مسلسل سعاده كاذبه 

مسلسل سعاده كاذبه
الحلقه 6ايمان ؛؛ عارفه الاستاذ اللي نحكيلك عليه
نا ؛؛ اها كنه 
ايمان ؛؛ امس جا في المدرسه وقالي نبيك ونبي انجي نخطبك
نا ؛؛ والله جد تحكي
ايمان ؛؛ نا مش قتلك ان هو مهتم بيا وديمه ايدور فيا وحتي اليوم اللي انغيب فيه نلقه ايدور فيانا ؛؛ باهي هو اكويس انتي متريحتله
ايمان ؛؛ هو اكويس ومحترم ومعروف حتي في المدرسه بس تبي الحق نا خايفه من خوتكنا ؛؛ ﻻﻻﻻ اطمني من الناحيه هذه وكان تو ايجي يخطبك طول ح ايوافقو وخاصة عادل انتي عارفيته يبي يفتك من باي طريقهايمان ؛؛ يعني انقول تعال اخطب
نا ؛؛ ايمان انتي لو تبيه ومتريح معه خلاص قوليله ايجي يخطب

ايمان ؛؛ وبه محمد اللي نحكي معه
نا ؛؛ اي محمد اللي تعرفتي عليه علي فون
ايمان ؛؛ اها
نا ؛؛ انتو شفتو بعضكم
ايمان ؛؛ ﻻﻻ مازال ما شفني
نا ؛؛ قصدك تحكي معه وماشيفته
ايمان ؛؛ حسستيني اني واجد نعرفه راه ليا شهر بس نحكي معه وحتي اسمي الحقيقي ماعطيته له
وتبي الحق نا مش مقتنعه بعلاقه واجد امغير ميل الزمن اللي خششني

نا ؛؛ به انتي هكي متريحه قصدك تحكي مع انسان مش صادقه معه

ايمان ؛؛ علي اساس الرجاله صادقيني معنا
نا ؛؛ باهي وكان انخطبتي ح تقعدي تحكي معه
ايمان ؛ ﻻﻻ ويه نا مش حقيره لدرجه هذه يوم اللي ننخطب ح انطربقها الشفره

نا ؛؛ بس انا انقولك من تو فوتيه ومعش تحكي معه بيش ربي ايوفقك في حياتك وبلاه الدوه الزايده هذه

الباب ؛؛ طق طق طقطقطق
نا ؛؛ صبي هيا افتحي الباب اكيده عيت خالي
ايمان ؛؛ هيا هيا
وطلعت ايمان ولقت وليد هو اللي يفتح في الباب

وخشو عيت خالي وجو باقي العائله وكان الجو ايهبل وحتي رجاء تغير جوها وقعمزت معنا وهدرزت طبعا كانت الهدرزه سمحه لان نعيمه ما نزلتش علينا وكان هذا راه دارت جو نكد

واميره مره مره اتحصل في فرصه مع وليد وتقعد اتهدرز معه وامل خذت راحتها اكتر مع خالد
وكان خالد عاحبه الجو اللي ادير فيه امل
وجا الليل وروح كلهم وقعدت نا وخواتي بس ضمينا الحوش وبخرنا الحوش وطول للنوم

ومشا وضعنا هكي كم يوم

وفي يوم في الصبح جيت انوعي في ماما القيتها امرعقه ودايخه
طلعت نجري انعيط شور خالد
نا ؛؛ خالد خالد صبي صبي ماما مريضه شكلها ممغمه عليها

خالد ؛؛ هيا هيا لابسنها واطلعن
اميره وايمان ورجاء اطلعن يجارن
اميره ؛؛ وهي تبكي وينها ماما
نا ؛ ايمان رجاء هيا لابسنها ابسرعه بدال مالابست عبايتي وطلعت تقراريها
ايمان ؛؛ هيا هيا
نا لابست العبايه ابسرعه والخمار والقيت البنات املابست ماما و رجاء حتي هي لابسه عبايتها واطلعت معنا
ركبنها نا وخالد و رجاء في السياره
نا ؛ ايمان امشي انتي للمدرسه

