أحببت عدوي

أحببت عدوي
الحلقة 6

ناض رواد علي صوت دوشه في العمــارة طلع يجري ومدورش انه لابس بيجامة ولا لا أول مفتح الباب لقي جاره عبد العزيز

رواد/ صباح الخير شن في إن شاء الله خير

عبد العزيز / صباح النور والله عمي أبو حمزة جاته جلطة ونقلوه للمستشفي

رواد/ لا حول ولا قوة الإ بالله وشن حالته توا

عبد العزيز/ مش معروف ندعوله بالشفاء

رواد/ يارب لطفك وسترك وعفوك

عبد العزيز/ هذا هو ماعندنا كان الدعاء

خش رواد ع السريع وغسل وجه وصلي الصبح وغير ملابسه ونزل ولع سيارته وتسقد للعمل

وصل رواد وكان جوه مش مزبوط يفكر في هلبا حاجات وخاصة انا الملفات الي راجعهم أمس فيهم اخطاء هلبا
اول ما وصل مشي طول لمكتب السيد حسان
رواد/ صباح الخير يا منى

مني السكريتيرة /صباح النور كيف حالك اليوم أستاذ رواد

رواد / بخير شن السيد حسان وصل ولا مزال

منى/ مزال في الطريق تفضل استناه في المكتب

رواد/ اوكي شكرا

خش رواد للكتب ومافاتتش 10 داقيق الا والسيد حسان وصل

حسان/ اوو رواد شو هالنشاط

رواد/ هههه العمل مثابرة يا سيد حسان

حسان/ هذا السبب اني معجب بيك وحقيقتاً إنك ذكر فيا بنفسي وأنا صغير كيف كنت زيك نحب الشغل

رواد/علي سلامتك مازلت شباب

حسان/هههههه اي اي المهم إن شاء الله خير شن الموضوع الي جابك طول ع مكتبي

رواد/ هذا الموضوع …………………….

حسان/اها مشكله كبيرة صار والله شكلي كنت راقد علي وداني

رواد/ لا حشاك بس الثقة الزايدة وطيبة قلبك هيا الي خلاتك هكي

حسان/المهم توا انت شوف الإجراءات الضرورية الازمة وديرهـا

رواد/ اوكي نستأذن منك توا

طلع رواد ومشي لمكتبه وقعد يواصل في شغله

أما دينا تاخرت ماجتش ورواد كان حامق ويبيها في شغل ضروري
اتصل رواد بسكرتيره متاعه
رواد/سماح انسة دينا موصلتش

سماح/ لا موصلتش

رواد/أول متوصل قوليلها تجي ع مكتبي طول

سماح/ حاضر

بعد ربع ساعة جت دينا

دينا/ صباحو سموحة كيف حالك اليوم

سماح/ وينك رواد حامق ومن بكري يدور فيك

دينا/ واني شن دخلي يدور فيـا

سماح/منعرفش قالي أول متوصل دينا قوليلها تجي ضروري

دينا/اوكي خلاص تو نمشيله

خشت دينا لمكتب رواد وماكنتش تتوقع أنه يكون بالشكل هو

رواد/ وينك ياهانم معقولة تأخير علي الدوام لمدة ســاعة كــامله وين تحسابي روحك

دينا /شنو لو سمحت اني مش شغالة عندك احترمني واحترم المكان الي حنيه فيه

رواد/اني محترم لكن انتي مش قد المنصب الي استلمتيه معقولة البواب جاي قبلك وانتي مساعدة رئيس قسم وتجي بعد السكريتيرة

دينا/ مصدومة اي اي انت مديري صح لكن الشي هو ميسمحلكش تقلل من إحترامي

رواد/ اسمعي يا بنت الناس يا تحترمي منصبك يا مش حنتفاهموا راه

دينا/ اني نشتغل معاك مش عندك وطلعت وسيبتله المكتب

رواد كــان حامق وخلوقه في حكة وحس بضغط كبير كان يبي يأخد رأيها لكن هيا تأخرت هلبااا

دينا مشت لمكتبها وهي تبكي وبينها وبين نفسها
اني مهبولة كيف فكرت انه يكون طيب او كويس شخص متخلف وتفكيره سطحي نكرهه إن شاء الله يموت

أما رواد كان يبي يرضي دينا بس الطابع الشرق والذكوري غلب عليه
فكر فكر وفي الأخير كلم سماح وقاللها تعالي خودي ملفات وقوليلها تراجعهم وتشوف لو في أي رأي تاني او مشكــلة نراجعوها

ومشت سماح لمكتب دينا
سماح/ دندونة ملفات قالك سنفور غضبان راجعيهم

دينا/ههههههه ضحكتيني وماخطريش نضحك سنفور غضبان والله أحسن تعبير يمشي معاه مرض قداش منكرهه

سماح/ حــرام عليك والله هو كويس بس عصبــي المهم قالك راجعيهم ولو في غلط قوليله

دينــا/ به به مع أن عكرلي مزاجي هال استغفر الله

سماح/ وسعي بالك وتوا هي عطلتك باي

دينا/ اوكي باي

قعمزت دينا وهي حامقــة وقعــدت تراجع في الأوراق ولقت كل شي تمــام
طلعت مشت لمكتب سماح ملقتهاش
اوفف توا هادي وينها يعــني بنمشي اني لمكتبه واك يارب
مشت دينا وهي حامقة
وصلت قدام البابا طقطقت