مسلسل سعاده كاذبه 

مسلسل سعاده كاذبه
الحلقه 3وطلع وليد وطلعت وراه اميره بطريقه غير مباشره بس كلنا عارفين علاقة اميره بوليد
واول مااطلعو
وليد ؛؛ برم وجه شور اميره ومسك يدها وخش للمربوعه وكرها
اميره ؛؛ هييييييي من جدك يا وليد هكي حول يدك نبي نطلعوليد ؛؛ اسسسسسس بس
اميره ؛؛ تحكي بصوت واطي به خلاص حول يا حبيبي عيب هكيوليد ؛؛ قرب منها واجد
شن قالتي تو نبي نسمعها تو
اميره ؛؛ شن
وليد ؛؛ يا من نا
اميره ؛؛ مانيش قايلتلك
وليد ؛؛ مانيش طالقك نين اتقوليها وبعدين نا ما صدقت شفتك هكي شوفي ليا كم ما شفتك وخذيت راحتي معاك
اميره ؛؛ هههههه خلاص به هيا اطلع
وليد ؛؛ والله نا ماسك روحي بغصب عليك انحبك يا اميرتي انتياميره ؛؛ طبست راسها وقعد احمر انحرجت عاد

وليد ؛؛ اميرتي ما تنزليش راسك نا نبي انشوف اعيوناتك هذين نبيك اتقولي جميع الكلام الحب و تو وهن اعيوني في اعيونك

اميره ؛ وليد حبيبي انا انتحشم منك هكي
وليد ؛؛ هيا قوليها تو راه مانيش طالع نين نسمعها وخلي اللي يبي ايشوفنا ايشوفنا نا ماعنديش مانع

اميره ؛؛ انحبك انحبك انحبك

وليد ؛ تنهد تنهيده طويله وطالعه من الاعماق
والله والله حتي نا انموت فيك موت بااميرتي

اميره ؛؛ خطرها يا حبييي راه فوني امبدري حصل خبطه وامبدري جيت نبي انرن عليك سمعت تشويش سكرت

وليد ؛؛ به عدي جيبه ليا ونا تو نعطيك فوني المدار
اميره ؛؛ به حاضر

وطلعت اميره من المربوعه وخشت للدار وطلعت الفون وجابته للوليد

و وليد طلع وجاب فونه المدار من السياره وخش وتلاقو عند المدخل

اميره ؛ خوذه حبيبي
وليد ؛ خلاص حتي انتي خوذي فوني المدار
اميره ؛؛ وكان رن عليا واحد من أصحابك
وليد ؛؛ ﻻﻻﻻﻻ نا المدار مش عاطي رقمها للحد الا انتي بس

اميره ؛: به راه حتي فوني ماحد عطيته رقمي
وليد ؛؛ احسن حاجه
وتبادلو الفونات
وليد ؛؛ بيش اترني انتي عليا راه الشفره امعبيها رصيد
اميره ؛ حاضر حبيبي هيا سلام
وليد ؛؛ هيا خش سلام

ودسته اميره الفون وخشت علينا
خالتي فاطمه؛ ؛؛ يا نا عليا الفرخه رجاء هذه ما تشعف بكل كلا هي

رجاء ؛؛ ها امالاه تبوني نلقاها اتفتش في حاجتي ونسكتلها تي احمدو ربكم ما ضربتها لكم

ايمان ؛ نا امبدري نسمع فيهن ايديرن العركه قالت ندوش ابسرعه ونطلعلها الكلبه

انا ؛؛ ههههههههه قصدكن تبن اتناصرن عليها

رجاء ؛؛ عادي شن فيها والله نزقب عليها كيف القطوس ونبدا فيها تخبيش

خالتي فاطمه ؛؛ بعدك هي طول × عرض

خالتي سالمه؛ ؛ ﻻﻻ يا بنات فكن الله من شرها فوتنها ومعش تحكن معها كان حكيتن معها احكن معها رسميات وكان هذا فوتنها

ايمان ؛؛ المشكله يا خالتي حتي لما انفوتوها وانخشو لدارنا اتجي اتخش ورانا وكان قفلنا الباب بمفتاح تقعد اتخبط بقوه بيش اتسمع خالد ان راه خواتك امسكرات علي اروحهن

خالتي سالمه؛ وليش اتخش وراكن انتن عاد مااتخششن كلكن

وبعدها انا صبيت بيش نبدا في العشاء

رجاء ؛؛ ﻻ يا خالتي ما كلنا انخشو انتي عارفه ويه ديمه مع ماما هنا في الدار تو ويه حتي النوم ما عاد ترقد معنا ما ترقد الا مع ماما

ماما ؛؛ ويه الله ايربحها وين ما تمشي

خالتي فاطمه ؛؛ نقانه ويه هي اللي شايله امها اكتر وحده الحق حتي انتن بس انتن مره مره اتسيبن فيها بس هي مستمره معها

اميره ؛؛ ياخالتي هي اللي ادف فينا ما تبش اتخلينا انجو لماما حتي في دورت الحمام اتخش هي معها واديرلها كلها معها

خالتي فاطمه؛؛؛ نشهد بالله يا عيشه سلمك والله جيابه في جيبتك ل ويه هي اللي القتيها

ماما ؛؛ حكت ودمعتها في اعيونها
ان شاءالله ربي يسترها وان شاء الله ايجي نصيبها اكويس وايقدرها

خالتي سالمه ؛؛ ان شاءالله
بنات خلاص عاد صبن وخلينا نحكو مع بعضنا اشويه

رجاء ؛؛ باهي يا اخويله صار اتوزعي فينا صار

واتخش موده
موده ؛؛ اعميماتي
وكلهن برمن وجهن
اميره ؛؛ كنك شن في
خالتي فاطمه ؛؛ كنك احكي راه ايجينا باتك اخري
موده ؛؛ هههههههههه ﻻﻻﻻ مش ديمه عاد

نا ؛؛ طلعت من المطبخ
موده حبيبتي كنك
موده ؛ قالتلك ماما بيش ادزيلي من اللي اديري فيه راه بنت القديد فاحت عندي
نا ؛؛ به حاضر

رجاء ؛ يا عن مرض حتي المقطع تشحت فيه حلال توه اتحطيلها سم

نا ؛؛ موده خشي يا اعميمه قعمزي

رجاء ؛؛ تعالي يا موده نبيك في وظيفه

نا ؛؛ رجاء خاطي البنت تو اتودريها
رجاء ؛؛ خليكم في حالكم انتو
نا ؛ باهي تعالي هيا راه نبي انحط العشاء

خالتي فاطمه ؛؛ راه شيء يوم اتبص فيكن هالبنت اللي اتخششن فيها في الدار

رجاء ؛؛ ﻻﻻﻻ يااخويله تريحي من الناحيه هذه موده تربيتي نا مافيش ابصاصه تحسبيها كيف امها

نحن ؛؛ ههههههههه والله تو اتجيبي اخرتك بيدك

وحطيت العشاء وعطيت للموده صوني عشاء
خالتي فاطمه ؛؛ اتجبيلكن ضربه و تبي منكن العشاء نسمعو ونسلمو

اميره ؛؛ كنانين العازه

امل ؛؛ اس انتي ليش اتطلعي في عيبك قدام خالتلك راه بعدها معش ناخذوك للوليد

اميره اخزرطت علي تحشمت علي انحرجت وطبست راسها لوطه
واسكتت

نا ؛؛ ههههههههه عليك احراج ^_^

وتعشينا وشالن السفره للمطبخ

وشفت البنات كيف يبين ايخشن للدار
نا ؛؛ تعالنا تعالنا
رجاء ؛؛ كنك
نا ؛؛ المطبخ اليوم علي من هيا خشن ظمن المطبخ والباقي ايظم الحوش هيا

ايمان ؛؛ اليوم عليا نا المطبخ
دعاء ؛؛ تو انخش انساعدك

وخشن ايمان ودعاء للمطبخ ورجاء وامل واميره شورهن الحوش ونا بديت نغسل في الدبش
وماما وخالاتي قعدات في الدار ايهدرزن

وكملنا حاجاتنا ودارت اميره شاهي واسبول وقعمزنا انهدرزو عليهن

وبعدها جا خالد خويا
خالد ؛؛ السلام عليكم
نحن ؛؛ عليك السلام
اميره ؛؛ خالد انحطلك العشاء
خالد ؛؛ شن العشاء
اميره ؛؛ امقطع
خالد ؛؛ ﻻﻻ نبيش ديري سفره خفيفه علي سريع
اميره ؛؛ خاضر خلودي

ومشا خالد لداره وصبت اميره ومعها امل

اميره ؛؛ خليكي يا امل تو انديرها ابروحي
امل ؛؛ ﻻﻻ نبي انساعدك
اميره ؛؛ براحتك يا حنه
وصبت اميره وامل للمطبخ و رجاء وايمان و دعاء خشن لدارهن

امل ؛؛ يا ناعليا ايهبل باقي خالد خوك
اميره ؛؛ هههه اها
امل ؛؛ اتصدقي المده الاخيره تميت انشوف فيه حلو ابجد وعاجبني

ونا خشيت وسمعت كلمتها
نا ؛؛ ههههههه كيف صار يا امل تميتي اتبحتي في المرهونين

امل ؛؛ ههههههههه شكلي هكي
اميره ؛؛ طيح سعدك هذا خاطب
امل ؛؛ عادي اللي خاطب يفصخ

وغمزت عينها

نا ؛؛ هههههه طيح سعدك ما ناقص الا هذه
اميره وراس اموري بعد ما اتكملي عشاء خالد حطي البرتقال لماما وخالاتي

اميره ؛؛ تم باهي
وكملت اميره عشاء خالد وشالته امل له في الصاله وقعمزت هدرزت معه اشويه

روحت خالتي فاطمه
والبنات غيرن دبشهن ولابسن اتوت

وعديت وهدرزت مع البنات وقعدن انهدرزو الليل كله وهن ايشلطن وكل مره وحده خارطه رقم

اميره مشت لدار الضيوف وحطت افراش ورقدت خافت وليد يسمع صوت خواته وهن يحكن علي الفون

دعاء ؛؛ ويه هيا شاركينا وخوذي احكي معنا
نا ؛؛ ﻻﻻﻻ نعرفش نحكي نا غلي فون

رجاء ؛؛ فوتيها هذه هبله واتقول متربيه في حوش شياب ماترفعش تحكي والتلسن بكل

امل ؛ معقوله انتي اختها وهي ماتعرفش

رجاء ؛؛ ما المشكله هذه ان انا اختها

نا ؛؛ هههههههههه يعني عارفه روحك يا همي

طبعاً اللي قعدت تحكي تحكي
ونا من التعب رقدت معهن

اوعيت تاني يوم ابسرعه القيت روحي متاخره علي ماما طلعت من الدار نجري والقيت خالتي سالمه دايره سفرة فطور واتفطر في ماما

نا ؛؛ نجك ليا يا خالتي
خالتي سالمه ؛؛ صباح الخير
نا ؛؛ صباح النور باهي اللي درتيلها الفطور قبل قالت حي عليا تاخرت علي موعد الدواء
خالتي ؛؛ ﻻﻻ تهني درتلها واهي تفطر
نا ؛؛ جيتها وقربت منها
ماما اسفه حبيبتي تاهرت عليك يا عمري
ماما ؛؛ ﻻ عادي ابنيتي اهي خالتك قاعده
حبيت علي يدها وعلي راسها وعديت خشين لحمام وتوضيت وصليت الصبح وجيت وشلت السفره
خالتي سالمه؛ ؛ ويه وعي البنات خلاص راه خوتك تو ايجو وخوالك جين اليوم راه
نا ؛؛ صاح به حاضر نا تو انوعيهن
وطلعت من المطبخ
نا ؛؛ اميره رجاء ايمان خلاص هيا اوعن خلاص راه جمعه والناس ح اتكب علينا
رجاء ؛؛ ووووو عليا ما رقدت الا هالصبح كنكم انتو ما عندكمش احساس
اميره ؛؛؛ هي خلاص اني صبيت
نا ؛؛ اميره نا نبي انخشش ماما لحمام نبي انديرلها حمام بيش اتهوي دارها وافتحي روشنها وتو انا انلابسها في الدار التاني بدال ما تهوت
اميره ؛ به اصبري خليني انخش الحمام ونطلع وبعدها خوذي ماما
نا ،؛ به خلاص ح انوتي دبشها بدال ما طلعتي من الحمام
ايمان ؛؛ ويه عدي ونا تو انجيك انساعدك
نا ؛؛ هيا هيا
وطلعت وشربت حليب عالسريع و وتيت دبش ماما
ومشيت شور الحمام وولعت علي الحوض ميه دافيه وشالت كرسي في الحمام وطلعت
نا ؛؛ ايمان هيا ساعديني
ايمان ؛؛ هيا
ماما ؛ يا بنات خالني تو نمشي اوحدي وحده وحده وتو اندير حمام اوحدي
نا ؛ ماما راه نزعل منك كيف مش عاجبك الحمام اللي اندير فيه لكي
ماما ؛؛ يا ابنيتي نا مانبيش انتعبكن معي بس
ايمان ؛؛ تعبك راحه هيا خلاص خلينا نمشو
ومشينا دقه دقه شور الحمام وقعمزنا ماما علي الكرسي
نا ؛؛ خلاص مني انتي اطلعي ونا انديرلها عدي ساعدي اميره في ظمت الدار والسرير وولعن الدافيه قبل ما انطلع ماما من الحمام
ايمان ؛ باهي بشويه عليها
نا ؛؛ هههه به خاضر هيا ابسرعه
وطلعت ايمان
دارت الدار مع اميره وكملهنا وخلن الروشن مفتوح اشويه ومشت بعدها وعت رجاء اخري
وبعدها سكرت الروشن وولعت الدافيه وجابت بخوره وولعتها في الدار ونا طلعت بماما من الحمام ومشيت معها شور الدار ولابستها وو مشطت شعرها وخليتي الدار امسكره اشويه نين دفت وجتها خالتي سالمه قعمزت معها اتهدرز
ونا طلعت وانظم في الحوش مع البنات خشيت علي البنات في الدار
نا ؛؛ طيح سعدكن مازالتنا امخمجات ورقدات يا طيخات السعد نوضنا تو ايجونا العرب
رجاء ؛؛ خلاص اني وعيت
وصبت رجاء ومعها دعاء
وامل صبت بالبطنيه واطلعت بالدار وهي لافه روحها بالبطنيه وتمشي وشبه امسكره اعيونها
وماشيه شور دار ماما اخبطت في خالد وهو كيف واعي
خالد ؛؛ ههههههههه امل يا هبله كنك ان شاءالله تمشي وانتي راقده
امل ؛ افطنت لروحها واصحصحت انها قاعده راقده
خالد ؛؛ امل كنك ساكته
ومسكها من ايديها وهزها
امل ؛؛ بصوت واطي وحنون
تي كنك يا خالودي
خالد ؛؛ هههههه برسمي راقده وين ماشيه تو انساعدك
امل ؛؛ نبي دار ما فيهش خواتك بيش نرقد وناخذ راحتي
خالد ؛؛؛ والله الدار الوحيده اللي ما ايخشنهش خواتي هي داري لانها خط احمر
ونشن امل من قدامه ومشي خالد وهو يضحك على امل شور الحمام

وامل مشت وجت في بالها تمشي وترقد في دار خالد
اولا بيش ترقد
ثانيا بيش اطيحه
فرصه وجت لعندها
ومشت لدار وخشتلها وارقدت علي سريره

اميره ؛؛ اخويله انديرو الغداء شن تبي اندير
خالتي سالمه؛؛ ﻻﻻ تريحي تو انديره انا امغير نرجا في خاللتك فاطمه اتجي قالت تبي اتجيب معها لحم و خضره
اميره ؛؛ ليش يااخويله في لحم وفي خضره ليش اتعب في روحها
خالتي سالمه ؛؛ هيا قالت هكي وقالت مااطيبوش نين انجي انا

نا ؛؛ عيت خالي عيسي ديمه امتعبني اروحهم ورنا ديمه هكي كيف مازالتي ما عرفتي طبعهم يا اميره
اميره ؛؛ به خلاص معناتها نبي نمشي انظم الجنان ويا رجاء يا عن مرض بيش اتسكري الحوش واتبخريه باهي باااااااااهي
رجااااااااااء تسمعي فيا شن قالت
ورجاء امقعمزه في المطبخ وتشرب في الحليب وساكته ومش عاجبها الوضع
اميره ؛؛ رجاء تقريبا نا قاعده نخرط صح
نا ؛؛ خلاص فوتيها يااميره نا تو انسكر الحوش وانبخره

رجاء نوعيتها لما توعي في الصبح اطول هي وهي ساكته وتشرب الحليب وهي في الهدو التام وماتحبش تحكي علي الحليب

اميره ؛؛ ازي هالفرخه مااتغير بكل
وطلعت واخبطت الباب
ونزلت نعيمه واعيالها من فوق وجو عيت خويا علي
وقعدنا انهدرزو لعند ماجو عيت خالي عيسي ومعهم اعيالهم والحم والخضره معهم

وبدين انقرظو في خضرة المحشي
وطلع خالد من الحمام وخش علينا في المطبخ

خالد ؛ صباح الخير
نا ؛؛ هيييييييييييي هذا وين طلعت من الحمام ان شاءالله
خالد ؛؛ هههههههه قولي صباح الخير بس
نا و خالاتي وصبايا خوتي ؛؛ صباح الخير
خالد ؛؛ والنبي وحده فيكن اديرلي فنجال قهوه
نعيمه ؛ تو انديرلك اساس اهي واتيه قاعده اندير فيها لخوتك
خالد ؛ باهي بيش اتجيبها ليا في الدار
وطلع خالد من المطبخ ونعيمه صبت القهوه في الفناجيل وطلعت قهوه للخوتي في المربوعه ومعهم خالي

وخالد خش لداره ولقي وحده راقده علي سريره
خالد ؛؛ تي من اللي هنا وجا وقرب شور سرير وحول البطنيه ولقها امل

هههههههه من جدك انتي جيتي ورقدتي هنا
وامل غاطسه في نومها وقعمز علي طرف السرير وتمه ايشوف في امل كيف طالقه شعرها وراقده كيف البيبي
وفجاه
الباب ؛؛ طق طقطقطق
وصب خالد ابسرعه
ونعيمه وهي تفتحت في الباب ………………….

يتبع