مسلسل سعاده كاذبه 

مسلسل سعاده كاذبه
الحلقه 26واسكتت فجاء لان افطنت لروحه انها تحكي علي طليقت راجلي ونا غرت وتميت نسال فيها

ماما ؛؛ ما نذكرهش واجد من زمان شيفتها
نا ؛؛ بحتت في ماما وعرفتها انها ادس عليا واسكتت مراعاة للشعوري بساميره ؛؛ تي مهما اتجي من جمال مستحيل تقعد كيفك يا عسل اتهبلي انتينا ؛؛؛بحتت في اميره وابتسمت ابتسامه صفره

وغيرن موضوع وقعدن انهدرزو

ونا طول القعده عقلي في طليقت مراد وتميت انتخايل في لمار بشكل اكبر

وفجاء سمعنا صوت عالي
اميره ؛؛ طيح سعدنا هذا عادل
عادل ؛؛ ياكلبه يا فرخه وينك

ونحن مصدومات ومعش عرفن ما انديرو ومقعمزات في الدار كلنا

وايخش علينا عادل كيف الوحش وجا شوري طول

وايكرن من عند شعري

نا؛؛ اهااااااا يا عادل كنك

عادل ؛؛ ياكلبه انتي من عطاك حقوق نين اتلزي نعيمه ولا خلاص تزوجتي تبي اديري روحك شخصيه

ماما ؛؛ عادل الله ايربحك سيبها هذه متزوجه عيب يا عادل

عادل؛ ؛ هذه اخربت مش ازوجت شوفي لابستها التافه ودارت مشكله شن كان ازوجت يعني معش انربيه

والله الا انربيك يا حقيره من اولها درتي هكي انتي

وكرني عادل من عند شعري لعند الصاله

والبنات يتعيطن وماما معش اقدرت اتصبي علي كرعيها اقعدت اتسرخ من عندها

نا ؛؛ ﻻﻻﻻﻻ يا عادل وراسك ﻻﻻﻻﻻﻻ حرام عليك والله ما اغلطت هي اللي اغلطت فيا وفي راجلي

عادل ؛؛ راجلك صار راجلك

وفك سير امتع سرواله
ونا اول ما شفت هو ايفك قعدت انعيط

وجيت نبي انصبي حط عادل اكرعه علي فخدي

عادل ؛ مانكش متحركه من هنا الا ماانربيك وطلع السير

اميره ؛؛ عادل البنت متزوجه يا عادل حرام البنت عروس

وبحت عادل فيهن لاوره
عادل ؛؛ عارفات يا حيوانات كان ما تسكتن والله نبد فيكن

وجت اميره وايمان ل عادل وتمن يبن يمسكنا

اميره ؛؛ عادل علشان خاطري سيبها اضربي انا انا اللي غلطت في نعيمه

ايمان ؛؛ حرام عليك اختك يا عادل

وعادل دفهن
ولا سمعها ولا شي وطول بدا فيا بالسير ونا

لافيت روحي وعطيت ظهري

نا ؛؛ اهاااااا اهااا يا عادل

والبنات وماما ايسرخن

وجت رجاء تجري ودفت عادل

رجاء ؛؛ عادل خلاص هي ما شور شيء
عادل ؛؛ شن اليوم ادفعن واجد

ودف رجاء عليا واقعدت رجاء متغطيه عليا
وعادل قعدت يضرب فينا ووحده فيا ووحده فيها

ماما ؛؛ و رحمة بوك يا عادل سيبهن
ورحمة بوك يا عادل

عادل فجاء وقف
عادل ؛؛ عارفات مره تانيه اتصيير مشكله تانيه والله انقطعكن وما نرحمكن انتن ديمه ديرتلي مشاكل انتن معش خلتني انتهي في حياتي 24 ساعه اتنابشن في المراه

وضرب كارشو وجا في جنبي وطلع
نا قعدت نبكي

وجتني اميره تجري

اميره ؛؛ خلاص يا ويه علشان خاطري خلاص
وسكتني ونا صبيت وخشيت الحمام بيش نغسل وجي حسيت ظهري يوجع فيا حولت البلوزه وبحتت في المرايه والقيت سير عادل متعلم فيا

طحت لوطه وقعدت نبكي خفت من مراد ايشوفني هكي وايفكر ان دايره غلط وياخذ عليا فكره شينه
قعدت نبكي في الحمام بصوت عالي

وجت ايمان ومروه ايدقن
مروه ؛؛ ويه اطلعي هي حبيبتي اطلعي

نا ؛؛ قعدت نبكي اخر انفكر في مراد بس كيف ايشوف جسمي هكي ومراد هذه مره تانيه ايشوف عادل ضاربني وايعلم فيا يعني هذا خويا وادير فيا هكي معناها هو ما انلموش عليه يوم اللي ايمد يده عليا لان خوتي هم اللي فتحوله المجال هذا

ومروه و ايمان يحكن بره ويبني نطلع ونا لا نسمع فيهن ولا شيء نين جت اميره

اميره ؛؛ ايه ايه مراد ايرن عليك اكيده يرجا فيك بره
نا ؛؛ وقفت البكاء فجاء وصبيت وغسلت وجي بسرعه ولميت شعري وطلعت

نا ؛ وين فوني
اميره ؛؛ اهو
نا ؛؛ نعم مراد
مراد ؛؛ ويه وتي روحك نا جايك في الطريق
نا ؛؛ به نرجا فيك

ومشيت شور شنطتي وحطيت فوني
اميره ؛؛ ويه تعالي ديري ميك اب قبل ما ايجي خير ماايجي وايشوفك هكي

نا ؛؛ لا خلاص اكيده وصل
ماما ؛؛ ويه ما تحكيش لراجلك شيء
نا ؛؛ بحتت في ماما وخنقتني العبره

حاضر يا ماما

مروه ؛؛ سامحينا يا ويه والله مش ح نسكت الموضوع هذا وح نحكي ل علي وخليه ايديرلكن حل مع عادل هذا

ورن فوني اخر القيته حبيبي يتصل بيك
مسحت دموعي ابسرعه

نا ؛؛ مع السلامه

وطلعت واطلعن ورايا البنات

بس نا الدنيا امظلمه قدامي ما انشوفش حد الا ردت فعل مراد لما ايشوف جسمي و في وذني كلمة ماما لما قالتلي ما اتحكيش لراجلك حاجه

يعني شن اندير ماهو راجلي ومن طبيعي يبي ايشوفني وايشوف جسمي متعلم هكي
طلعت لشارع وشفت سيارة مراد وشفت وهو مبتسملي

نا ؛؛ ابتسمت ابتسامه صفرا ونزلت راسي لوطه

وركبت في السياره ونا امنزله راسي

مراد ؛؛ استغربني لما ركبت ابسرعه ونا امنزله راسي

ايه كنك في حاجه
نا ؛؛ بصوت مخنوق
ﻻ ما في شيء
مراد ؛؛ احكي شن في كنه وجك هكي

نا ؛؛ خنقتني العبره ونزلت دمعتي
مراد ؛؛ ايه تحكي شن في
نا ؛؛؛……….ساكته
مراد ؛ مشي بالسياره

احكي كنك شن صار احكي كنك ساكته احكي

نا ؛؛ ﻻ شيء بس هكي كنت امرايفه علي ماما وكنت نبكي بس

مراد ؛؛ بحت فيا وامرفع حاجبه وساكت

نا ؛؛ ……..ساكته وامنزله راسي ونبكي

ووصلنا للحوش وركبن للشقه

وطول خشيت لدار وخش وراي مراد نا بحتت فيه وفتحت الدولاب وطلعت توته وخذيتها وخشيت بها الحمام

مراد ؛؛ استغرب الحركه بس سكت وما بش يحكي
ونا خشيت لحمام وتميت نبكي وحولت دبشي وشفت العلامات وجعتني وقعدت نبكي وخشيت تحت الدش ودرت حمام ولابست توته وكانت سروال طويل و تيشرت

ولفيت شعري وطلعت

القيت مراد امقعمز في الصاله وايبحت فيا ومستغرب اني طالعه لابسه من الحمام وسكت وقعد ايدخن وايهز في اكراعه