ايمان ؛؛ ﻻﻻ مش ماشيه للمدرسه ماعندي وسعة بال انعدي للمدرسه تو نرجاكم هنا
نا ؛؛ به
ومشينا طول للمستشفي وطول الطريق نا و رجاء نبكو وحالتنا حاله

خالد ؛؛ خلاص بلا ابكاء تربكن فينا راكن
ويه من امتي امي مريضه

نا ؛؛ مش عارفه بس نا نعرفها لما اتكون امعرقه نعرفها مريضه وقلبها يوجع فيها

خالد ؛؛ تو انكلم خوتك
نا ؛؛ خليك تو في السواقه قبل طول ولما نوصلو ساهله

واول ما وصلن للمستشفي انزلت انا نجري وكلمت حد ايجب برايله وجو ابسرعه امتعين الطواري وخذو ماما وخشو بسرعه بها للعنايه المركزه

ونا ورجاء قعدن نبكو
خالد ؛؛ خلاص اسسسس تو انرن علي عادل وعلي و خالي عيسي

نا ؛؛ رن عليهم تو يزعلو كان ماقالتهم لها
وقعدنا نا و رجاء بره ونرجو في خبر من اي دكتور واي ممرضه اتخطم علينا نمسكو فيا ونسالوها ومابتش اترد علينا

قعدنا علي وضعنا هذا اقريب نص ساعه
خش علينا علي وعادل

وتخش علينا خالتي فاطمه تبكي واتعيط

خالتي ؛ يانا عليا وينها وينها وامتي امرضت
نا ؛؛ في العنايه جوا وفي هالصبح امرضت

رجاء ؛؛ يانا عليا يا خالتي حتي ماما تبي اتعدي واتسيبنا ساد بابا مافرحن به ياربي ياربي صبرني
رجاء كانت تبكي ومنهاره وكان تبكي وخنقتها العبره
يانا عليا يا ماما يانا عليا ياحنونه يا ناعليا ماعندما غيرك يا ناعليا اللي مافرحنا كيف بنات الناس
حي عليا ياخالتي حي عليا

نا ؛؛ نبكي ومنهاره وجيتها واظبطتها وهي تبكي بدرجة العرب التمو علينا وتمو ايسكتو فيها

خالد ؛؛ وهو يبكي وحس كلام رجاء في الصميم قاعد
رجاء خلاص يارجاء ادعيلها ربي يشفيها ليش هكي

رجاء ؛ والله تعبت ياخالد تعبانه ماعندنا غيرها هي ضيء الحوش هي نوراته هي سندنا هي ظهرنا حي عليا وكان اتغيب علينا والله انروحو فيها

واطلعو علينا الدكاتره
ومشينلهم نجارو
رجاء صبت تحري ومشت شورهم

خالد ؛؛ ها شن صار عندها
دكتور ؛؛ والله هي حالتها تعبانه لان هي مريضه وعنده القلب بس انا اليوم كلمت الدكتور هذا وهو متخصص جراحه وهو قال امكانيتا مش ح ايخلني انديرلها عميله وقال هي تستحق عمليه بره في المصر بس هي حاليا ح تقعد في العنايه ان شاءالله وضعها يسقم بس انتو اجارو علي اجراءت بيش اطلعوها لان حالتها ماتسمحش تقعد هنا اكتر

وبدون ما نحسو بحاجه نلاقو رجاء طايحه دايخه
ونا مسكتها طول وشالها الدكتور معي لغرفه

دكتور ؛؛هي اتعاني من اي مرض
نا ؛ ﻻﻻ
دكتور ؛؛ متزوجه هي
نا ؛؛ ﻻﻻ مش متزوجه
دكتور ؛؛ اول مره اطيح هكي
نا ؛؛ اها اول مره
دكتور ؛؛ به ممكن تطلعي بره ونا تو انشوفها

طلعت من الغرفه انا وحسيت روحي في دوامه كبيره بكل ونا مش قدها ماما في العنايه ورجاء طاحت علينا هنا والبنتت في الحوش يبكن

