شر انتقام

مرت الايام وعزيز يتقرب من سحر اكتر واكتر لين كسب ثقتها وارتبطو

في يوم كانو عزيز وسحر في كافيه ويهدرزو

جتهم بنت باين عليها مش تمام

البنت : عزييز ?

ارتبك عزيز وشافلها

عزيز : عفوا ؟

قربت منه وجت بتسلم ، بعد عنها

عزيز : نعرفك انا ؟

البنت : هههههاي نسيتني بـ هالسرعة نسيت ايامنا في تونس

ارتبك بزياده و قعد يتصبب العرق منه

شافت البنت لسحر

البنت : وحده جديده ؟ شكلها محترمه لكن ، هههههاي ولا من برا بس

وقفت سحر بغضب

سحر : هيه ياانتي احترمي روحك وشدي فمك هذا كان عندك احترام اصلا ?

عزيز : انتي شكلك ماتتحشمي

وشد البنت من يدها ومشا بيها

لحقتهم سحر بدون مايحسو

وقف بيها في مكان مظلم

عزيز : شن الي درتيه هذا فضحتينا

البنت : لكن استااحشتك يابيبي

فجأة عزيز غير نبرة صوته

عزيز : خلاص هيه انتي صدقتي روحك اطلعي برا اطلعي

وطلعها برا

سحر رجعت لمكانها بسرعه

جاها عزيز

عزيز : شكلها وحده مجنونه ماتعدلي

سحر : اه

عزيز : بنقولك حبيبي اليوم بنقفل تليفوني ماتتصلي

سحر : ان شاء الله خير علاش بتقفله

عزيز :والله متعارك مع خوي ومانبيش انكلمه

سحر : امممم اوك مابنتصل ، وامتى ماتنحل المشكلة كلمني

عزيز : ربي يحفظك ليا وخلاص ?

سحر : وليا

رن تلفونها شافت المتصل ورفعت راسها

سحر : هي حبيبي بنمشي هاجر جتني

عزيز : تمام حبي ديري بالك ع روحك هلباا

ابتسمت ومشت

ركبت في السيارة لقت هاجر تتكلم في التليفون

هاجر : ي قلبي انت ، والله مانقدر ع زعلك ، خلاص امالا غدوة نتلاقو ، حتانا بااي

وقفلت الخط

بدت سحر تقلد فيها

سحر : ي قلبي مانقدر ع زعلك ??

ضربتها هاجر ع كتفها

هاجر : مبردك ?

سحر : ع فكرة دمه خفيف اكتر منك

هاجر : منو ؟ حبيب

سحر : من غيره ، ولا عندك خطيب ثاني

هاجر : خزوو والله الا دمي اخف منه

سحر : تي نبصر الزوز عسلات

هاجر : نحبه ?

سحر : حبك برص روحي بيا يلااا

هاجر : عدوة الحب والمحبه ? اه نسيت هاك تحبي حتى انتي ??

سحر : اي نعرف خلاص هاجر مكتر كلامك يالله ياريتني جيت بسيارتي ارجل ??‍♀

هاجر :ارجل ولا اسون ??

حطت سحر يدها ع باب السيارة و بتفتحه

هاجر : بتنتحري ? احي بعدها مع من بنهدرز عادي حبيب قاعد ي خيتي سلمه ، لكن من بيساعدني في عرسي اسمعي سحر نكمل عرسي بعدين انتحري عادي ، اه لالا حرام انتي صاحبتي نجك لي الحب ديالي ?

حطت سحر يدها ع راسها

سحر : وووووك راسي بيتفجر اسكتي اسكتي

هاجر : شن قلت انا توا ماتشوفي فيا ساكته من مبكري
?

سحر : اه يا ربي النجدة help الحقوني

وقفت هاجر السيارة

هاجر : احي خيرك ?

نزلت سحر وركبت مكان هاجر وانطلقت وهاجر تهدرز وتهدرز ??

< طبعا سحر وهاجر هدرزتهم ماتم ??‍♀ >

===========================
عند عزيز

واقف مع سراج ويهدرزو

لوح سراج الدخان

سراج : ياسرك فوتها

شافله عزيز

عزيز : مازال ماشافت شئ

وخدا جبده من الدخان

سراج : بتكشفك و تطيح ع راسك ، زي ماصارلك اليوم

حط عزيز يده ع كتف سراج

عزيز : صاحبك شديد ماينخاف عليه

سراج : صاحبي ماشي في الطريق الغلط !

عزيز : نمشو ونردو وين المشكله ؟

سراج : البنت واعرة ياعزيز و ح تندمك

عزيز : في النهاية بنت وماتقدر أتدير شي

سراج : البنات الي تحكي عليهن وحده منهن جاباتك ع الدنيا راه

عزيز : اووه علينا اطلع من راسي نعرف شن ندير مانيش عيل

هز سراج راسه بإسف وطلع

============================

بعد ساعات

قعدت سحر ع سريرها وتفكر علاش عزيز قال للبنت فضحتينا كان حق مجنونة شن بتفضح وعلاش ارتبك هك بعد جات حست ان في غلط في الموضوع

قررت تتصل بيه وتفهم شن الي صاير فتحت التليفون واتصلت

طلعلها مشغول نزلت التلفيون من اذنها بإستغراب ! كيف مشغول مش قال بيقفله التلفيون ؟
شافت للساعه لقتها 3 الفجر مع من مشغول في هالوقت عاودت مرتين لقاته مشغول عاودت المره الثالثه لقاته مقفل ! انتابها الشك وقعدت تفكر لين رقدت

يوم جديد

هاليوم مر طويل ع سحر وهي تفكر في عزيز معقولة عطت قلبها بعد هالسنين كلها للشخص الغلط ، تفكر كيف تتأكد من صحة شكوكها وفجأة خطرت عليها فكرة…

و مر اليوم ع عزيز وهو راقد ولا ع باله نهائيا

في ليل

بينما كانت سحر تستعد للنوم اتصل بيها عزيز

عزيز : استااحشتك اليوم و مر يومي طوويل واني ميتت شوق عليك ، شن رايك غدوة نفطرو مع بعض

سحر : اه ، اي ياريت والله

عزيز : اوك تو نبعتلك اللوكيشن ونتلاقو غدوة

سحر : تمام ي حبي ?

سكرت الخط وهي مصممه انها غدوة ح تنفذ خطتها !

=========================

رايكم يهمني صوتو عشان اكمل

error: