رواية اخت ولاد العصابة

الحلقة : 13 …

من رواية : #اخت_ولاد_العصابة …

إيمان الباشا …

_______________________???

جينان : نزلت بغضب من السيارة …

شمس : استني …

جينان : تلفتت بكره شن تبي مني

شمس : مدت الشنطة هادي شنطك
ياريت اكراماً منك تشوفي شن فيها الشنطة
يااختي ???

ومشت وخلتها ..

جينان : علاش حسيت روحي سيئة معها وشن قصدها بكلامها …

عموما مايهمش ومشت خشت وركبت لغرفتها
بدون حرف زيادة …

فتحت فونها لقت هلبا اتصالات من علاء ضربت جبهتها بطريقة عبيطة ولله نسينه …

وتصلت بيه …

علاء : بصوت عالي وين ياشيخه حتي الناس روحت من بكري ولفيت الدنيا ومكش مبينه ..

جينان : قصدك كنت تستنا
???

علاء : اكيد لا مشيت وجيت وين انتي
يااخت ..

جينان : اني حاليا في الحوش روحت مع شمس

علاء : شنووو وعلاش ماتكلمتيش من البداية
الزفتتتت …

جينان : نسيت ولله سوري مش قصدي وربي ..

علاء : سكر الخط في وجها

جينان : كله من الزفته جرتها خربتلي حياتي مع الكل ياريتك مايجتي والا شفت وجهك ..

استفر الله شن قاعدة نقول اني ..
مهما گان مفروض مانقولش هكي اففففف

خشت الحمام خدت دوش وطلعت ايييي نسيت
خلي نطمن علي نورهان اني خايفة السوسة هادي دايرة في البنت مصيبة …

اففففف فوني هذا مافيشي رصيد ياعليك حالة
خلي نطلع فوني التاني ….

شدت شنطتها ….

شمس : خشت دون سابق انذار
هاااي …

جينان : شافت شمس …

رقتلها ??
انتي ياوسخه شن دخلك لي داري هااا
اطلعي اقلبي وجهك ..

شمس : مخنوقة بس تتداعي بالقوي
رح تندمي علي كلامك ..

جينان : مانقصني الا انتي يلا يلا اطلعي برا

شمس : رح تحتاجيني ومش رح نكون جنبك

جينان : ههههههه
وربي انك مريضة وشكلك واخده ف روحك مقلب ياماما ويلا شرفينا بطلوعك …

شمس :اوكي سلام
وطلعت مسحت دمعها وجعها كلام اختها …
الحق فيا جاية نطمن عليك اصلا اني الغبيه ..

علاء : جاي وهوا
????

شمس : قعدت تتمشي بحزن
وعندها نية تبكي منننن الصميم وشادة دموعها بسيف علي سبلة هيا ???

علاء : قام عينه شافها ظلمت قدامه ..
?????

شمس : مكلمه طريق وفتاته …

علاء : لحقها …

شمس : مش مع العالم الخارجي نهائي

علاء : شدها من يدها ودفها انتي لي وين حابة توصلي بزبط هاااا ..

شمس : قامت عيونها ومعبيات دموووع
وخشمها احمر فكها يتحرك دليل علي انها شاده روحها بسيف ..

علاء : شاف منظرها طار الكلام وقعد يبلع في ريقة ومسبوه فيها …

شمس : حضاته بدون سابق انذار وفجرت بكي ..

علاء : نصدم في البداية لكن بعدين قطعت قلبه ببكاها يلي واضح من القلب …

شمس : حست علي روحها …
تأسفت ومشت تجري خشت لي غرفتها ..

علاء : مش حاسس بروحه نهائي
متخدر الاخ …

?????

عند جينان ..

جينان : اففففف انسانة لاتطاق نهائي ..
تقول ماعندهاش كرامه استغفرالله تخليك تقولي الفاظ مش حلوة ….

اية خلي نكلم نورهان …
فتحت شنطتها شافت كاميرا فتحت …
فتحت علي الفيديوهات …

وبدت تتلقي في الصدمات …

___________________????

عند الشباب …

سيف : سلام ياقوم

طارق : جيت في وقتك تعالي نبوك

سيف : بستغراب
_ ان شاءالله خير

اياد : مافي خير غير تعالي

سيف : بلع ريقه شكلها مصيبة من المناظر ماشاءالله

امجد : المهم تعالي

طارق : اني رح نحط خطة ونبي الكل يمشي عليها وبدون غلطة تمام

اياد : تمام ..