نا ؛؛ شن تبي عشاء
مراد ؛؛ عنديش نيه
نا ؛؛ ليش كنك واكل بره
مراد ؛ ﻻ شيء بس هكي نيتي انسدت

وجيت نا شوره وقعمزت جنبه
وما بيتش انقرب منه واجد

مراد ؛؛ رقيلتله حركة تجاهلي له

وفكر ان يجرب ايتقرب مني هل نا انتقبله او لا
وقرب مني مراد ونا خفت واجد هو كان خاطري نقعد في حضنه ونبكي ونشكيله بس خفت وقعدت امقعمزه وساكته

وتقرب مني مراد
مراد ؛؛ ويه كبيدتي
وجا شور الشوفه يبي ايوبسها
انا خفت ونطيت نط قويه وقعدت امصبيه

مراد ؛؛ بحت فيا وفنص
نا ؛؛خفت منه وغيرت الموضوع طول

مراد تبي شاهي
مراد ؛؛ صبا ومسك يدي بقوه وشدا عليا نين حسيتها

نا ؛؛اهاا يدي
مراد ؛؛ عارفه انتي شن مشكلتك
شن تحسبي فرخ وما نفهمش في حاجه احكي كنك شن راه والله خيرلك كنك شن صاير معاك في حوش هلك

نا ؛؛ مش صاير شيء
مراد ؛؛ باهي كنك انتي كنك ساكته وكنك اتجاهلي فيا ولاه مشيتي لحوش هلك واذكرتيه ومعش تبيني نلمسك ولا شنو

نا ؛؛ خنقتني العبره

لا والله لا

مراد ؛؛ عارفه كان ما تقعدي واضحه معي والله مااتشوفي خير مني

نا ؛؛ يدي يا مراد
مراد ؛؛ شد يدي اخر بالقوه اكتر

كنك كتومه انتي احكي ولاه تبي تغفلني وتبي اتعيشي حياتك احكي كنك ساكته

ونا؛؛ نبكي وخايفه اتصير مشكله بين مراد وعادل وماما تمرض

مراد ؛؛ بصوت عالي
ااااايه ردي كنك ساكته

نا ؛؛ قعدت نبكي ومنهاره
وطحت لوطه

مراد ،؛ قعمز علي الصالون وقعد ايبحت فيا وخبط الطاوله بكراعه بقوه

لدرجه هذه يا ايه مش معتبرتني راجلك مش متقبلتني كنك احكي كنك شن اللي ناضت عليك اخري

نا ؛؛ بحتت فيه وصبيت نجري وخشيت لدار وتميت نبكي

ومراد ما بش ايخش عليا خلني اوحدي

ونا قعدت نبكي ومنهاره خايفه من المشاكل خايفه من كلام عادل علينا خايفه من ماما تمرض خايفه نخسر حبييي مراد خايفه خايفه وسبب سكوتي هو خوفي

وبكبت بكيت نين دخت ورقدت
واوعيت تاني يوم علي صوت هرجة مراد في الدار
صبيت وبحتت فيه

مراد؛؛ ما بش ايبحت فيا
نا ؛: صباح الخير
مراد ؛؛ …….ساكت ومابش حتي ايعبرني
ومشط شعره ولابس جاكه

مراد ؛؛ راه هلي امروحين اليوم بيش اتركبي العويل فوق

نا :؛به حاضر

وطلع مراد بدون حتي ما يعطني البوسه اللي عدوني عليها اليومين الفاتن

نا كان خاطري فيه بس…….

صبيت وخشيت الحمام وتوضيت وصليت الصبح وطلعت للصاله بيش انظمها والقيت دبله مسفوطه علي الطاوله

استغربتها وجيت مسكتها والقيت دبله ذهب وشكلها ليا لان مكتوب عليها مراد وتاريخ زواجنا والقيت دبله فضه فيها اسمي والتاريخ

وقعمزت وجعتني وتمتيت نبكي يعني راجلي جايبلي دبله وما لابسهش عليا هذه تاني دبله اتجيني منه وما نفرحش بها

خذيتهن ودسيتهن وفتحت الروشن ودرت غداء
وبعدين سمعت عيت عمي جو

وطول جت لمار ادق عليا وفتحت الباب والقيتها هي
نا ؛؛ خيرات لمار
لمار ؛؛ وين بابا
نا ؛؛ بابا في العمل هيا تعالي انديرلك دوش

وجتني هدي وهي شايله

هدي ؛ خيرات ويه
نا ؛؛ اهلا الحمدالله علي السلامه
هدي ؛؛ الله ايسلمك
اهو حمادي وهذا دبشهم اغسليهم اكيده فيهن رمله والله كان نلقي نا بروحي نغسل روحي ونرقد بس ورانا حوسة

نا ؛ ربي ايعاينكم

ومديت يدي وخذيت حمادي
نا ؛؛ رايح اسود يا حمادي
هدي :؛ هههههه ونا اشر منه هيا ياحنه خشي اغسليهم

نا ؛؛ هيا سلام
وخشيت نا وخششتهم معي
طول خشيتهم للحمام ودرتلهم حمام
ولا بستهم دبشهم ومشطت شعر لمار وخليتها تقعد علي ام بي سي 3

ومشيت وحطيت دبشهم في الغساله

وخش علينا مراد

لمار ؛ بابااااااااا ومشتله طول واضبطاته

مراد ؛؛ خير يا بابا يااعيون بابا
وشالها وجا وقعمز علي الكنبه ولقي حمادي شكله تعبان بكل

مراد ؛؛ كنك ما رقدتي عليش اتخلي فيه هكي

نا ؛ قالت اتجي اتوشفهم انت قبل وانغديهم وبعدها انرقدهم بيش كلكم ترقدو رقده سمحه

مراد؛ معش اتخليه هكي حرام عليك انتي ما اتحسيش ولا شنو

نا ؛؛ خنقتني العبره وخشيت ابسرعه للمطبخ وبديت انحط في الغداء

وخش عليا مراد
مراد ؛؛ غديهم هم نا نبيش
نا ؛ ليش
مراد ؛؛ لما تقعدي معي واضحه وصاينتني ومعتبرتيني راجلك صاح

في هذاك الساعه ناكل من اوكالك ونرقد معاك

نا ؛؛ مراد انت مش عارف شيء
مراد ؛؛ ايوه نا نبي نعرف كل شيء قولي احكي كان في عقلك حاجه احكي عليش داسه

واتخش علينا لمار

لمار ؛؛ اعميمه هيا جيعانه
نا ؛؛بحتت فيه وبحتت في لمار

هيا هيا حبيبتي تو انحط تو الغداء وقعمزتها علي الكرسي

ومشيت وجبت حمادي في الكروسه للمطبخ وتميت انوكل فيهم ومراد بحت فيا بعدها عد وخش للدار
ونا كملت تغديتهم وحمادي رقد طول ولمار انعست بكل

خششتهم لدارهم ورقدو طول ونا خشيت للدار علي مراد والقيته امقعمز وايدخن

سكرت الباب بالمفتاح

وبحت فيا مراد واستغرب

نا ؛ جيت قعمزت وعطيته ظهري وحولت التيشرت وخليته ايشوف ظهري

مراد ؛؛ بحت فيا واستغرب

ايه شن هذا من جاي شورك

نا ؛؛ قعدت نبكي
مراد ؛؛ كرني شوره
احكي من جا شورك من احكي وعليش داير هكي

نا ؛؛ هذا عليش امس ما نبيكش اتقرب مني بيش ما اتشوفش جسمي هكي

مراد ؛؛ وليش ما تقعديش واضحه معي وليش ما تحكي من اولها ليش اتخلي فيا انفكر فيك بتفكير سيء

نا ؛؛ نا نبيش مشاكل
مراد ؛؛ عادل صح اللي داير هكي
نا ؛؛ بحتت فيه وساكته
مراد ؛؛ عليش عليش باهي احكي
نا ؛؛ صارت مشكله بيني وبين مراته وهو جاني

مراد ؛؛ هذه ثاني مره ايديرها تي كيف هو مش عارف عندك راجل ولاه شنو كنه هو
وصب مراد من علي السرير

نا ؛؛ صبيت وراه ومسكته
مراد خلاص نا نبيش مشاكل ماما ح تمرض

مراد؛؛ تي ما تبيش مشاكل يعني يضربك هكي عادي عيبه في حقي هكي

نا ؛؛ قعدت نبكي

وراس مراد خلاص تحكيش معه فوته علشان خاطري نا بس والله ماما ح تمرض واصلا مراته هذه اللي تبيه مشاكل بينك وبين عادل خلاص علشان خاطري والله ايخش يضرب خواتي بعدها

مراد ؛؛ انتن كنكن خايفات منه هكي
نا ؛؛ عادل ولي امرنا وهو مسؤال علينا
مراد ؛ انتي خلاص مش شوره انتي مراتي نا وماحد عنده دخله فيك

نا ؛ اضبطته
حبيبي والله انحبك

مراد ؛؛ انصدمه من موقفي وكلمتي واضبطني بعدها

نا ؛ والله من امس نبكي علشان انت مش جنبي والله كان خاطري نبكي ونشكيلك ونا علي صدرك بس والله مااقدرت خفت خفت اتشوف جسمي

مراد ؛؛ اضبطني وبعدها بعدني من عليه

وخلي عيني اتجي في عينه

ايه انتي مراتي ونا ما انتحملش حد يلمسك نا بروحي راقيلي علشان شديت عليك واجد كنك انتي ماتبيش تتقنعي اني ما نبيش حد ايجي شورك
انتي ليا عارفه الكلمه هذه انتي ليا يعني ما حد يلمسك او ايجي شورك حتي ولو خوك

وعيبه يا ايه في حقي نسكت

وسامحيني

وطلع مراد بسرعه وهو نازل من علي الدروج

نا لا حقت بسرعه

نا ؛؛ مراد مراد
مراد ؛؛ خشي وسكري علي روحك
نا ؛؛ حبيبي تعال وراسي
مراد ؛؛ بحت جيهت شقه منتصر ولوطه
وجاني

ومسك يدي وخششني جوا

عارفه نلقك طالعه من الباب هذا انكسرلك كرعيك

نا ؛؛ خفت ووخرت

به تعال والله ما نبيش مشاكل يا حبيبي علشاني نا بس

مراد ؛؛ ما علشانك انتي مش ح نسكت يا ايه هذه تاني مره ايدرها وانتي علي ذمتي

وخلاص سكري فمك ومعش نبي نسمع حسك

وطلع مراد وسكر الباب بالقوه
ونا قعدت نبكي وخايفه
وشفته من عند الروشن وهو راكب السياره طلع بسرعه

مراد ركب السياره وما اشوفش شيء قدامه
نين لقي روحه قدام حوشنا وايدق

طلع عليه خالد
خالد ؛؛ اهلا مراد كيف حالك
مراد ؛؛ وين عادل يا خالد
خالد ؛؛ في شقته كنك شن في
مراد ؛؛كلمه ليا يا خالد اشويه نبيه
خالد ؛؛ احكي يا مراد كنك شن في

وشافته اميره وجت لماما تجري

اميره ؛؛ ماما ماما تعالي ابسرعه
ماما ؛ حي علينا اكيده عرف

وطلعت ماما تجري

مراد ؛؛ يا خالد كلمه ليا
خالد؛ ؛ به تو انكلمه
وركب خالد

ماما ؛؛ مراد وسع بالك
مراد ؛؛ ياعمتي هو اللي غالط ليش يلمس فيها هذه تاني مره ايدرها

وجا عادل ومعه خالد

عادل ؛؛ اووو خير يا مراد

مراد ؛؛ وين الخير اللي اتشوف فيه يا عادل انا المراه حاطه امس عند هلها هنا ولما انجي ناخذها نلقها مضروبه معقوله هكي يا عادل

عادل ؛؛ مراد صارت مشكله وهي اغلطت في مراتي وهذا عليش مديت يدها وبعدين هي ليش تحكيلك خطا تحكيلك

مراد ؛؛ عارف يا عادل هي ما حكتش بكل لان ما تبيش مشاكل ايصيرن وخايفه علي امك المسكينه بس جسمها كله متعلم بضربك يا عادل وهذا عيبه في حقي انت ترضها في مراتك اتشوفها مضروبه

