مسلسل سعاده كاذبه 

مسلسل سعاده كاذبه

الحلقه 19

مراد ؛؛ كنها كبيره هكي الدبله 
نا ؛؛ هكي جت عليا من اولها
لمار ؛؛ نبي حنه كيف حنتك
نا ؛؛ تبي حتني هذه تو انحنيك حاضر
مراد ؛؛ البنت فطنيه خير مني
نا ؛؛ هههه لانك انت ماتحبهش الحنه ممكن هذا عليش
لمار ؛؛ ماما ديمه اتحني لعند فوق هنا وحطت يدها فوق الركبه
و نا بحتت فيها وفي مراد حسيت حاجه جت وخنقتني ومراد عرفها وقعد ايغير في الجو

نا ؛؛ مراد نبي فونك في رقم نبي انرن عليه عادي
مراد ؛؛ رقم من
نا ؛؛ رقم خويا خالد نبي نحكي مع ماما
مراد ؛؛ اها به خوذيه
وخذيت الفون
نا ؛؛ رنيت ورد علي طول
الو خير يا خالد
خالد ؛؛ ايوه من معي
نا ؛؛ ايه معاك
خالد ؛؛ اووووو ايه شن اخبارك
نا ؛؛ اكويسه الحمدالله وين قاعد انت
خالد؛ ؛ تبي امي
نا ؛؛ اها وطول خنقتني العبره وخشيت الدار
وبديت نبكي
ماما ؛؛ الو
نا ؛؛ بصوت بيبي وواطي لاني كنت نبكي
خير ياماما
ماما ؛؛ ايه خير يا ويه كيف حالك وطول تمت تبكي
نا ؛؛ اكويسه الحمدالله كيف حالك انتي
ماما ؛؛ اكويسه لماسمعت صوتك شين الحوش بلاك يا ايه
اميره ؛؛ ايه علي الخط
هاتي يا امي الفون هاتي
ماما اقعدت تبكي وعطت الفون ل اميره
اميره ؛؛ خير يا عروسه شن الاخبار
نا ؛ تمام الحمدالله شن اخبار ماما
اميره؛؛ اكويسه رايفنا عليك ما نحسبوش الحوش هكي بلاك امس في الليل اسهيت علي عقلي وخشيت لدار ماما اندور فيك بعدين اذكرتك خلاص ازوجتي
نا ؛ نبكي ومنهاره

خالد ؛؛ كر الفون من اميره
خلاص وانتن غالي عليكن النكد
رجاء ؛؛ باهي هات نبيها نا
خالد ؛؛ ﻻﻻ خلاص
هيا ويه تبي حاجه تو
نا ؛؛ عطني رجاء
ومد الفون لرجاء
رحاء ؛؛ لووووووووووووووووووووووووووووووووووليا مبروك يا حنه
نا ؛؛ يبارك فيك
رجاء ؛؛ وين قاعده
نا ؛؛ في شقتي
رجاء ؛؛ طلعتي في شقتك
نا ؛ اها
رجاء ؛ باهي ماشيه لكوافير
نا ؛؛ ﻻﻻ نبيش تعبانه انحس في روحي وبعدين هم ماعندهم حد خلاص
رحاء ؛؛ اها باهي هيا ياحنه سلمني علي رجالك ومع سلامه
نا؛ سلام

صكرت الفون وقعدت نبكي اخر جتني لمار

لمار ؛؛ اعميمه كنك تبكي
نا ؛؛ مسحت ادموعي
ﻻﻻ شيء هكي بس ومسكتها واضبطتها
وخش عليا مراد وراه حمادي يزحف
نا ؛؛ نجيه يا ربي يزحف
مراد ؛؛ ماخلنيش نمسكه قعد يبي يزحف
ولاحظ اني كنت نبكي
وجاني حمادي يزحف وجا شور السرير صب معه
وقعد يبي ياخذ الفون
مراد ؛؛ ماتخليش يمسكه وكان يمسكه ايحطه في فمه
نا ؛؛ اهو يا مراد خوذه شوف رصيد تقريبا كملته لك امبدري ونا نحكي

مراد ؛؛ جا ورقد علي السرير ومسك فونه وجاته لمار وقعمزت فوقه
ونا شلت حمادي وحطيته علي السرير
وتميت انبحت فيهم
كان منظرهم ايهبل وكانو متعلقين في مراد واجد ومراد كان حنون واجد فيهم

مراد ؛؛ تي شن كمل قاعد الرصيد زي ماهو مش ناقص واجد
نا؛ صاح مع اني طولت ونا حكي
مراد ؛؛ ﻻﻻ ماكلمتك مش غاليه عادي

لمار هيا انزلي ل عماتك وعدي ارقدي اشويه
لمار :؛ ﻻﻻ نبيش يا بابا نبي نقعد هنا
نا ؛؛ خليها
مراد ؛؛ تبيهم انتي
نا ؛؛ مش دايرن شيء هم
مراد ؛؛ ماشور شيء قعدتهم هنا خلاص خليهم ينزلو
ورن علي طارق خوه وقال تعال خوذهم
وركب طارق وطلعو العويل وهم يبكو ونا قاعده في الدار كسدت وصبيت وفتحت دولابي لما فتحت

الدولاب حسيت دبشي اشويه لان كان كبير الدولاب وتميت انبحت وشفت دبش مراد الحق كله عجبني كان ذويق في الدبش

طلعت بداله رسميه امتعتي وقستها من الكساد
كانت تنوره اقصيره فوق من الركبه وعليها من فوق كيف الجاكه بس كانت ربع كت وكان ظهرها شفاف واكتوفها شفافات ولونها عنابي

لابستها وبحتت في روحي في المرايه وحطيت شعري علي الجنب ودرت روج احمر كان واضح بكل

ويناديلي مراد

مراد ؛؛ ايه ايه
نا ؛؛ انحرجت كنت نحسابه راقد ما بيتش انرد عليه وقعدت في الدار
ونا امصبيه نسلح في الكندره ابسرعه ونفحت في سوسة الجاك من لوراه

وايخش عليا مراد
مراد ؛؛ نا اناديلك وبحت فيا ولاقني لابسه
نا ؛؛ ارتبكت ووخرت علي الساس نبيش ايشوفي من لوراه وقعدت ساكته
مراد ؛؛ كنك لابسه
نا ؛ اها لا شي
وخش مراد وجاني
مراد ؛؛ مستغر ويحكي وحاجبه مرفوع

عليش لابسه شن في

نا ؛؛ ﻻ شيء بس كسدت قستها بس اصلا كنت شاكه انها اتجي عليا حبيت انتاكد بس

مراد ؛ اها وقعد ايبحت فيا من لوطه لفوق
امي اتصلت وقالت بيش تنزلو في العشيه سلمو وتعشو

نا ؛؛ قصدك اليوم
مراد ؛؛ اها كيف تبيش
نا ؛؛ ﻻ باهي حاضر

مراد ؛؛ ايه في سفره راه مازالتي ماغسلتيه عدي اغسليه وديري شاهي

نا ؛؛ به حاضر انغير بس
وطلع مراد
ونا غيرت دبشي ابسرعه ولمت روحي علي للموقف السامط ومسحت الروج ولفيت شعري وطلعت
وحطيت الشاهي علي النار وغسلت مواعين غداء
وجبتله الشاهي عنده في الصاله

مراد ؛؛ شكرا
نا ؛؛ عفوا

وعديت لدار وبديت نستشور في شعري والقيت روحي امكسده بديت اندير في ميك اب بشويه بشويه ودرت ميك اب ثقيل اشويه

ولابست البدله اخر لان عجبتني

كملت قصاد ساعه 5 وخش علي مراد
ونا نلابس في الذهب

ومعش عرفت انسكر العقد لابست الخاتم الطاقم والدنادين ومراد ايشوف فيا من عند المرايه راقيلي

مراد ؛؛ تعالي تو انسكرها لكي
نا ؛؛ خذيت العقد واسوراه ومشيت شوره وسكرلي السوراه وبعدها برمت وعطيته ظهر

مراد قرب مني وحولي شعري علي الجنب وشاف الشوفه علي ارقبتلي حول شعري وتمه ايبحت فيها
مراد ؛؛ حلوه الشوفه هذه

نا تحشمت وحطيت يدي عليها
مراد ؛؛ هههه حولي بيش انسكر هيا
وحولت يدي وبعدها حط العقد وسكره ليا

ونا طول حطيت شعري لوراه
مراد ؛؛هذا طاقم الفرح صاح
نا ؛ اها حلوه عجبني
مراد ؛؛ خلاص عندكش حاجه اخر تبي تلبسيها

وبحت في العبله ولاقها فاضيه
مراد ؛؛ هذا ذهبك انتي
نا ؛؛ انحرجت ومشيت وسكرت علبتي ودسيتها

مراد ؛ خذا دبشه وطلع ولابس وجاني وقالي هيا
نا ؛ صبيت هيا
مراد؛ تنزليش معي هكي البسي عبايه مرات ايشوفك حد من خوتي او باتي
نا ؛؛ به حاضر
ولابست العبايه وحطيت وشاح وجيت نبي تطلع سمعت صوت تبيب
مراد ؛؛ اصبري اصبري
وعدي مراد ايبحت من عند الروشن
منتصر جاي
هيا تنزلي
نا ؛؛ هيا
وطلعنا نا ومراد ونزلنا والقينا غاده امقعمزه علي الصالون ولابسه العربي

مراد ؛ السلام عليكم
هله ؛؛ وعليك السلام
وخشيت نا وسلمت علي عمتي وحبيت فوق راسها
حنين ؛؛ خير ياايه نا حنين اخت مراد
نا ؛؛ اهلا بيك
هدي ؛؛ ونا هدي
نا؛؛ خيرات هدي
ريما ؛؛ ونا ريما
نا ؛؛ خيرات
وحولت العبايه وقعمزت وخشت بعدها الهام
الهام ؛؛؛اهلا ايه كيف حالك نا سلفتك مرات خاتم اسمي الهام
نا ؛؛ اهلا الهام كيف حالك انتي
الهام ؛؛ تمام الحمدالله اكويسه

حنين ؛؛ وين يا ايه شكلك ماتحبيش الحنه خفيفه ديرتها
نا ؛؛ ﻻ والله انحبها بس حسيت مراد ماايحبهش مابيتش انكثرها
ريما ؛؛ ﻻ والله ايحبها زمان مراته ديمه اتحني لعند فوق زمان حنه فك وحنه حط
اخبطت خنين بيدها علي يد ريما بيش تسكت

نا ؛؛ استغربت وغمتل حسيت روحي اع بكل قدامهن خسيت روحي برنيه علي راجلي اللي مفروض ايكون اقرب ناس ليا ونا انكون اقرب ناس له

واقعدت غاده اتبحت فيا لاني مش لابسه العربي

عمتي ؛ كنك مامشيتيش لابستي العربي كان هذا راه صورتي

نا ؛؛ حسيت روحي تعبانه اشويه والكوافيره قالت زحمه عندي وح اطولي قالت خلاص

وحتني لمار تجري
لمار ؛ اعميمه وين بابا
نا ؛ طلع يا لمار
عمتي ؛؛ لمار قالتلي ايه تبكي فوق كنك ان شاءالله خير

نا ؛؛ انحرجت وانصدمت
اها لاني حكيت امبدري قدامها مع ماما وبكيت

حنين ؛؛ اها هكي اللي تزوج تقعد تبكي حتي نا في فرحي قلبتها ابكاء
نا ؛ اها
وقدمو قهوه وحلويات
غاده ؛؛ قصدك يا ايه طلعتي هنا في شقتك فوق
نا ؛ اها امس جيت روحت هنا
غاده ؛ ﻻﻻ انحسها سامطه تطلعي. من اول يوم في شقتك نحن مشينا لفندق وفي الصبح جابولنا فطور ايهبل الحق فندق حلو وفي الغداء طلعنا تغدينا لمطعم وبعدها مشيت نا لكوافير وقالت لنصوري اليوم خلينا في شقتنا

ونا انقهرت لما سمعت كلامها وقعدن ايهدرز ونا ساكته ونسمع بس وبعدها اركبت غاده وحولت العربي ولابست قفطان طويل ونص كم حلو وراقي
ونزلت

ونا ماسكه حمادي في يدي رجع حاجه بسيطه عليا

حنين ؛ بسم الله كنه كنه وجات وخذته مني

ونا ؛؛ صبيت

ﻻ ساهله ساهله

حنين ؛؛ سامحينا عروس ولبزناك
ماما ؛ خلاص هذوم عويل راجلك ولازم اتحملي

حنين ؛؛ اركبي عدي غيري لابستك والابسي بالمره حاجه اتريحي فيها

نا ؛؛ حاضر وين مراد
عمتي ؛؛ وشن تبي فيه مراد ولاه انتي تعرفيش اتغيري دبشك ابروحك

نا ؛ ﻻ يا اعميمه مش هكي بس الشقه سكرها وماعنديش مفتاحها

عمتي ؛ اها مراد يا مراد
مراد ؛؛ في المربوعه وسمع صوتها
نعم
عمتي ؛ تعال تعال
وجا مراد وشافني امصبيه ومتلبزه من عند صدري
مراد ؛؛ شن هذا
عمتي ؛ حمادي رجع عليها عادي شن فيها
نا ؛؛؛ مراد نبي انغير دبشي
مراد ؛ اها تبي المفتاح
نا ؛؛ اها
مراد ؛ به اركبي تو انجيبهن وانجيك

وطلع مراد شور المربوعه
ونا طلعت وحا قدامي طارق خوه واما شفته انحرجت ورديت ابسرعه لدار وهو عدا

جاني مراد
راقيله بكل لان طارق شافني بلابستي

مراد ؛ البسي عبايتك كيف طالعه هكي

تا ؛ انلبزها العبايه بعدها
عمتي ؛ وكان شن فيها تو تغسلها الغساله مش ايديك

ومشيت شور العبايه ولابسته وطلعت وركبت فوق
مراد ؛ البسي مستور وفكيني من لابس الخليع امتاعك

نا ؛؛ به حاضر وطلع هو
وتا غيرت دبشي ولابست سروال جينز ازرق وعليه ابلوزه شوفوني كحلي فيها دوار ابيض

وحطيت الوشاح ونزلت والقيتهم حاطين العشاء

حنين ؛؛ هيا ايه تعالي
نا ؛؛ هيا هيا
وقعمزت وبديت ناكل معهم طبعا ناكل بشويه بشويه

هدي ؛؛ ايه انتي مواليد كم
نا ؛؛ 90
غاده ؛؛ تقري صاح
نا ؛؛ ﻻﻻﻻ
غاده ؛؛ كيف تقريش
نا ؛؛ نا واخذه الشهاده الثانويه وامسيبه القرايه
حنين؛ ؛ افتكيت القرايه سامطه واتزعم في الكبد

غاده ؛؛ لا الشهاده هي اسلاح المراه مش عارفه كيف الوحده اتخلي علي قرايتها نا مابيتش انطلع فرحي الا مانضمن شهادتي حتي ولو بابا لقني عمل من قبل مانشتغل بس قدرتش انسيبها

عمتي ؛؛ اهو شوفي عند الثانويه بس وحصلت دكتور سبحان الله علي الاقسام ايشيلن وايحطن بعد كانت اللي عنده دكتور تو اللي عنده ثانويه بس

انغصيت في وكلتي وتميت انكح وصبت هدي جبتلي الميه
عمتي ؛؛ سمي بسم الله

حنين ؛؛ المهم الواحد ايكون طيب وعلي نيته بيش ربي ايسهله اموره

وكملنا العشاء وصبينا

خشيت مع البنات في المطبخ
حنين ؛ ايه تريحي خليكي تعالي انهدرزو تو ايدرنها هدي و ريما بروحهن
نا ؛؛ ﻻ تو اوساعدهن

واتخش الهام سلفتي الكبيره
الهام ؛؛ ﻻﻻ ايه هيا عدي قعمزي وماتركبيش لشقتك خلينا انهدرزو مه بعضنا قبل
نا ؛؛ هههه حاضر تو انعدي

ومشيت شور الدار والقيت عمتي دايره اعداله وجو خوت مراد وغاده حتي هي امقعمزه

نا لما شفتهم
وخرت وجيت نبي نطلع
مراد ؛؛ ايه تعالي هذوم خوتي تعالي

وبرمت وجي و خشيت انا وكان وجي اخمر متخزرط
نا ؛؛ السلام عليكم

خوته ؛؛ وعليك السلام
طارق ؛؛ خير يا ايه كيف حالك
نا ؛ تمام الحمدالله
ومديت يدي وسلمت عليه
وبعدها جيت علي خوه حاتم هو الكبير وبعدها منتصر العريس اللي طلع معي

وجيت وقعمزت القيت غاده امقعمزه واتهدرز وكانها تعرفهم من زمان

عمتي ؛؛ مراد راه نبو نمشو لبحر بدال انتو واخذين اجازه
مراد ؛ ياامي نا واخذ الاجازه نبي انتريح مش نتعب اخر
عمتي ؛؛ البحر ماايتعبش راه نبيش حد ناقص فيكم

مراد ؛ دروها الاسبوع الجاي لان عندي الاسبوع البعده عمل

طارق ؛؛ امي تبو تحجزو مبيت صح
عمتي ؛؛ ها املاه تبينا نمشو عشيه وانروحو

حاتم ؛ امتي ما تبيه ساهله يا امي

عمتي ؛؛ مراد شن صار في جارتنا هذه
مراد ؛؛ ياامي انتي تعرفي نحبش نحكي فيهن الامور هذين الا في العمل بس
عمتي ؛؛ المراه واكله وجي تبي علاج
مراد ؛؛ تو ساهله لما انرد لعمل ساهله وبعدها راه لازم اتجيني في العياده راه خط نقعد نعطي فيها في الادويه علي اساس التحاليل بس
عمتي ؛؛ عارفتك شاطر وقدها

ونا انبحت فيهم وساكته

طارق ؛؛ باهي كيف يا ايه قاعده علي وضع الصامت ولاه شنو
حاتم ؛ ههههههههه
وخشت الهام وحنين
حنين ؛؛ اسمله عليك يا ايه تو يبدا يستلمك

طارق ؛ تو لنا اقريب ساعه امقعمزين وهي ساكته وغاده ماشاءالله مستلمه القعده

مراد ؛؛ هههههههههه
منتصر ؛؛ سيب غاده راه خيرلك
غاده ؛ ﻻ خليه يا نصوري تو كان حكي تو انرد عليه

ونحن بحتنا في بعضنا وضحكنا علي اسم نصوري

عمتي؛ ؛ من ناحية نصوري نصوري هو
طارق ؛؛ نصوري نصوري صاح صاح
منتصر ؛ انحرج وقعد متحشم
طارق ؛ هيا يا ايه وانتي شن اتقولي ردرودي ولا شنو

ونا بحتت في مراد وجت عيني في عينه ونزلت راسي
مراد ؛؛ تي تحشم يا فرخ وانت شيء

طارق ؛؛ ايه مواليد كم انتي
نا ؛ 90
حاتم ؛ ماشاءالله اصغر وحده في الحوش

طارق ؛ عرف يحسبها مراد جابه اصغيره بيش ادلعه بعدك بنات مواليد التسعينات متعبات يا راجل وهن اللي مليات الجامعه ولهفت الجو كله

عمتي ؛؛ هابا مراد من وين يعرفها لا يعرفها ولا جا شورها عمتك فاطمه هي اللي جبتها

طارق ؛ ههههههه تي نا مستغرب انها من طرف عمتي فاطمه وهكي ساكته هكي

مراد ؛؛ تي خلاص اسكت وانت شيء مستلمها
طارق ؛؛ اوووووووو مراد غار عادي يا مراد

مراد ؛؛ والله انت حكيت معها في ساعه اكتر ما حكيت معها نا
شوف ليا شهر نعرفها وما حكيت معها لدرجه هذه

وجتنا لمار تبكي وتجري واعزقت روحها علي مراد
مراد ؛؛ كنك شن في
لمار ؛؛ رتاج يا بابا ضربتني
حاتم ؛؛ رتاااااااااااج
وجت رتاج وحتي هي تبكي
حاتم ؛؛ ليش ضربتي بنت عمو ليش
رتاج ؛؛ والله هي ضربتني قبل وهه شوف عضتني هنا هه شوف يا بابا

طارق ؛؛ ههههههههه ضربني وبكا وسبقني واشتكا
حنين ؛؛ ياامي خلينا انقعمزو بره في الجنان بيش انشوفو البنات وهن يلعبن

عمتي ؛؛ هيا تعالو بره
وكلهم صبو ونا تميت انبحت في لمار نبي انشوفها لان هي امضبطه مراد
مراد ؛؛ لمار لمار هيا يا بابا تعالي نطلعو

ونا جيت شور مراد
نا ؛؛ لمار تعالي نغسلك وجك
لمار ؛؛ بابا هي ضربتني
مراد؛ ؛ لمار نا عارفك انتي تضربي وما اتخلي حد يضربك

نا ؛؛ هههه طلعتي شرنيه يا لمار
مراد ؛؛ ههههههه شفتي اعميمه تضحك عليك يا هبله

وشالها مراد وطلعنا ونا قعدت جنبه لان حسيته هو اللي دايرلي شان عند هله وحسيت روحي غريبه بينتهم وما نعرف حد الا هو نعرفه اتقول سنين مش امس

نا ؛ وين حمادي
لمار ؛؛ ننه جو

ومشينا وقعمزنا نا ومراد علي الكراسي بره
وقعدنا انهدرزو مع بعضنا
وطول القعده غاده ومنتصر امقعمزين جنب بعضهم ومره مره يمسكو ايدين بعضهم
ونا مراد انبحتو فيهم

وخش علينا عمي
عمي ؛؛ اووووووو العرسان هنا السلام عليكم
نحن ؛؛ وعليك السلام
وكلهم صبو وسلمو علي عمي
غاده ؛؛ خير ياعمي عرفتني نا غاده مرات منتصر
عمي ؛؛ اها خير خير يا غاده كيف حالك وكيف باتك
غاده ؛؛ اكويس الحمدالله

وسلمت عليه بعدها الهام
عمي ؛؛ كيف حالك الهام
الهام ؛؛ اكويسه الحمدالله ياعمي شن اخبارك انت
عمي ؛؛ الحمدالله

ونا انشوف فيه وكان خنقتني العبره لان تخيلته بابا وهو ايسلم وكلنا صبينا بيش نستقبلوه

وجيت نا ومديت يده
نا ؛؛ بصوت واطي لاني كنت منحرجه
خير ياعمي
عمي ؛؛ بحت فيا باستغراب وبحت في مراد
مراد ؛؛ ايه اسمها
عمي ؛؛ ماشاءالله تبارك الله كيف حالك يا ايه
نا ؛ اكويسه الحمدالله
وقعمزنا وقعدنا انهدرزو اشويه وبعدها عمي خش

ورن فون مراد وكان جارهم وطلعله بره وطلع معه طارق

ومنتصر وغاده ركبو لشقتهم وحاتم والهام روحو وقعدنا نحن نحكو وانهدرزو
حنين ؛؛ اهو حسن ايرن حتي نا امروحه

عمتي ؛؛ عدي مربوحه واوليدك جوه راقد
حنين ؛؛ باهي هدي عدي جيبي ليا انحس فيه ثقيل مانقدر انشيله
هدي ؛؛ اي والله انتي تزوجي واتجيبي واتعزقي عليا
حنين ؛ خزي عليك يا هدي نا ماحصلته الا ما ريقي نشف وهو هذا الحمدالله

نا ؛؛ ماشاءالله حامل انتي ياحنين
حنين ؛؛ عقبالك ان شاءالله

وطلعت حنين وعمتي خشت للحوش وقعدت نا وهدي و ريما انهدرزو

هدي ؛ ممكن سؤال
نا ؛؛ نعم تفضلي
هدي ؛؛ انتي اصغيره كيف وافقتي علي مراد
ريما ؛؛ هيييييي طيح سعدك كنه مراد شن فيه
هدي ؛؛ نا مش قصدي هو هكي نا قصدي كيف رضت انها تاخذ واحد مطلق وعنده عيلين صح مراد اكويس ودكتور ماشاءالله عليه بس هي اصغيره وهو اكبر منها واجد

