مسلسل سعاده كاذبه 

مسلسل سعاده كاذبه
الحلقه 10وبعد كم يوم جا خالد وكلم اميره
خالد؛؛ اميره 
اميره ؛؛ نعم
خالد ؛؛ تعالي نبيك اشويه
اميره ؛؛ اني جايه
وخش خالد لداره وجاته اميره
اميره ؛؛ نعم ياخالد
خالد ؛؛ اميره نبي انقولك موضوع ونا عارفه واعر علي امي بس نبي انقوله لكي ونبيك اتوصليها انتي لامي بطريقتكاميره ؛؛ خير شن في
خالد ؛؛اميره نا فسخت خطبتي
اميره ؛؛ هيييييييييييي ليش شن السبب
خالد؛ ؛ مشاكل صارن وهي مش ح تمشي معي مستقبلا
اميره ؛؛ خالد خليك صريح معي واحكي عليش فسختها راه ماما ح تتعب لو مااعرفتش السبب الاساسي
خالد ؛؛ اميره السبب حاجه اتخصني ونا نبيش انقولهاميره ؛؛ خالد انتي هكي اتحشم في ماما مع العرب احكي عليش بيش كان صارت دوه نعرفو شن نحكو معها ولا السبب انك شفت وحده تانيه وعجباتكخالد؛؛ والله ما السبب هذا يااميره انتي عارفتين ماعنديش فيه جو العلاقات

اميره ؛؛ به ها احكي شن فيه
خالد ؛؛ اميره نا مازالت ماكملت شقتي ومريم اتزر فيا زر علي الفرح وكأني نبي انسيبها وحتي لما امي اتعبتت وحطيت افلوس هي قالت انت مستهتر وماتبنيش وكل مااتحصل افلوس تعطيهن ومعش طلعت الفرح

اميره ؛؛ هيييبيييييي من جدها هذه
خالد؛؛ اها ونا نبيش نحكي لامي الموضوع لان ح تمرض وح تحساب روحها هي السبب ونا يااميره عندي انحط افلوسي علي امي بيش اتعالج واتقعد معانا ولا انحط افلوسي في شقه ونزوج وانسيب امي مريضه

اميره ؛؛ عينها دمعت لان كان كلام خالد واعر وحكه وخنقته العبره

اميره ؛؛ باهي ياخالد تو نساعدو علي الفرح وتو انكلمها وانقوللها اتوسع بالك وتصبر عليك

خالد ؛؛ اميره نا مانبيش مشاكل اكتر من هكي شوفي نا انعني في المشكله من اول ماامرضت امي هي تبي الفرح بسيف وتبي شقه سمحه وفخمه وتبي فرح كبير وفخم نا في النهايه مش قاعد علي بنك روما ليش هكي

اميره ؛؛ قصدك انت وهي خلاص قررتو

خالد ؛؛ هي قالت كان مااطلعش الفرح تو انا في طريق وانت في طريق ونا مانقدرش انطلعه ومن سفرت امي معش حكيت معها علي اساس سيبنا خلاص

اميره ؛؛ خطا الشيء هذا انتو ماخطبتوش بعضكم بروحكم انتو يوم اللي انخطبتو هلي اللي عدو لهلها يعني مفروض رجيتو نين يدخلو الاهل

خالد؛ ؛ اهو عاد نصيب ونا يااميره نبي انحط راسي شيء سنه ونبي اندير شقتي بشويه بشويه وامتي ماانكملها وانوتي افلوس الفرح في هذاك اللحظه نخطب وانطلع الفرح طول لان ماعندي راس نقعد انعني في بنت تانيه جيب سرميكه كذا جيب لون كذا دير ازواق كذا نبي وحده انجيبه وترضي بالوضع

اميره ؛؛ به انت حكيت مع هلها
خالد؛؛ نبي انقولها لعلي وعادل بيش يحكو مع هلها بس خفت امي تسمعها منهم وتزعل نا نبيك اتقوليها لها انتي بطريقتك

اميره ؛؛ والله الموضوع صعب اشويه لان ماما ح اتحسس روحها بذنب

خالد ؛؛ ﻻ ماتحسس انتي قوليها معش تريوح وانها تشرط واجد وتدلع وخالد معش صبر عليها وقال هذا زواج يعني عمر كله معها مش يوم ولاه يومين

اميره ؛؛ به حاضر تو نحكيلها وان شاءالله ايكون قرارك صح وفي محله وان شاء الله خير

خالد ؛؛ ان شاءالله

وطلعت اميره وجتني ولقتني اندير في كاكو في المطبخ
نا ؛؛ شفت اميره وحسيت وجها شين وشايله خبر شين

نا ؛؛ كنه خالد في شن يبيك
اميره؛؛ صاير موضوع يا حنه
نا ؛؛ شن في ان شاءالله خير
اميره ؛ وين خواتك
نا ؛ في الدار يقرن
اميره ؛؛ اها به وخشت اميره وسكرت باب المطبخ وراها ونا استغربت وقعمزت علي الكرسي
اميره ؛؛ ياحنه هذا خالد ……….

وحكتلي الموضوع كله

نا ؛؛ ﻻﻻﻻ عليك بخت بخته
اميره ؛؛ نبي انقولها لماما اصلا هو يبي ايقولها لعلي وعادل بس خايف ماما تسمعه منهم وتزعل

نا ؛؛ اهو الكاكو كمل وتعالي انحطوه ونحكو لماما بشويه وبتدريج مش طب زن طول

اميره ؛؛ باهي بس ساعديني
نا ؛ به بس خليني نعطي لرجاء وايمان كاكو قبل وتو انجيك مانبيش يحضرن الموضوع

اميره ؛؛ احسن

وصبيت نا كاكو للرجاء وايمان وحطيتلهن كيكه وشلتها

رجاء ؛؛ اوووووو عليك عز الكاكو جينا لعند هنا كيف صايره حاجه

ايمان ؛؛ ههههههههههه الحق نا بروحي مستغربه

نا ؛؛ هههههههه حقريات ماينفع فيكن خير نا جبتلك كاكو علشان تقرن بس وكان هذا ماجبتلكن

رحاء ؛؛ نجك يا سموحه وشكرا
نا ؛؛ صار سموحه تو هه
رجاء ؛؛ سموحه واتهبلي والله انا مستغربه انك قاعده لعند تو

نا ؛؛ ههههههه ليش اتحقي فيا عانز

رجاء ؛؛ موضوعك حسيته بدا ايخش علي العنوزه اشويه
قاعده امغير كارسه في هالحوش وخلاص وحتي لما تطلعي اتحطي في هالخمار علي وجك

نا ؛؛ هههههههههه ازوجنا انتن قبل وبعدها نا انحط في الخمار من اوامر خوك ياحبي ولا انتي ناسيه وانتي امغير خوذي الشهاده الثانويه وبعدين حتي انتي يقعد حالك كيف حالي حوش واطياح

رحاء ؛؛ هههههه مستحيل نلابسه الخمار هذا اساس انا امغير ناخذ الشهاده الثانويه بس طول ح نزوج

نا ؛؛ هههههه ليش ضمنتي واحد تو نين اتقولي هكي

رجاء ؛؛ تو اتشوفي
نا ؛؛ قعمزت جنبها

طيح سعدك من من

ايمان ؛؛ بعدك يا ويه شكله افلوس ماايصكر منها بكل طول الليل وهي تحكي معه

رحاء ؛؛ بحتت في ايمان وامرفعه حاجبها
كيف انتي قاعده هنا امغير اتشيلي في الكلام وخلاص

نا ؛؛ ههههههه كني ياحنه اتشوفي فيا نعيمه ولاه شنو

رحاء ؛؛ هههههههههه بالله عليك اذكري حاجه اكويسه
ورن فون رجاء علي هزاز طبعا

رجاء ؛؛ ويه اطلعي اطلعي وسكري الباب وراك
نا ؛؛ ﻻﻻ مانيش طالعه نين اتقولي من ومن امتي

رجاء ؛؛ وحق ربي تطلعي بعدين اكسدو ونحكيلك هيا اطلعي راه انطول ما انرد عليه اديرلي مشكله بعدها

