أحببت عدوي
الحلقة 19
أحمد/ اني مش موافق
دينا/ شنو وعلاش شن السبب؟
أحمد/ بدون سبب هكي وخلاص منبيش نقاش
دينا/ بابا مافي شي اسمه خلاص وبدون سبب فهمني شن العيب الي في رواد يخليك ترفضه اه اي اكيد علي خاطر مش اماراتي
أحمد/ دينا انتي مزلتي صغيرة وهذا طيش وحب مراهقة وتو تنسي
دينا/ بابا لو سمحت متفهش مشاعري شن طيش وحب مراهقة بابا اني مش صغيرة عمري 24 سنة بالك تسحاب قاعدة 19 لا اني بالغة راشدة
أحمد/ دينا قراري نهائي وبدون نقاش مستحيل نرضى بهالزواج
دينا/ واني مستحيل نتزوج غير رواد يابابا
وركبت دينا لدارها وهي تبكي
مريم/علاش يا أحمد علاش هكي الشاب باين عليه مينعابش وانت متعرفش شن شخصيته وأفكاره علاش تحكم علي بنت وعليه لمجرد هو معنداش جنسية تانية
أحمد /انتي متعرفيش شي
مريم/نعرف شي واحد انك اناني
وركبت مريم لبنتها مش تسكتها وتفهم قصة
مريم/ دينا افتحي بابا حبيبتي
فتحت دينا لامها الباب وطول ارتمت في حضنها
دينا/علاش يا ماما علاش بابا هكي طول حكم من الاول قبل مايعرف شي ويعرف رواد ياماما لو تتعرفوا عليه صدقوني راح تحبوه ومش شوية هلبا
مريم/ به يا بنتي علاش محكيتليش؟
دينا/ ياماما كل شي صار بسرعة ومنعرفش كيف هكي صار راح نحكيلك كل شي وانتي تعرفي رواد واني حكيتلك عليه قبل بس قبل كنت نكره ومنحباش به هذا الي صار يا ماما
مريم/ خلاص يا بنتي معاش تبكي بوك راح نقنعه
دينا/ بابا مش راح يقتنع اني عارفاته بس مش راح نستسلم وفهميه غير رواد مش راح نتزوج
مريم/ به يابنتي خلاص معاش تبكي
دينا/ ماما هذه رؤياء تتصل خل نرد عليها
مريم/ به خلاص امسحي دموعك
دينا حاضر – الو رؤياء
رؤياء/ دندون شن صار قلتي لبوك؟
دينا/ اي قتله وقال لا
رؤياء/ كيف وعلاش؟
دينا/ بدون سبب عارض تصدقي هكي وخلاص مع اني عارفة سبب لان رواد مش اماراتي مع انه من نفس بلاد حني بس بابا عنده حساسية من بلادنا ومنعرفش علاش
رؤياء/ خلاص باهي حبيبتي معاش تبكي اسكتي اكيد في حل كل شي في هالدنيا في ليه حل الا الموت
دينا/ يا رؤياء منقدرش نعيش بلاه المشكلة بابا معطانيش سبب مقنع
رؤياء/ تو يهداء ويفكر في الموضوع
دينا/ رؤياء سامحيني اني تاعبة ونبي نرقد
رؤياء/ عادي حبيبتي امشي ارتاحي تصبحي علي خير
دينا/ وانتي من اهله يارب
تاني يوم الصبح ناضت دينا وهي مخنوقه ولازم متشوف رواد بعتتله مسج
عند رواد–
صباح الخير حبيبي لازم نشوفك ضروري توا قدام كورنيش
رواد قري مسج اتصل بيها لقاها مقفل خاف ولبس ع سريع وطلع زي مجنون
وبعت ليوسف مسج مش يمشي للمطار
دينا كانت سابقاته قدام كورنيش واقفة وتبكي رواد جي يجري وبمجرد ماشافها
مش يجري وخداها في حضنه
رواد/ دينا شن في مسجك خوفني واتصلت بيك مقفل جيت زي مجنون
دينا/ تبكي وبعبرتها ومش قادرة تقول ولا كلمة
رواد/دينا شن فيك قولي؟
دينا/ سامحني سامحني والله نحبك ومستحيل نتخله عليك ولا نتزوج غيرك
رواد/ به خلاص معاش تبكي بوك عارض وقال لا خلاص مش نهاية الدنيا صدقيني كل شيء راح يكون تمام
دينا/ رواد بابا عنيد ومشكلة بدون سبب مقنع
رواد/به خلاص متخافيش كل شي راح ينحل طالما اني معاك متخافيش وزي مقتلك نحاولوا مرة واتنين وتلاته
دينا/رواد مش عارفة شن نقولك
رواد/ متقولي شي اسس خلاص تعالي قعمزي وابكي عادي البكي يريح
اما في حوش دينا ولما أحمد كان في مكتبه جاه اتصال
