أحببت عدوي
الحلقة 20
ودينا اغمي عليها
وام رواد وبوه ونيرمين ويوسف وصلو للمستشفي
يوسف/ وين الحالة الي جايا مصابة بإطلاق ناري
الممرضة / في غرفة العمليات علي يسار تلاقاه في عائلته واقفة غادي
يوسف/ انت والد دينا؟
احمد/ ايه اني والد دينا
يوسف/ اني يوسف صديق رواد وهادو عيلته
ام رواد/ ولدي شن صار كيف انصاب وشن وضعه قوليلي بالله عليكم
اب رواد/ لو سمحت ولدي شن حالته شن قالولكم
مريم/ اهدي يا اختي مزال الدكتور مطلعش وطمنا شوية ويطلع اهدي بإذن الله مش راح يصير له شىء ادعيله
ام رواد/ يارب الطف في ولدي ياارب لا تفجع قلبي فيه
احمد/ يسمع في ام رواد ويشوف في عيونها وعيون بوه واخته ودموع الي تنزل منهم حس نفسه اناني وضميره يأنب فيه انه هو السبب
اما دينا فكانت في غرفة ومعلقينلها شكارة التغدية وكانت معاها رؤياء وشوية وفاقت دينا
دينا/ رؤياء رؤياء وقعدت تبكي
رؤياء/ خلاص دينا امسحي دموعك
دينا/ مات يا رؤياء مشي وخلاني علاش كذب عليا وعدني انه مش راح يسيبني وراح يقنع بابا
رؤياء/ يا دينا اهدي ومتفاوليش عليه رواد قاعد في غرفة العمليات واكيد راح ينوض منها ادعيله انتي بس وخلي املك في الله كبير
دينا/ ونعم بالله نبي نطلع برة نبي نشوف امه
رؤياء/ به هي تعالي وطلعت دينا واول ما جت عينها ف عين ام رواد قعدت تبكي شافتها امه وقدمتلها دينا وخدتها في حضنها
ام رواد/ خلاص يابنتي معاش تبكي رواد مؤمن والمؤمن مصاب وربي راح يرجعهونا وراح نفرح بيكم ونشوف صغاركم
دينا/ اه اه يا خالتي سامحيني سامحيني هو دافع عليا اه ياربي ياريتها جت فيا رصاصة ولا فيه ياربي
ام رواد/ خلاص يابنتي لو تحبيه ادعيله
وبعد شوية يطلع الدكتور من عناية
اب رواد/ شن يا دكتور
الدكتور/ الحمد لله تخطى مرحلة الخطر وتوا قاعد تحت ملاحظة والحمد لله بالرغم من ان اصابه في مكان خطير بس ربي لطف بيه وحماه
دينا وام رواد ونيرمين والكل/ الحمد لله يارب الحمد لله
دينا/ دكتور نقدروا نشوفوه
الدكتور /اي بس من برة الداخل ممنوع
دينا / عادي تعالي خالتي تعالي نيرمين ومشوا لشباك العناية وقعدوا يشوفوا فيه وهوعلي السرير والأجهزة عليه والأكسجين امه مقدرتش تشوف اكثر انهارت بالبكاء
دينا/ تبكي وحالة صدمة
وفاتوا الساعات وفي الليل
دينا/ روحوا كلكم يوسف خود خالتي وعمي ونيرمين وروحوا
نيرمين/ لا مستحيل بنقعد مع خوي
دينا/ مش راح تقدري ديري شي وامك وبوك تاعبين ومحتاجينك اكثر اني قاعدة معاه
نيرمين/اوعدني يا دينا
لو صار شي اتصلي بيا
دينا/ وعدي يا نيرمين خلاص يوسف امشوا
يوسف/ به خلاص غدوة الصبح انجوا وناوبوا عليك يا دينا
دينا/ اوكي خلاص متخافوش لو صار شي لا سمح الله راح نقول لكم
