أحببت عدوي
الحلقة 17
دينا/رواد في شي خاطري نسأل هولك
رواد/ عيون رواد قلب رواد أسالي شن في؟
دينا/ حبيبي لما شفت سومر في المطار علاش كذبت وقتله انك حبيبي
رواد/ بس اني مكذبتش اني حبيبك ^*
دينا/ رواد بلا جو بالحق علاش قتله هكي مع انك متعرفش مشاعري
رواد/ امم شوفي لما شفتك معاها حسيت انك واقفة معاه وغصبا عنك وانك مضايقة واني لما شفته محبيتاش وحسيته واحد واطي وبصدق الغيرة اشتغلت معاي ولو تبي الصدق منعرفش كيف درت هكي مكنتش علي وعي ولا تفكيري رجليا مشوا بروحهم ولساني انطق بدون اي ضغظ مني ولو تساليني شن قلت منذكرش بس الي نذكره اني غرة وهلبا والدم ركب لرأسي
دينا/ الله كلامك حلو بس والله مافي شي بيني وبينه هو كان يحبني واني رفضته وتقرب من سوزان وخطبها مش يقهرني وبالطريقة هيا وله خطيب بنت خالتي بس وقبل العرس بأسبوع سيبوا بعض كان يخون فيها واني كشفته لاني كنت نعرف عمايله ونصحتها اكثر من مرة بس هيا مبتش تأخد بالنصيحة لين جبتلها دليل
رواد/ عارف يا دينا انه مافي شي بينكم واني نعرف النماذج الي زيه شن يبوا من البنت
دينا/ صح اصلا سومر شوهلي صورة الرجل في بالي وخلاني نكره كل الرجال بس انت غيرت هالفكرة
رواد/ اوو شكرا علي هالإطراء به قوليلي انت شن حسيتي لما سمعتي نيرمين وهي تتصل بيا
دينا/ اوووف متفكرنيش ممكن نقتلك توا ههههه حسيت بنار ولولا رؤياء ووقفتها معاي كنت تفجرت من القهر اني مش مصدقة اني نغار عليك ونحبك بالدرجة هيا انت قلبت حياتي بس نيرمين ان شاء الله تسامحني دعيت عليها هلبااا
رواد/ ههههههه بس هي تحبك من كثر ماحكيتلها عليك وعندها فضول تجي وتشوفك
دينا/ حتي اني والله عندي فضول نعرفها
رواد/ اكيد يا حبيبتي قريبا اكيد مش راح نجي نخطبك بروحي امي واختي وبوي راح يجوا
دينا/ ^^ بتعبهم ويجوا مش تطلب يدي
رواد/ اصص وانتي شوية وبعدين اني ابنهم الوحيد واكيد وضروري يجوا
دينا/ علي راحتك بس اني فرحانة مدامك معاي منبي شي من الدنيا
رواد/ وعد مني طالما اني عايش وفيانفس مش راح نخليك ابدا معاك لأخر يوم في حياتي
دينا/اصص بلاش دوة هيا منحبهاش رواد الوقت تأخر ولازم نروح
رواد/ اي صح اووف الساعة 7 ونص الوقت خدانا هي نوضي نوصلك للحوش
دينا/ حبيبي نسيت السيارة الي في كافي الي خليتها
رواد/ منسيتهاش غدوة نبعتوا حد من الشركة يجيبها
دينا/ به كيف بنمشي للشركة
رواد/ عيب الشوفير رواد تحت خدمتك
دينا/ شوفير اص انت اميري وتاجي راسي وعادي مافيش مشكلة تعال واتعب علي خاطري
رواد/ ههههه تعبك راحة هي نوضي
وركبوا في السيارة ووصل رواد دينا لحوشها
رواد/ ارقدي بكري متسهريش وغدوة أول منطلع من شقة نكلمك مش تجهزي نفسك
دينا/ اوكي حاضر أوامر تانية
رواد\هههه لا سلامتك اي نسيت تليفونك تسكريه وغدوة راح نجيبلك شفرة جديدة
دينا/ علاش ؟
رواد/ حبيبتي رجاً متناقشيش خلاص هي شفرة ونجيبلك واحدة تانية
دينا/ مع اني مش عارفة علاش بس حاضر وها سكرت تليفون دقيقة بس وهيا شفرة خودها معاك
رواد/ اوكي شكرا
دينا/ عفوا بس علاش؟
رواد/ لانك مطيحتيش كلمتي في الارض
دينا/ رواد انت كل شي في حياتي وراح تكون زوجي واني امي وبوي علموني اني لما نتزوج نحترم زوجي ونسمع كلامه طالما مغلطش في حقي ولا اهان كرامتي
رواد/ زادك الله من عقلك وربي يحفظك ليا ومايحرمني منك هي عيوني تاخرتي تبي شي؟
دينا/ سلامتك اه نسيت طالما خديت شفرة لما توصل غدوة كلكسلي وراح نفهمك
رواد/ اوكي تصبحي علي خير
دينا/ وانت من اهل الخير
وخشت دينا وهي تجري زي البيبي فرحااااااااانة لان اليوم اسعد يوم في حياتها وصارت هلبااا احداث ومافيش حد اغلي من رؤياء مش تحكيلها
رواد/ جو وينك ؟
يوسف/ خير شن في؟
رواد/ بارك لصاحبك
يوسف/ خير قول شن فيك؟
رواد/ قلتلها علي كل شي اليوم وطلعت تحبني وفي أقرب وقت راح نطلب يدها ونقابل بوها
يوسف/ مبروك يا صاحبي ربي يتمملك الخير تستاهل