طارق : ………..
شن رايكم شباب

اياد : لالا اني رافض تماما

امجد : بتفكير …
موافق ..

سيف : ابتسم علي جنب ..
واني موافق

طارق : اياد صدقني شمس اقوي من الكل

اياد : عطيت راي وطلع
نمووت افضل

طارق : واني مستحيل نخلي خوي يموت
لو علي حساب نفسي واضح كلامي ..

اياد : واضح ياخوي
وطلع …..

طارق : اني لا يمكن نخسر حد فيكم

_________________???

جلال : انت هكي تقول

مهند : بخبث اية هكي نقول عندي احساس
البنت يعرفوها الشباب وخلفهم سر كبير ..

انت جرب وشوف ..

جلال : يحط فب لحية بتفكير ..

? زعما يعرفوا السر لالا مافي حد يعرف السر الا مأمون ومات من امتي هوا صغير او بمعني اني خلصت عليه يعني مات ومات سري معاه …

(مأمون )لي خطف شمس من امها وربها مع الشباب
كان تدكروا في الحلقات لي فاتوا لكن ماذكرتش اسمه ذكرت انه عضوا بس …

هوا فعلا انصاب في المهمه واغمي عليه بسبب خسرانه لدم بشكل كبير بس تم اسعافه …

لكن جلال ورماه في المكب باش مايفضحش اية سر من اسراره ونشر خبر موته ..

وهكي الكل يحساب ان مأمون مات حق ..

___________________???

علاء : قعمز في مكتبة بغضب من نفسة …
حط يده بين راسة ياربي البنت هادي شن دارت فيا امتصت كل غضبي في لحظة خلتني اسير بين ايدها ولله ماكي ساهلة يابنت العم ….

و قعد سرحان في خياله صورة شمس كيف تبكي بين عيونه وريحة برفانها القوي والمميز نوع البرفان فريد وحاجة راقية وانوثتها القاتلة …

الاخ ذاااب ودوبني الغرام ..
???

بعدين نفض الافكار من راسة بغضب وقعد يتمتم بينه وبين نفسه ….

اني شن قاعد ندير في عمري تي هادي شيطانية
بشرية من بعد لي شفته مستحيل ننعجب بيها وقعد يبتسم لي ذكرة يوم الملاهي وخش في عالمة الخيالي من اول وجديد …

حس بنفسة لو بيقعد علي نفس الوضع رح يمشي اسير بين يديها قرر يمشي يرقد ويهرب من الواقع
لي قاعد عايش فيه ….

وفعلا خش رقد طووول …

________________________????

شمس : خشت للحمام غسلت وجها ..
وبدلت ملابسها ونزلت تحت ..

شريفة : تشرب في الكافي ..

شمس : بصحه يارب ..

شريفة : حطت المجلة الله يسلمك يابنتي
شن اخبارك ياحلوووه ..

شمس : الحمد الله ..
احكيلي علي نظام العائلة عمامي عماتي ..

شريفة : يابنتي ولله بنسبة لاعمام ..
عندك عم واحد بس وتوفي هوا وزوجته من 10 سنين فاتوا يلي هوا اب علاء …

عمات عندك عمتين مسافرات للخارج وحدة مقيمة في الاردن والتانية في كندا …

بنسبة لي خالاتك ..

عندك (4) خالات واليوم جاين مع المغرب …
ورح تتعرفي عليهم ..

وعندك زوز خوال حتي هما جاين ..

اما بنسبة لي نظام العائلة تصرفي زي ماتحبي لان مافيش نظام اجباري …

وشي الاهم حابة نسألك يابنتي ..
في لحظات حاسة نفسك تضايقي او تتوجعي
من شيء …

شمس : اية فعلا نضايق احيانا واكثر من مرة نلقي في كدماات في جسمي ونمشي لدكتور ويسأل فيا هل عندي توم ام لا …

شريفة : حضنت شمس …
ياقلببي تحسوا علي بعضكم وقعدت تبكي ..

شمس : بفرحة يعني نفهم من كلامك عندي توأم

شريفة : هزت رايها بمعني اية ..

شمس : بنت ام ولد

شريفة : ببتسامة
اخ عندك اخ يشبة لي بوك يعني مش نفس شكلك …

شمس : تحط ف راسها اني وانتي بس الشقر شكلنا
???

شريفة : الواضح هكي ..
ههههههه

________________???

علاء : مقدرش يرقد نهائي …
قعد يتقلب علي السرير بمللل …

في الاخير نااااض …
شمس استولت علي كل خيالة تعوذ من الشيطان وناض لبس ونزل تحت ويسبسب في شمس ويلعن وحالته حاااله ….

????????

شريفة :
احكيلي يابنتي انتي حبيتي من قبل هل خشيتي في علاقة احكيلي علي حياتك العاطفية ..

شمس : تبي الحق ..
لا اني مانحبش الشباب ولا عمري حبيتهم ..
بس حاليا حاسة روحي معجبة بشخص ..

شريفة : هل نعرفه اني ..

شمس : هزت راسها بمعني لا
لاسف ماتعرفيشي …

شريفة : جت بتتكلم

علاء : طربق الباب بغضب ..

شمس : من خبط الباب بطريقة هادي ..

شريفة : مدوريش المهم قوليلي ..
من عيلة مني …

شمس : امي خليها مرة تانية لاني مانعرف عليه شي
بس لي نعرفه انه شخصية كرتونية ???

شريفة : يعني تلعبي بيا يابنت
هههههههه

شمس : قامت كتفها قولت نجرب الشعور شوي
???

شريفة : ????
طلعتي مش هوينة يابنت

شمس : معقولة ياماما
????

شريفة : حضنت شمس
ربي مايحرمنى منك ياقلب امك ..

شمس : امتي بنشوف تومي

شريفة : احتمال حصل حجز غدوا
مش معروف لان ..

شمس : هوا وين اصلا

شريفة : في كندا مع عمته يسكن

شمس : اهااا

وشدوها هدرزة عادية …

_______?????

جينان : تبكي ومنهارة …

اني كنت سيئة مع اختي وهيا تحمي من اسواء ماخلق ربي ..

كانت كويسة معاي وتحبني واني قسيت عليها اني مفروض نكون القدوة المثال الاعلي بس شن شافت مني غير الذل …

ولا يارته هكي كريم لي حبيته وسلمته قلبي ضحك عليا بأسم الحب و عشمني بزواج طلع نذل وقدر ودمر هلبا بنات وحرق قلبهم الله يحرق قلبه …

قعدت تضرب علي صدرها بقهر …

صديقتي لي حبيتها زي نفسي وفضلتها علي خواتي طلعت مسترخصتني علي خاطر الفلوس علي خاطر وسخ الدنيا واني زي الغبية نجرح في اختي لحمي ودمي لي حمتني منهم ومن خبثهم واني نحسابها ظالمة بس اني لي طلعت ظالمة في حق نفسي واختي وعيلتي …

وقعدت تبكي وتلوم في نفسها علي شن دارت في اختها وفي حق نفسها …

وقعدت تلوم فب نفسها علي انها سلمت قلبها لانسان الغلط ..

لامت نفسها كيف وثقة في بنت رخيصه اكثر من اختها ???

_________________????

علاء : طلع بغضب …
طلعت الاخت تحب وتتمعشق واني حارق روحي ومش قادر نرقد وليلتي حرفه …

لكن وربي ياشمس الما نوريك في الجديد انيييي تحرقي قلبي ولا ياريته هكي بس تتحدي فيا وبتربيني ولله ياشمس يابنت عمي الطاهر الما تشوفي ايام حرفه علي راسك وتوا نوريك …

وقعد يرحي مع بعضه …

????
مسكين ولله

__________________???

طارق : اني بنكلم شمس ونحكيلها علي الخطة واكيد مش رح ترفض

الشباب : اوك

طارق : ??

??????

شمس : شافت الاتصال ..
بعد اذنك ياغالية ممكن شوي

شريفة : خودي راحتك يابنتي

شمس : تمام سلام توا
وركبت الفوق …

الوووو

طارق : اهلين شموستي شن دايرة

شمس : تمام ياقلبي وانت شن داير

طارق : ولله اهوا بنحكيلك ياشمس

شمس : شن صاير ..

طارق :

??????????

شن بصير تابعوني ….

شن بيقول طارق لي شمس ..

وشمس شن بتكون ردة فعلها ??

وعلاء كيف رح يتعامل مع شمس في الجديد

وهل شمس رح تتقبل خالاتها ولالا ..

جينان كيف بصير فيها
?????

خليكم معاي سهرت علي خاطركم لي كلمتوني خاص
نبي فوق 500 تعليق …

الكاتبة : ÉMåñ Ålbåshå

#توأم_الروايات …