أحببت عدوي

محتويات المقالة

أحببت عدوي
الحلقة 24 والأخيرة

دينا/ الو حبيبي شن في قول

رواد/ بصراحــة الحق وبدون زعل بنقولك

دينا/ رواد قول خيرك راهو قلبي مش متحمل

رواد/ اني نحبك وانتي تعرفي الشي هو صح

دينا/ رواد قول خلاص راه اعصابي

رواد/ به راح نقولك افتحي باب الحوش

دينا/ انت تحت ؟

رواد/ اي هيا افتحي

دينا/ به لحظة ونازلة
نزلت دينا بسرعــة وخايفة شن بيقولها رواد

فتحت
رواد/ السلام عليكم

دينا/ وعليك السلام خيرك شن في

رواد/ قولي تفضل علي الأقل

دينا/ اسفة حبيبي تفضل بس خفت شن فيه

رواد/ عطشان نبي مية

دينا/ به غير شن فيه

رواد/ حبيبي جيبي مية وتو نقولك

دينا/ حاضر
مشت دينا جابتله عصير وميه وجت وهي ترعش

دينا/رواد اعصابي مش مستحمله قول شن فيه

رواد/ بنقولك كثري حوايج لان راح نطولوا في السفرة

دينا/ علاش؟

رواد/راح نطولوا وبس ومش راح نقو لك وين راح نسافروا مفأجاة

دينا/ حبيبي قولي ويــن،

رواد/ ولا تحاولي انك تدلعي علي مش راح نقول وتوا سلام بنمشي

دينا/ اوووف جاي مش تلعب باعصابي وتمشي علي كلا عادي كلها اسبوع ونعرف

رواد/ ايوا خليك صبورة هكي نبيك

دينا/ نكرهك

رواد/ لا والله به كويس واني نحبك هي سلام اي حق نسيت قولي لنيرمين تروح بروحها مش رح نقدر نجيها

دينا/ خلاص تو نروح بيها اني لاني راح نطلع نكمل باقي حاجاتي ولو مقدرتش اني توصلها رؤياء

رواد\ اوكي لو تبي شي كلميني

دينا/ حـاضر رد بالك علي روحك واتصل بيا في الليل
رواد/حاضر هيا سكري الباب
سكرت دينا الباب وركبت لدارها

نيرمين/وينك عطلتي

دينا/ اه شي بس رواد جي ومشي وقالك روحي بروحك مش راح يقدر يجي يروحك بيك

نيرمين/ لالا به به

رؤياء/ خلاص تو نوصلك اني مافيش مشكلة

نيرمين/ تسلمي حبيبتي
وهدرزوا البنات وفات الوقت وروحت نيرمين ورؤياء ودينا طلعت كملت حاجات ناقصتها
وبعد مافات هاليوم فات اسبوع وجي يوم حفلت دينا ورواد
وكانت دينا طالعة زي الاميرة تجنن فيلوها البسيط وهدوءها كانت رائعة وعريسنا رواد كان طالع شخصية بالبدلة الرسمية السوداء
كانت حفلة حلووووووووووة خش رواد قصوا التورته وطلعوا ومشوا للشليه
وتاني يوم الصبح طوول للمطار
طبعا رواد مخلاش دينا تشوف تذاكر وين راح يسافروا وهي حاولت تشوفهم خلاته لين دخل للحمام وناضت تتسحب مش تشوف التذاكر فتحت قجر الكومدينو وقعدت دور

سمعت صوت قالها

رواد/ ههههه حبيبتي الي قدامك مش عيل شيباني متوقعة اني نكون حاطهم هني

دينا/ اووف منك اووف وينهم وراس رواد قولي وين

رواد/ وراسك وغلاتك ماراح نقولك معليشي وسعي بالك حبيبي

دينا/ باهي به اني نعرف كيف نعاقبك وخشت وهي حامقة للحمام حشاكم

رواد/ دينا ميهونش عليا زعلك راح نقولك بس مش توا في المطار هههه وطلع وخلاها وهي تغلي من الحمق والفضول بيقتلها
طلعت وبدلت ملابسها بسرعة وخدوا شناطيهم وطوول للمطار
وصلوا ونزلوا هما وشناطي وقعمزوا في صالة الإنتظار

