فيروز

الفصل الثلاثون
مازن وصل البيت عند فيروز ومعاه مرام
فيروز كانت صاحيه بتخلص حجات ف المرسم بتاعها شافت مازن داخل ومعاه بنت قلقت راحتلهم
مازن فيروز اعرفك بمرام..  مرام دي فيروز اختي
مرام اعجبت جدا بشكل فيروز
فيروز بضحكه صافيه ازيك ي مرام
مرام بهدوء كويسه
فيروز تعالوا ندخل الجو برد
ف اللفينج
مازن ممكن تحكلنا حكيتك ي مرام عشان نقدر نساعدك
مرام بهدوء انا بنت وحيده ابويا وامي اتوفوا من 10 سنين قعد مع عمي وكملت دراستي وجيت هنا بمنحه خلصت كليتي وبدور ع شغل
فيروز طب ليه مرجعتيش لعمك
مرام عوز يجوزني ابنه غصب عني وانا مستحيل اتجوزه
مازن بغموض ايه المستحيل فكدا
مرام بصتله وبدموع فعينها عشان حاول يعتدي عليا كذا مرا عشان هو انسان زباله وانا مستحيل اتجوز واحد زي دا
فيروز طبطت عليها انتي عندك كام سنه ي مرام
مرام 24 سنه
فيروز ياااه صغننه بصي تعالي نطلع فوق اوضي ننام تمام
مرام انا ممكن انام هنا او امشي مش عوزه اعملك ازعاج
فيروز لا يستي مفيش ازعاج هتنامي معايا انهاردا وبكرا هظبطلك اوضه من آوض الولاد
مرام طب وجوز حضرتك
فيروز انا جوزي مسافر يستي قومي معايا عن اذنك ي مازن
مازن اتفضلوا
ف اوضة فيروز
مرام كانت مبهوره برسم فيروز بجد حضرتك رسمك حلوا اووي
فيروز والله ماحد حلو غيرك
مرام ممكن اسالك سؤال
فيروز اتفضلي
هو انتي ليه رسمه اللوح دي كلها انا لحظت ان في كل ركن لوحه
فيروز بصي يستي انا حمزه ال هو جوزي ع طول مسافر تمام مش عوزه ولادي ينسوه برسمه دايما وهما معاه عشان ع طول فكرينوا
مرام انتي ست عظيمه والله
فيروز ضحكت شكلك بكاشه انا هحضرلك عشا واجي ع طول
مرام انا متعشيه والله ف المطعم بس انا محتاجه انام
فيروز براحتك يلا ننام
سليم انتي هتعملي المعرض هنا ولا ف فنيسيا
فيروز انا فكرت وقلت نعمل واحد هنا وال انا فهمتوا انه مهتم ب الرسم جدا فبعتله دعوه وصدقني هيدعيني لبيته عشان ارسمه
مازن لا تفكيرك بقا مخابرات خالص
فيروز بغرور مصطنع طبعا يبني
سليم انا قلقان عشان الولاد
مازن متخفش انا هأمنهم هما ومرام كويس
سليم سوري مرام مين
فيروز ضحكت دي بنت مصريه مازن سعدها امبارح وهيا حاليا نايمه فوق
سليم بتهزر ي مازن واي حد تدخلوا بيتنا كدا افرض جاسوسه ولا حاجه
مازن انا مش اهبل وبعدين انا بحثت عنها ولقيت كل حاجه تمام
ف الوقت دا مرام كانت نازله علي السلم فيروز شافتها صباح الخير
مرام باحراج صباح النور
فيروز تعالي ي مرام دا سليم ابن عمنا واخونا
مرام قعدت جمب فيروز..  اهلا بحضرتك
سليم اطمن لما شافها حس انها فعلا بريئه ازيك ي مرام
مرام كويسه
فجاه سمعوا صوت عياط وباب الفيلا بيتفتح
ملاك بعياط ماما اسر ضربني
مرام بصت عليها لقت بنت كيوته خالص شبه فيروز جدا بنفس لون العين والشعر والجمال
فيروز قامت وخدتها فحضنها ضربك ليه
اسر من وراها الانسه بتكلم شباب عادي واخدت شكولاته من ولد
مرام شافت ولد شبه حمزه جدا بس استغربت من تصرفوا
سليم ومازن ضحكوا
فيروز نعم ي عسل ودا سبب يخليك تضربها
اسر طبعا انا راجلكم هنا عبال ما بابا يجي من السفر صح ي خالو
مازن طبعا ي حبيب خالو
فيروز حسابك معايا بعدين ي مازن.. وانت ي استاذ اسر بابا لو كان هنا مكنش هيضربها بالعكس كان هيفهما براحه ان دا غلط وبعدين عشق فين
مرام كانت قاعدا مبرقه من الشبه ال بين فيروز وولادها
عشق ان هنا ي ماما
فيروز ينفع كدا ي عشق ليه خلتيه يضربها
عشق احنا كنا ف الباص ف زياد صاحب اسر ادي لملاك شكولاته هيا اتحرجت منه واخدتها الاستاذ اسر زعقله وضرب ملاك بالقلم ملحقتش اعمل حاجه هو عامل علينا راجل
اسر انا راجل غصب عنكم .