رواد/ الله يبارك في عمرك تسلم يا جو العقبة ليك يارب
دينا/ رؤياء شن جو؟
رؤياء/ دينا خيرك تتصلي من تليفون امك وين تليفونك؟
دينا/ شفرتي عند رواد
رؤياء/ شن منو مفهمتش؟
دينا/ رؤياء واخيــــــــــــــــــرا اليوم قالي نحبك يا رؤياء فرحانه
رؤياء/واحدة واحدة واحكيلي شن في؟
دينا/
رؤياء/ تبصري قصدك هكي دار وطلعت اخته هههههههههه
دينا/ خيرك تضحكي؟
رؤياء / بس اللقطة اليوم كيف تفرجت عليها في مسلسل
دينا/ لقطة شنو ومسلسل شنو؟
رؤياء/كيف رواد خداك من يدك وطلع بيك هكي عمر اليوم دار مع ايليف هههههه طلعوا الأتراك ياخدوا في الأفكار منا
دينا/ ههههههههه تسهوكي بس من عمر وإيليف؟
رؤياء/ مسلسل العشق المشبوه الله عمر يجنن
دينا/ رواد احلي منه المهم شن رأيك فيلم اكشن تعرفي ياريتك شفتي سومر مسكين قريب عملها تحته من الخوف
رؤياء/هههههههه محلاها فيه خسارة فاتتني اللقطة رواد مسح ع خاطري
دينا/ اي تعرفي ولا كلمة خاف اني بروحي خفت من رواد متوقعتاش هكي عصبي
رؤياء/ مش منه منك قريب جبتيله الجلطة
دينا/ بعيد شر عليه كان يصير فيه شي ننجن حي عليا هذا كله قالي ارقدي ومتسهريش يلا تصبحي علي خير
رؤياء/ وانتي من اهله غاطسة في العسل نوم العوافي
دينا/ بلا بساله بااااااااااي
ورقدت دينا
وتاني يوم الصبح ناضت وبدلت ولانها عارفة رواد عنده تحفظات علي لبسها فقررت تلبس شي لايق ومتحطش ميك اب وكانت جاهزة قبل الوقت واول ما سمعت صوت سيارة رواد طلت من بلكون واشرتله بيدها معناها نازلة
ونزلت دينا فتحت باب السيارة
دينا/ صباح الخير
دينا /علاش حرام عليك
رواد/ صباح النور والسرور والعسل خيرك شن في شن هو الي حرام
دينا/علاش حلقت شعرك كنت نحبه طويل علاش خزو عليك
رواد\هههههههه مهبولة علي خاطر شعري تو يطول عادي تغير نيو لوك
دينا/ هو حلو بس الأول أحلي
رواد/ تي اني ديما حلو
دينا/ههه هههههه غرور
دينا/ أخر مرة معاش تعاودها باهي جاوب علي السؤال شو اخبارك اليوم؟
رواد/ سؤال غريب بس تمام فرحان لانك جنبي شعور حلو حسيت انا طالعين من حوشنا وماشين للعمل
دينا/ اها بشرتني
رواد/ بشن بشرتك؟
دينا/ كنت خايفة نتعاركوا ع شغل وتقولي مافيش شغل بعد زواج وتصير مشكلة لانك عارف شغلي كل حياتي
رواد/ تصحيح اني كل حياتك وبالنسبة للشغل حبيبتي اني مش من عصر حجري مش نمنعك من الشغل بعدين انتي تتعبي وتقري سنين وفي الأخير اني نخليك في الحوش
دينا/ هههههه غرور انت حياتي صار ماشي ياعم وبالنسبة لرأيك فأحترمه وبقوة وهذا سبب من أسباب خلتني ننعجب بشخصيتك ونحبك انك متحضر وفي خطوط منتخطهاش لا اني ولا انت
رواد/ اكيد اهم شي خطوط وعلي فكرة هذا اسلوبي مع نيرمين
دينا/ هههه اخ اسمها لتوا يخلي فيا نغار
رواد/هههههههههه غيورة هي وصلنا انزلي اه دينا هذه شفرة جديدة وسجلت فيها اسمي ورجاء حبيبتي خليها خاصة مش لكل حد
دينا/ شكرا حبيبي حاضر اصلا ليا مدة نبي نغيرها وجت في وقتها هيا ننزلوا توا خليك مع ردة فعل سماح
رواد/هههههه حتفرح هلبا توا تشوفي
نزلوا طيور الحب ههههههه قصدي ابطال روايتنا وخشوا للشركة
دينا/ صباحوا سموحة
سماح/ شن تلاقيتي مع سنفور غضبان في باب اشركة؟
دينا/ اولا اسمه أستاذ رواد مش سنفور غضبان تانيا لا يا حلوة متلاقيناش مع بعض جينا مع بعض
سماح/ جيتوا !!! شن سيارتك عاطلة
دينا /اووف منك قداش متحبي تقصقصي لا يا سموحة يا حلوة اني وسنفور غضبان الزوز سنفوران عاشقان نحبوا بعض يا سموحة
سماح/
دينا/الي سمعتيه مافيش مبروك
سماح/ روووووووووروووووي الف مبروك واخيرا طلعت روحي معاكم
دينا/ اصصص موضوع سر وبينا بالله عليك سموحة والله يبارك فيك عقبا لما تفرحي بميرا
سماح/ هههههه اي مزال وعلي موضوع حاضر سرك في بئر اصلا في ناس هلبا حسودة
دينا/ ههههه به بس راك طيحي في البئير
خشت دينا لمكتبها وحطت شنطتها وكيف قعمزت علي الكرسي وفتحت لاب توب مش تبدأ في شغلها
و