أحببت عدوي
الحلقة 9
وصلت الساعة 12
ومشي رواد لدينا لكن قبل الكلام هوا بحوالي 5 ساعات
كان رواد في شقته وهو يجهز في شنطته وكان معاه صديقــه وخوه يوسف
يوسف/ الي يشوفك كيف فرحان وتغني يقول مسافر شهر عسل
رواد/ تسهوك يا جو ولا يهمك جوي مليح وما خطريش في عركة
يوسف/ ههه ان شاء الله دوم يا صاحبي
رواد/ تعرف فرحان لاني بنسافر معاها كل مانتفكر كيف كانت علاقتنا في الاول والكره الي كان في قلبي تجهاها نحير ونستغرب ونشك في نفسي أني اني حبيتها
يوسف/ مافي شي مستحيل يا صاحبي الحب زي السحر لما يحصل فيه الشخص مستحيل يقدر ينساه
رواد/ صح كلامــك لكت مش مستعد حالياً اني نقوللها
يوسف/ علاش ؟ شن تراجي يا رواد
رواد/ نبي نزيد نتقرب منها ونعرف مشاعرها قبل
يوسف/ تعرفني فاشل في موضوع الحب اسمع جعت اني
رواد/ باهي هي امشي للمطبخ خلي نديروا باستا
يوسف/ هي مشينا
توا خل نرجعوا للساعة 12
وصـــل الأمير رواد قدام حوش دينا ورن عليها
شافت الرنة قعدت زي المجنونــــة تجري نزلت بسرعة البرق
وقبل متوصل للباب دارت تشك في المرايا علي روحها وجمعت قوتها وفتحت الباب الحوش ولقاته مدرس السيارة ونازل واقف قدام باب ويراجي فيها كان لابس سروال جينز وقميص دجينز طالع طرفوش مطرفش
وهي كانت لابسة سروال دجينز وبلوزة وفوقهم جاكيت وطالعة طرفوشة ومش حاطة مايك اب شوية كحل وروج وردي خفيف
كل متقرب قلبها يدق
لحد موصلت
رواد/ مساء الخير
دينا/ مساء النور
رواد/ الكاجوال طالع عليك احلي من الرسمي
دينا/ بخجل تسلم من ذوقك
رواد/ الله يسلمك هي نمشوا
دينا/ اوكي وركبت في السيارة
ومشوا
رواد/ بالك تبي تسمعي شي في ال FM
دينا/ عادي زي ماتحب
رواد/ شغليها حطي MBC .FM
وحطت دينا علي القناة وتطلعلها
عايشه حالة حب معاك واخداني
وصعب انها تتكرر تاني
وبعيشها لو انت بعيد او قدامي
واخيرا الايام رضيو عليا
اخيرا جه يا حبيبي يوم ليا
ارتاح من قسوة ايامي
سيبني اسرح فيك شويه .. وانسي ايام ضاعو مني
نفسي عمري يعدي بيا وانت بعينيك دول حاضني
وانا جنبك شايفه منك حاجه من ريحة ابويا
حب الدنيا دي جواك ومعاك .. شايفه حنية أخويا
وانت هنا معايا .. بدعي من جوايا
تجمعني الايام بيك .. ربنا يقبل دعايا
عايشه حالة حب معاك واخداني
وصعب انها تتكرر تاني
وبعيشها لو انت بعيد او قدامي
واخيرا الايام رضيو عليا
اخيرا جه يا حبيبي يوم ليا
ارتاح من قسوة ايامي
كل يوم بينك وبيني .. مش هيبقي يوم وعدى
بكره يجي وتلاقيني .. نفس احساس النهارده
من هنا ورايح سنيني .. ناويه اعيشهالك بحالها
وانا صعب سنيني فى يوم تتعاش ..