فيروز بزعيييق اسر اتلم ودا اخر انذار ليك لو شفتك بتمد ايدك ع حد من اخواتك هيبقا لي تصرف معاك انا لسه ممتش لما اموت ابقي اضربهم
اسر ماما ..
فيروز اسكت اطلع فوق يلا مش عوزه اشوفك
اسر الدموع اتجمعت ف عنيه سبهم وطلع
فيروز عشق خودي ملاك واطلعوا اوضك
عشق حاضر
مازن وسليم كان هيفرقعوا من كتم ااضحك.
فيروز بصت لمازن بنص عين اتفضلوا تربيتكم
مازن وسليم فضلوا يضحكوا
مرام بذهول ممكن اسال سوال
فيروز اسالي
مرام هما التلات ولاد دول ولادك
فيروز اه ليه
مرام اصل مش باين عليكي خالص انا كنت بحسبهم اخواتكمازن بغرور مصطنع يبنتي احنا مبيبنش علينا السن احنا شباب وبعدين روز طول عمرها وتكه مش هيبان عليها
فيروز ضحكت شكرا ي سيدي تعالي معايا ي مرام نظبط ليكي اوضة عشق
مرام بهدوء انا مش عوزه ازعج حضرتك ولا الولاد خليهم براحتهم
فيروز وقفت مفيش ازعاج يستي بصي انا هاخد ملاك تنام معايا وانتي خليكي ف اوضتها
مازن صح هما اطفال زي بعض
مرام بغيظ انا مش طفله انا كبيره
مازن ضحك بسخريه
فيروز اتخنقوا وانا هطلع اشوف البيه
سليم براحه عليه شويه ي فيروز
فيروز دا ابني ي سليم مش هتوصيني عليه
عند اسر كان قااعد ع سريره وكان هيعيط
فيروز قعدت قدامه وبصتله
اسر ماما انا اسف
فيروز انت عارف انك غلط صح
اسر عارف بس انا بحبها جدا وبغير عليها واتعصبت لما لقيت حد بيقرب منها
ملاك واقفه ع باب الاوضه وانا كمان بحبك ي اسر والله وانا اصلا مش بحب زياد دا انا اخدها منوا عشان ميتحرجش بس كنت هاجي واقلك انا ماليش غيرك اصلا وبدموع متزعلش مني
اسر لما شاف دموع اختوا قام وجري عليها واخدها فحضنوا خلاص ي ملاكي مش زعلام متعيطيش بقا
ملاك حااضر
فيروز كانت قاعدا بتتفرج علي عيالها وعينيها دمعت..
اسر وملاك راحوا حضنوها وهيا ضمتهم ليها جامد
عشق خياااانه وجريت عليهم ووقعوا ع الارض وفضلوا يضحكوا ويزغزغوا فيروز
فيروز بضحك بس ي جزامم اه بغيررر وحضنتهم كلهم ربنا مايحرمني منكم
علي الغدا كانوا متجمعين
فيروز اعرفكم ي ولاد بطنط مرام صحبتي وهتقعد معانا فتره
عشق وملاك سلموا عليها بادب واسر باسها فخدها
مرام ضحكت مشي ي سي اسر بس متتكررش عشان عيب
اسر لا مش عيب دي بوسه بريئه
مازن فطس ع نفسه من الضخك
فيروز بصدمه مين ال قالك كدا ي اسر.
اسر خالو مازن كان بيسلم ع المس بتاعتي وباسها فسالته قالي كدافيروز بصت لمازن بغيظ قدوه مشرفه يبني
كلهم ضحكوا
تاني يوم
فيروز بتسلم ع ولادها خلي بالكم من نفسك ومن طنط مرام
الولاد حاضر
مازن عمو ياسين هيجي هو وجودي يقعدوا معاكم تمام
اسر ضحك تمام ي خالو.
ف القاعه ال فيها المعرض
جاسمن سكرتيرة فيروز … مدام فيه صحافه وعوزه تدخل
فيروز اعتذرلهم ي جاسمن انتي عارفه اني مانعه الصحافه
مازن قرب عليها فيروز شكري وصل اهو
فيروز تمام وراحت عليه اهلا اهلا شكري بيه
شكري بصلها باعجاب واخد ايديها باسها اهلا بمدام فيروز
فيروز بابتسامه صفرا شرفتني بوجودك
شكري انا انسان بحب اقدر الفن وانتي من الناس الموهوبه
فيروز دي شهاده اعتذ بيها اقدملك جاك مدير اعمالي
“مازن هو جاك ”
جاك اهلا اهلا مستر شكري
شكري اهلا بيك مستر جاك
ف نص الحفله
شكري انا مطر استاذن مدام فيروز
فيروز بصوت انوثي هتسبنا بدري كدا
شكري سوري انا مطر
فيروز طب دا الكارت بتاعي فيه ارقامي الشخصيه لو حبيت اعملك اي لوحة او حاجه
شكري دا شي يشرفني
فيروز هستنا حضرتك
بعد ما مشيي
مازن هيتصل
فيروز يومين بالكتير صدقني
مازن يلا بينا عشان الولاد وحشوني
فيروز بنص عين الولاد ولا مرام
مازن بلخبطه هااا
فيروز ضحكت امشي ي مازن امشي
روحوا البيت لقوا الجو هادي
فيروز بقلق في ايه الولاد فين
مازن مش عارف تعالي ندور عليهم
فيروز بانهيار مش لقيهم ي مازن ولادي فين
مازن اهدي كدا وكان هيرن ع ياسين لقي باب البيت بيتفتح وداخل منه سليم ومعاه مرام والولاد
فيروز جريت ع ولادهم وخدتهم ف حضنها وبتعيط
سليم اهدي ي فيروزمازن بعصبيه كنتوا فين وازاي مقولتليش انكم برا انت مش عارف الوضع ال احنا فيه
وانتي ي انسه مرام ازاي تخرجي من غير ماتقوليلي  هااا
سليم اهدي ي مازن مرام كانت محتاجه تجيب هدومها وحجاتها من السكن واخد الولاد معانا عشان مسبهمش لوحدهم
مرام الدموع اتجمعت ف عنيها من قسوة مازن عليها
اسر ماما اهدي مكنش ينفع اسيبها لوحدها مش انا الراجل بتاعكم
فيروز مسحت دموعها صح ي حبيبي اطلعوا يلا خودوا شور وانا ومرام هنحضر لكم العشا يلا
مرام انا اسفه ي فيروز اني قلقتك عليهم
فيروز مسكتها من ايديها متتاسفيش ي ميمو انا بس اعصابي كانت تعبانه واي حاجه بخصوص الولاد بتهور ع طول تعالي ع المطبخ نحضر الاكل عشان زمانكم جعانين يلا
مازن حس انه جرحها من نظرة عينيها
سليم شكلك طبيت ي مازن
مازن هاا طبيت ايه دي زي اختي يبني
سليم بنص عين عليا انا
مازن اتوتر لان فعلا كلام سليم صح هو اتشدلها من اول ماشافها ومش عارف هو جبها هنا وسط اهلوا ازاي مكنش هيطمن عليها وهيا بعيد عنوا
سليم ضحك طب تعالي نساعدهم وحاول تعتذر ع ال  انت عملتوا دا
مازن يلا بينا
علي العشا الكل كان ساكت ومازن مش عارف يتاسفلها ازاي
بعد العشا الكل طلع اوضوا ما عدا هيا كانت ف المطبخ
مازن راح المطبخ بحجة انه يشرب…  مرام
مرام بصتلوا بهدوء نعم
مازن انا اسف ع الطريقه ال كلمتك بيها بس كنت قلقان خوفت ال يكون حصلك حاجه انتي والولاد
مرام بوجع متتاسفش ي مازن دا حقك انا واحدا غريبه عنكم فاكيد لما جيتوا وملقتهمش فكرتوا اني خطفتهم صح وبعدين دمعت
مازن محسش بنفسوا غير وهو بيشدها لحضنوا هش بطلي عياط انتي واحدا مننا احنا كنا قلقانين عليكم والله الاحتمال دا مجاش ف بالنا
مرام تاهت عن الدنيا كانت حاسه بالامان بس بعدين حست بنفسها بعدت عنوا ووشها احمر من الكسوفمازن ضحك وبهدوء بعد كدا متخرجيش من البيت الا اما اعرف فهمتي
مرام هزت راسها بنعم وجريت ع فوق
مازن ضحك شكلي هطب فعلا
مرام طلعت وفضلت تضحك حست بقلبها هيتفجر من كتر الدق

بعد يومين كانوا كلهم متجمعين
سليم عدي يومين ومرنش
فيروز كانت بتعلم ملاك الرسم هيرن صدقني
مازن يخربيت برودك ي شيخه
فيروز حدفته بالمخدا اتكلم معايا باسلوب احسن من كدا
مازن ردلها المخدا اتلمي انا اخوكي الكبير
فيروز كانت هتردهلوا بس تليفونها رن اخدتوا ودخلت المكتب
بعد 10 دقايق خرجت وعلي وشهاا ابتسامة نصر مش قلقتلكم هيرن
مازن وسليم بلهفه قلك ايه.
فيروز هسافر بكرا فينسيا عشان ارسموا هو وخطيبة ابنو
مازن كل حاجه بقت تمام انا هروح اخلص حجات عبال ماتحضرلنا الشنط
فيروز تمام
سليم كان فرحان جدا وفضل يدعي ربنا بان كل حاجه تتمم ع خير
تاني يوم
نور بضيق بس انا مش حابه اترسم ي مراد
مراد معلش ي نور بس عشان خاطر بابا
نور حاضر هجهز نفسي وانزل اتفضل يلا
مراد بخبث اتفضل ليه ماتجهزي وانا واقف
نور انزل ي مراد خلص انا خلقي ف منخيري
مراد براحتك ي جميل كلها ايام واتفرج براحتي
نور ضحكتله ضحكه صفرا وهو نزل
ف الجنينه تحت فيروز كنت مغيره فشكلها عشان مراد ميعرفهاش بس مازن كان بطبيعتوا لان محدش يعرفوا
فيروز كنت بتتكلم مع شكري بعمليه وهو بيبصلها بانبهار بجملها وذكائها بس فجاه فيروز وقفت عن الكلام لما شافت عشق الدموع اتجمعت فعنيها وكانت هتجري عليها بس مازن مسكها من كتفها
شكري احب اقدملك نور سفيان بنت اخويا وخطيبة مراد ابني
نور(عشق) حست بحاجه غريبه لما شافت فيروز بس حولت ميبنش عليها
فيروز سلمت عليهم بطريقه عمليه وبدأت شلغها
بعد ساعه فيروز انا بقول ناخد بريك
شكري تمام انا هدخل المكتب اعمل مكالمه واجيلكم
فيروز تمام ي شكري بيه
مراد معرفش فيروز لانها كانت مغيرا شكلها جدا فستأن منهم
نور اول ما مراد مشي بصوت هاددي فيرووز ومازن
فيروز بصتلها بصدمه هيا ومازن
عشق اهدوا كدا لان احنا مترقبين
مازن عشق حبيبتي انتي فاكرا