نا ؛؛ اهو نصيب لما ايجي ماتقدريش اتقولي لا وبعدها نا حاطه ثقه في خالتي فاطمه وعارفتها ماتبيش تعطيني لاي واحد ونا صليت صلاة استخاره وتريحتله

وخش مراد علينا
مراد ،؛كيف قعدات لعند تو هنا
هدي ؛؛ مراتك ما اليمش منها اتهبل عسل
مراد ؛؛ ههههت باهي وين لمار
ريما ؛؛ ارقدت جو
مراد ؛؛ باهي نا راكب لما اتكملن اركبي يا ايه

نا ؛؛ حاضر
وركب مراد
ريما ؛؛ صبي يا حنه وراء راجلك ما شور شيء قعدتك معنا تعالي بكره وتو انهدرزو
نا ؛؛ لا عادي
ريما ؛؛ شن عادي اركبي لراجلك مش شور شي قعدتك هنا
نا ؛؛به سلام وتصبحن علي الخير

هن ؛؛ وانتي من اهله
ومشيت نا وركبت القيت الشقه امسكره
دقيت علي الباب
ما سمعمش مراد رديت دقيت اخر بقوه

مراد ؛ هيا هيا
وفتح مراد الباب وكان ايدري في دوش ويلابس
طلع عليا لابس سروال بس وشعره مبلول

نا شفته هكي تحشمت وطبست راسي
مراد؛ ؛ كنت نلابس في دبشي
نا ؛؛ اها صحه
وخش مراد ونا خشيت طول حولت وشاحي وتميت نفتح في ابطم البلوزه وخشيت لدار والقيت مراد يلابس في كناتيره

نا ؛ اسفه نحسبكش هنا
مراد ؛؛ خشي خشي
ونا خشيت و مراد طلع وبديت انحول في دبشي ولابست روب تركوازي اقصير بس نا لابست فوقه طرفه وطلعت

مراد ؛؛ ايه ديرلي شاهي
نا ؛؛ حاضر
ومشيت حطيت الشاهي والقيت حافظه فيها مكسرات فتحتها وحطيتها في تبسي وطلعت والقيت مراد قاعد علي الاب توب

نا ؛؛ تفضل مراد
مراد ؛؛ شكرا
وقعمزت جنبه مراد استغرب قعميزتي وحول الاب توب

نا ؛؛ مراد ممكن نسالك
مراد ؛؛ نعم تفضلي
نا ؛؛ مراد انت متزوج كم سنه
مراد ؛؛ 5 اسنين
نا ؛؛ علاقه صاح
مراد ؛؛ ليش في حد حكي معاك في الموضوع هذا
نا ؛؛ ﻻ بس جاني فضول

مراد ؛؛ يا ريت اتفوتيه الموضوع هذا
نا ؛؛ مراد سن قصة المراه اللي حكتلك عليها عمتي جارتكم
مراد ؛ هذه وحده مريضه متابعه معي المشكله تبيني انعلاجه وماتبيش اتجيني في العياده لان راجلها رافض ان اللي ايعالجه راجل تقعد ادزلي في تحاليل امتعاتها مع امي ونا انقول هي ضروري اتجيني في العياده

نا ؛؛ ليش ضروري ما هي اتجيبلك في التحاليل
مراد ؛؛ ما في حاجه اسمه كشف نبي انديرلها صور
وصبيتله طاسه ومديته له وقربت المكسرات

وبعدها صبيت وخشيت رقدت
تاني يوم اوعيت علي صوت حاجه طاحت انكسرت وخش عليا مراد واعيون ملينات غضب ونار

مراد ؛؛ ايه صبي يا ايه انتي شكلك وحده حقيره واغلطت لما خذيتك صبي تحسابيني راقد علي اوذاني كيف تحقيش قيا راجل ولا شنو
نا ؛؛ انصدمت وصبيت وتميت انبحت في مراد
مراد ؛؛ ليش ما تحكي من اولها ليش …………………

يتبع