دينا/ رواد حبيبي انت قولي وين بنسافروا معقولة نقعد زي الهبلة نفرض جي حد سألني شن نقول

رواد\ رافع حاجب ومنزل حاجب وبصوت حامق وإن شاء الله من هو الي راح يجي يسألك واني واقف طرطرور ولا مش معبي عينك

دينا/ انت سيد الرجالة حبيبي بس قولي هيا بالله عليك

رواد/ اصبري طيارة شوي ونركبوا واول ماراح ينادوا راح تعرفي

دينا/ اوووف منك اووف راسك يابس

رواد/ ههه كان مش يابس متزوجتكش ههه اصبري ان الله مع الصابرين

دينا/ به يا رواد دير وكثر حسابك بعدين

رواد/خلاص دينا قتلك اصبري
وبعد نص ساعة ودينا ساكته وزعلانه من رواد وهو يضحك عليها قالها

رواد/ شكلك زي البيبي الي ياخدوا منه لعبته وميبوش يعطوهاله

دينا/ ه ه ه اي اني بيبي

رواد/ حبيبي خلاص مش حلوة وانتي زعلانه فكيها يا دينا

دينا/ معاش تزعلني باهي

رواد/ حاضر
النداء الاول لرحلة 585 المتوجه لسنغافورة

دينا/ هذه طيارتنا صح ولا

رواد/ هههههه اي انت نسيتي انك طلبتيها مني

دينا/ ربي يخليك ليا يارب ومسكت فيه من يده نحبــك

رواد/ مجنونة هيا نوضي مش نتموا الإجراءات بسرعة

دينا/ هذه تاني مرة نمشيلها ومعاك انت

رواد/ ولا تفكري اصلا انك تسافري بدوني

دينا/ انت اوكسجيني اصلا

رواد/ الله الله نشوف روحي

دينا/ من حقك شوف هي وقت
ومشوا وكملوا الإجراءات وركبوا في الطيارة
وفاتت الرحله علي خير وسلام ووصلوا للمطار وخدوا شناطيهم وتموا الإجراءات وخدوا تاكسي وطول للفندق
كانوا تاعبين رقدوا وارتاحوا وبعدها ناضوا

رواد/ هي بدلي علي السريع مش ننزلوا نتعشوا لاني جعان

دينا/ حاضر 10 دقايق ونكون جاهزة

وجهزت دينا نفسها ونزلوا تعشوا وطلعوا يدهوروا وفاتوا أبوعين وهما في سنغافورة وكانوا احلي أسبوعين في حياتهم ومن سنغافورة إلي روما اختلاف 180 درجة بس رواد كان حاب يسافر لروما ومعاه دينا وقعدوا في روما أسبوعين وبعدها خلاص كل واحد فيهم اشتاق لاهله ورجعوا العرسان
*********
وفاتت سنتين وفي هالسنتين هما يوسف خطب نيرمين وتزوجوا
رواد ودينا عندهم بنية حلوة امورة راسها كاسح زي امها وشخصيتها حلوة زي بوها اسمها جيداء

رؤياء قاعدة زي ماهي عايشة حياته وتستنى في فارس الأحلام
احمد اعتزل السياسة وفتح شركة بسيطة متاع سفر وسياحة
اب وام رواد رجعوا لبلادهم ومرتين في السنة يجوا يزوروا في صغارهم الي استقروا في دبي وعايشين مرتاحين

السيد حسان كل يوم شركته تخقق انجازات احسن من اليوم الي قبلها
دينا ورواد مزالوا يشتغلوا مع بعض وهو مدير وهي مساعدة في الشركة وفي الحوش
وعاشوا في سعادة وهناء
النهــــاية
نتمني انها عجبتكم

تمت بحمد الله

 

error: