أحببت عدوي
الحلقة 11
وخش كل واحد فيـهم لغرفته
خشت دينا وسكرت الباب وقفت عليه وشدت تليفونها وغمضت عيونها وضحكت ومشت تجري تلوحت علي السرير وبعدها ناضت شافت روحها في المرايا وقعدت تغني
أول مرة تحب يا قلبي *** واول يوم اتهنى
يام علي نار الحب قالولي ولقيتها ***من الجنة اول مرة أول مرة
أما رواد خش لداره وهو يضحك وقف علي الروشن وقعد يتأمل في المنظر الي تحته وفكر شوية في دينا وضحك ضحكة بسيطة وحط يده في شعره وقعمز علي طرف السرير وحك لحيته متاع يفكر انه
دينا قاعدة منسجمة وتغني وشوية يرن فونها شافت الاسم عيونها ولو قلوب قلوب
رواد/ رقدتي؟
دينا/ هاء وانت؟
رواد/لا عجبك حصلنا تهزيب من الموظف بسببك
دينا/ شنو بسببي لا انت الغالط
رواد/ انتي الغالطة قعدتي واقفة مش اني
دينا/ والله من الي قال تصبحي ع خير
رواد/ اني مش غالط
دينا/ به ملا تصبح ع خير وهيا حامقة سكرت عليه
اووف شن هالمخلوق ياربي كيف حبيته اني
رواد مفلوق بالضحك عليها
خش للحمام بيدوش
دينا قاعدة ملوحة ع سرير وضاربها الكساد تقلب في الفيس وبعدين خطرت ع بالها رؤياء قالت خل نتصل بيها
طوووط طووط
دينا/ هلا روري كيف حالك؟
رؤياء/تمام كيف حالك انتي
دينا/ اني بخير تعرفي جو مش عادي وقعدت تحكيلها ورؤياء تسمع وتضحك
رؤياء/ اخ منك لما قتلك مصدقتيش
دينا/ تعرفي روري والله ماكنت نتخايل اني في يوم حنحب رواد ولا اصلا كنت تخايل اني نتقبله ولا ننعجب بيه
رؤياء/عارفة بس مش مرة تانية تسمعي كلامي
دينا/ ههه حاضر بس توا حامقة منه اتصل بيا درنا عركة وسكرت
رؤياء/ لحقتوا تتفاهموا مش تتعاركوا يا ساتر
دينا/ اي عصر السرعة يابنتي كل شي بسرعة المهم تعرفي كيف سألني ع سومر خفت نقوله الحق
رؤياء/ انتي غالطة مفروض قلتيله
دينا/ لا يا رؤياء هو اصلا معترفش انه يحبني ولا لا وعلاش نقوله اصلا سومر قصة وفاتت والحلو في موضوع توا ان سومر مفكر رواد خطيبي
رؤياء/ بس موقف رواد يدل ع انه يحبك لان مفيش سبب يخليه يقول انه خطيبك
دينا/ زعما يا روري يكون بجد يحبني يارب يكون هكي
رؤياء/اكيد ياعمري تصرفاته كلها تقول هكي متخافيش
دينا/ ان شاء الله روري شوية بس الباب اكيد روم سيرفس مع اني مطلبت شي خليك ع خط
مشت دينا بتفتح الباب وتلاقاه
دينا/ شن جاي مش نكملو العركة؟
رواد/ اســف وهلبا وحقك عليا
دينا/ ابتسامة تقتل قتله سامحتك سامحتك بقلبي الكبير
راد/ يقبر قلبي هالقلب الحنون
دينا/ متحشمة بعيد الشر عليك
رواد/الحق مجانيش النوم وانت زعلانة واصلا حبيت نقولك اني درت فيك مقلب ونرفزتك وخليت تحمقي وتسكري الخط
دينا/ اوووف منك بجد انك
رواد/اني شنو
دينا -في خاطرها انك عسل ونحبــك بس لازم ترزن شوية وقتله
انك انسان خلوق وطيب
رواد/ شنو طيب وخلوق بس
دينا/ اي بس شنو تاني؟
رواد/لا سلامتك وشكرا ع رفع المعنويات اخجلتي تواضع حضرتنا
دينا/هههه نحن في الخدمة
رواد/ به تو خل نمشي نرقد لان شوي وصاحبنا يجي يعلقني فلقة سلام نتلاقو غدوة
دينا/ تصبح علي خير في حفظ الله
رواد/ وانتي من اهل الخير يا عسل ومعاها غمزة ^*
خشت البيبي دينا تجري وتزروك وطبعا يسمع فيها الامير رواد ومفلوق بالضحك عليها تلوح ع السرير وغمض عيونه وقعد يتخايل في عيون دينا
وهي مشت تجري تحكي لرؤياء وقعدوا يهدرزوا شويات وبعدها دينا رقدت
تاني يوم الصبح
ناضوا ابطال روايتنا وكلهم نشاط وحيوية رواد لبس بدلته الرسمية وتانق وطلع
والاميرة دينا لبست تيورها وتانقت وطلعت
وتلاقوا في الاسنسير
رواد/ هلا صباح العســل
دينا/صباح الخير
رواد/ الاوراق جاهزة؟
دينا/ كل شي تمام متخافش
رواد/ واثق فيك
دينا/شكرا ع ثقة وابتسمت
وقف الاسنسير وطلعوا منـه وركبوا في التاكسي وانطلقوا لهوتيل الي منقعد فيه المؤتمر
وصلوا وكانت القاعة زحمة المؤتمر كان فيه من كل البلدان والشركات ممثلين اقتصادين ع سياسين ع رجال اعمال علي خبراء
بدي المؤتمر وانقعد وحكوا علي خطط المستقبلية وخارطت الطرق والتنمية الاقتصادية الي ح تكون خلال السنوات الجاية الي حتشمل اسيا والشرق الاوسط
فاتوا ساعات وانتهي المؤتمر وكان مؤتمر مهم جدا واستفادوا منه الزوز
دينا/ اخ تعبت من كتر ماسجلت ملاحظات
رواد/ اي وحتي اني بس استفدنا منه هلباا
دينا /أكيد وان شاء الله التقارير تعجب السيد حسان
رواد/ اكيد متخافيش انتي دائما متقنه ومتفانية في عملك
دينا/شــــكرا ليك كلامك شهادة ليا ونعتز بيها
رواد /ولو هذا من دواعي سرورنا دينا شن رأيك اليوم نتعشوا مع بعض بما ان غدوة مسافرين
دينا/مافيش مانع حتي امس كنا مع بعض ويوم فات حلو
رواد/ كان احلي يوم في حياتي معناها جهزي نفسك مع الساعة 7 نطلعوا
دينا/ اوكي
وصولوا للفندق وركب كل واحد فيهم وخشوا لغرفاتهم ورقدوا
وبعد ساعات ناضوا الزوز وجهزوا نفسهم وجت الساعة 7 طلع رواد من حجرته ومشي لحجرة دينا وطقط الباب فتحتله دينا
وكانت