غير لإنسان يستاهلها
وانت هنا معايا .. بدعي من جوايا
تجمعني الايام بيك .. ربنا يقبل دعايا
رواد/ اخ منها اليسا تضرب ع الوتر الحساس
دينا/اي نحبها اني
رواد/ حتي اني
دينا/انت شنو
رواد/ اني اني حي وصلنا ومحسيتش بالطريق هي انزلي هني وشوية ندرس السيارة ونجيك
دينا/ اوكي
نزلت دينا وخشت للمطار طبعا الطيارة مزال عليها حوالي 3 ساعات
ولما دينا خشت وقعمزت في صالة الإنتظار جي وقف عليها
سومر /هلا بدينا كيف حالك وين عاش من شافك
دينا/ سومر شن دير هني؟
سومر/ مسافر شن شن ندير انتي وينك مغطسة لا سلام وكلام
دينا/ اها مفروض اني نسأل عليك بعــد الي درته كله
سومر/ دينا متكبريش الموضوع هو اصلا تافه فات
دينا/ به توا شن تبي مني
سومر / تعالي ناخدوا كافيه ونحكوا شوية
دينا/ اسفة منقدرش مش مسافرة بروحي اني في معاي حد
سومر/ وين في شنطتك منشوفش في حد معاك
رواد/ جاي من بعيد وشاف دينا واقفة مع واحد الدم ركب لرأسه لكن خلي روحه عادي مش متصيرش مشكلة
رواد/ ايوا يا شيخ الشباب تفضل اي خدمة
سومر/من حضرتك انت بدون مأخدة
دينا/ هذا رواد مدي
رواد/ حبيبها وقريبا خطيبها
دينا/ 
مصدومة
سومر/ مبروك يا دينا وكان عزمتينا بس راهو وله عندنا علم
ومشي سومر
رواد/ منو هذا وهو حامق وعيونه شرار
دينا/هذا هذا سومر صديق قديم
رواد/ عارف سومر وعارف انه معرفة قديمة بس من يكون
دينا/ كان حبيب بنت خالتي وسيبها
رواد/اها هكي صار به علاش سيبها
دينا/ قصة طويلة تو نحكيلك مرة تانية وشكرا انك كذبت وقلت انك خطيبي
رواد/لا عادي ولا يهمك كنت نسحابه يعاكس او موضوع اخطر من هكي وانتي امانة في رقبتي ومسؤولة مني
دينا/ بجد شكرا رواد
رواد/ خلاص حسستيني اني سوبر مان ونقدتك من الدور العاشر
دينا/ هههههههه
رواد/ ربي ما يحرمني من هالضحكة
دينا/ تلكمست اه شكرا سلمك اني عطشت بنمشي نأخد ميه
رواد/ اوكي جاي معاك مش رح نسيبك ح نكون زي ظلك
دينا/ ابتسمتله ومردتش ولا كلــمة
فاتت ساعات وهما يستنوا في موعد الطيارة
وركبوا في الطيارة
المضيفة/ الرجاء من الركاب ربط حزام الامــان
رواد/ اربطي الحزام يا بنت خير ما طيري
دينا/هههه اربطه تعرف عندي فوبيا من الطيارات منحبهمش نفوت في الرحلة كــلها نوم
رواد/ اوو نومتك طويلة المرة هيا لانها سنغافورة مش ابو ظبي
دينا/ اي سنغافورة لازم تفكرني
رواد/ متخافيش اني معاك ومسكلها يدها
دينا/ اه في مجلة خل نقراها طبعا ردة فعلها لانها تحشمت
دقايق والطيارة طارت
ومافتش نص ساعة الإ وكانت دينا راقدة وواخدها النوم
اما رواد كان يتأمل في دينا
وبعد تأمل طويل خداه النوم
فاقت دينا ولقت روحها راقدة ع كتف رواد واستغربت انها لقت رواد نايض ومستمر فتأمله
رواد/ صباح الخير
دينا/ صباح النور اسفة رقدت عليك سامحني وكلها خجل
رواد/ لا عادي ولا يهمك اصلا حتي اني رقدت عليك لكن انتي محسيتيش بيا
دينا/ قداش مزال مش نوصلو؟
رواد/ حاجة نص ساعة نوصلوا ونكملوا الإجراءت ونمشوا للهوتيل نرتاحوا لان الحمد لله المؤتمر مش اليوم غدوة
دينا/ اي الحمد لله
رواد/اي شن يبي الحلو يفطر
دينا/ لا شكرا منبي شي
رواد/ اوكي ع راحتك
وفاتت نص ساعة ونزلت الطيارة
ومن المطار طول للهوتيل