أحببت عدوي
الحــلقة 7
وصلت دينا قدام باب المكتب وطقطقت وماحد رد عليها طقطقت من جديد وبرضوا نفس الشيء ماحد رد شن بدير فتحت البــاب
دينا/ من جده هذا المكتب فاضي وين مشي أوووووف
طلعت دينا وطبعا زي مافهمتوا رواد مكانش موجود في المكتب كانت تسحابه إنــه روح لكن رواد كــان يدير دورة في المعمل
دينا طلعت ومشت لمكتبها وكملت شــغلها ليــن جت نهاية الدوام وروحــت ديــنا
ركبت في سيارتها وكانت بتموت من الغيض وصلت لحوشها خشت
دينا/ ماما ماما وينك
مريم/ اني هني خيرك شن في تعالي
دينا/ تعرفي يا ماما مضايقة هلباا اني شن درت في حياتي مش نخدم تحت رواد أوووف
مريم/ وسعي بالك يابنتي خيرك شن في شن صار اليوم؟
دينا/ تخيلي وصلت متأخرة قلب علياا الدنيا علا صوته عليها فوتتها قلت مديري وخايف ع الشغل عطاني أوراق قالي راجعيهم نقعمز عليها أكثر من ساعتين وبعدين نمشي لمكتبه نلقاه الباشا مروح مش معقول البنى آدم هو كان نقعد شهر معاه تجيني الجلطة
مريم/ لا يا ماما حبيبتي وسعي بالك وأنتي لازم تعرفي كيف ثثبتي جدارتك لمديرك
دينا/إن شاء الله يارب ماما بنركب لغرفتي بنأخد دوش وبنرقد تبي شي
مريم/ لا سلامتك حبيبتي
ركبت دينا ودوشت قعدت تفكر في رواد والحركة الي دارها
وبينها وبين نفســها ياربي شن بنتصرف معاه هو
أخخخ عيت من التفكير وغمت رأسها باليرغان ورقدت
ومشت فيها النوومة ماتضتش لتاني يوم الصبح
لما ديناكانت راقدة
رواد كان في المستشفي يزور في جاره أبو حمزة الي حالته الصحية تاعبة هلبا المسكين
رواد/ شن يا حمزة كيف حالة الوالد توا؟
حمزة/ ربي يستر يا رواد بس الدكاترة قالوا حالته مطمنش
رواد/ متفكر في شي يا حمزة ولو نقصك اي شي بالله عليك متترددش وتطلب اني خوك
حمزة/ تســلم يارب مشكور باراك الله فيك يارواد
روح رواد وكان تاعب ورقد عـــلي طول
تاني يوم في الشركــة
دينا وصلت متحلفة في سماح أول موصلت مشتلها طول في مكتبها
دينا/ سماح بنقتلك وينك أمس جيتك بنعطيك ملفات ملقيتيكش
سماح/اه روحت اتصل بيا خالد (زوج سماح) وقالي روحي ضروري لان عنده شغل ولازم حد فينا يقعد مع ميرا
دينا/ باه مدامه ظرف سمحتك لكن متقوليليش حضرت جناب مديرك وين كان مشيت لمكتبه لقيته فاضي أكيد روح طبعا اني نتعب وندقق في ملفات وهو يروح بكري
سماح/ حرام عليك إن بعض الظن إثم نزل يتفقد في المعمل
دينا/ اه المعمل لكن شن ليه علاقة بيه مش مهمته
سماح/ اي صح لكن السيد حميد مدير قسم الإنتاج كانت عنده ظروف واتصل برواد وقاله يشوف الشغل نيابة عليه
دينا/ اها قلتيلي هكي صار به ربي يعاونه
سماح/خيرك تقولي فيها من فوق من نيتك
دينا/ اني لالا حرام عليك يلا خل نمشي نعطيه الملفات
سماح/ ربي يعاونك إن شاء الله
دينا/ آميــــــــــن يا رب
مشت دينا وقلبها يدق لكن مش من الخوف شعور يراود دينا كل ماتوصل قدام مكتب رواد الإنسان القوى الي داخــلها يضعف المهم جمعت قوتها وطقطقت الباب ودخلت
دينا/ السلام عليكم صباح الخير
رواد/ بإبتسامة صباح النور اهلا دينا تفضلي اجلسي
الحق أني نعتذر منك والحق مهما نقول ونتأسف ونعتذر نحس نفسي مقصر
دينا/علاش شن فيه أستاذ رواد؟
رواد/الموقف الي صار امس وردة فعلي وانفعالي سامحيني
دينا/ مصدومة متوقعتاش يعتذر منها
رواد/ دينا اني مش شرير ولا ني مغرور والصورة الي حطيتها في راسك عليا مش صح المهم تفكيرك فيا انتي حرة فيه
دينا/اني يا استاذ
رواد/ خلاص مش مهم ها شو صار في الملفات
دينا/ لارجاعتهم ومافيهمش أخطاء نهائيا كل شي تمام
رواد/ اوكي كويس ممتاز خلاص تقدري توا تتفضلي عطلتك ع شغلك
دينا / اوكي
رواد/ دينا اني مش عدوك اني وياك لازم نشتغلوا مع بعض مش نحاربوا بعض
دينا/ااه شن اي اكيد
طلعت وهي مستغربة في رواد وكيف كان كلامــه وكأنه يقرا في أفكارها
بعـــد سنة
ووضع رواد ودينا علي حاله
مش بزبط في حاجات كانت تصير مع دينا كل متشوف رواد أو تحكي معاه دينا في خلال سنة تعرفت علي رواد الحقيقي الشخص الطيب المتفاني في عمله الخدوم للناس الي ماشفتش اي حد في الشركة ميحباش و ويحاول يساعد الكل بقد مايقدر
وفي يوم عطله كانت دينا مع رؤياء في مول ديروا في شوبنج
دينا/تعرفي حبيت الشغل أكثر مما توقعت
رؤياء /حاسة بيك
دينا/ كيف حاسة بيا؟
رؤياء/ انتي تغيرتي هلببا بعد الشغل
دينا/ رؤياء احكي بدون ألغاز شن قصدك؟
رؤياء/ دينا نقولك حاجة ونختصر علي روحي وروحك الكلام
دينا /قولي شن فيه هيا يا محلله نفسية
رؤياء/ انتي تحبي رواد
دينا/ شنو لا انتي مش فاهمه شي
رؤياء/ لا اني فاهمة وكويس بس انتي مش حاسة بنفسك ديما تحكي عليه وكيف هو طيب وكويس ومتواضع وشخصيته حلوة
دينا/ هذا مش معناه اني نحبه
رؤياء / لا تحبيه ومتعرفيش حيجي يوم وح تتأكدي من كلامي
دينا /لا مستحيل انتي شن تقولي اني نحب رواد لالا
رؤياء / به إن شاء الله نكون غالطة لو انتي بجد تكرهيه
دينا/انتي تخرفي م الاخير
دينا غيرت الموضوع وفوتت الوقت داخلة محل طالعة محل لين روحت