الحمدلله ياقلبي وانت كيف حالك
ولله استحشتكم ???

طارق : ويشهد الله حتي احني ..

شمس : اتحفني شن صار

طارق : اليوم في لليل متأخر ضروري
تكوني عندنا ..

شمس : غالي والطلب رخيص ..
تم ياقلم هههه

طارق : خليك جاهزة ياقلبي تمام …

شمس : تمام ياقلبي …

سكرت الخط تشوف في ود تتسلل لي غرفة
علاء ..

شمس ولت ????
مشت تتسلل خلفها …

شافت ود حطت بكس شمس خشت في الحاشية
ود وطلعت تجري خايفة حد يشوفها ..

شمس : خشت الغرفه خدت البوكس
بين يدها ..

_______________????

عند العائلة تحت …

جمال : تبي من بكري نتصل بيك ياراجل …

علاء : تي وراسك شكله الفوق و علي الصامت
وقعد يقلب في روحه …

عبد القادر : تي ياجمال كليته ماكله

جمال : ماهوا يلوم ويقول مكش مدور اني قتله اتصلت بيك …

علاء : ههههههههه ياودي حقك عليا
خلي نجيب الفون ونجي ..

جمال : وشوف كم اتصال ..

علاء : ماتقصر ولله …

جمال : نعجبك هههههه

علي خشت فتحي مروح من الشغل …
وبدت الهدرزة الصح ….

___________________????

وجاية بتفتح البكس حست الباب نفتح وتسكر …

شمس : تمرعشت مع بعضها ومزالت وعطاته بظهر
ومعدش عرفت كيف تتصرف
..

علاء : بغضب مزيف …

_ من انتي و شن ديري اهني ..

شمس : شادة البكس ومغمضة عيونها …
يارب حلم يارب حلم حلم ..

علاء : جي قدامها شاف منظرها كيف مغمضة عيونها وتتكلم بعباطة …

ابتسم علي منظرها بس مثل علي اساس انه متعصب ولقطات يعني بس هوا مستمتع بالوضع …

شمس : فتحت عين وحده بس ..

_ انت حق يعني مش حلم تتكلم بطريقة تعجب
??

علاء : ترا قولي ولله ..

شمس : ??? ههه اي اي
بدت تنسحب للخلف بشوي بشوي تبي تمنع
??? ..

علاء : شد يدها علي وين ياحلوة وخدي البكس شكرا علي السبرايز وتوا يلا نورينا وأشر علي الباب ..

شمس : بغضب ..
لااااا بتاعي هذا حول ..

علاء : قتلك حولي وهاتي افضلك ..

شمس : اوك بس عندي اتفاق ..

علاء : شن هوا

شمس : نفتحوا البكس مع بعض
????

علاء : مافيش مشكلة فكرة حلوة ..

_ وفتح البكس بخبث …

لقي ساعة راقية بمعني الكلمة ذوقك حلوو هلبا للعلم ..

وشاف كرت ???
اوووو في حتي كلام حلوو قداش مااني محظوظ

شمس : ماعدلتش علي الساعة عينها علي الكرت
بس بتموت وتعرف شن مكتوب فيه …

????

علاء : بخبث وا ستفزاز يقرا بصوت عاالي وبطريقة مستفزة ..

عشقي لك لم يكن خياراً بل قدرا رايت نفسي اقع به دون تفكير مسبق احببتك واحببت كل مايتعلق بك

شمس : تبلع في ريقها بتوثر وتحك في راسها بعباطة …

علاء : شاف توثرها فرح ??? …
يكمل بكل وقاحة ..

اذا كنت تريد سعادتي فهي مختصره بجانبك حبيبي
احبك حد الموت ….

شمس :قعد تشوف لكل شيء لي عيونه
والحكاية عندها خاشة بعضها دب دب دب ..

وتسب في روحها حد الجلدة

علاء : سكر الكرت بمكرررر …

ماشاء الله شاعره طلعتي وتكبتي في خواطر وحب وغرام عارف روحي حبوب بس ..

شمس : قطعت عليه الكلام بصوت حاااد

للعلم اصحي مش ليك البكس راهوو
وجاية بتطلع بغضب ??? …

تبي تهرب البنت ???

