أحببت عدوي

أحببت عدوي
الحلقة 22

وفجأة انشعل ضي حلوو وهادي ورومانسي ودينا قاعدة في وضع الصدمة تلفتت لقت رواد مقعمزة علي ركبته وقالها
رواد/ كرهتك وحبيتك غيرتيني وتغيرت حبيت نفسي معاك حبيت كل تفصيل فيك عنادك غرورك ارستقراطيتك حبيت شوفت حالك حبيت ثقتك الزايدة حبيت طفولة الي فيك حبيت تفانيك في عمل احترمتك لكونك لذاتك حبيت نفسي يوم الي خفت عليك من سومر حبيت نفسي لاني حسيت باني خايف عليك وكانك بنتي حبيتك يوم الي حمقتيني وطلعتيني من طوري حبيت كل شي كان يجمعني بيك كانت ندور في اتفه سبب مش نقولك تعالي لمكتبي مش نشوفك مكنتش نعرف اني بجد نحبك ولا اني منقدرش نعيش بلاك عرفت الشي هذا من لما شف سومر معاك فكرة اني في حد ممكن ياخدك مني جننتي هبلت لما شفته معاش عرفت شن ندير يوم الي نصبت فيه كنت راضي اني نموت في سبيل انتي تعيشي لاني لو صار فيك شي راح نموت بعدك كنت راضي نموت واني بين يديك واخر شخص نشوفه انتي اني مش متخيل حياتي بدونك انتي كل شي انت احلي شي صار معاي من لما وصلت لدبي
دينا اني نحبك ونبيك بالحلال وعلي سنة الله ورسوله
تتــــــزوجيـــــني يا ديــــنا

دينا/ رواد انت انت اني مش عارفة

رواد/ بسرعة قولي رجلي معاش قدرت نتحمل هههههههه

دينا/ هههههههه مجنووووون اي اكيد موافقة اي اي اي

رواد/ ههههههههه الحمد لله هاتي يدك

دينا/ بلاش منها مسكت يدي توا

رواد/ غير هاتي بس تعالي حني مش بروحنا مستحيل اسعد يوم في حياتنا ميكونوش حبايبنا فيه

دينا/ شن قصدك؟

رواد/ اظهر وبان عليك الأمان

دينا/ هــي العيلة كلها هني

نيرمين/ ملا كنت تفكري انه كله بتخطيط رواد كله من افكاري وابداعاتي

دينا/ ربي ما يحرمني منكم ماما حبيبيتي

مريم/ ربي يهنيك ويسعدك يا بنتي

أحمد/ سامحيني يا بنتي واني متأكد من ان رواد نعم الرجل القوام الي يقدر يحافظ عليك

دينا/ بابا سامحني ربي مايحرمني منك يارب

رؤياء/ واخيــــرا بتتزوجوا ونرتاح من وجع الرأس ههههههههه

دينا/ هههههه خزو عليك العقبة ليك يا عمري

نيرمين/ وسعوا دوري تعالي في حضني يا مرات اخوي واخيرا في حد بيشيل عني الحمل

دينا/ هههه توا رواد حمل ثقيل حرام عليك

نيرمين/ هو شوفي هو حمل ثقيل واحيانا واعر وعصبي

دينا/ نعرف ونحبه بكل حالاته

نيرمين/ الله الله يا عيني يا عيني هذا الحب ولا بلاش زعما يجي يوم ونحب

دينا/ اي الحب قريب منك وانتي مش حاسة

نيرمين/وينه يا حسرة هاتي علي يدك نحج

دينا/ قريب قريب

وشافت ليوسف
نيرمين/ ههه قصدك يوسف توا هالغزال بيحبني ولا يعدل عليا

دينا/ وشن ناقصك يا هبله وعلاش لا غير اسكتي بس انتي عبيطة

يوسف كان مركز تحشم وقال لرواد
يوسف/ مبروك يا صاحبي العقبة للعرس

رواد/ الله يبارك فيك حقا دينا تعالي في موضوع مهم والشخص الي يخصه موضوع قاعد يستنى الداخل

دينا/ شنو خير

رواد/ حبيبتي اسمعي اني خديت رأي عمي احمد وهو موافق والكل موافق مزال انتي بس

دينا/ شن قول

رواد/ الشيخ مقعمز الداخل اني حاب نقروا الفاتحة توا مش كل شي يكون بشرع الله والحلال

دينا/ بس اني نبي ندير عرس زي زي اي بنت يارواد

رواد/ من قالك مندروش عرس يا دينا اني قلت فاتحة مش عرس مش نكونوا مع بعض وماحدش يقدر يقول علينا شي وبعدين مش معاش تسمعيني كلمة اني مش محرم ليا ها شن قلتي والعرس مزال امتي متجهزي نفسك

دينا/ انت مقرر وحاسم الموضوع

رواد/ يا دينا اني حاب نكون معاك ونمسك يدك ونقول الي في قلبي وربي مايسحاسبنيش تكوني مرتي وحلالي ها شنو نتوكلوا علي الله

دينا/ طالما بابا موافق وكل شي جاهز خلاص علي بركـــة الله

وجي الشيخ وقروا الفاتحــة

الشيخ/ الف الف مبروك بالرفاه والبنين ان شاء الله

احمد/ الله يبارك فيك

ابو رواد/ يبارو فيك يا شيخنا

*****
عند دينا وامها ونيرمين وام رواد ورؤياء

مريم/ الله مبروك يابنتي زواجة الدهر ربي يهنيكم يارب

دينا/ ماما حبيبتي ربي يخليك ليا ومايحرمني منك يارب

رؤياء/ الف مبرووووووووووك واخيرا ياعمري بنحضر عرسك

دينا/ههههه علي اساس عمري 40 سنة به به الله يبارك فيك ياعمري

نيرمين/ مرات خوي يا ويلك مني ههههه ربي يسعدك انتي وياه رواد ميتعوضش ردي بالك عليه

ام رواد/ نحي يا نيرمين خلي نبارك لكنتي , الف مبروك يا بنتي ربي يهنيكم ويسعدك ونشوف صغاركم وأحفادكم منبيش نوصيك عليه حطيه في عيونك هذا راجلك سندك وعزوتك وحافظي علي الحب والإحترام الي بينكم وماعمرك تزعلي منه علي سبب تافه بالعكس كوني ديما معاه لو ضايق واسيه وصبريه لو زعلان خليه حوشك ديما مكان راحته وريحي باله مش ريح بالك وتعيشوا في تفاهم متكسريش كلمته الراجل يحب المرأة الي تسمع الكلام طالما كلامه في الصح ومش في اغلط لو غلط قوليله علي غلطه بالأدب وكل شي يجي بالتفاهم وربي يسعدكم يااارب

دينا/ شكرا ماما ربي يخليك تاج فوق رأسنا يارب
شوي وجي رواد
رواد/ هي تعالوا الشيخ روح ويوسف بدي في الشوي لاني جعااان

نيرمين/ ماشي اني ماشية نشوف يوسف كان يبي شي

رؤياء/ خلاص نيرمين اني راح نجهز مشروب وسلايط

رواد/ وانتي دينا ولا ماليكش في التطيب شكلي كليت مقلب كويس وطلعت متعرفش اطيب يا امي

ام رواد/علي نصتك كنتي فالحة وحلوة ولو تقلي بيضة راح تكون زي الشهــد من يديها

رواد/ او بعتيني طول يا امي من اول ساعة هكي باهي به

دينا/ مش تشوف ماما تحبني ربي مايحرمني منها

مريم/ والله يا حاجة توا تاكدت اني راح نرتاح وان بنتي راح تعيش مرتاحة معاكم لان البنت تتزوج الراجل بس تعيش مع العيلة كلها

ام رواد /ارتاحي دينا زي نيرمين

أحمد/ وابو رواد/ يا مريم يا ام رواد وينكم تعالوا

مريم& ام رواد/ جاين جاين

دينا- جت طالعة بتلحقهم وشدها رواد من يدها

رواد/ وين هاربة يا جبنانة

دينا/ رواد نحي يدك تو يشوفونا

رواد/ ههههه خوافة يا هبلة راك مرتي حطي تحتها خط المهم انتي تفكيرك مش مزبوط بنسالك علي حاجة بس وانت عقلك مش لبعيد

دينا/ ه ه ه به تفكيري هكي شن بدير شن السؤال

رواد/ امم نبي خاتمك هو عطهولي

دينا/ علاش ؟

رواد/ هاتي جاي وجبد يدها وخدي الخاتم وطلع

دينا/ رواد رجعلي خاتمي تعال

رواد/ لا مش راح نرجعه , امي اني نص ساعة ونرجع ماشي

ام رواد /به غير متعطلش علي العشي

رواد /لالا ان شاء الله لا يا جو كلمني اول ما يوتي

يوسف/ به به غير امشي ومتعطلش

دينا/ رواد يا رواد استني نكلم فيك

رواد/ عيونه نعم شن في متساليش وين ماشي مش راح نقول ومتقوليش رجع الخاتم مش راح نرجعه