عشق ايوا فاكرا ي ميزو الذكره رجعتلي يوم ماشوفت سليم ف المستشفي
مازن كدا انتي سهلتي علينا حجات كتير
فيروز اخيرا اتكلمت وحشتيني
عشق عيطت انتي وحشتيني اكتر
مازن متعيطوش تمام هنخرج من هنا وهنرجع لحياتنا تاني اهدوا كدا
عشق وفيروز مسحوا دموعهم وشكري ومراد رجعوا عدي بقا اليوم عادي
فيروز ممكن ي انسه نور رقمك عشان لو حبيتي اني اساعدك فحاجه
شكري طبعا ي مدام فيروز نور حتي معندهاش صحاب وهتحتاج حد معاها الفتره دي
نور اه صح واتبدلوا الارقامرجعوا الاوتيل وفيروز كلمت سليم وحكتلوا
مازن انشاء الله هننقذها قريب
بعد اسبوعين كان شكري عامل حفله وعازم فيروز ومازن بس سليم مقدرش يستني وراح معاهم لان كان يوم الهجوم لانهم عرفوا انه هيسلم السلاح ف وسط دوشة الحفله
اليوم دا مروان صحي من النوم مفزوع
هاجر مالك ي حبيبي فيك ايه
مروان مش عارف حاسس ان حد من اخواتي هيحصلوا حاجه
هاجر شدته لحضنها متخفش انا حاسه ان احنا هنلاقي فيروز قريب ومازن انت بتطمن عليه كل فتره
مروان نام فحضنها ي ريت ي هاجر انا كل ثانيه بتعدي عليا من غيرها بموت
هاجر طب متتكاش عليا جامد لاني ممكن اولد منك دلوقتي
مروان ضحك انتي واختك فنفس اليوم صح هتهبلونا انا والواد خالد
خالد وحمزه كان عندهم نفس الشعور فيروز هيحصلها حاجه فضلوا يدعلوها
في فينسيا فيروز انا كدا تمام
مازن انا جهزت كل حاجه والقوات جاهزه ومعاهم ياسين
سليم يلا بينا
وصلوا الحفله وسليم كان هيجري ع عشق يخدها فحضنوا بس مازن مسكوا وحاول يهدي نفسوا
عشق كانت فرحانه جامد
مازن بعد عنهم عشان يراقب كل حاجه وجه فعلا وقت التسليم والقوات هجمت عليهم
مراد اخد عشقي وكان هيجري بس سليم هجم عليه وفضلوا يضربوا بعض بس مراد اتمسك وعشق جريت ع سليم وحضنتوا
مراد بصدمه انتي عارفه كل حاجه
عشق بكره اه عرفت وافتكرت ايه كنت فاكر ان الذاكره مش هترجعلي انا بكرهك ي مراد بكرهكفيروز كانت مع القوات بتضرب كل ال بيقبلها كانت بطلع غلها فيهم لحد م اخدت رصاصه ووقعت مغمي عليها
مازن جري عليها وشالها وودها ع الاسعاف بسرعه كانوا ف الوقت دا قبضوا علي العصابه كلها
حمزه ف الوقت دا حس بالم فظيع فقلبوا فضل يدعلها
ي رب احميها ونبي ي رب احميها ورجعهالي يارب
فيروز دخلت العمليات وبعد ساعتين خرجت
اول مافتحت عينيها لقتهم كلهم متجمعين
اتلكمت بصوت مغيب عن العالم حمزه.. ولادي..  عشق
عشق بحنان انا جمبك ي فيروز وبصدمه بس مين حمزه ولاد مين انتي خلفتي من غيري
فيروز رجعت نامت تاني
سليم ومازن اهدي كدا واحنا هنفهمك وحكولها كل حاجة
عشق بدموع طول عمرها متعذبه عمر ما الدنيا فرحتها
مازن خلاص احنا هنتجمع وهنرجع عيله واحدا زي زمان مفيش حاجه هتفرقنا غير الموت
يتبع…
“نسمه الشيخ”