يوسف/ ماشي ردي بالك علي روحك
دينا/ حاضر هيا امشوا
قعدت دينا واقفة وتشوف في رواد وجتها ممرضة
ممرضة/ يا انسة لو سمحتي امشي ارتاحي قعدتك هني ماليهاش فايدة
دينا/ اه عارفة بس نحس نفسي معاه اه يا دنيا من سنة ونص كنت نتمنى له في موت وتوا لو يموت نموت من بعده
ممرضة/ شن قصتك انتي ؟
دينا/ قصتي طويلة اختي نطلب منك طلب
ممرضة/ تفضلي
دينا/ الله يرحم امواتك خليني ندخل ونشوفه 5 دقايق بس
الممرضة/ ممنوع يا اختي
دينا/ بالله عليك لو سمحتي حطي روحك مكاني طبعا بعيد الشر علي تحبيه بس تخيلي روحك مكاني 5 دقايق بس ونطلع
ممرضة/5 دقايق بس بالله عليك متحطنيش في موقف
دينا/ وعد 5 دقايق وعد شكرا
خشت دينا لرواد وقعدت واقفة وتبكي وقتله
سامحني اني سبب اني سبب لكن متخلينيش نوض انت وعدتني متكذبش عليا رواد نوض حبيبي نوض وشدت يده وقتله نستانا فيك لاخر يوم في حياتي
ممرضة/لو سمحتي يا اختي هيا مديري ليش مشكله
دينا/خلاص به شكرا ليك
ممرضة/ ربي يقومه بالسلامة يارب
دينا/امين يارب
وقعدت دينا الليلة كلها وهي واقفة بره
تاني يوم جت نيرمين ويوسف
نيرمين/دينا دينا نوضي
دينا/اه نيرمين جيتي امتي
نيرمين/ توا جيت حبيبتي امشي دوشي وارقدي وبعدين تعالي
دينا/ لا منبيش
نيرمين/ علي خاطر رواد امشي توا يرضيك تعقدي هكي
دينا/ قعدت تبكي وتعنقت في نيرمين وقعدوا زوز يبكوا
دينا/ اه يا نيرمين متمنيتش اني نشوفوا بعض في هالظروف ولا تمنيت اني نختبر حبي لرواد بالطريقه هيا
نيرمين/ خلاص يادينا لو تحبي رواد ادعيله وديري كل شي هو يحبه ويبيه
دينا/ اه كل شي يحبه ويبيه اي صح كلامك صح خلاص نيرمين اني بنمشي للحوش ندوش ونرقد ساعتين بس ونجي
نيرمين/ امشي ارتاحي واكيد اول ما يفيق نكلموك
دينا/ اوكي به خلاص كلميني
نيرمين/ اكيد
روحت دينا وخش للحوش معبرتش بوها بولا كلمة
مريم/ شن يا بنتي شن حاله
دينا/ زي ماهو يا ماما ادعيله ربي ياخد الحق في الي كان سبب
مريم/ دينا علاش الدعا توا
دينا/ اني ندعى علي روحي اني سبب من يوم عرفني مشافش يوم حلو ماما اني بندوش ونرقد ساعتين ونوضيني
مريم/ به حاضر
وركبت دينا
مريم/ عاجبك توا اهي بنتك كرهاتك
احمد/ صدقيني راح نرضيها وان وراه وراه الي حاول يقتلها وراح نعرفه مستحيل يفلت بدون عقاب
مريم/ والولد المسكين شن ذنبه
أحمد/ ماليش ذنب بس الله غالب هذا قدره وربي وبدفاعه علي بنتي اثبث لي انه يحبها ومن كل قلبه
مريم/ اه يعني يموت مش تتأكد انت ماهو جاك من باب وجوا اهله مش يطلبوها انت غريب يا احمد غريب
*********
نيرمين / يوسف مش عارفة لو يصير شى أكثر من هكي كيف نتحمل
يوسف/ اص خلاص متكمليش رواد قوي وأكيد راح يفيق متخافيش
نيرمين /ان شاء الله
