أحببت عدوي
الحلقة 5
رواد/ يادراه الكبد هذا انت نوضتني من نومه
يوسف/ هههههههه خش نرقد معاك عادي ناعس اني
رواد/ يا لعن شكلك خش خش خيرك شن جابك
يوسف/ شي قلت خل نجي نشرب قهوة ونلعبوا بلايستيشن
رواد/ يا راجل أكبر شن تسحاب روحك قاعد صغير
يوسف / يلي يسمعك يقول شيابين حني 29مكملنهاش يا راجل فك ع روحك هيا هي خش اغسل وجهك ونكون درت قهوة نشربوها وتحكيلي شن صار معاك
رواد/اوكي ماشي اسمع مافيش قهوة كلم الماركت شوية وسوريرندر يجيب بضاعة الي وصيته عليها
يوسف /من سوريرندر .؟
رواد/ البنقلاديشي الي يخدم في ماركت راجل كويس والله
يوسف/ به به خلاص متحكيليش قصة عقشك معاه
رواد/تحشم هاذي عقابها اني وبنقلا خزي عليك ههههه
يوسف/ههههههههه ذوقك زباله يا صاحبي
رواد/هيا بلا لكله امشي كلمهم
وكلم يوسف ماركت وجاب سوريريندر البضاعة وداروا قهوة وقعمزوا يلعبوا بلايستيشن
رواد /قوووووووقل خشي 2 شي مش قدي راك يا حبيبي
يوسف/به خلاص بلا جو هي ريح روحك هي لعبة شنو اصلا كريسيانو مصاب هذا باش خسرت
رواد/ههههه قاهرك ميسي حارقلك دمك قالي كريستيانو قال ههههه تي دوتكم فاضية
يوسف/ به خلاص غير الموضوع حقا قول شن صار في الشركة اليوم
رواد/ مصارش شي اني المدير ودينا مساعدتي
يوسف/لالا قول غير هالكلام مش معقولة كيف صار هكي؟
رواد /نحكيك بإختصار ماشي
يوسف /باه احكي
رواد/هذا يا سيدي في الاول ع اساس اني المدير وهي اعترضت بعدين ……و قالت اوكي
يوسف/ علاش غيرت رأيها شن جاها
رواد/ والله ماني عارف ربي يسترني منها وخلاص شكلها مش ساهلة
يوسف/ إن شاء الله خير في النهاية أنت المدير متفكرش في شي
رواد/ ع قولتك اني مدخليش فيها بنخدم خدمتي وخلاص وهي دبر رأسها
وامتدت سهرتهم ومرة رواد يغلب يوسف ومرة يوسف يغلب رواد وصوت ضحكهم وعياطهم مله الشقة
وفات الوقت وروح يوسف وخش رواد رقــد
وتاني يوم ناض كله حيوية ونشاط خش للحمام حشاكم وتوضي وصلي ولبس حوايجه ومشي للشركة طبعا بتاكسي معنداش مزال سيارة مسلمهولاش
وصل رواد الصبح وخش لمكتبه وشوية وجاه موظف في القسم وجابله ملفــات مش يعرف كل شي ليه علاقة بشغله
وقعمز رواد في مكتبه وبدي يشوف في ملفات وبدي ينسجم في الشغل
وفاتت تقريبا ساعة وينفتح باب مكتبه
دينا / صباح الخير
رواد/ صبا ح النور كيف كنت حنبعت وراك في حاجات نبيك تشوفيهم
دينا/ اوكي وين الملفات اعطيهولي خل نشوفهم
رواد/ تفضلي ومدلها الملفات
دينا/ اوكي نمشي لمكتبي ساعة ساعتين بالكثير نجيك ونقولوك شن يصير معاي
رواد/اوكي خودي راحتك
دينا/ اوكي وطلعت دينا ومشت لمكتبها ورواد كان مقعمز في مكتبه ويواصل في شغله وكان في قمة السعادة ومر الوقت ومحستش دينا الإ ولقتها الساعات فاتوا بسرعة
اتصلت برواد في مكتبه
دينا/ أستاذ رواد اسفة عطلت بس خداني الوقت وقعدت ندقق في الملفات ومحسيتش بنفسي
رواد/ خلاص ولا يهمك خليهم بكرة تو اكيد تعبتي والحق حتي اني تعبت وبنروح غدوة قوليلي شن صار معاك
دينا/اوكي خلاص بكره نقولك وشكرا لانك تفهمت الوضع
رواد/ لا ويهمك اهم شي متضغطيش ع نفسك
دينا/ مصدومة ومتوقعتش انه يقوللها كلام زي هو وحست روحها خي عليها وكانت شريرة
رواد/ خلاص ملا تو روحي واني خل نروح
لكن قبل ميروح رواد
مشي هو والسيد حسان وسلمه سيارة موديل لاند روفر أخر موديل كانت تسخط
رواد/ الحق مش عارف شن نقولك والله ماعاد لقيت كلمات نقولها
حسان/ انت موظف عندي ولازم تكون مرتاح من كل الجيهات مش تقدر تقدم عملك بالشكل المطلوب
رواد /صح صحيح
حسان/ توا اركب فيها وربي يكفيك شرها وإن شاء الله تشوف ع وجهها الخير
رواد/بارك الله فيك وركب رواد السيارة وأول مركب قال
سبحان من سخــر لنا هذا وما كــنا له مقرنين
بســم الله مجرهـــا ومرســاها
الحمد لله علي نعمه وفضله وروح رواد بسيارته
وصل لحوشه وطول خدي لاب توب وفتح الساكايب وأتصل بنيرمين
رواد/ نونو كيف حالك يا عمر ي
نيرمين/ اهلا اهلا وين الشغل خلاك تقطعنا هكي مدورناش زعلنا منك اني
رواد/ لالا كله إلا زعلك يا غالية شن أخبارك وأخبار الدراسة
نيرمين/ بخير زي ديما ضغط وتعب لك تتهون شن مزالي سنة ونتخرج والله متشتقتلك هلبااا
رواد/ حتي اني مشتاقلك هلبا انتي وامي وبوي حقا وين أمي بنبشرها
نيرمين/ بشنو إن شاء الله خير
رواد/خير خير اليوم بديت أول يوم شغل وعطوني سيارة شويه بس خليني نبعتلك صورتها
نيرمين/ ماشاء الله ربي يكفيك شرها يا وخي وإن شاء الله تعيش وتجدد يارب
رواد /سلمك يارب ربي يعطيني ونديرلك زيها وخير منها هي وين أمي
نيرمين/ مش في الحوش عند جارتنا ام حسن
رواد/ به ملا سلمي عليها ولما تروح قوليلها تكلمني
نيرمين/به حاضر
رواد/ هي ملا تو سلام نكلم كم بعدين
نيرمين/ ســلام رد بالك ع نفسك وفي حفظ الله
سكر رواد من اخته وتغداء ورقد وبعد ماناض كان جايب ملفات معاه قعد يشتغل فيه طول اليوم وبسرعة ما الوقت فات وجي الليل ومن تعب والإرهاق رقد رواد ع الكنبه
ناض تاني يوم ع صوت