عادل ؛؛ انحرج ومعش حكي وخالد كان غامله من عادل لان حط روحه في مكان محرج

مراد ؛؛ عادل هي اغلطت في مراتك مش فيك انت وبعدين ايه نا عاشرتها ليا اقل من شهر وعرفت طبعا اختك محترمه وعارفها مستحيل تحكي حاجه من لا شيء

وبعدين هذا كلام صبايا خطا منك تدخل لان لو تدخل ح تخسر مراتك او اختك

واهو انت تو اخسرت اختك يا عادل

ونشهد بالله يا عمتي انك امربيتها صح متربيه تربية رجاله

عادل انحرج علي الاخر لان عرفني اني امرفعتهم راسهم وامشرفتهم ومهما دارلي وما عطيتش فيه طريق بكل

خالد ؛؛ مراد خش نشربو حاجه

مراد ؛؛ ﻻﻻ شكرا يا خالد بس يا عادل المره اللي فاتت ضربتها وقبل ضريتها وجيت وحكيت مع علي والمره هذه ضربتها وجيت وحكيت معاك انت المره الثالثه مش ح تمشي بالساهل

نا جبتها حطيتها هنا في حوش هلها مش في حوشك يا عادل وهذه عرضي واللي ايمسها كأني مسني وراه عيبه في حقي يا عادل

سامحيني يا عمتي كان ازعحتك

ماما ؛؛ ﻻ يا وليدي الحق هذا حقك وسامحنا نحن
مراد ؛؛ سلام
وطلع مراد وركب السياره

خالد ؛؛ الله ايسامحك يا عادل نعيمه هذه كل ما لها اتوخر فيك لاوره شوف اختك فيش ادير علشان وانت شن ادير علشان مراتك

ركب عادل بدون ما يحكي ولا كلمه

وخشت ماما وخالد للحوش ولقو البنات كلهن امصبيات وايبحتن

خالد؛ نشهد بالله مراد هذا راجل حتي لما حكي حكي باسلوب وحرج عادل حرجني حتي نا

رجاء ؛؛ يستاهل اكتر من هكي عادل

اميره ؛ الحق يا خالد ايه روحت وجسمها متعلم كله
خالد ؛؛ به ليش ولا واحد فيكن حكت

ماما ؛؛ يا اوليدي نا نبيش مشاكل
رجاء؛ ؛ بالكي عادل هكي يوعي لنفسه اشويه

وسمعو هلي صوت اعياط نعيمه

عادل ؛؛ عاجبك هكي اتوصلي فيا للمواصيل هذين خليتي الراجل ايعيب فيا ونا ساكت لان معه الحق يا حقيره

ماما ؛؛ خالد اركب حز عليها

رجاء ؛؛ ﻻﻻ خليها يضربها يمسح كبدنا فيها

ماما ؛؛ يا خالد عدي تو يقتلها

خالد ؛؛ ركب بسرعه وحز علي نعيمه
ونعيمه رنت علي هلها وجو خذوها

وهي طالعه شافت البنات امصبيات في الجنان وعاجبهن الجو

نعيمه ؛؛ والله كان ما انكد عليكن ما نقعد نا نعيمه والفرخه ايه كان ما خربت عليها امتعت المطلقين

خوها ؛؛ اطلعي نعيمه ابسرعه
واطلعت نعيمه وهي اتبكاء وفي جرتها اعيالها

وخالد نزل وعادل قعد فوق في الشقه

ماما ؛؛ تي ليش اتعدي المراه
خالد ؛؛ نا مش عارف عادل كيف متحملها اترد عليه واجد

اميره ؛؛ ازي ه قليلة الادب هذه
خالد؛ ربي يصلح من حالها

وخش خالد لداره وماما اقعدت في دارها
واميره ورجاء وايمان فرحنات لان في حد جا ودار حد لعادل ونعيمه

ونا في الشقه نبكي ايخش عليا مراد

ونا لما شفت منظره جيته نجري

نا ؛؛ مراد…..

يتبع