حسيت روحي بذنب لاني خليتها اتجي انقهرت ووجعتني وجتني خالتي فاطمه وتمت تبكي معي واتسكتت فيا وطلع عليا دكتور رجاء اللي هو نفسه دكتور ماما

خالي عيسي ؛؛ ها دكتور
دكتور ؛؛ ﻻ بسيطه صارلها انهيار عصبي بس ومعش استوعبت الوضع وطاحت وشكلها هكي دلوعه وتبي اتخوفنا عليها

خالي ؛؛ شكرا دكتور به هي وين

الدكتور ؛؛ هي تو جو وعطيتها ابره منوم خلوها اتريح في الغرفه ونا ح نبرم عليها وبالنسبه للام نا الدكتور امتعه وح نقعد معكم واسمي سراج
وح انساعدكم في عمليتها بره و ح انديرلكم اجراءت

خالي ؛؛ به شكرا وبارك الله فيك يا دكتور سراج

وخشيت نا عليها في الغرفه القيتها راقده والدمعتها علي خدها ومحولين وشاحها قعمزت جنبها وحولت الخمار وتميت نبكي ومنهاره

وقعد علي الوضع هذا لمدة ساعتين مع رجاء في الغرفه
وخش عليا خالد

خالد ؛؛ ايه هيا انروحو انشوفو خواتك علي قالي خوذ اختك وروح

نا ؛؛ ﻻﻻ مش ح انروح يا خالد نا ح نقعد مع رجاء كان روحت بلاه خواتك ح ينشغلان عليها خلني نا معها

خالد ؛؛ به نا ح انروح لاني نبي انغير دبشي وعندي اوراق نبي انديرهن

نا ؛ خالتي فاطمه انتي روحي مع خالد وخليك مع البنات وماتقوليش ان حتي رجاء طاحت

خالتي فاطمه؛؛ به تو انروح معه
نا ؛؛ خالتي ردي بالك منهن وماتخليش نعيمه تغلط فيهن وخليهن ايظمن الحوش

خالتي فاطمه ؛؛ به حاضر
نا ؛ خالد انت راد هنا
خالد ؛ بعدين نبي انرد ليش
نا ؛؛ مرات نطر نقعد هنا نبي اشوية دبش

خالد ؛؛ به كان كملت اوراقي والقيتك مازالتي قاعده هنا تو انجيبلك اللي تبيها

نا ؛ به خلاص

وطلعو خالد وخالتي فاطمه معه وروحو اللي في المستشفي ماعاد علي قعد بره يرجا في اي خبر علي ماما

ونا قاعده امقعمزه في الغرفه اوعت رجاء واقعدت تبكي

رجاء ؛؛ ويه ماما اوعت ياويه
نا ؛ رجاء وسعي بالك انتي عارفه ماما مريضه قلب
وخش علينا الدكتور سراج

د .سراج؛؛ اووووو ماشاءالله تبارك الله
الحمدالله علي سلامتك
رجاء ؛؛ استغربت الدكتور كيف ان لطيف وخاصه عليها باابتسامه

الله يسلامك

نا ؛؛ نحكي معه وناسيه الخمار فوق ورجاء قاعده بلا حجاب

ها دكتور ماما شن صار فيها
دكتور ؛؛ انقول الحمدالله
ها يارجاء تو تمام مااتحسيش بدوخه
رجاء ؛ لا حاسه بيها خفيفه

دكتور ؛؛ به تو خليك متريحه وتو جو ايركبولك تغذيه
نا :؛ هي تعبانه لدرجه هذه
دكتور ؛؛ انتي اختها صح
نا ؛؛ اها
دكتور ؛؛ اكبر منها صح
نا :؛ استغربت السؤال
اها اكبر منها
دكتور ؛؛ شكلك متزوجه
نا ؛؛ ﻻﻻ مش متزوجه

الدكتور انحرج وبرم وجه شور رجاء ولقها مش عاجبها الوضع واتفنص فيا نا
واتقولي نزلي الخمار بيده بس نا مافهمتش عليها

دكتور ؛ رجاء خلاص عاد طمنين عليك ومعش نبو اي دلع زايد ومعش اتفكري واجد ماما تعبانه وانتي عارفه اكيده

رجاء ؛ هزت راسها امتعت اها
دكتور ؛؛ خلاص معناها خليكي قويه بيش اتساعدي امك
رجاء ؛؛ ان شاءالله
دكتور؛؛ خلاص معناتها بعد تكمل التغذيه ح تطلعي ان شاءالله
نا ؛؛ شكرا دكتور تعبنك معانا
الدكتور :؛ ﻻ شكرا لله والحمدالله علي سلامتك رجاء
رجاء صح اسمك

رجاء ؛؛ اها رجاء
الله ايسلمك

دكتور ؛؛ خلاص سلام ونا قاعد في غرفتي واي سؤال تفضلي

رجاء ؛؛ شكرا

وطلع الدكتور

رجاء ؛؛ ويه كنك انتي ليا ساعه وانا انقولك نزلي الخمار وانتي ماتفهمي بكل

نا ؛؛ ييييييييييي انسيته بكل وانتي قاعده طالقه شعرك
تبي الحق الدكتور شكله مهتك واجد شوفتي ابتسامة

رجاء ؛؛ والله ماشاء الله عليك ويه طلعتي تعرفي تعجبي بالرجاله بعد هيثم

نا ؛؛ شن خطره تو هذا علي اللسانك هيا اطلعي وانتي شيء سامطه بكل

رجاء ؛؛ كيف نطلع وتو يبو ايركبولي التغذيه
نا ؛؛ ييييي انسيت خليني انعدي انشوف ماما

رجاء ؛؛ ماما مازالت في العنايه

نا ؛؛ قالو ضروري تطلع بره عندها عميله خلاص لعند امتي ونحن نقعدو انجلو في عمليتها ضروري انديروها

رجاء ؛؛ ان شاءالله خوتك يعرفو ان عميلتها ضروري بيش يطلعو بها عارفه نا لو خش عليا الدكتور نبي انقوله كبر الموضوع بيش يطلعو بها لان هي مش مقتنعه انها تطلع واتسيبنا

نا ؛ ان شاءالله خير

وخشت علينا الممرضه بيش اتركب للرجاء التغذيه ونا طلعت وقعدت قدام العنايه

قعدت نبكي وندعي لربي وبعد ساعتين جتني رجاء وخالد وقالو هيا انروحو

نا ؛؛ ﻻﻻﻻﻻ نبيش انروح ح نقعد مع ماما هنا
خالد ؛؛ قعدت خطا هنا هيا روحي
نا ؛؛ وكان وعت ماما من تلقي معها
خالد ؛؛ به كان تبي تقعدي اقعدي بس نا نبي انروح برجاء ضروري لان الدكتور قال تبي راحه

نا ؛؛ به خلاص روح بها بيش اتريح
رجاء ؛؛ خالد والله ماعندي نيه انروح نا
خالد ؛ انتي بذات روحي بيش تريحي

وبعدها راه الحوش القيته امعبي تعبيه وحرام علي خوتتك قعدات اوحدهن
رجاء ؛؛ به

وعدو خالد ورجاء ونا قعدت مع ماما

وقعدت طول الوقت ونا نبكي ومنهاره وندعي لربي
وقعد وضعي هذا كم اسبوعين

وكل مره اتجيني وحده في المستشفي ومره مره انروح انا ندوش ونرقد اشويه وانرد لمستشفي نين جا اليوم

ونا ورجاء مقعمزين علي الكرسي
جانا الدكتور

دكتور سراج ؛؛ السلام عليكم
نحن ؛؛ والدموع في اعيونا وعليك السلام
د.سراج ،؛ شن لعند امتي وانتن تبكن هكي نا عندي خبر ونبيكن اتكون قويات واتحملن اي عواقب

رجاء ؛؛ صبت ابسرعه وجت قدامه وكانت منهاره
شن يا دكتور وراس دكتور مااتقول خسرنا ماما وراس دكتور

انهارت نين طاحت علي ركبيها واقعدت تبكي وراس دكتور قول انها اكويسه والله راني تعبانه ساد مافيا

نزل عليها الدكتور
الدكتور ؛؛ ……………….

يتبع