نا ؛؛ اووووووو اخر خايفه منه والله شكلك حبيته يا ارجيوه

رحاء ؛ اطلعي هيا تو لما اتجربي الحب تو تفهمي بعدها يا هم زعماتك مانك امجربتيه

نا ؛؛ باهي به
وطلعت نا
رجاء ؛؛ الو حبيبي
سراج ؛؛ اهلا وينك كنك طولتي مارديتي
رجاء ؛؛ كنت نقرا وجنبي ايه مابيتش انرد عليك قدامها

سراج ؛ ليش
رحاء ؛؛ هكي لان هن ايتهزن عليا
سراج ؛؛ ههههههه قصدك ايه اتهز وتضحك كيف الناس
رجاء؛؛ هههههههه وكنها مش كيف العرب
سراج ؛؛ انحس فيها غامضه ومعقده اشويه

رجاء ؛؛؛ ﻻ بس هي خوافه واجد من خوتي وﻻن حتي انها صايرتلها خخيبت امل من قبل

سراج ؛؛ من من
رجاء ؛؛ قصتها طويله وتو شيء يوم نحكيلك موضوع طويل

سراج ؛؛ مش قالتلك ايه غامضه

رجاء ؛؛ اهو عاد الظروف هن اللي خلنا هكي المهم تو حبيبي انت وينك

سراج ؛؛ في المستشفي واليوم نا اللي ماسك الطوارئ

رجاء ؛؛ اها يعني مش ح نحكو في الليل
سراج ؛؛ اها خلاص حبيبي اليوم نبيك تقري واتريحي
رجاء ؛؛ تم باهي
سراج ؛؛ اوكي اهو الباب ايدق
رجاء ؛؛ سلام سلام
وصكرت رجاء منه

ايمان ؛؛ انا الحاجه الوحيده اللي نعرفه عليه ان اسمه سراج ودكتور

رجاء ؛ ايمان خليك في حالك تحسبني مش فطنلتك طايحه في الاستاذ

ايمان ؛؛ ﻻ ماني طايحه فيه وحتي حكي علي الفون مانحكي معه

رحاء ؛؛ اساس نا مستغربه ليش معش تحكي علي الفون هذا كله خوف من الاستاذ تبي تنجحي واتجيبي درجة الممتاز

ايمان ؛؛ والله القيت القرايه من صالحي خيرلي من تشليط علي الفون طول الليل

رجاء ؛؛ باهي باهي علي اساس
اصلا القعده قدام الوجه تقرف
ايمان ؛؛ قالتها

وطلعت رجاء وشايله معها اكتباتها وخشت دار الضيوف وفرشت اكتبتها وبدت تقرا

خلاص الامتحانات النهائية اقريب

ونا واميره انهدرزو مع ماما
اميره ؛؛ البنات تو بقيات يشرطن من حالهن نبو سرميك كذا نبو ديكور كذا ونبي فرح في موعد كذا شروط شروط وخلاص نين ايخربن بيتهن

نا ؛؛ اها في النهايه تقعد اتبكاء ماني عارفه ليش ليش ناالوحده تحمد ربها وتسكت انها حصلت راجل اكويس

اميره ؛؛ عارفه ياماما خالد له تو فوق من 3 اشهور وهو يشكيلي من خطيبته امورتيه الويل

ماما ؛ هييييييي كنها
اميره ؛؛ تشرط ياماما واجد وهو مال منها خلاص وكل حاجه تبيها فخمه وكلها طلبات نبي هذاك ونبي هذاك

نا ؛؛ بعدك انتي عارفتيها مكتبره ومغروره وشايفه روحها علي الفاضي

ماما ؛؛ كيف هو يشكي علي اساس شنو

اميره ؛؛ علي اساس خلاص كبده فاضت ويبي يفسخ الخطوبه وقال هذه ماتمشيش معي ونا نبي انعيش مع وحده امقدرتني مش انعيش مع وحده تشرط عليا

ماما ؛؛ والله كان حكلك اخر قوليه وسع بالك وانتي يااميره خوذي فون خوك واحكي معها

اميره ؛؛ ماما الامور هذين نقدرش نحكي فيهن صعبات لان هذا زواج واستقرار وبني عائله

وبعدين راه قالي له مده معش يحكو مع بعضهم تقريبا افسخو الخطبه

ماما ؛؛ هييييييييييي ليش الدوه هذه عيبه في حق الناس

نا ؛؛ ماما البنت هي اللي غالطه في حقه مش هو اللي غالط انتي عارفه ان خالد هادي و محترم واصل هي ابرمت عليه برم

وقعدنا نقنعو في ماما نين خذت الامر بسهوله
وبعد كم يوم مشي علي وعادل لهلها واعتذرو منهم

والبنات بدن في الامتحانات

وفي يوم في الصبح اوعيت علي صوت بكاء
والقيت رجاء تقرا وتبكي

نا ؛؛ رجاء كنك
رجاء ؛؛ خايفه من الماده وانحس في روحي املخبطه فيها

نا ؛؛ باهي خلاص سكريها وصبي غيري دبشك وصلي وتعالي افطري وراجعي بعدها

رجاء ؛؛ باهي

وصبت رجاء وعدت لحمام وخشيت لدارهن والقيت ايمان حتي هيا تقراء

ايمان ؛؛صباح الخير ويه ديرلي قهوه وراسك
نا ؛؛ هههه صباح النور حاضر تو انديرلك

ومشيت وتيتلهن سفرة فطور طبعا ايمان افطرت اكويس بس رجاء من ضياق العلم ماافطرتش اكويس

ونزل علينا عادل

عادل؛؛ صباح الخير
نحن؛ ؛ صباح النور
نا ؛؛ انصبلك قهوه
عادل ؛؛ اها صبيلي وهيا اللي كملت فطورها اتعدي اتولع السياره

ايمان ؛؛ هات هات تو انولعها انا

وخذت ايمان المفتاح واطلعت ابسرعه

عادل ؛؛ رجاء كنك تبكي علي الصبح
رحاء ،؛ علي الماده واعره
عادل ؛؛ اها باهي خلاص سكري معش اتلخبطي روحك واجد اليوم اخر يوم صح في الامتحانات

رجاء ؛؛ اها

نا ؛؛ باهي ربي ايوفقكن ان شاءالله

ووعت ماما وخشت قعمزت معنا في المطبخ
عادل ؛؛ تبي حاجه ياامي
ماما ؛؛ ﻻﻻ سلامتك بس راه خواتك يبن هالسوق يبن يشرن دبش علي هالصيف اللي خش

عادل ؛؛ ييييييي نا ماانحبه بكل طلعت السوق اللي يبنها ايقولنها ليا ونا تو انجيبلهن لعند هنا

ماما ؛؛ كنك ياعادل هن ضروري يمشن كنك انت يبن يختارن بروحهن وايقيسن

عادل ؛؛ باهي اللي تطلع تلابس خمار وراه نبي انشيلهن للمحلات معينات
ماما ؛؛ باهي ساهله
وطلعو

ماما ؛؛ ويه كذا مديلي طاسه نبي انصب شاهي
نا ؛؛ به حاضر

وصبيت ومديتلها الطاسه

ماما ؛؛ ويه نبيك في موضوع

نا ؛، نعم ياماما شن في

ماما ؛؛ ويه انتي جيانك عرب يخطبو فيك
نا ؛؛ امتي جو
ماما ؛ هم مازالو ماجو بس هم دزولي وحده
نا ؛؛ ماما نا حاليا نبيش نزوج
ماما ؛؛ وليش ياابنيتي وسعي بالك مش كان مرتي بمرحله شينه تحسابي الناس كله كيف بعضها

نا ؛؛ ماما نبي نقعد معاك هنا
ماما ؛؛ ابنتيتي نا نبي انتريح عليكن ونا اللي عندي اللي تمشي تمشي وانتي بذات نبي انتريح عليكي ونا عارفتك انتي واخذه ارضي ولدين ومش ح تتعبي اخر ساد ماشفتب وانتي اصغيره
نا ؛؛ ماما والله ماعندي نيه ننخطب اخر وانخش في وجيج متعب
ماما ؛؛ انتي حربي شن خاسره راه الناس مش كيف بعضها مش كان واحد غلط يعني الماس كلها تغلط

نا ؛؛ باهي من وولد من وشن خدمته
ماما ؛؛ دكتور بس ………

نا ؛؛ بس شن
ماما ؛؛ مطلق وعنده عويل

نا ؛؛ اخر مطلق ﻻﻻﻻﻻﻻ مستحيل نرضي هذه نهايتي ناخذ مطلق ومرات ايجيني وايقولي نبي انرد مراتي ﻻﻻﻻﻻ ياماما عندي نا قعدتي هنا جنبك بدنيا ومافيها نا عندي انوحس لكي ولا انحوس لراجل مطلق هو واعياله

