أحببت عدوي
حلقة 18
وخشت دينا لمكتبها وحطت شنطتها وفتحت لاب توب مش تبدأ في عملها
وشوية ويشرين فونها طلعت فون وانفلقت بالضحك
دينا/ههههههههههههههه
رواد/ خيرك تضحكي؟
دينا/ وتقول عليا مغرورة وانت شن مسجل روحك في تلفوني عمري وحياتي حبي الأول ههههههههه
رواد/به غيري الأسم كان مش عاجبك
دينا/ حبيبي متزعلش بس الأسماء هيا طاحت موضتها يعني توا نسجلك باسمك بين زوز قلوب ولا قبلها حبيبي مش القصيدة الي كاتبها انت
رواد/ به به خلاص ديري الي تبيه
دينا/ رواد زعلت ؟
رواد/ لالا منزعلش منك
دينا/ ربي يحفظك ليا بس معدش تعاودها هههههه
رواد/ اسمعي توا مش وقت حب حسان يطردنا بعدين تعالي وجيبيلي ملفات معاك
دينا/ تو نبعتهم مع سماح
رواد\ سماح سماح شنو لا انتي مساعدتي مش هيا
دينا/أستاذ رواد لو سمحت اني عندي شغل وبعدين لو سمحت احترم نفسك اني حبيبي معبيلي عيوني ومستحيل نخونه
رواد/ غير لالا وانتي عشتي الدور وصدقتي اني نشوفلك لا يا هانم حتي اني خطيبتي عندي بالدنيا كلها وتوا ابعتيلي الملفات هيا خير مانفصلك من عمل
دينا / حاضر
وبعد 10 دقايق
رواد/ تفضلي وعطيني ملفات واطلعي
دينا/ حبيبي مش طالعه عليك الوعارة
رواد/ههههه عارف روحي طيب
دينا/ اي لكن في ملف مش مزبوط
رواد/اما هو وكيف مش مزبوط؟
دينا/ متاع شركة الماسي المناقصة الي قالونا نقدموا فيها بدالهم ولو خديناها يخشوا معانا شركة
رواد/ خيرها مناقصة؟
دينا/ الشركات الي بتنافس عليها مش مزبوطة اغلبيتهم شركات تهريب وتبيض اموال ومتسترين بأعمال بزنس واغلبية رأس مال شركاتهم مايفوتش مليون درهم يعني مقارنة بشركة القابضة الي رأس مالها 2مليار موضوع فيه إنا
رواد/ يعني قصدك يبوا يورطونا وندخلوا معاهم في مناقصة فاشلة ونقدموا حني مبلغ كبير وهمايقدموا مبالغ صغيرة وناكلوا حني طعم
دينا/ بزبط هذا الي يبوا يوصلوله
رواد/ اوكي خلاص راح نقول لسيد حسان ونشوفوا شن بدير وفي نهاية القرار الأول والأخير ليه
دينا/ اكيد بس انت قوله والملف هو في كل شي يخص الشركات مش يتأكد اني مجبتش شي من عندي
رواد/ خلاص الموضوع عندي اي وتقوليلي نقولك مافيش شغل تي انا من بعدك اتوه
دينا/ هههههه شكرا من ذوقك أستاذ رواد وتوا بعد اذنك عندي شغل
رواد/ ردي بالك علي روحك
دينا/ معناها انت اهتم بنفسك لانك روحي
رواد/ ههه قصفتيني عشوائيا هيا امشي لمكتبك
مشي رواد لسيد حسان وقاله علي كل شي وحسان شكرا رواد ودينا علي تفانيهم في الشغل وانهم مخلوشي يتورط في مناقصة فاشلة
بعد أسبوع
رواد/ دينا امتي بتقولي لبوك علي موضوعنا
دينا/ اليوم علاش؟
رواد/ لان اهلي جاين غدوة ومنبيهمش يتورطوا ويتعبوا وبوك قراره مش معروف
دينا/ لا حبيبي متخافش بابا مش راح يمانع أكيد راح يوافق
رواد/ان شاء الله بس مش مرتاح اني قلبي قامضني
دينا/ لا رواد تفائل بعدين بابا علاش بيقول عليك لا متخافش
رواد/ اوكي ولو قال لا نحاول مرة واتنين وتلاته لين يوافق مستحيل نستسلم ولا نخليك ضيعي مني
دينا/ ايوا ايوا شغل مسلسلات
رواد/ به اضحكي كيف ماتبي هي توا بنتصل بنيرمين مش نعرف امتي بيوصلوا
دينا/ اوكي سلملي عليهم واني منمشي نقول لبابا ومن توا تصبح ع خير
رواد/ وانتي من أهله دينا نحبك
دينا/ حتي اني هي باااي
سكرت دينا ورواد طول فتح النت وفتح السكايب واتصل بنيرمين
رواد\ اهلا نونو كيف حالكم شن شناطيكم جاهزات؟
نيرمين/ اي جاهزات ومستعدين لكل شي
رواد/ كويس امتي طيارتكم
نيرمين/ الساعة 8 صبح ونبوا حوالي 3 ساعات نوصلوا 11
رواد/ كويس به نيرمين لو مقدرتش نجي ممكن يجيكم يوسف احتمال يطلع عندي اجتماع اوشي
نيرمين/ اوكي خلاص
رواد/ ماشي تصبحي علي خير سلمي علي بابا وماما
نيرمين/ يوصل وانت من اهل الخير
وسكر رواد من نيرمين واتصل بيوسف وقاله انه ممكن غدوة يتصل بيه ويمشي هو للمطار ويوسف وافق وبكل رحابة صدر وسكر رواد من يوسف وخش رقد علي طول
اما دينا فكانت خايفة كيف بتفتح الموضوع مع بوها بس بعدين تشجعت وقررت تتكلم
دينا/ بابا ماما في موضوع مهم ونبي نقول لكم عليه
مريم/ خير يا دينا شن فيه؟
أحمد/ قولي يا دينا تعرفيني منحبش مقدمات
دينا/ ولا اني يابابا اوكي راح نخش في الموضوع طول في شاب وحاب يتقدملي واني وهو نبوا بعض
مريم/شنو ومن هو ؟
دينا/ رواد زميلي في العمل وبالإحرى مديري وهو شاب خلوق ومتفاني في عمــل وطيب وبجد يا بابا يحبني
هو الي سافرت معاه لي سنغافورة
مريم/ هذا الي جي وصلك يوم سيارتك تعطلت
دينا/ اي يا ماما هو بس سيارتي مكانتش معطلة
مريم/ملا شنو
دينا/ قصة طويلة نحكيلك بعدين
مريم/ اكيد وغصب عنك
أحمد/ به حلو خريج شنو وشن جنسيته؟
دينا/ خريج إدارة أعمال وعنده ماجستير شن شن جنسيته زينا يابابا
أحمد/ انتي عندك جنسيتين اما واحدة فيهم؟
دينا/ الأصلية يا بابا رواد مش اماراتي رواد ولد بلادي وبلادك الي منعرفهاش الي من نت وتلفزيون الي كل منقولك خل نسافروا ليها تقولي لا
مريم/ به يا بنتي اهله شن رأيهم ؟
دينا/ موافيقن وماعندهمش مانع بالعكس يحبوني
أحمد/ قداش ليك معاه
دينا/ أسبوع
مريم/ اسبوع وتبي تتزوجيه انتي جنيتي
دينا/ اسبوع معاه لكن نعرفه من سنة ونص ونحبه من سنة ونص هو مصارحنيش قبل ولا فتح معاي الموضوع الا بعد متأكد من مشاعري واني نبيه وتوا شن قراركم
أحمد\ قراري هامك
دينا/أكيد
أحمد / اني