دينا/ اوووف منك ياااربي شن درت في دنيتي مش تزوجتك بس

رواد/ هههه سبحان الله تصدقي نفس السؤال نسال فيه لروحي

دينا/ ه ه ه بارد

رواد/ دينا حطي في بالك اليوم بنروج بيك ومنبيش نقاش ونرجع نذكرك اني زوجك لو كنتي ناسية هي توا نص ساعة ونرجع

دينا/ اوف منك اوف به متعطلش رود بالك علي روحك

رواد/ حاضر سلام

نيرمين/ دينا وين رواد
دينا/ مشي قال نص ساعة وراجع

ام رواد/ شن مشفتيشي خوك كيف طالع

نيرمين/ لا كنت داخل نساعد في رؤياء

دينا/ خليك مع يوسف تو نمشي اني نساعد رؤياء

نيرمين/ اوكي اصلا شوي وتكمل هيا

دينا/ ماشي ماشي اهو ماشية

نيرمين/ شن تحب نساعدك يا يوسف؟

يوسف/ اه لا شي سلامتك بس اقعدي نهدرزوا لان بروحي والجلسة كلها شيابين وعزايز

ام رواد/ سمعتك يا يوسف عزايز صار تو تشوف عليها

يوسف/ ههههه اسف يا خالتي مش قصدي

نيرمين/ متعدلش عليها اي احكيلي علي روحك

يوسف/ شن بنحكي لك

نيرمين/ اي شي مهم متقعدش ساكت لاني اني دواية وكان دويت معاش نعرف نسكت

يوسف/ باهي نحكيلك علي روحي
وقعد يوسف يهدرز هو نيرمين وانسجموا ومن نص ساعة الي قال عليها روا راحت في 3 ساعات و دينا مشغولة ويتصلوا بيه ميردش وبعدين هما مقعمزين ومشغولين سمعوا صوت سيارة ناض يوسف يجري وقالهم

يوسف/ هذا رواد اهو جي

ام رواد/ الحمد لله ياربي وينك يا ولدي علاش عطلت

رواد ساكت يشبح لدينا وعارفها حامقة وهي مردتش ولا كلمة شبحتله ودمعة في عينها وخشت تجري

يوسف/ توا هذه عملة يا صاحبي علاش عطلت

رواد/ ظروف يا يوسف خلاص فوت موضوع

نيرمين/ انت غالط يا رواد

رؤياء/ بنخش نشوف دينا

رواد/ لا متخشيش خليها لين تهداء شوية بعدين اني نعرف كيف نراضيها

رؤياء/ علي راحتك

اب رواد/ معاش تعطل يا ولدي شغلتنا عليك

رواد/ بالله عليكم خلاص فضوها سيرة اني غالط وعارف غلطي خلاص , عمي بعد اذنك انت وخالتي روحوا واني شوية ونروح بدينا

أحمد/ ماشي يا ولدي دينا شورك توا ومعاش يحقلي ندخل بينكم

رواد/ شكرا ياعمي علي ثقتك وانت يا جو بالله عليك روح بامي وبوي ونيرمين ويا امي متستنونيش لاني بنوصل دينا وبعدين بنرجع هني الليلة بنبات هني

ام رواد/ به علي راحتك يا ولدي

وركبوا في سيارتهم وعم الهدوء المكان وسقدهم رواد وخش لدينا طق طق الباب

رواد/ دينا افتحي عارف انك نايضة افتحي

دينا/ وين ماما؟

رواد/ روحوا كلهم مافيش حد الا اني

دينا/ هــــي شن تقول انت وناضت تجري فتحت الباب

رواد/ شن خايفة مني خيرك

دينا/ لا مش خايفة بس

رواد/ بس شنو متخافيش الشيطان رقد هههه

دينا/ ههههه بارد

رواد/ اسف يا عمري مش قصدي نتأخر بس صارلي ظرف سامحيني

دينا/ لالا من اول يوم هكي كيف ملا بعد 20 سنة تنساني بكل

رواد/ لا عاد خلاص اني اسف حقك عليا سماح هيا دندونتي

دينا/ رواد

رواد/ عيونه عمره قلبه كلوته كبدته طحاله خلاص قلبت أستاذ أحياء مش ترضي

دينا/ ههههههههه سماح لكن بشرط اول واخر مرة

رواد/ حاضر وعد تعالي نبيك

دينا/ شنو في ؟

رواد/ تعالي نقعمزروا شوية علي الشط جو حلو

وطلعوا وقعمزوا علي الشط وهني دينا قالت لرواد