ومكملتش نيرمين كلمتها الإ وممرضة طلعت وقتلهم الحالة
دينا كانت في دارها وتبكي وتتفكر كل شي صار من يوم الي شفاته في المول لعند امس الصبح قبل الحادث بشوية
وهي تبكي تتصل بيها
دينا/ نيرمين خيرك علاش تبكي شن صار لالا متقوليهاش
نيرمين/ رواد يا دينا رواد فاق والحمد لله
دينا/ شن تقولي فاق لا بجد يا دينا الحمد لله يارب بس هذه معجزة
نيرمين/ حتي دكاترة مستغربين قالو اول مرة تصير مليشي 24 ساعة طالعة من عملية وفاق
دينا/ خلاص سكري اني جايا
نيرمين/ به متعطليش لان سأل عليك وعلي ماما
دينا / مسافة الطريق
لبست دينا ونزلت جري
دينا/ ماما ماما رواد فاق يا ماما
مريم/ الحمد لله علي سلامته يابنتي الحمد لله
دينا/ الحمد لله يارب اني ماشية
مريم/ به جايا معاك لكن شن هذا الي لبستيه
دينا/ من وجاي هذا لبسي ديما
مريم/ اه !
مشت دينا هي وأمها واول موصلت شافت ام رواد وتعنقت فيها وقعدوا يبكوا الكل مستغرب في لبس دينا
دينا/ خالتو شفتيه؟
ام رواد/ اي شفته ويبي يشوفك خشيله
دينا/ به اصلا قلبي يرعش الحمد لله يارب
فتحت دينا الباب وقدمت بالشوية بشوية وجبدت كرسي وقعمزت وهو كان راقد شدت يده ونزلت دمعها من عينها وخانقتها العبرة
رواد/ دينا علاش تبكي اني مامتش
دينا/ بعيد الشر عليك ربي يطول في عمرك
رواد/ شن لابسة انتي ؟
دينا/ حجاب شن مش حلو
رواد/ حلو لكن شن قرار المفاجىء
دينا/ ماحد لازم يشوفني بدونه الا انت ومش توا طبعا بعد منتزوجوا وانت قبل قتلي وفهمتني انه الشي الوحيد الي ناقصني واني سمعت كلامك واقتنعت بيه وربي يغفرلي الاول كله
رواد/ امين يارب وربي يزيدك من الهدى اي يا شينة خفتي عليا
دينا/ قريب متت مش بس خفت
رواد/ بعيد الشر عليك ربي يعطينا طول العمر ونعيشوه مع بعض
دينا/ امين خلاص توا ارتاح معاش تعب روحك
رواد/ام عطشان اسالي ممرضة نقدر نشرب ولا لا
دينا/ حاضر تو نمشي ونجي
رواد/دقي جرس متمشيش خليك حداي
دينا/ حاضر
ودقت دينا جرس وجت ممرضة وعطاته رشفة بس لانه مش كويس يا دوب بل بيها ريقه
طبعا الكل حاير في حجاب دينا المفاجي
بس الغموض هوا مطولش ودينا قتلهم انها فكرت وقررت واصلا مفروض من زمان كانت واخدة قرار هو
بعد أسبوع
خرج رواد من المستشفي وحالته تحسنت هلبا وطلع لشقته ويوسف وعيلته والسيد حسان ماسيبوشي وطبعا فوقهم كلهم دينا
وفي يوم كان رواد مقعمز علي الصالون ومعاه يوسف يرن الجرس الباب ناض يوسف فتح الباب ولقاه أحمد بو دينا
يوسف/ سيد احمد تفضل تفضل
احمد/ زيد فضلك السلام عليكم
رواد /وعليك السلام تفضل عمي احمد
احمد/ الحق في موضوع مهم مع اني متحشم منك ومش عارف منين نبدأ
يوسف/ رواد اني طالع تبي شي كلمني
رواد/ اوكي به
رواد/ تفضل عمي أحمد
أحمد/ اني جاي مش نقولك