ماما ؛؛ ايه راه راجل اكويس ومحترم

نا ؛؛ ماما كان هو اكويس راه مسك مراته وتحمل علي خاطر عويله وانتي عارفه الصبايا ما ايخربنش علي روحهن الا لما يلقني الراجل مش مناسب لهن وياريت ياماما تنسي الموضوع هذا لاني مانبيش ننخطب خلاص

ماما ؛؛ به ربي يهديك ان شاءالله

وصيت وبرمت علي الحوش ووعت اميره ودارت الغداء وروحن للبنات من المدرسه وطيرات من الفرحه
نا ؛؛ رجاء شن صار في الماده حليتي
رجاء ؛؛ الحمدالله علي قد الخوف اللي كنت خايفه منها علي قد الحل اللي حليته حل ايهبل
وخشن غيرن دبشهن وحطين الغداء وجت القايله

ايمان ؛؛ ويه تعالي نبيك
نا ؛ نعم
ايمان ؛؛ تعالي
وخشيت معها للدار وخشينا في سرير واحد

ايمان ؛؛ عارفه الاستاذ اللي نحكيلك عليه
نا ؛؛ كنه شن صار اخر
ايمان ؛؛ اليوم جتني وحده وقالتلي عليه وقالتلي راه يبي ايجيب هله

نا ؛؛ كيف انتي تحكي معه
ايمان ؛؛ ياهمي كان نحكي معه راه قالها ليا هو ابروحه
نا ؛؛ وليش ماحكيتي معه
ايمان ؛؛ لان زمان جا يبي يحكي معي سكرتها له في وجه وقالته ماعنديش فون وهلي راقضين اندير فون وهو حسها شينه في حق هلي ايديرلي فون من وراهم
نا ؛؛ باهي والله اكويس
وخشت علينا رجاء وبعدها اميره
تي فيش تحكن انتن وكلنا خشينا في سرير واحد وقعدن نحكو

وحكت ايمان موضوعها

نا ؛؛ اتصدقن يا بنات جايني واحد بعياله يخطب فيا
رحاء ؛؛ هههههههههههه هذه نهايتها بعياله
نا ؛؛ ههههههههههههه شفتي بختي العطيب

خطرها يا رجاء هيا احكيلي من اللي تحكي معه
رجاء ؛؛ دكتور سراج دكتور ماما
نا ؛؛ هيييييييييي سراج اللي ايهبل هذاك
رجاء ؛؛ هههههههه شفتيه ايهبل صح
اميره ؛؛ نقامه ايهبل وكيف طيحتيه
رجاء ؛؛ هههههه والله ماطيحته القيته طايح ابروحه ويوم اللي قعدت في المستشفي اوحدي جا هو وسهر معي لعند الصبح

ايمان ؛ ههههههههههههه والله عارفتك مش ح اتكسدي اوحك في المستشفي
اميره ؛؛ حتي نعيمه عارفتك وقالت مش ح اتﻻيح روحه البنت هذه

نا ؛؛ عارفينك وجاجه واتخبي الوجيج

رجاء ؛؛ يامظلوم معاك الله والله ماخطتت لموضوعه بكل هو اللي طايح بكبده عليا
اميره ؛؛ باهي هيا عيا احكي شن اللي صاير بالتفصيل
وحكت رجاء الموضوع كله
وقعدن انهدرزو مع بعضنا ونضحكو لعند العشيه وجت مروه مرات علي واقعدت اتهدرز معنا

ومعش قدرنا نطلعو لسوق

وعند المغرب

ودق الباب

اميره ؛؛ تو نطلع انا اقعدن انتن

وصبت اميره ؛؛ ولقت مراه وخششتها في دار الضيوف

ونا والبنات متفاجات من اللي جينا تو وشن يبي

وجتنا اميره تجري

اميره ؛ماما مراه غريبه تبيك
ماما ؛؛ الطف من الغريبه هذه

وسقمت روحها وخشت عليها