أحببت عدوي

محتويات المقالة

أحببت عدوي
الحلقة 10
ومن المطار طول للهوتيل

وصلوا وخوا غرفتين انفراديات 
رواد / كرت غرفتك تفضلي

دينا/ قداش رقمها ؟

رواد/ 540 واني 541 جنبك علي طول

دينا/ اوكي هكي احسن قصدي علي خاطر شغل وهكي

رواد/ هههه فاهم قصدك شنو

دينا/ اي به توا بعد اذنكبنركب نرتاح شوية

رواد/ اوكي اذنك معاك

مشت دينا وهي تتمني رواد يقولها اي كلمة بس تتلفت وتشوفه

رواد/ ديــنا شن عندك مع الساعة 7 في الليل

دينا/ تلفتت والإبتسامة هكي كبرها وقتله. ماعندي شي علاش خير في حاجة

رواد/ لالاكل الخير شن رأيك نطلعوا نتمشوا شوية ونتعشوا برة

دينا/ اوكي خلاص نتلاقوا مع 7

رواد/ تمام مع 7 ركبت دينا السنسير ورواد وقف وهو يشوفلها حط ايديه في جيوبه وتنهد تنهيدة واحد

وشوية وركب رواد وكل واحد فيهم خدي دوووش ورقدوا ومافقوش الإ والساعة كانت 6.30 ناضوااا بسرعـــــــة وبدلوا وجهز رواد نفسه وطلع من غرفته ومشي لدينا طقطق عليها هي خدت شهيق وزفيـــر وفتحت الباب

رواد/ يشوفلها ومبتسم
وهي متحشمة

رواد/ هي ننزلوا

دينا/ اوكي

ونزلوا مش يتعشوا

رواد/ مش راح نتعشوا هني نتعشوا برة اوكي

دينا/ اوكي كيد في مطاعم راقية برة وحلوة

رواد/ لا يا سنيوريتا اليوم مش راح تعيش دينا الأرستقراطية اليوم خلي نفسك عادية

دينا/ بس اني مش ارستقراطية ولا متعجرفة

رواد/ تمام تمام اسف بس حاولي ليوم واحد تعيشي حياة بسيطة

دينا/ تمام به وين بنمشوا
رواد/ اهو في مطعم هني شوية ونوصلوا

وبعد 10 دقايق وصلوا

دينا/ مطعم همبرغر

رواد/ اي همبرغر معمركش كليتيه

دينا/ لالا واكلاته حلو

رواد/ دينا تحمليني اليووم هههه راح تنسي الطبقة المخملية متاعك

دينا/ خلاص رواد معاش تقولي هكي نزعل

رواد/ به خلاص اسف ههه هي نخشوا

وخشوا خدوا همبرغر وبطاطا وتعشوا وبعد العشاء

رواد/ شن رأيك نتمشوا شوية برة

دينا/ اوكي موافقة

طلعوا تمشوا ووصلوا في جردينة حلوة هني دينا قالتله

دينا/ تعرف شن خاطري في اللحظة هيا

رواد/ شنو خاطرك افحميني

دينا/ خاطري نجري ونلعب زي ايام زمان

رواد/ خلاص هي 1-2-3 اجري

دينا/ بجد تحكي

رواد/ اي بجد هيا ونشوفوا من يسبق التاني

دينا/ هههه اوكي بس مش راح تسبقني

وبعد 1-2-3 دينا طلعت تجري وكانها بيبي صغير ومبسوطة وللحظة رواد حس نفسه ان مش بس يحبها لا هو يموووت فيها وحسها انها بنته وخايف عليها وكانت اللحظة هيا أكثر حاجة يتمنها ويحصلها انه يكون سبب في ضحكة دينا وإسعادها وفاتت الساعات وهما يحكوا ويتعرفوا علي بعض وكل واحد كان يستني في التاني مش يعبرله علي مشاعره

لأسف اللحظات الحلوة لازم تكمل وجي وقت الرجوع للهوتيل لان بكرة وراهم شغل وصلوا للهوتيل وطوا الطريق ودينا مبسوووطة وكل لحظة تتاكد من انها تحب رواد

وصلوا للكرادور

رواد/ كان يوم حلو

دينا/ اي حلو شكرا

رواد/ عفوا دينا بنسألك

دينا/ تفضل ؟

رواد/ من سووومر هذا

دينا/ زي ماقتلك خطيب بنت خالتي قصدي كان خطيبها

رواد/ وبس مافي شي تاني

دينا/ وبس

رواد/ اوكي به بس ماحبتاش

دينا/ اها علاش

رواد/ هكي لله في الله دينا اني نبي نقولك

دينا/ شنو

ولحظة جي

موظف/ يا أستاذ الساعة 1 بعد منتصف الليل والزبائن راقدين وانتوا ضايقوا فيهم لو سمحت ادخلوا لغرفكم

رواد/اوكي اسف مش قصدي

موظف/ رجاء توا لان انت تسببلي في مشكلة

دينا/ خلاص خلاص اهو راح ندخلوا

ومشي موظف وكل واحد فيهم حصل تهزيبا باهية وخشوا لغرفهم

error: