مسلسل سعاده كاذبه
الحلقه 13ورقدنا وتاني يوم وعينا علي صوت ايمان من الفرحه مارقدتش بكل
نا ؛؛ صبح صبح كنك انتي
ايمان؛؛ نا مارقدتش بكل نين نعرف الصبح من الليل
نا ؛؛ كنك ليش شن في
ايمان ؛؛ اوعي عندي خبر حلووووووووو99وووو9وو9وو9و9
نا ؛؛ يييييييي عليا هيا احكي بلا حرق الدم علي هالصبحايمان ؛؛ ايه احمد قللي هله اليوم يبو ايجو بيش ياخذو مقاس اصبعي وقالي تو نعطيك افلوس بيش تشري الدبشنا ؛؛ اووووووو عليك خبر حلو الحق قصدك يبو بيان كبير وحلو
ايمان؛؛ ويه هيا حبيبتي صبي بيش انديرو موالح عيب عاد ايجو هكي ما نعطهم شيء
نا ؛؛ به تو انصبي خلاص حولي من قدامي
وبحتت في سرير ماما القيتها مش قاعده
نا ؛؛ وين ماما
ايمان؛؛ قاعده بره في الجنان اتكنس فيه هيا يا ويه صبي ييش اتقولي ماما علي هل احمد انحس في روحي متحشمه منها
نا ؛؛ هههههههه به حاضر تو انصبي بس صبي وعي رجاء واميره بيش انديرو الحاجات مع بعضنا
ايمان؛؛ به
وطلعت ايمان ونا صبيت وخشيت لحمام وتوضيت وصليت الصبح وطلعت لجنان القيت ماما امقعمزه علي الكرسي
جيتها
نا ؛ صباح الخير
ماما ؛؛ صباح النور هذه الوعيه كيف املا سهرانه امس
نا ؛؛ اها امس طولت طول الليل ونا انفكر
ماما ؛؛ في شن
نا ؛؛ في قصة مراد هذا من وين طلعلي ياماما انا امس تحشمت من خالتي بس راه نا مش موافقه عليه
ماما ؛؛ وليش رافضتيه هكي بدون حتي ماتعطيه وتعطي لروحك فرصه
نا ؛؛ لان نا رافضه اني ننخطب للانسان امطلق وعنده اعيال وبعدين حتي بعد ما يسمعوها اعمامي وعماتي والله يضحكو عليا ايقولو ما لقت من ياخذها خذت واحد مطلق وكبير عليها
ماما ؛؛ انتي قصدك مش اعمامك وعماتك بس انتي قصدك حتي هيثم يسمعك انخطبتي لمطلق يضحك صح
نا ؛ بحتت لوطه حسيت كلمة ماما جت علي الفاهق
ماما ؛؛ ويه هيثم هذا خلاص فوتيه من هو نين ادوري في اخباره راه في نهايه بكل حتي دوه ما ما دويتي معه علي فون فقط لا اكتر اوعيت في الدنيا القيتي روحك محجوزه للولد عمك هذا بدون حتي مااتحبيه يعني ماعطيتيش لروحك اتحبيه او اتشوفي شخص تاني نين اتحبي وتعرفي قيمة الحب هيثم كانت حاجه مفروضه عليكي ونا ماكتتش نبيك تاخذيه لاني عارفته وعارفه امه مش راح ايرحوك بس زمان لما جا هو وبعدها جيتي انتي كلهم قالو هيثم ل ايه و ايه ل هيثم بدون ماايفكرو يعني دارو لقطه جهل وبعدين انتي با ايه ماعشتيش معه شوفي انتي من سنه 1 ثانوي انفسخت خطبتكم بدون ماتحكي معه ولا هو يحكي معاك انتو قبل قعدتو ضحايا العادات والتقاليد وشوفي ربي ماخلكش من نصيبه
نا ؛؛ بس يا ماما نا نبيش ننخطب
ماما ؛؛ عارفه انا شايفته مراد هذا هو حلو بكل وشخصية قويه وينحب وايخش لقلب طول انتي شوفيه قبل
وقعدنا انهدرزو نا وماما اقريب نص ساعه وهي تقنع فيا علي مراد
نا ؛؛ هيييييييي انسيت بكل
ماما ؛؛ كنك
نا ؛؛ اساس نا جايتك نبي انقولك راه هل احمد ح ايجو اليوم بيش نتفقو علي البيان ويبو ايجبو الفلوس بيش نشرو دبش لبيان
ماما ؛؛ اها به بس وخذت الفلوس هذين صعبه اشويه نسال خوتك قبل
نا ؛؛ بس يا ماما هذا من حقه ايمان تشري دبشها اوحدها
ماما ؛؛ ايه انا ما نبيش مشاكل مع خوتك هم شكلهم ذوقهم حلو وتو يشرولها دبش علي ذوقهم
نا ؛ به نا نبي ندير حاجات علي جيت العرب
ماما ؛ باهي و ماادريش غداء اليوم حمو وماخطرنش في حاجه ساخنه ساهله تو ساعه 2 تو انديرو شرومله وبطاطه
نا ؛؛ به ونا تو اندير بيتزا و اندير طاجين للغداء
ماما ؛ به
وخشيت والقيت ايمان و رجاء ايضمن في الحوش والقيت اميره في المطبخ ادير في بطاطه امبطنه
نا ؛؛ اوووووو ماشاءالله باديه بدري
اميره ؛؛ اسكنت اختك قالت خليني انصبي اندير ونفتك من وجيجها ويه ديري عجينت البوريك
نا ؛؛ حاضر تو اندير بس نبي نعجن بيتزا حتي
اميره ؛؛ باهي وراه طلعت كيس لحم بيش انديرو به الغداء
نا ؛؛ ﻻﻻ ماما قالت ديرن الغداء خفيف
امبره ؛؛ احسن ارحم
نا ؛؛ هههههههه هيا باهي
وبدينا نا واميره
وبعد ساعه تقريبا اتخش علينا ماما
ماما ؛؛ ها شن اديرن كملتن
اميره ؛؛ شبه كملنا ان شاءالله
ماما ؛؛ باهي ربي يعطيكن الصحه وين ايمان
نا ؛ جو في الدار تلقيها
ماما ؛؛ باهي
ومشت ماما ل ايمان في الدار
ماما؛ ايمان فيش اديري
ايمان ؛؛ شيء قاعده انفكر شن نلابس
ماما ؛؛ ايمان حكيت تو مع خوك عادل وقالتله علي افلوس وقالي ﻻﻻ خليهم اللي ايجبو دبشهم برواحهم قالي نا مش فاضي نطلع لسوق
ايمان ؛؛ ﻻﻻ ليش يا ماما
ماما ؛؛ والله يا ابنيتي خيرلك خير ماتطلعي وتمشي معاك نعيمه وتقعد تفرض في روحها علي دبشكن واتروحن زعلانات
ايمان ؛؛ حاضر يا ماما اللي تبيها
ماما ؛؛ تسلمي حبيبتي وبيش اتكلمي عيت خالك عيسي وخالتك سالمه بيش ايجو
ايمان ؛ حاضر تو انرن عليه
وطلعت ماما
ونحن كملنا وحطين الغداء
ماما ؛؛ ها شن درتن
اميره ؛؛ القيت مفروم في الثلاجه درت بطاطه امبطنه وبوريك بجبنه وبيتزا
ماما؛ ؛ باهي اكويس
ايمان ؛؛ ايه درتي كيكة الشكوﻻطه
نا ؛؛ درتها بس مازال ماحطيت الشكولاطه
ايمان ؛؛ نجك ربي يحفضك
ماما؛ ؛ اكيده خالاتكن ح اتجي
ايمان؛؛ عيت خالي عيسي قالو تو انجو وخالتي سالمه مش قاعدين في الحوش طالعين اليوم
ماما ؛؛ به
وكملنا الغداء وشالن السفره ولمينا المطبخ وطول جري علي الحمامات
وبعدها غيرنا دبشنا واستشورنا
ايمان؛ ؛ ويه وراس ويه ديرلي شعري ونبيك اديرلي رسمة العين اللي من فوق بس
نا ؛؛ تو جيتني
ايمان ؛؛ تي مازالو مش جين تو
نا ؛؛ به تعالي
لفيت شعري فوق وقعمزت علي السرير وخليت ايمان اتقعمز لوطه علي الوطا وبديت فيها استشوار
نا ؛؛ ايمان خلاص كملت هيا صبي وتعالي بره في صاله بيش انديرلك ميك اب بره علي المكيف خير
ايمان ؛؛ باهي بس راه نبي نلابس القفطان الاسود
نا ؛؛ هييييي اسود من جدك انتي
ايمان ؛؛ ها باهي
نا ؛؛ مش عندك تنوره البيج اللي امركبه عليها بدي الفصدقي
ايمان ؛؛ احلا قصدك
نا ؛؛ اها احلي هيا تعالي تو انديرلك ميك اب حلو ولطيف
ايمان ؛؛ هيا تعالي
وطلعنا لصاله ودرتلها ميك اب حلو وخفيف درتلها رسمت العين اللي من فوق بس ومن تحت درتلها قلم خفيف اخضر وروج وردي واخمر خدود خفيف
وكملنا ونا صبيت وغيرت دبشي ولابست جينز وعليه ابلوزه
ووتينا اروحنا وجت خالتي فاطمه
وقعمزنا وقعدنا انهدرزو
وجو العرب ومشي جو حلو طبعا خذو من ايمان خاتم بيش ايجيبو علي كبره دبله وخذو رقم كندرتها وتنورتها وهدرزو و روحو واحمد كان جايب فون ل ايمان بس سري
واتفقنا علي ان يوم الخميس الجاي البيان
ومشن الايام وجن الايام وتمينا انوتو في البيان
ويوم الاحد
ماما ؛؛ عادل الله ايربحك اليوم في العشيه اطلع باختك بيش تشري قفطان خلاص وقت عليها وبعدين راه تبي كوافير بيش تحجز
عادل ؛؛ وانتن كنكن امكبرات الشطحه اليوم تو انشيلها تشري بس الكوافير فكينا منها اهو ايه واميره تو اديرلها
ماما ؛؛ عادل حرام عليك فرحت اختك ماتنقصها
عادل ؛؛ يا امي والله هالكوافير فكينا منا
ماما ؛؛ باهي ساهله تو في العشيه بيش اطلعه
عادل ؛؛ حاضر
وجتنا ماما وقالتها لنا
ايمان ؛؛ عليك قصه تي اكيده نعيمه ح تمشي وتشرط واجد علينا
ماما ؛؛ ايمان تبي الكوافير انتي والله كان اديرلك ايه خيرلك
ايمان ؛؛ ﻻﻻ حتي اميره اقنعتني قالت ايه خير لان نا نبي ميك اب خفيف جدا
ماما ؛؛ الله ايربحك خلاص تو انكلم خالتك فاطمه اتجيب الحنه والصقه واتحنيك هنا
ايمان ؛؛ حاضر الحمدالله ان عندنا وحده شاطره بيش نعبو عليها
نا ؛؛ هههههههه شن تشحني فيا انتي
وحطينا الغداء وتغدينا وبدينا نا والبنات انكتو في الحوش واذن العصر وخشت ايمان دارت دوش
عادل ؛؛ ايمان يا ايمان هيا
ماما ؛؛ اهي طالعه قاعده تلابس بس
عادل ؛؛ شن تلابس خليها تلابس عبايه وخمار اني قالت اتحط الخمار خلاص تو
ماما ؛؛ باهي
وخشت ماما علي ايمان
ماما ؛؛ الله ايربحك الابسي الخمار وفكينا من حس خوك
ايمان ؛؛ حاضر يا ماما اساس حتي احمد قالي الابسي الخمار
ماما ؛؛ باهي الله يربحك
وحطت ايمان العبايه و الخمار واطلعت طول
وبعد ساعتين اتخش علينا تعبانه وتلافنا
نحن ؛؛ اووووووو شريتي
ايمان؛ ؛ اها شريت اهو شوفنا وقولني رايكن
وطلعت نا من الكيس والقيته ايجننننن فوشي وشكله ايهبل وكيف الحوته
رجاء ؛؛ ايجنننننننننننن بكل
اميره ؛؛ ذوقك صح
ايمان ؛؛ اها بس الحق حتي نعيمه ساعدتني فيه نا احترت بين اثنين وهي اللي شجعتني علي هذا الحق
رجاء ؛؛ اكيده التاني اجمل صح
ايمان ؛؛ ههههههههه هذاكي لونه شين ماجش عليا حلو بس ك الون هذا احلي وهي قالت ديمه لون قفطان البيان فوشي
نا ؛؛ بس الحق الحق ايجنننننننن نبي انعدي انقيسه
ايمان ؛؛ عدي ياحنه