علاء : شد يدها نونونو مافيش طلوع ..
وبعدين قوليلي كيف عرفتي روحك تحبيني هاااا

شمس : توثرة زيادة ..
ومن ن قال ان ني نحب ب ك هااا

علاء : قرب اكثر ..
توثرك دقات قلبك غيرتك عليا برغم البكس مش ليك
وقلتي ليك هذا كله شن يفسر هااا

شمس : بصدمة
وكيف عرفت ان البكس مش ليا هاا

علاء : قرب منها اكثر ..
لانه مكتوب من تحت اسم حبيبتي ود ..

شمس : توثرت هلبا بس سمعت اسم حبيبتي فصلت ودفاته بغضب …

انحرق انت وحبيتك اصلا شن دخلي فيك اني
واني مانحبكش نكرهك وطلعت وهيا قريب تبكي

علاء : تفجر ضحك عليها …

قعمز و خلخل شعره بفرحه …
مجنونه البنت هادي وبتجنني معها …

طبعا مافيش اسم ود في الكرت بس علاء شاف كل شيء صار ???? …

وحب يحرج شمس ..

_______________________?????

شمس : خشت لدارها وهيا في اشد غضبها …
تعيط زي المجنونه وتضرب في الدنيا كلها تيروات وبكسات الاخت عايشة الدور ??? …

وبعد وقت اتصلت ب نور …

نور : الوووو ياقاطعه

شمس : امس كنت نكلم فيك اما قاطعه بتاعك هادي
???

نور : ههههه سوري حبي غير استاحشتك بس
اعصابك حبي ??

شمس : سكري فمك وللعلم حتي اني ولله استحشتك ..

حبي بنسألك سؤال غريب ..

نور : اسألي ياقلبي ..

شمس : كيف تعرفي روحك تحبي ..

نور : امممم
مثلا كل ماتشوفي دقات قلبك تزيد تقعدى تفكري فيه تتخيلي فيه في مخيلتك احلامك تفرحي لي فرحه وتزعلي علي زعله لما يقرب منك توثري بشكل كبير والكلام يهرب تغاري عليه واية …

شمس : قصدك هذا مش شعور الخوف

نور : خوف شنو ياغبية هههههههه
ياعليك هبلة مش عارفه تميزي بين الحب والخوف

شمس : تحك في راسها بعباطة
مش عارفه الحق

نور : ههههههه جاب ربي ماسمعك حد غيري
يابنت ..

????

شمس : رقتلها ???
درقي وجهك هي

نور : جاية بتتكلم
شمس سكرت الخط في وجها ….
???

شمس : ناضت ياويلك ياشمس وطحتي في الفخ
اخخخخ ياقلبي مالقيت ماتحب الا هذا اللزج …

ضروري ننتقم منه بس مش توا
??????

تحساب سرقت قلبي ساهلة توا نوريك اني …

وبعدين قعمزت علي سريرها …
اخخخخ محلي طرحته اليوم افففف خلي انوض للبنات افضل ….

وفعلا مشت للبنات تهدرز معاهم …

______________________????

الكل علي سفرة العشي …

شمس : تشوف في نظارات ود لي علاء
رقتلها????

لان العم علاء يشوف لي ود ويبتسم ..
وود مش مقصره ..

شمس بحقدد
ردست ود علي رجلها بغللللل …

ود : ناضت تعيط وتبكي بدلع ..

شمس : ????
بدون قصد حبي …

جينان : تضحك عليهم لانه ملاحظة كل شيء من البداية …

علاء : نصدممم
???

وبعدين مشت الامور علي خير …
الكل غير جوه وروح وتعرفوا علي شمس وحبوها علي الاخير ….

بس في لمعة حزن في عيونهم علاش ياترا
????

الكل ركب غرفته …

علاء : حدف روحه علي السرير شم ريحة برفانه قوية علي الاخير ….

فنص عيونه وناض بخلعه ويلي كان متوقعه فعلا صح ….

___________________????

شمس : توتي في روحها ولبست بلاك في بلاك
ورتبت نفسها وحطت شنطتها علي جنب ..

وقعمزت تبتسم برضي وتتخايل في منظر علاء
كيف رح تكون ردة فعله الصبح …

اتصل بيها طارق …

__________________________????

علاء : طلع من غرفته بغضبببببببب
ويتحلف فيهاااا برفانه الغالي والنادر كسراته

????????

شن بصير تابعوني ….

هل علاء رح يكشف سرررر شمس ..

توقعاتكم حبايبي …

الكاتبة : ÉMåñ Ålbåshå

???