احمد/الو من معاي؟
المتصل/ قتلك قبل وحذرتك ونبهتك اخر مرة تلعب بالنار وعطيتك فرصة بس المرة هيا غيرت رأي معاش عندك فرصة انت متستاهلش والي خايف عليها راح تخسرها يا أحمد اليوم معاش راح تشوفها ودعها واسمع صوتها لاخر مرة لان الرصاصة علي بعد أمتار من بنتك
احمد/ انت منـــــــــــــــو وشن تقول لا بنتي لا ردي عليا يا حيوان (اسفة للفظ)
مريـــــــــــــــم وين دينا
مريم/ طلعت الصبح مشت للشركة
أحمد/ اتصلي بيها توا
مريم/ تليفونها مقفل
أحمد/
رواد/ هديتي؟
دينا/ اي احسن مدامك جنبي اني بخير
رواد/ واني ديما معاك متخافيش مافي شي يفرق بينا الا الموت
دينا/ لا متجيبش الموت علي لسانك
رواد/ حاضر حبيبتي اكيد اهلك مشغولين عليك توا استهدي بالله وروحي
دينا/ اوكي رد بالك علي روحك
رواد/ حاضر تعالي نوصلك للسيارة
دينا/ رواد سيارتي وراك هههه
رواد/ههه اي اي غباء ضاربني
فون رواد يرن
رواد- هذا يوسف اكيد وصل لي المطار احساسي انه اليوم مش راح نقدر نمشيلهم من امس قتله ممكن يمشي هوولما جاني مسج متاعك طول بعتله مسج وقتله يمشي والحمد لله ان حوشه قريب من المطار خل نرد عليه
دينا/ به اني خل نمشي
رواد/ اوكي الو جو شن به مليح مزالو هما جو دقيقة خليك ع خط
رواد / دينا نحبك
دينا/ نموت فيك
رواد/ اتلفت ويشوف راجل واقف من بعيد وشاد مسدس ومصوبه جيهت دينا
رواد/ ديـــــــــــــــــــنا ومشي يجري ولحظة الي وصل فيها رواد قدام دينا الرصاصة اخترقت جسمه
دينا/
رواد/ طاح علي الارض والدم معبي ملابسه بصعوبة قالها نحبك واغمي عليه
اما دينا قعدت تعيط وتخبط لالالالا ياربي لا رواد نوض حد يكلم الإسعاف رواد فيق رد عليا
وتذكرت يوسف ع خط
دينا/ يوسف يوسف الحقني رواد
يوسف/ دينا شن في شن الصوت الي سمعته؟
دينا/ رواد تصاوب برصاصة الحق عليا يا يوسف اتصل بالإسعاف دير حل
يوسف/ شنو رواد تصاوب به اهدي انتي وين انتوا مش نقول للإسعاف
دينا/ كورنيش بسرعة يايوسف
دينا/ ترعش فتحت تليفونها ولقت مكالمات من امها وشوية ورن فونها وكان بوها
دينا/ بابا يا بابا الحق عليا
احمد/ دينا الحمد لله انتي عايشة يابنتي خليك في سيارتك
دينا/ رواد يا بابا رواد تصاوب تعال يابابا رواد بيموت ويخليني
أحمد/ مصدوم شنو تقولي؟
دينا/تعال يابابا وسكرت
شوية لإسعاف وصلوا
دينا/ تبكي وتكلم في رواد رواد فيق رواد متخلينيش بروحي حبيبي نوض مزال بكري علي فراق لا متكدبش عليا قتلي انك مش راح تخليني بروحي
الممرضة / خلاص يا أسنة لو سمحتي اسكتي مش نقدروا ننقدوه
وصلت سيارة الإسعاف وخشوا برواد طول لغرفة العمليات
اما وضع يوسف في المطار وصلوا اهل رواد وبعد ماكملوا الإجراءات قاللهم
طبعا امه انهارات واغمي عليها وبوه ونيرمين يبكوا وحاولوا يكونوا اقوياء بس خارت قواهم
ومن المطار طول للمستشفى
دينا كانت بروحها لحد ماوصلوا بوها وامها ورؤياء
وأول ما شافت بوها هجمت عليه
دينا/ علاش يا بابا علاش شن درتلك اني شن دارلك رواد كله بسببك كله من سياستك شن استفدت توا شنو حرمتني منه وحرمت منه امه وبوه واخته علاش يابابا فراقه صعب لكن عادي مهم يكون عايش بس المووت يابابا اهون عليه نسيبه ولا يموت وبسببي وبين ايديا جاي يدافع عليا حماني ياريت جت فيا الرصاصة
اه ياربي اه حرام عيك يا بـــــــابــــــا واغمي علي دينا