وخذيته وخشيت به لدار ولابسته واول مالابسته وشفت روحي الحق عجبني اكتر وحتي ان تميت انتخايل في روحي ونا عروس ماصدقتش نفسي وطلعت طول عليهم
اميره ؛؛ لووووووووووووووووووووووووو
نا ؛؛ سمح صاح
ايمان ؛؛ اتصدقي جاي عليك احلي مني
نا ؛؛ هههههههه كنك امغير تسلمي
خطرها يا ايمان جبتي الميك اللي قالتلك عليهن
ايمان ؛؛ اها جبت اكريم اساس وعبله ريمال ولما اخترت القفطان جبت روج فوشي
نا ؛؛ والعدسات
ايمان ؛؛ اها جبتهن هنن
نا ؛؛ الخرش صح
ايمان ؛؛ نقاني جبتهن كيف الرصاصي عجبني اكتر
نا ؛؛ كذا وريني
اوووووووو ايهبلان هذين تو انلابسهن لكي باهي والرموش
ايمان ؛؛ اها جبتهن وهه شوفي الكيس واللي ناقصه قوليها لخالتي فاطمه
رجاء ؛؛ ايه انتي كان تفتحي كوافير خيرلك
نا ؛؛ هههههههه تخيلان
اميره ؛؛ كوافيره مرات دكتور كبير هههههههههههههه
نا ؛؛ هههههه علي اساس يعني
ومشت الايام
وجا يوم الثلاثاء وجت خالتي فاطمه وحنينا ايمان ويوم الأربعاء اوعينا من درت فتله وحواجب ل ايمان وحطيتلها الخيار و درنا موالح
وطول اليوم خليت ايمان دايره زيت لشعر وامغطيه روحها بيش اتكون الحنه صابغه
وجن بنات خالتي في الليل وقعدن اندربكو ودرن جو وباتن
وطول الليل ونحن نهدرزو وانابشو في ايمان لان خلاص بكره ح ادير جو برستيج وعلي اساس عروسه
ايمان ؛؛ ههههههه شن تضحكن عليا انتن ما حتي انتن تبي تقعدن عروسات وانتي بذات يا ايه اقريب انت فرحك
دعاء ؛؛ خطرها يا ايه شن صار فيك
نا ؛؛ ماصار شيء شكلهم غيرو رايهم ههههههههههه جت منك يا جامع
امل ؛؛ ههههههههه حرام عليك
ونحن انهدرزو في الدار سمعنا صوت خالد وهو خاش للحوش
امل ؛؛ هيييييي اكيده خالد صح
نا ؛؛ ههههه ﻻﻻ اكيده سراق ها من املاه يا همي
امل ؛ نقاني نبي نطلع اندير روحي نشرب في ميه
رجاء ؛؛ افطني راه اتشوفك امك ولا ماما
امل ؛؛ هههه ﻻﻻ اطمني
وصبت امل وبحتت في روحها علي المرايه ودارت جو لشعرها ورفعت واحد من سروايلها علي اساس كانت راقده
واطلعت
رجاء ؛؛ هيا يا حناتي انتشرن نبو نحكو علي الفون هي كل وحده اتشوف مستقبلها
نا ؛؛ ههههههه شكلك حقيره بكل انتي
رجاء ؛؛ شن حقيره حقيره علشان نبي نضمن مستقبلي يا حنه مش كان جاك انتي متريحه دكتور معناتها كلنا هكي
اميره ؛؛ هههههههه نقي عليها انتي
دعاء؛؛ هههههه هيا يااميره اطلعي لاني نا نبي نحكي ووانتي كان قعدتي هنا تو وليد يسمع صوتي
اميره ؛؛ ﻻﻻﻻ تريحي يا حنه نا و وليد تكينها مانحكيش معه
دعاء ؛؛ عليش
اميره؛؛ امور خصوصيه انتي شن دخلك
ورن فون ايمان
وخشت ايمان تحت الفوطه وبدت تحكي مع احمد
ورجاء بدت تحكي مع سراج
ودعاء كذلك بس هي مع مجهول
ونا واميره حطين راسن علي المخده واقعدت كل وحده فينا اتفكر في مستقبلها نا انفكر في مراد اللي نبي نزوجه بدون مانعرفه ولا نعرف حتي شخصيته
واميره اتفكر في وليد اللي معش خذ موضوعهم رسمي وحست روحها طولت معه واجد وهو مادرش اي خطوه رسميه هو صح ظروفه مايسمحنش ان يخطبها برسمي بس هي تبي تطمن تبي حتي كلمه بيش يطمن قلبها
وامل خشت لمطبخ علي اساس عطشانه وتبي تشرب تلقي قدامها خالد ياكل
خالد ؛؛ اوووو اموله انتي هنا
امل ؛ اهلا خالد من امتي هنا
خالد؛ ؛ ماليا شيء مروح جعان بكل
امل ؛ وفيش تاكل
خالد؛؛ ناكل في الطبيخه
امل ؛؛ ان شاءالله مش ساخنه
اععععععععع كيف تاكل فيها هكي
خالد ؛؛؛الله غالب عنديش من يشقي بيا ويرجني وايسخني العشاء
امل :؛ ههههه هات هات الطنجره و تو انوعل عليها انت حتي في صونيه مانك حاطه من الجوع تاكل كن الطنجره
خالد؛؛ هههههههه تسلمي حبيبتي
امل ؛؛ اسمعت الكلمه وانصدمت ودارت روحها ماسمعتهش مع ان ارتبكت وبرمت وجها شور الغاز واتولع في الغاز
جاها خالد ومسك يدها
امل انحرجت منه ووخرت منه
خالد ؛؛ انحبك يا سموحي انتي كنك تسكدري فيا وحتي رقمك ماعطيته ليا
امل ؛؛ لاني خايفه منك يا خالد خايفه تلعب بيا
خالد؛؛ ليش انتي عندك معلومه عليا اني نلعب بالبنات الناس ولا شنو
امل ؛؛ خالد الحق انتي عجبني من انا اصغير اي بنت لها فارس احلامها وهي اصغيره وانت اللي كنت فارس احلامي وبعد ماخطبت قالت عادي اصلا نا مازالت اصغيره وياما ح انشوف وهو عادي حب الطفوله
خالد؛؛ وبه يعني تو مش حبك
امل ؛؛ انت تو حبي اللي خايفه منه
وحولت امل وطلعت صونيه وحطت العشاء علي الطاوله وبد خالد ايتعشاء وهي جايه تبي تطلع
خالد؛؛ امل
امل ؛؛ برمت وجها
نعم
خالد ؛؛ خليك كسدي معي
امل ؛؛ كنك انت تبي حد ايشوفنا عقاب هالليل
خالد ؛ عادي اصلا نحن في مطبخ يعني مكان عام مش قاعدين في الدار وبعدها من يبي ايشوفنا اصلا امي ولا امك عادي
امل ؛؛ ههههه لا مش عادي انت ماتاخذش علي جو ماما هنا عندكم سمح راه لما انروحو اتحط فيه ليا كله وتقعد اتهزب
خالد ؛؛ باهي تعالي قعمزي
وقعمزت امل وهم تمو ايهدرزو مع بعضهم ويتبادلو في الغراميات بينتهم
وخذ خالد رقم امل و فتش فونها بدقه
وقبل الفجر كل واحد فيهم خش لدار ورقد
واوعينا تاني يوم طول علي الحوس
وخشت ايمان دارت دوش حلو
ونحن كملنا احوسة الحوش ودارت ماما الغداء رز بالخلطه بيش اتعقب لبعدين مع الموالح
ونحن سكرنا الحوش وولعنا المكيف وجو عيت علي
ونا درت حمام واستشورت شعري وشعر رجاء و امل
وحطينا الغداء وتغدينا ولمينا المطبخ وبخرنا
وقعمزت اميره دارت استشورها ودعاء كذلك
ونا خذيت فراره اصغيره وخشيت لدار وصكرت علي نا وايمان و بديت في ايمان درتلها استشوار وبديت انحطلها في الميك اب ودرت شعرها افلور ورفعتها لها فوق يعني تسريحه خفيفه وركبتلها العدسات في البدايه دمعت بس بعدها تريحت وخذت عليهن
وقعمزت وخليتها اتريح ونا بديت درت ميك اب لروحي ولابست وبعدها ركبتلها الرموش
وطلعت وبرمت علي الحوش
والقيت الكل اموتي روحه والناس بدت اتجي وكلهم خاطرهم ايشوفو ايمان بس نا رفضت قلت نين انلابسها
ولما الناس كترت خشيت نا عليها ودرتلها مرطب ولمعه خفيفه لجسمها ولابستها القفطان والكسورات والكندره وامسكت شنطه اصغيره وطلعت وخليتهم بزغرطو
وهي اطلعت تمشي بشويه بشويه وهي مرتبكه
وقعمزتها علي الصالون
والناس كلها اتبحت فيها وايقول الله اكبر كانو مش امصدقين ان انا اللي درتلها ميك اب
وجو عربها وخشو وهم يزغرطو وبيبات وخط لوح والدنيا شايله
لووووووووووووووووووووووووو
لووووووووووووووووووووووووو
لووووووووووووووووووووووووو
وخشو ودارو جو ايجنننننننننننن اغاني علي رقص علي جو ايهبل وجت ام احمد ولابستها وجت وحده من صبيتها
ماشاءالله الميك اب امتاعك ايهبل حلو وخفيف من الكوافيره
ايمان ؛؛ اختي درتلي
صبيتها ؛ قصدك ميك اب الحوش هذا
ايمان ؛؛ اها امتع اختي هي اللي ترقص
صبيتها ؛ ماشاءالله ايدها ايهبلن الحق هذه اللي مخطوبه صح
ايمان ؛ اها هي اللي جينها العرب بس مازال مش خطبه رسمي رسمي
وخشت ايمان وغيرت لابستها والابست البداله اللي جابوها لها وطلعت عليهم ونحن كملنا الضيافه وهم سلمو واطلعو والناس روحت
وقعدن نحن بروحن بس
من التعب طحنا علي السرير طول نوم
ومشي يوم وراء يوم
وخالي حكي للخوتي علي مراد وخوتي طول وافقو وقالو للخالي مش ح نرفضو واحد جاي من طرفك ونحن عارفينك يا خالي وعارفين خالتي فاطمه
خالي؛؛ ربي ايكبر من مقداركم ونا متاكد ان راح يعجبكم ﻻن راجل و اكويس
علي ؛ يا خالي نحن موافقين عليه بدون ماتحكي عليه لان هو من طرفك
خالي ؛ خلاص تو انكلمهم بيش ايجو يخطبو رسمي معناها
علي ؛؛ خليهم ايتفضلو في اي وقت
خالي ؛ خلاص تو انكلمهم
وجت ايمان وقالتلي راه خالتي قالت راه العرب يبو ايجو يخطبو رسمي و يبو يقرو الفاتحه بكره
وراهم مستعجلين لان هو يبي ايطلع فرحه مع خوه
نا ؛؛ شن شن تحكي انتي
ايمان ؛؛ والله هذا اللي صار تو خالتي كلمتني وقالتها ليا
نا ؛؛ كيف خالتي ادير هكي نا مش طالبه انشوفه قبل ما يعرف عادل تو هكي عادل ايوافق طول بدون ما ايقول ايشوفو بعضهم
رني رني علي خالتي وقوليها تبيك ايه
ايمان ؛؛ به حاضر
ورنت ايمان عليها وعطتها ليا
نا ؛؛ الو خالتي
خالتي فاطمه؛؛ عارفتك متعقده مني بس والله راه جت هكي لان هو مراد قال لو هي تبي اتشوفني عادي اتشوفني بس قدام هلها ونا قالت ضروري مانحكوها للعادل وخالك كلم عادل وهو رفض قال ﻻﻻ ايشوفها بعد يقرا فاتحتها مش ايشوفها قبل قال هو مش سوق سيارات وانتي غابيه في طبع عادل سامط وتبي الحق نا نبيش نحرج مراد مع هلك وقالتله ان خوتك صعبين اشويه
نا ؛؛ به ياخالتي تم خلاص نا معش نبي انشوفه
وخشيت لدار وتميت نبكي ومنهاره ونبكي ووجعتني روحي كيف راضيت ياخذني واحد لا نعرفه ولا يعرفني لا واخر مطلق وعنده اعيال
ونا نبكي تسمعني رجاء واتجيني
رجاء ؛؛ ويه كنك ياعمري عليش ابكاء هذا كله بدال ما تفرحي انك ح تزوجي اقريب ومن شخص اكويس ومحترم
نا ؛؛ نحكي وخنقتني العبره
نبيش يا رجاء نبيش انا قبل دايره سبلة الشوفه ونبي انقول ان ماعجبنيش ونبي انحط فيه عيوب بيش ماناخذش بس شوفي حطوني تحت الامر الواقع وح نزوجه بغصب
رجاء ؛؛ به انتي ليش امسكره راسك راه والله يشكرو فيه حتي لما حكيت سراج عليه قالي اختك امها دعيتلها اللي ح ياخذها دكتور مراد راه مش دكتور عادي وراه شخصبه وقالي كلمة معروفه عند الناس ماتنزلش لاوطا وقال ان اكويس بكل
نا ؛؛ اصلا نا كنت دايره الشكل سبله لان نبيش يا رجاء لان هو كبير راه اكبر مني ب 13 سنه شوفي انتي خليك مكاني
قالتهم كبير قالو عادي قالت مطلق قالو نصيب وقالت عنده اعيال قالو خير من انك اتربي اعيال خوك بلا قدر ولا احترام شن تبي اخر
رجاء؛؛ به ياايه انتي عاجبك امعيشتنا هنا قعدين تحت رحمة خوتك وصبايا خوتك بالله عليك لنا كم تو نبو السوق وماحد طلعنا بالله عليك لنا كم ماطلعنا
هه شوفي حتي لما ايمان انخطبت ماخلوها تمشي تاخذ دبشها اوحجها قالو لعربها انتو اشرولها وحتي لكوافير ماخلوها تمشي وشوفي اهو من امتي وهي تبي سوق ذهب ما واحد شالها ولما تمشي تمشي معها نعيمه وتفرض شخصيتها ورايها عليها راه يا ويه امعيشتنا سوده وناقصه مش كيف البنات شةفي كان ماانتي شاطره راه اقعدت ايمان في بيانها شفشه شوفي هم امي ماايدور فيها الا بعد ايش وايش ونحن اللي قاعدين معها اناي اللي اتعاني فيها ياايه ولما ابجي وقت السفر والطلعه بره ايجرو اروحهم رجاله وياخذوها ويطلعو هم يعني يعرفو امهم امغير في السفره بس بالله عليك وافقي عليه وارضي وراه خالتي فاطمه مستحيل اتجيبلك واحد مش تمام وافطني يا ايه لحياتنا راه لا تطاق راه انتي يا ايه امعيشه روحك في وهم السعاده الكاذبه شوفي الحياه كيف ماشيه الناس اتقدم ونحن انوخرو بسبب تخلف خوتك هذوم
واطلعت رجاء وهي خنقتها العبره وادموعها في اعيونها
نا الحق تريحت واجد من ملام رحاء حسيتها وعتني علي حاجات واجده
وقعدت انفكر والقيت صح كلامها كله صاح
ووافقت عليهم وتاني يوم كان يوم اتفاق الرجاله وحتي هو ح ايجي ونا هذاك اليوم صاريلي خناق عرايس لا وكال ولا شرب ولا نوم امغير قاعجع خايفه لان ح تنقرا فاتحتي علي واحد لا نعرفه ولا يعرفني هكي قطوس في اشكاره
وجت العشيه وحوشنا امعبي رجاله في المربوعه وبعدها سمعنا صوت العرب جو
خالتي فاطمه ؛؛ ايه ايه تعالي تعالي اهم العرب جو تعالي بيش اتشوفي مراد
نا صبيت ونمشي شور الروشن دقه دقه انحس في المسافه بعيده بكل ومعش تبي تكمل نمشي وانحس في قلبي لوطه في الارض نمشي وقلبي ايدق اقريب يطلع من مكان طق طقطقطق دوف دلي دوف دلي دوف دلي دوف دلي دوف دلي دوف
وجيت وصبيت علي روشن ونا انبحت
خالتي ؛ اهو يا ايه اهو
وانا انشوف …………………..
يتبع
اسفه عارفه روحي تاخرت بس عوضكتم وخليتها الحلقه طويله 